ផ្ទេរតាម Ria

ABA​ និង​ Ria​ ផ្តល់​នូវ​មធ្យោបាយ​ផ្ទេរ​ប្រាក់​យ៉ាង​ឆាប់រហ័ស​ និង​មាន​សុវត្ថិភាព​ជូន​ដល់​លោក​អ្នក​។​ ជាមួយនឹង​សេវា​ផ្ទេរ​ប្រាក់​ Ria​​ លោកអ្នកអាចផ្ញើប្រាក់បានភ្លាមៗ ​​​​​មិនថាដកជាសាច់ប្រាក់​ ឬផ្ទេរចូលគណនីធនាគារនោះឡើយ ជាពិសេសមិនគិតថ្លៃសេវាពីអ្នកទទួលឡើយ។​

Ria បាន​បង្កើត​បណ្តាញ​សាខា​ទូលំទូលាយ​​ជាង 389,000​ កន្លែង​នៅ​ទូ​ទាំងពិភពលោក​​ រួម​មាន៖​ សហរដ្ឋអាមេរិក​ ចិន​ ឥណ្ឌូ​នេ​ស៊ី​ នេ​ប៉ា​ល់​ ម៉ា​ឡេ​ស៊ី​ ឥណ្ឌា​ ថៃ​ អូស្ត្រាលី​ ហ្វី​លី​ពី​ន​ វៀតណាម​ សិង្ហ​បុរី​ និង​ប្រទេស​ដ៏​ទៃ​ជា​ច្រើន​ទៀត​។​

ហេតុ​អ្វី​ត្រូវ​ប្រើប្រាស់​ Ria?

Ria ផ្តល់​សេវា​ផ្ទេរ​ និង​ទទួល​ប្រាក់​ជា​អន្តរជាតិ​តាម​រយៈ​បណ្តាញ​ភ្នាក់ងារ​របស់​ខ្លួន​នៅ​ទូ​ទាំង​ពិភពលោក​។​ Ria​ មាន​ភាព​៖

  • សាមញ្ញ​ និង​ប្រើប្រាស់​បាន​គ្រប់​គ្នា​៖​ លោក​អ្នក​អាច​ផ្ញើ​ប្រាក់​ចេញពី​គ្រប់​សាខា​របស់​ធនាគារ​ ABA​ ដោយ​គ្រាន់តែ​បំពេញបែបបទ​ផ្ទេរ​ប្រាក់​មួយ​ប៉ុណ្ណោះ​ (​មិន​ចាំបាច់​មាន​គណនី​ធនាគារ​សម្រាប់​ធ្វើការ​ផ្ទេរ​ឡើយ​ ប៉ុន្តែ​យើង​លើកទឹកចិត្ត​ឲ្យ​លោក​អ្នក​បើក​គណនី​ធនាគារ​ ABA​ ដើម្បី​ធ្វើការ​ផ្ទេរ​ និង​ទទួល​ប្រាក់​បាន​កាន់តែ​ងាយស្រួល​)​។
  • ​​រហ័ស​ និង​ងាយស្រួល​៖​ ជាមួយនឹង​បណ្តាញ​ភ្នាក់ងារ​យ៉ាងច្រើន​សន្ធឹកសន្ធាប់​នៅ​ជុំវិញ​ពិភពលោក​ អ្នក​នឹង​មិន​ស្ថិត​នៅ​ឆ្ងាយ​ពី​ Ria​ ឡើយ​ ហើយ​ប្រាក់​របស់​អ្នក​នឹង​ស្ថិត​នៅ​កន្លែង​ដែល​អ្នក​ត្រូវការ​។
  • មានបណ្តាញទូទាំងពិភពលោក - លោកអ្នកអាចផ្ទេរប្រាក់តាមធនាគារយើងខ្ញុំ ដែលអ្នកទទួល អាចដកប្រាក់តាមបណ្តាញ 389,000 កន្លែងទូទាំងពិភពលោក ឬអាចផ្ញើចូលគណនីធនាគាររបស់អ្នកទទួលផ្ទាល់បានរហូតដល់ 121ប្រទេស

