គណនីនិម្មិត
សេវាគណនីនិម្មិតរបស់ធនាគារ ABA ផ្តល់នូវដំណោះស្រាយឆ្លាតវៃ និងមានប្រសិទ្ធភាពសម្រាប់ ក្រុមហ៊ុន ឬអាជីវកម្មនានាដែលទទួលការទូទាត់ចំនួនទឹកប្រាក់ច្រើនៗ និងត្រូវចំណាយពេលយូរក្នុងការផ្ទៀងផ្ទាត់។ ប្រសិនបើអ្នកមានការលំបាកក្នុងការពិនិត្យថា អ្នកទូទាត់នោះជានរណាខ្លះ ហើយការផ្ទៀងផ្ទាត់ ត្រូវបានពន្យារពេលដោយសារដំណើរការដោយដៃមានការយឺតយ៉ាវ នោះសេវាគណនីនិម្មិត ABA ជាអ្វីដែលអ្នកត្រូវការ!
របៀបដំណើរការ
អត្ថប្រយោជន៍សំខាន់ៗ
ផ្ទៀងផ្ទាត់ភ្លាមៗតាមពេលវេលាជាក់ស្តែង
ប្រមូលការទូទាត់ពីបណ្តាញណាមួយ
មិនមានកំហុសឆ្គង ដូចការបង្កើតដោយដៃ
កាត់បន្ថយចំណាយលើប្រតិបត្តិការ
ជាមួយគណនីនិម្មិត ABA អ្នកអាចបង្កើតគណនីនិម្មិតជាច្រើនក្រោមគណនីអាជីវកម្មមួយ ហើយអាចកំណត់គណនីនិម្មិតនីមួយៗសម្រាប់អតិថិជន អ្នកផ្គត់ផ្គង់ ភ្នាក់ងារ ឬសាខាដែលត្រូវទូទាត់ ដោយអាចពិនិត្យមើលរបាយការណ៍របស់អ្នកទូទាត់បានភ្លាមៗ។
គណនីនិម្មិតជាមួយម៉ាស៊ីន ABA POS
ការភ្ជាប់គណនីនិម្មិតជាមួយម៉ាស៊ីនទូទាត់ ABA POS ជាដំណោះស្រាយថ្មីតែមួយគត់ សម្រាប់អាជីវកម្មនានាដែលទទួល និងដំណើរការការទូទាត់នៅតាមសាខា ឬកន្លែងលក់ដូរ ដែលមានទីតាំងផ្សេងៗគ្នា។ អាជីវកម្មនានាអាចចូលប្រើប្រព័ន្ធ ផ្លែតហ្វម ABA Business និងបង្កើតគណនីនិម្មិតសម្រាប់ទីតាំងលក់ជាច្រើនគ្រាន់តែចុចពីរបីប៉ក់តាមកុំព្យូទ័រ និងកំណត់គណនីនិម្មិតនោះសម្រាប់ម៉ាស៊ីន POS នីមួយៗ ដែលជួយសម្រាលបន្ទុកការងារយ៉ាងច្រើន ដោយមិនចាំបាច់ផ្ទៀងផ្ទាត់ម្ដងមួយៗដោយដៃ ព្រមទាំងរក្សារំហូរសាច់ប្រាក់ ដែលប្រតិបត្តិការធ្វើរួចភ្លាម ទិន្នន័យបង្ហាញភ្លាមក្នុងគណនី អាជីវកម្ម មិនថាប្រតិបត្តិការនោះ ត្រូវបានធ្វើឡើងនៅតាមសាខា ឬកន្លែងលក់ដូរណាមួយឡើយ។
តើអ្នកណាខ្លះអាចទទួលអត្ថប្រយោជន៍ពីប្រព័ន្ធនេះ?
ជាមួយគណនីនិម្មិត ABA ម្ចាស់អាជីវកម្មអាចប្រើប្រាស់បណ្តាញទូទាត់ក្នុងស្រុកណាមួយ ដើម្បីធ្វើការផ្ទេរប្រាក់ចូលក្នុងគណនីនិម្មិត។ ប្រាក់ទូទាត់ចូល នឹងត្រូវបានផ្ទៀងផ្ទាត់ដោយស្វ័យប្រវត្តិ និងភ្លាមៗ ដូច្នេះ អ្នកអាចបញ្ចេញឥណទានរបស់អតិថិជនបានលឿនជាងមុន បង្កើនការលក់ និងចំណេញពេលបន្ថែម ដើម្បីផ្ដោតលើអាជីវកម្មរបស់អ្នក ខណៈចំណាយលើប្រតិបត្តិការ ក៏ត្រូវបានកាត់បន្ថយ។ សេវាកម្មនេះអាចប្រើប្រាស់ផ្គួបផ្សំជាមួយនឹងផ្លែតហ្វម ABA Business ដូចជា ប្រព័ន្ធប្រតិបត្តិការផ្ទាល់ (Host-to-Host solution)។
គណនីអាជីវកម្ម ABA ទាំងអស់អាចប្រើសេវាកម្មនេះបានដោយឥតគិតថ្លៃ។ ប្រសិនបើអ្នកមានបំណង ចង់ដឹងបន្ថែមថាតើ សេវាគណនីនិម្មិត ABA អាចផ្តល់អត្ថប្រយោជន៍ ក៏ដូចជាប្រសិទ្ធភាព ដល់អាជីវកម្មរបស់អ្នកកម្រិតណា សូមទាក់ទងបុគ្គលិកផ្នែកទំនាក់ទំនងអតិថិជន នៅតាមសាខាធនាគារ ABA ដែលនៅជិតអ្នកនៅថ្ងៃនេះ។ អ្នកក៏អាចទាក់ទងយើងខ្ញុំបានតាមទូរស័ព្ទលេខ 023 925 333 ឬទាក់ទងក្រុមការងារ ផ្នែក ផ្លែតហ្វម ABA Business របស់យើងខ្ញុំ តាមអ៉ីមែល digitalsupport@ababank.com។
លក្ខខណ្ឌទូទៅ និង លក្ខខណ្ឌសម្រាប់ធនាគារអនឡាញ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។
