របៀបដាក់ប្រាក់ចូលគណនី ABA

មានមធ្យោបាយងាយស្រួលជាច្រើនដែលអ្នកអាចដាក់ប្រាក់ចូលគណនី ABA បាន។ អ្នកអាច

ដាក់ប្រាក់នៅម៉ាស៊ីនដាក់ប្រាក់ (CiM) និងម៉ាស៊ីនដក-ដាក់ប្រាក់ (CRM) ABA តាមបណ្ដាសាខា និងទីតាំងស្វ័យសេវា ABA 24/7
ទទួលប្រាក់ពីអ្នកប្រើ ABA ដូចគ្នា
ទទួលប្រាក់ពី Wallet ទ្រូម៉ាន់នី PiPay បាគង ឬ
ទទួលប្រាក់ពីអតិថិជនធនាគារផ្សេងដែលជាសមាជិកនៃគម្រោងបាគង។

សូមមើលព័ត៌មានលម្អិតខាងក្រោម!

ដាក់ប្រាក់ចូលគណនីរបស់អ្នកយ៉ាងងាយស្រួល និងឥតគិតថ្លៃនៅម៉ាស៊ីនដាក់ប្រាក់ ABA (CiM) ឬម៉ាស៊ីនដក/ដាក់ប្រាក់ (CRM) តាមបណ្ដាសាខា និងទីតាំងស្វ័យសេវា ABA 24/7 ទូទាំងប្រទេស។ ដើម្បីដាក់ អ្នកគ្រាន់តែប្រើកាត ABA (សម្រាប់ម៉ាស៊ីន CRM) ឬស្គែនកូដ QR នៅលើអេក្រង់ម៉ាស៊ីនជាមួយកម្មវិធី ABA Mobile (សម្រាប់ CRM និង CiM)។
ដឹងបន្ថែមអំពីឧបករណ៍ដាក់ប្រាក់យើងខ្ញុំ ត្រង់នេះ

ផ្ទេរពី ABA ទៅ ABA ជាមធ្យោបាយដ៏ងាយស្រួល និងពេញនិយមបំផុតក្នុងការទទួល ឬផ្ទេរប្រាក់។ អ្នកអាចទទួលប្រាក់ផ្ទេរពីគណនី ABA ផ្សេង បានគ្រប់ពេលវេលា និងគ្រប់ទីកន្លែង។ រហ័ស ងាយស្រួល និងឥតគិតថ្លៃ!
ដឹងបន្ថែមអំពីរបៀបផ្ទេរប្រាក់ពីគណនី ABA ផ្សេង ត្រង់នេះ

យើងខ្ញុំគាំទ្រការផ្ទេរប្រាក់ឆ្លងរូបិយប័ណ្ណ មានន័យថាអ្នកផ្ញើ អាចផ្ញើប្រាក់ជាលុយរៀល ឬដុល្លារ មិនថាប្រើគណនី ABA ជារូបិយប័ណ្ណណានោះទេ (អត្រាប្ដូរប្រាក់ ABA នឹងត្រូវអនុវត្ត នៅពេលផ្ទេរឆ្លងរូបិយប័ណ្ណ)។

ទទួលប្រាក់ចូលគណនី ABA បានយ៉ាងងាយស្រួល មិនថាពី Wallet បាគងអ្នកផ្ទាល់ ឬអ្នកដទៃនោះទេ។ រហ័ស និងងាយស្រួល!
របៀបទទួលប្រាក់ពីកាបូបបាគង ត្រង់នេះ
ដឹងបន្ថែមអំពីសេវាផ្ទេរប្រាក់ បាគង - ABA

ដើម្បីទទួលប្រាក់ពីអតិថិជនធនាគារផ្សេងដែលជាសមាជិកបាគង សូមមើលខាងក្រោម។

ជាមួយ ABA QR អ្នកអាចទទួលប្រាក់ផ្ទេរពីអ្នកប្រើ ABA និងអតិថិជនធនាគារផ្សេងដែលដំណើរការជាមួយ KHQR ដោយគ្រាន់តែបង្ហាញកូដ QR លើស្មាតហ្វូនរបស់អ្នក។ ប្រសិនបើអ្នកផ្ញើមិននៅក្បែរអ្នកនោះទេ អ្នកក៏អាចផ្ញើ QR របស់អ្នក ជាលីងតាមកម្មវិធីលេងសារនានាផងដែរ ទៅឲ្យពួកគាត់បានដែរ។ អ្នកអាចកំណត់ទឹកប្រាក់ត្រូវទទួល ជារៀល ឬដុល្លារ ហើយផ្ញើឲ្យអ្នកបង់ប្រាក់ ឬអ្នកផ្ទេរ ដើម្បីប្រាកដថាអ្នកទទួលបានប្រាក់គ្រប់ចំនួន។ សេវាកម្មនេះ ប្រើដោយឥតគិតថ្លៃ!
របៀបទទួលប្រាក់ជាមួយ ABA QR ត្រង់នេះ

ផ្ទេរប្រាក់ពី Wallet អេឡិកត្រូនិក ទៅគណនី ABA គឺជាជម្រើសដ៏ឆ្លាតវៃ។ អ្នកអាចផ្ទេរប្រាក់ពីកម្មវិធី ទ្រូម៉ាន់នី, eMoney, PiPay និង វីង បានគ្រប់ពេល។ សូមមើលការណែនាំលើអេក្រង់របស់កម្មវិធីទូរស័ព្ទទាំងពីរនេះ ដើម្បីដឹងពីរបៀបផ្ទេរប្រាក់ទៅគណនី ABA ត្រង់នេះ។

ដោនឡូតកម្មវិធី ABA Mobile

ក្រោយពីដាក់ប្រាក់ចូលគណនីរួច អ្នកអាចឆែកមើលទឹកប្រាក់បានយ៉ាងងាយ តាមកម្មវិធី ABA Mobile ដ៏មានសុវត្ថិភាព និងងាយស្រួលប្រើ។ កម្មវិធីនេះ Free ទាំងដោនឡូត និងប្រើប្រាស់។

ចុចលើសញ្ញាខាងក្រោម ដើម្បីដោនឡូតកម្មវិធីពី App Store ឬ Play Store។ ក្រោយដោនឡូតរួច អ្នកគ្រាន់តែអនុវត្តតាមការណែនាំលើអេក្រង់ នោះអ្នកអាចប្រើបានភ្លាម!

លក្ខខណ្ឌទូទៅ និង លក្ខខណ្ឌសម្រាប់ធនាគារអនឡាញ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។

របៀប​ដាក់​ប្រាក់​ចូល​គណនី​ ABA

ដោនឡូតកម្មវិធី ABA Mobile

របៀបដាក់ប្រាក់ចូលគណនី ABA