ប្រូម៉ូសិនថ្លៃសេវាបើកប្រាក់

ធនាគារ​ ABA​ និង​ក្រុមហ៊ុន​ផ្ទេរ​ប្រាក់​ Ria​ Money​ Transfer​ សូម​ធ្វើការ​ផ្តល់​ជូន​នូវ​ ប្រូ​ម៉ូ​សិន​ផ្តាច់មុខ​ ជូន​ដល់​អតិថិជន​របស់​ធនាគារ​ ABA​ ទាំងអស់​ ដែល​ធ្វើការ​ផ្ញើ​ប្រាក់​ពី​ប្រទេស​កម្ពុជា​ ទៅ​កាន់​ប្រទេស​ ថៃ​ វៀតណាម​ ហ៊្វី​លី​ពី​ន​ ឥណ្ឌូ​នេ​ស៊ី​ នេ​ប៉ា​ល់​ ម៉ា​ឡេ​ស៊ី​ និង​ឥណ្ឌា​។​


សម្រាប់តម្លៃផ្ទេរពិសេស សូមចូលទៅកាន់ទំព័រប្រូម៉ូសិន

ថ្លៃសេវាបើកប្រាក់

ចំនួន ថ្លៃសេវា1 (ដុល្លា) ផ្ញើរទៅកាន់2
0.01 - 500 10 Bangladesh,
Sri Lanka, Myanmar
500.01 - 1,000 15
1,000.01 - 1,500 20
1,500.01 - 3,0002 25
0.01 - 300 10 Australia, Singapore,
South Korea
300.01 - 500 20
500.01 - 1,000 25
1,000.01 - 3,0002 30
0.01 - 300 10 Russia, Belarus,
Ukraine, Kazakhstan,
Kyrgyzstan, Moldova,
Tajikistan
300.01 - 500 20
500.01 - 1,000 30
1,000.01 - 2,000 45
2,000.01 - 3,0003 60

ទទួល

ដើម្បី​ទទួល​ប្រាក់​តាម​រយៈ​ Ria​ នៅ​ក្នុង​ប្រទេស​កម្ពុជា​ សូម​អនុវត្ត​តាម​ការ​ណែនាំ​ដូច​ខាងក្រោម​៖

  • សូម​ទៅ​កាន់​សាខា​ធនាគារ​ ABA​ ដែល​ជិត​បំផុត​នៅ​ក្នុង​តំបន់​របស់​អ្នក​។​ មុន​នឹង​ទៅ​ លោក​អ្នក​អាច​ត្រួតពិនិត្យ​ប្រាក់​ផ្ទេរ​របស់​អ្នកជា​មុន​បាន​ផង​ដែរ​តាម​រយៈ​ Ria Money Transfer​ ។​
  • ​កុំ​ភ្លេច​ភ្ជាប់​មក​ជាមួយ​នូវ​ឯកសារ​បញ្ជាក់​អត្ថ​សញ្ញាណ​ដែល​មាន​សុពលភាព​៖​ លិខិតឆ្លងដែន​ (​សម្រាប់​ជនបរទេស​)​ ឬ​អត្តសញ្ញាណប័ណ្ណ​ (​សម្រាប់​ជនជាតិ​ខ្មែរ​)​ ប្រសិនបើ​អ្នក​មិន​មាន​គណនី​ធនាគារ​ ABA​ ទេ​។
  • ​ត្រូវ​ប្រាកដ​ថា​អ្នកមាន​លេខ​ផ្ទៀត​ផ្ទាត់​ពិសេស​ចំនួន​ 11​ ខ្ទង់​ ដែល​អ្នក​ផ្ញើ​ផ្តល់​ឲ្យ​។​
  • ​បំពេញបែបបទ​ទទួល​ប្រាក់​ Ria​ ហើយ​ប្រគល់​ជូន​បេឡាករ​របស់​យើង​។​
  • ​សាច់ប្រាក់​របស់​អ្នក​នឹង​ត្រូវ​ប្រគល់​ជូន​ បន្ទាប់​ពី​ព័ត៌មាន​លំអិត​របស់​អ្នក​ត្រូវ​បាន​ផ្ទៀត​ផ្ទាត់​ថា​ត្រឹមត្រូវ​។​

សូម​អាន​ លក្ខខណ្ឌ​ខាងក្រោម​នេះ​ឲ្យ​ច្បាស់លាស់​។​  លក្ខខណ្ឌ​ទាំងនេះ​ គឺជា​ការ​ព្រមព្រៀង​ រវាង​រូប​អ្នក​ (“​អ្នក​ទទួល​”)​និង​ធនាគារ​វឌ្ឍនៈ​អាស៊ី​ចំកាត់​ (“​ធនាគារ​”)​ ទៅ​ការ​ប្រើប្រាស់​សេវា​ផ្ទេរ​ប្រាក់​ Ria​។​

  1. អ្នក​ទទួល​បាន​អះអាង​ និង​បញ្ជាក់​ថា​ រាល់​ព័ត៌មាន​ដែល​ផ្ដល់​ជូន​ក្នុង​ទម្រង់​បែបបទ​ គឺជា​ព័ត៌មាន​ពិត​ និង​ត្រឹមត្រូវ​ ហើយ​ធនាគារ​ ABA​ នឹង​មិន​ទទួលខុសត្រូវ​រាល់​ការ​យឺតយ៉ាវ​ រអាក់រអួល​ដំណើរការ​ និង​ការ​ដក​ចេញ​ ដោយសារ​កំហុសឆ្គង​ព័ត៌មាន​របស់​អ្នក​ទទួល​។​
  2. អ្នក​ទទួល​ផ្ដល់​សិទ្ធិ​ឲ្យ​ធនាគារ​ ធ្វើការ​ពន្យារ​ បង្កក​ ឬ​បញ្ឈប់​ការ​ផ្ទេរ​ប្រាក់​ ក្នុង​ករណី​ដែល​ធនាគារ​រក​ឃើញ​ថា​ការ​ ផ្ទេរ​នោះ​ មាន​ពាក់ព័ន្ធ​នឹង​សកម្មភាព​មិន​ស្របច្បាប់​ និង​/​ឬ​មានការ​ធ្វើ​ខុសច្បាប់​ ឬ​បទ​ប្បញ្ញត្តិ​ជាតិ​ ឬ​អន្តរជាតិ​​ណាមួយ​។​
  3. អ្នក​ទទួល​ ធានា​ថា​ការ​ផ្ទេរ​ប្រាក់​នេះ​ មិន​មាន​ពាក់ព័ន្ធ​នឹង​សកម្មភាព​មិន​ស្របច្បាប់​នានា​ និង​/​ឬ​ ការ​សម្អាត​ប្រាក់​ និង​/​ឬ​សកម្មភាព​ហិរញ្ញប្បទាន​ភេរវកម្ម​ណាមួយ​ឡើយ​។​ ធនាគារ​ ABA​ មាន​សិទ្ធិ​ក្នុង​ការ​បដិសេធ​ ឬ​បង្កក​ការ​ផ្ទេរ​ប្រាក់​ ប្រសិនបើ​ចាំបាច់​ ដើម្បី​ស៊ើបអង្កេត​អំពី​ សកម្មភាព​សម្អាត​ប្រាក់​/​គោលការណ៍​ស្វែង​យល់​អតិថិជន​។​
  4. អ្នក​ទទួល​ ធានា​ផ្ដល់​ជូន​នូវ​ព័ត៌មាន​ និង​/​ឬ​ ឯកសារ​បន្ថែម​ពាក់ព័ន្ធ​នឹង​ការ​ផ្ទេរ​ប្រាក់​ ប្រសិនបើ​តម្រូវ​ដោយ​ធនាគារ​។​
  5. ធនាគារ​ ABA​ មាន​សិទ្ធិ​ធ្វើការ​កែប្រែ​ថ្លៃ​សេវាកម្ម​និង​កម្រៃ​ ក៏​ដូច​ជា​លក្ខខណ្ឌ​នានា​បាន​គ្រប់ពេលវេលា​ដោយ​មាន​ ឬ​មិន​មានការ​ជូនដំណឹង​ជា​មុន​។​
  6. ធនាគារ​ ABA​ មាន​សិទ្ធិ​ផ្ដល់​ព័ត៌មាន​នៃ​ការ​ផ្ទេរ​ប្រាក់​ទៅ​ឲ្យ​ភាគី​ទី​បី​ដោយ​អនុលោម​តាម​ច្បាប់​ព្រះរាជាណាចក្រ​កម្ពុជា​ មាន​ជា​អាទិ​ដូច​ជា​ បទ​បញ្ញា​តិ្ត​តុលាការ​ ការ​ស៊ើបអង្កេត​ និង​បទបញ្ជា​របស់​ធនាគារជាតិ​។​
  7. ធនាគារ​ ABA​ មិន​ទទួលខុសត្រូវ​លើ​ការ​បង់ពន្ធ​ កាតព្វកិច្ច​ និង​ការ​ចំណាយ​ផ្សេងៗ​ ដែល​នឹង​អាច​កើត​មាននៅ​ប្រទេស​ដែល​ជា​ដៃគូរ​របស់​Ria​ ពាក់ព័ន្ធ​នឹង​ការ​ផ្ទេរ​ប្រាក់​នេះ​។​
  8. មិន​ថា​ Ria​ ឬ​ ធនាគារ​ABA​នឹង​មិន​ទទួល​រ៉ាប់រង​ជូន​អ្នក​ទទួល​ឡើយ​ ប្រសិនបើ​ការ​បញ្ជូន​ទឹកប្រាក់​មិន​ត្រូវ​បាន​ធ្វើ​ឡើង​ឬ​បញ្ជូន​យឺត​ពេល​ ដែល​បង្ក​ឡើង​ដោយសារ​បណ្ដាញ​អេ​ឡិ​ក​ត្រូ​និក​ ឬ​ បរិក្ខារ​អាក់ដំណើរ​ការ​ ឬ​ប្រព័ន្ធ​មិន​ដំណើរការ​ ឬ​ហេតុការណ៍​ណាមួយ​កើត​ដែល​ឡើង​ ឬ​បង្ក​ឡើង​ដោយសារ​អ្នក​ផ្ញើ​បាន​ ផ្ដល់​ព័ត៌មាន​មិន​ច្បាស់​លាស់​។​  
  9. ការ​ផ្ទេរ​ប្រាក់​នេះ​ត្រូវធ្វើ​ឡើង​សម្រាប់​គោលបំនង​ប្រើប្រាស់​ផ្ទាល់ខ្លួន​ប៉ុណ្ណោះ​ ប៉ុន្តែ​ប្រតិបត្តិការ​សម្រាប់​គោលបំណង​ពាណិជ្ជកម្ម​ មិន​ត្រូវ​បាន​អនុញ្ញាត​ឡើយ​។​ សេវាកម្ម​ផ្ទេរ​ប្រាក់​ Ria​ ឬ​ ធនាគារ​ ABA​នឹង​មិន​ទទួលខុសត្រូវ​រាល់​ការ​ខាតបង់​ដែល​​បង្ក​ឡើង​ដោយសារ​ ការ​ផ្ទេរ​ប្រាក់​ក្នុង​គោលបំណង​ពាណិជ្ជកម្ម​ ធុរកិច្ច​ ទិញ​ទំនិញ​ ឬ​គោលបំណង​ផ្សេងៗ​ទៀត​។​
  10. ធនាគារ​ ABA​ និង​ សេវាកម្ម​ផ្ទេរ​ប្រាក់​ Ria​ អាច​នឹង​ធ្វើការ​កំណត់​ចំនួន​ជាក់លាក់​ក្នុង​ការ​ផ្ទេរ​ដូច​ជា​ ចំនួន​ទឹកប្រាក់​ផ្ទេរ​ក្នុង​មួយ​ប្រតិបត្តិការ​ ក្នុង​មួយ​ខែ​ ក្នុង​អតិថិជន​ម្នាក់​។​ ការ​កំណត់​នេះ​ អាច​នឹង​មានការ​ផ្លាស់​ប្ដូរ​ នៅ​ពេល​បន្តបន្ទាប់​ទៀត​ ដោយ​មាន​ ឬ​មិន​មានការ​ជម្រាប​ជូនដំណឹង​ជា​មុន​។​
  11. អ្នក​ទទួល​ ត្រូវ​ផ្ដល់​លេខ​សម្ងាត់​១១​ខ្ទង់​របស់​Ria​ និង​ឯកសារ​បញ្ជាក់​អត្តសញ្ញាណ​មាន​សុពលភាព​ដូច​ជា​(​អត្ត​សញ្ញាណ​ប័ណ្ណ​ ឬ​លិខិតឆ្លងដែន​)​ ដើម្បី​អាច​បើក​សាច់ប្រាក់​បាន​។​ ធនាគារ​ABA​ និង​ សេវាកម្ម​ផ្ទេរ​ប្រាក់​ Ria ​នឹង​មិន​ទទួលខុសត្រូវ​សម្រាប់​រាល់​ការ​ខាតបង់​ដែល​បង្ក​ឡើង​ ដោយសារ​ការ​ប្រើប្រាស់​មិន​ត្រឹម​ត្រូវ​ ឬ​បង្ហាញ​លេខ​សម្ងាត់​ Ria​ ឬ​ ព័ត៌មាន​ប្រតិបត្តិការ​ឲ្យ​អ្នក​ដទៃ​ដឹង​។​

 

ផ្ញើ

ដើម្បី​ផ្ញើ​ប្រាក់​តាម​រយៈ​ Ria​ សូម​អនុវត្ត​តាម​ការ​ណែនាំ​ខាងក្រោម​៖

  • សូម​ទៅ​កាន់​សាខា​ធនាគារ​ ABA​ ដែល​ជិត​បំផុត​នៅ​ក្នុង​តំបន់​របស់​លោក​អ្នក​ និង​យក​លិខិតឆ្លងដែន​ (​សម្រាប់​ជនបរទេស​)​ ឬ​អត្តសញ្ញាណប័ណ្ណ​ (​សម្រាប់​ជនជាតិ​ខ្មែរ​)​ ប្រសិនបើ​អ្នក​មិន​មាន​គណនី​ធនាគារ​ ABA​ ទេ​។​
  • ​បំពេញបែបបទ​ផ្ទេរ​ប្រាក់​ Ria​ ហើយ​ប្រគល់​ជូន​បេឡាករ​របស់​យើង​ ជាមួយនឹង​ទឹកប្រាក់​ដែល​អ្នក​ចង់​ផ្ញើ​ រួម​ទាំង​ថ្លៃ​សេវា​ផ្ទេរ​ផង​ដែរ1​។​
  • ​ទទួលយក​លេខ​សម្ងាត់​ផ្ទៀត​ផ្ទាត់​ពិសេស​ចំនួន​ 11​ ខ្ទង់2​ (PIN​ code)​ ហើយ​បញ្ជូន​លេខ​នេះ​ទៅ​កាន់​អ្នក​ទទួល​ប្រាក់​ ដើម្បី​ឲ្យ​ពួក​គេ​អាច​ទៅ​បើក​យក​ប្រាក់​ពី​ភ្នាក់ងារ​របស់​ Ria​ នៅ​ក្នុង​ប្រទេស​របស់​ពួក​គេ​បាន​។​

លោក​អ្នក​អាច​ត្រួតពិនិត្យ​ប្រតិបត្តិការ​ផ្ទេរ​ប្រាក់​របស់​ខ្លួន​តាម​រយៈ​ Ria Money Transfer

សូមអាន លក្ខខណ្ឌខាងក្រោមនេះឲ្យបានច្បាស់លាស់។  លក្ខខណ្ឌទាំងនេះ គឺជាការព្រមព្រៀង រវាងរូបអ្នក (“អ្នកផ្ទេរ”)និងធនាគារវឌ្ឍនៈអាស៊ីចំកាត់ (“ធនាគារ ABA”) ពាក់ព័ន្ធនឹងការប្រើប្រាស់សេវាផ្ទេរប្រាក់ Ria។

  1. អ្នកផ្ទេរបានអះអាង និងបញ្ជាក់ថា រាល់ព័ត៌មាននៅក្នុងពាក្យស្នើសុំផ្ទេរប្រាក់ គឺត្រឹមត្រូវ និងពិតប្រាកដមែន ហើយធនាគារ ABA នឹងមិនទទួលខុសត្រូវរាល់ការពន្យារ, អាក់ដំណើរការ, និងការដកចេញ  ដែលបង្កឡើងដោយសារអ្នកផ្ទេរបានផ្ដល់ព័ត៌មានមិនមានភាពច្បាស់លាស់ ឬមិនត្រឹមត្រូវនៅក្នុងពាក្យស្នើសុំផ្ទេរប្រាក់។
  2. អ្នកផ្ទេរបានផ្ដល់សិទ្ធិឲ្យធនាគារធ្វើការដកប្រាក់ចេញពីគណនីរបស់អ្នកផ្ញើនូវចំនួនទឹកប្រាក់ដែលបានផ្ទេរ រួមទាំងកម្រៃសេវាផ្សេងៗ។
  3. អ្នកផ្ទេរបានយល់ព្រម និងឯកភាពថា ធនាគារនឹងអនុវត្តតាមអត្រាប្ដូរប្រាក់ដែលកំណត់ដោយ Ria ដើម្បីធ្វើការផ្ទេរប្រាក់ជារូបិយប័ណ្ណបរទេស។
  4. អ្នកផ្ទេរ អនុញ្ញាតឲ្យធនាគារ ABA ធ្វើការពន្យារ បង្កក ឬលុបចោលការផ្ទេរប្រាក់ ប្រសិនបើធនាគាររកឃើញថា ការផ្ទេរប្រាក់នោះ មានពាក់ព័ន្ធនឹងសកម្មភាពមិនស្របច្បាប់ និង/ឬ អំពើល្មើសច្បាប់ ឬបទប្បញ្ញត្តិជាតិ និងអន្តរជាតិ។
  5. អ្នកផ្ទេរ ធានាថាការផ្ទេរប្រាក់នេះ មិនមានពាក់ព័ន្ធនឹងសកម្មភាពមិនស្របច្បាប់នានា និង/ឬ ការសម្អាតប្រាក់ និង/ឬសកម្មភាពហិរញ្ញប្បទានភេរវកម្មណាមួយឡើយ។ ធនាគារ មានសិទ្ធិក្នុងការបដិសេធ ឬបង្កកការផ្ទេរប្រាក់ ប្រសិនបើចាំបាច់ ដើម្បីស៊ើបអង្កេតអំពីការសម្អាត និងគោលការណ៍ស្វែងយល់អតិថិជន។
  6. អ្នកផ្ទេរ ធានាផ្ដល់ជូននូវព័ត៌មាន និងឯកសារបន្ថែមពាក់ព័ន្ធនឹងការផ្ទេរប្រាក់ ប្រសិនបើតម្រូវដោយធនាគារ។
  7. ធនាគារ ABA មានសិទ្ធិធ្វើការកែប្រែតម្លៃសេវាកម្ម និងលក្ខខណ្ឌនានាគ្រប់ពេលវេលាដោយមាន ឬមិនការជូនដំណឹងជាមុន។
  8. ធនាគារ ABA មានសិទ្ធិផ្ដល់ព័ត៌មាននៃការផ្ទេរប្រាក់ទៅឲ្យភាគីទីបីដោយអនុលោមតាមច្បាប់ព្រះរាជាណាចក្រកម្ពុជា ដែលមានជាអាទិដូចជា ការសម្រេចពីតុលាការ, ការស៊ើបអង្កេត, និងបទបញ្ជារបស់ធនាគារជាតិ។ អ្នកផ្ទេរ ក៏បានយល់ និងឯកភាពថា ព័ត៌មានអំពីការផ្ទេរប្រាក់ ត្រូវផ្ដល់ជូនដល់សេវា Ria ហើយព័ត៌មានបែបនេះអាចនឹងត្រូវបញ្ចេញទៅឲ្យភាគីទីបី ដោយអនុលោមតាមបទប្បញ្ញត្តិ និងច្បាប់របស់ប្រទេសជាដៃគូរបស់សេវាកម្ម Ria។
  9. ក្នុងករណីការផ្ទេរប្រាក់ត្រូវបានបដិសេធ ឬលុបចោល ធនាគារ ABA នឹងដាក់បញ្ចូលទឹកប្រាក់ទៅឲ្យអ្នកផ្ញើវិញ នៅពេលធនាគារ ABA ទទួលបានប្រាក់ពី Ria។ អ្នកផ្ទេរ បានយល់ និងឯកភាពថា Ria អាចនឹងគិតថ្លៃលុបចោលការផ្ទេរ និងកម្រៃផ្សេងៗ ហើយអត្រាប្ដូរប្រាក់ដែលបានអនុវត្តពេលផ្ទេរ អាចនឹងមានការផ្លាស់ប្ដូរផងដែរ។
  10. ធនាគារ ABA មិនទទួលខុសត្រូវលើការបង់ពន្ធ, កាតព្វកិច្ច, និងការចំណាយផ្សេងៗ ដែលនឹងអាចកើតមាននៅប្រទេសអ្នកទទួលសម្រាប់ការផ្ទេរប្រាក់នេះ។
  11. ធនាគារ ABA ឬ Ria  នឹងមិនទទួលរ៉ាប់រងជូនអ្នកឡើយ ប្រសិនបើការបញ្ជូនទឹកប្រាក់មិនត្រូវបានធ្វើឡើងឬបញ្ជូនយឺតពេល ដែលបង្កឡើងដោយសារបណ្ដាញអេឡិកត្រូនិក ឬ រអាក់រអួលដំណើរការ ឬប្រព័ន្ធមិនដំណើរការ ឬ ករណីណាមួយកើតឡើងដែលហួសពីសមត្ថភាពគ្រប់គ្រងរបស់ Ria ឬ ធនាគារ ABA ឬបង្កឡើងដោយសារអ្នកផ្ញើរបានផ្ដល់ព័ត៌មានមិនច្បាស់លាស់។
  12. ការផ្ទេរប្រាក់នេះត្រូវធ្វើឡើងសម្រាប់ប្រើប្រាស់ផ្ទាល់ខ្លួនប៉ុណ្ណោះ ប៉ុន្តែប្រតិបត្តិការក្នុងគោលបំណងពាណិជ្ជកម្ម មិនត្រូវបានអនុញ្ញាតឡើយ។ Ria ឬ ធនាគារ ABAនឹងមិនទទួលខុសត្រូវសម្រាប់រាល់ការខាតបង់ដែលបង្កឡើងដោយសារ ការផ្ទេរប្រាក់ក្នុងគោលបំណងអាជីវកម្ម ឬគោលបំណងធុរកិច្ច ឬ ដើម្បីទិញទំនិញ ឬគោលបំណងផ្សេងៗទៀត។
  13. ការកំណត់បែបនេះ អាចនឹងមានការផ្លាស់ប្ដូរនៅពេលបន្តបន្ទាប់មកទៀតដោយមាន ឬមិនមានការជម្រាបជូនដំណឹងជាមុន។
  14. បន្ទាប់ពីបញ្ចប់ប្រតិបត្តិការដោយជោគជ័យ អ្នកផ្ទេរត្រូវផ្ដល់លេខសម្ងាត់ 11ខ្ទង់ របស់ Ria ទៅដល់អ្នកទទួល។ អ្នកផ្ទេរប្រាក់ត្រូវរក្សាទុកលេខសម្ងាត់ឲ្យបានល្អ ហើយផ្ដល់ជូនលេខសម្ងាត់នេះទៅបុគ្គលជាអ្នកទទួលប្រាក់ និងមិនត្រូវឲ្យភាគីទីបីដឹងឡើយ។ ធនាគារ ABA និង Ria នឹងមិនទទួលខុសត្រូវឡើយ សម្រាប់រាល់ការបាត់បង់ ដែលបង្កឡើងដោយការប្រើប្រាស់លេខសម្ងាត់ Ria មិនបានត្រឹមត្រូវ ឬបង្ហាញលេខសម្ងាត់ Ria និងព័ត៌មានប្រតិបត្តិការដល់ភាគីទីបី។
  15. ក្នុងករណីដែលមានការកែប្រែ ឬបញ្ឈប់ប្រតិបត្តិការ អ្នកផ្ទេរ ត្រូវទទួលរ៉ាប់រងជូនធនាគារ ABA និងRia សម្រាប់ការទាមទារ ចំណាត់ការ នីតិក្រម ទំនួលខុសត្រូវ បណ្ដឹង ការខាតបង់ និងការចំណាយផ្សេងៗពាក់ព័ន្ធនឹងការកែប្រែ ឬបញ្ឈប់ប្រតិបត្តិការនោះ។

​ដើម្បី​ឲ្យ​ការ​ផ្ទេរ​ប្រាក់​របស់​លោក​អ្នក​កាន់តែ​ងាយស្រួល​ និង​ឆាប់រហ័ស​ យើងខ្ញុំ​បាន​បង្កើត​បែបបទ​ផ្ទេរ​ប្រាក់​តាម​ Ria​ ដែល​លោក​អ្នក​អាច​បំពេញ​បាន​ដោយ​ខ្លួនឯង​។​ ងាយៗ​ ដោយ​លោក​អ្នក​គ្រាន់តែ​ដោ​ន​ឡូត​យក​បែបបទ​ណាមួយ​ដែល​លោក​អ្នក​ត្រូវការ​ ដើម្បី​បំពេញ​ និង​ព្រី​ន​ឲ្យ​ហើយ​ រួច​កាន់​យក​មក​សាខា​ធនាគារ​ ABA​ ណាមួយ​ដែល​ជិត​លោក​អ្នក​។​ ​ដើម្បី​ទាញ​យក​បែបបទ​ សូម​ចុច​លីង​ខាងក្រោម​៖​

លក្ខខណ្ឌទូទៅ នឹងត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader