សេវាផ្ទេរប្រាក់ UnionPay MoneyExpress

ABA និង UnionPay នាំយកសេវាផ្ទេរប្រាក់ UnionPay MoneyExpress ជាសេវាផ្ទេរប្រាក់ សុវត្ថិភាព ងាយស្រួល និងរហ័ស ដែលអាចឲ្យអ្នកកាន់កាត ABA UnionPay ធ្វើការផ្ទេរប្រាក់ ជាមួយកាត UnionPay¹ ដទៃទៀត តាមរយៈ ABA Mobile ក្នុងពេលជាក់ស្ដែង²។

_{¹ សម្រាប់កាត UnionPay ដែលចេញដោយធនាគារនានានៅកម្ពុជា, ចិន, ហុងកុង, និងម៉ាកាវ។
² UnionPay International តម្រូវឲ្យធនាគារផ្ទេរប្រាក់ទៅគណនីរបស់អ្នកទទួលក្នុងពេលជាក់ស្ដែង ឬក្នុងរយៈពេល 12 ម៉ោង នៃការផ្ញើប្រតិបត្តិការ។ ទឹកប្រាក់ផ្ទេរចូលគណនីជាក់ស្ដែង អាស្រ័យលើម៉ោងបម្រើសេវាធនាគារ ប្រព័ន្ធធនាគារ និងការប្រតិបត្តិតាមលក្ខខណ្ឌច្បាប់តម្រូវ។}

ហេតុអ្វីត្រូវប្រើសេវាផ្ទេរប្រាក់ UnionPay MoneyExpress?

UnionPay MoneyExpress ជាសេវាផ្ទេរប្រាក់ឆ្លងប្រទេស ដែលទូទាត់អត្រាប្ដូរប្រាក់ជាមុន ហើយផ្ទេរ ប្រាក់ចូលគណនី UnionPay របស់អ្នកទទួលជា RMB។ សេវាផ្ទេរប្រាក់ UnionPay MoneyExpress គឺ៖

ជាដំណោះស្រាយផ្ទេរប្រាក់ដែលមានសុវត្ថិភាព ងាយស្រួល និងប្រសិទ្ធភាពខ្ពស់
មានតម្លៃសមរម្យ រួមទាំងមិនគិតសេវាប្ដូរប្រាក់សម្រាប់ការផ្ទេរទៅគណនី RMB
ទូទាត់ក្នុងពេលជាក់ស្ដែង ឬក្នុងរយៈពេល 12 ម៉ោង នៃប្រតិបត្តិការផ្ញើ និង
ងាយស្រួល គ្រាន់តែមានលេខកាត UnionPay 16 ខ្ទង់ និងឈ្មោះអ្នកទទួលប៉ុណ្ណោះ។

ថ្លៃសេវា និងចំនួនទឹកប្រាក់កំណត់

ប្រភេទផ្ទេរ	ទឹកប្រាក់ (ដុល្លារ)	ថ្លៃសេវា (ដុល្លារ)
ការផ្ទេរប្រាក់ក្នុងស្រុក ទៅកាន់កាត UnionPay នៅកម្ពុជា	10.00 – 50.00	1.5
	50.01 – 100.00	2
	100.01 – 500.00	3
	500.01 – 1,000.00	4
	1,000.01 – 2,000.00	6
	2,000.01 – 2,500.00	7
ការផ្ទេរប្រាក់អន្ដរជាតិទៅកាន់កាត UnionPay ដែលចេញ ដោយធនាគារនាន នៅចិន ហុងកុង និងម៉ាកាវ	10.00 – 500.00	5
	500.01 – 1,000.00	10
	1,000.01 – 1,500.00	15
	1,500.01 – 2,000.00	20
	2,000.01 – 2,500.00	25

ចំនួនទឹកប្រាក់កំណត់

កំណត់ក្នុងមួយប្រតិបត្តិការ	10 - 2,500 ដុល្លារ
ប្រចាំថ្ងៃ	2,500 ដុល្លារ និងរហូតដល់ 10 ប្រតិបត្តិការ
ប្រចាំខែ	10,000 ដុល្លារ និងរហូតដល់ 20 ប្រតិបត្តិការ

ព័ត៌មានបន្ថែម

សេវាផ្ទេរប្រាក់ UnionPay MoneyExpress មានតែជាប្រាក់ដុល្លារប៉ុណ្ណោះ សម្រាប់អតិថិជន ABA ហើយមិនមានសម្រាប់ ការផ្ទេរប្រាក់រវាងកាត ABA UnionPay ដូចគ្នាទេ។
ការប្តូរប្រាក់អាស្រ័យលើអាត្រាប្តូរប្រាក់ UnionPay ជាក់ស្ដែងនៅពេលផ្ទេរ។

របៀបផ្ទេរប្រាក់ពីកាត ABA UnionPay តាមសេវាផ្ទេរប្រាក់ UnionPay MoneyExpress

បើកកម្មវិធី ABA Mobile
ចុចលើប៊ូតុង ផ្ទេរប្រាក់ ហើយជ្រើសរើស ផ្ទេរទៅកាត
ជ្រើសរើស សេវាផ្ទេរប្រាក់ UnionPay MoneyExpress¹ ហើយជ្រើសរើសកាត UnionPay ដែលអ្នកចង់ ផ្ញើចេញ
បញ្ចូលលេខកាត UnionPay 16 ខ្ទង់2 និងឈ្មោះអ្នកទទួល, ចំនួនទឹកប្រាក់² និងគោលបំណង
យល់ព្រមតាម ខ និងលក្ខខណ្ឌ ហើយចុច ផ្ទេរ
ពិនិត្យព័ត៌មានលម្អិត ហើយបញ្ជាក់ជាមួយលេខកូដ PIN 4 ខ្ទង់ កម្មវិធី ABA Mobile របស់អ្នក។

_{¹ ប្រសិនបើអ្នកមិនមានកាត ABA UnionPay អ្នកអាចបើកបាននៅតាមសាខា ABA ណាមួយ។
² ថ្លៃសេវាជាដុល្លារនឹងបង្ហាញបន្ទាប់ពីចំនួនប្រាក់ផ្ទេរត្រូវបានបញ្ចូល។}

របៀបទទួលប្រាក់ពីកាត ABA UnionPay ជាមួយសេវាផ្ទេរប្រាក់ UnionPay MoneyExpress

ដើម្បីទទួលប្រាក់តាមសេវាផ្ទេរប្រាក់ UnionPay MoneyExpress អតិថិជន ABA ត្រូវផ្ដល់ឈ្មោះ និងលេខកាត 16 ខ្ទង់ ទៅអ្នកផ្ញើ។

អតិថិជន ABA នឹងត្រូវបានជូនដំណឹងតាមរយៈកម្មវិធី ABA Mobile នៅពេលដែលប្រាក់បានចូលគណនីធនាគាររបស់ពួកគេ ដែលភ្ជាប់ជាមួយកាត។

ពេញចិត្តមុខងារនេះ?

ដោនឡូតកម្មវិធី ABA Mobile ថ្ងៃនេះ ដើម្បីចាប់ផ្តើមប្រើមុខងារ UnionPay MoneyExpress និងមុខងារមានប្រយោជន៍ផ្សេងៗទៀត!

មិនទាន់មានកាត ABA UnionPay?

អ្នកចាំបាច់ត្រូវមានកាត UnionPay ដើម្បីរីករាយទទួលបានមុខងារនេះ ដូច្នេះប្រសិនបើអ្នកមិនទាន់មានកាតABA UnionPay ទេ អ្នកអាចស្នើសុំក្នុង ABA Mobile ហើយជ្រើសរើសឲ្យក្រុមការងារដឹកកាតជូនអ្នក (សម្រាប់ទីតាំងនៅភ្នំពេញ តាខ្មៅ កៀនស្វាយ និងអង្គស្នួល) ឬមកយកផ្ទាល់នៅសាខា ABA ជិតអ្នក បំផុត។ អ្នកក៏អាចបើកកាតភ្លាមៗតាមរយៈ ម៉ាស៊ីនបើកកាត ក្នុងរយៈពេលមិនដល់ពីរនាទី។

ត្រូវការជំនួយ?
សំណួរចម្លើយ

ទំនាក់ទំនងមកយើងខ្ញុំភ្លាមៗដោយមិនបាច់បិទកម្មវិធី ABA Mobile គ្រាន់តែចុចប៊ូតុង ទាក់ទងយើងខ្ញុំ នៅលើអេក្រង់ដើមរបស់កម្មវិធី។ បន្ថែមលើនេះ អ្នកអាចឆាតជាមួយយើងខ្ញុំ តាម Facebook Messenger នៅលើវិបសាយ ឬទំនាក់ទំនងតាមខ្សែទូរស័ព្ទប្រចាំការ 24/7 តាមលេខ 098 203 203។

1. តើ “សេវាផ្ទេរប្រាក់ UnionPay Money Express” ជាអ្វី?

សេវាផ្ទេរប្រាក់ UnionPay Money Express ជាបណ្តាញទូទាត់របស់ក្រុមហ៊ុន UnionPay សម្រាប់ប្រតិបត្តិការពីបុគ្គលម្នាក់ទៅបុគ្គលម្នាក់ (P2P) ដែលអនុញ្ញាតឲ្យម្ចាស់កាត ABA UPI ធ្វើការផ្ទេរប្រាក់ក្នុងស្រុក និងអន្ដរជាតិពីកម្មវិធី ABA Mobile ទៅកាត UnionPay ដទៃទៀត ដែលចេញដោយធនាគារនានានៅកម្ពុជា ចិន ហុងកុង និងម៉ាកាវ។

2. តើខ្ញុំអាចផ្ញើប្រាក់តាមសេវាផ្ទេរប្រាក់ UnionPay Money Express ទៅកាន់កាត UnionPay ណាខ្លះ ដែលចេញនៅកម្ពុជា?

អ្នកអាចផ្ញើប្រាក់ភ្លាមៗទៅកាន់កាត UnionPay ដែលចេញដោយធនាគារនានានៅកម្ពុជា (លើកលែងតែផ្ញើទៅកាន់កាត ABA UnionPay)។

3. តើព័ត៌មានអ្វីខ្លះដែលខ្ញុំត្រូវស្នើសុំពីអ្នកទទួលដើម្បីផ្ញើប្រាក់ឲ្យគេតាមសេវាផ្ទេរប្រាក់ UnionPay Money Express?

អ្នកត្រូវសុំលេខកាត 16 ខ្ទង់ និងឈ្មោះអ្នកទទួល ដែលអ្នកអាចរកបាននៅលើកាត UnionPay របស់អ្នកទទួល។

4. តើចំនួនទឹកប្រាក់កំណត់អតិបរមាប៉ុន្មានសម្រាប់ការផ្ទេរប្រាក់ក្នុងស្រុក/ឆ្លងប្រទេសតាមរយៈ សេវាផ្ទេរប្រាក់ UnionPay Money Express?

ចំនួនទឹកប្រាក់កំណត់អតិបរមាសម្រាប់មួយប្រតិបត្តិការមិនត្រូវលើសពី 2,500 ដុល្លារ ហើយប្រតិបត្តិការប្រចាំថ្ងៃមិនត្រូវលើសពី 2,500 ដុល្លារ និងប្រចាំខែ 10,000 ដុល្លារ ឬ 10 ប្រតិបត្តិការក្នុងមួយថ្ងៃ និង 20 ប្រតិបត្តិការក្នុងមួយខែ។

5. តើខ្ញុំគួរយ៉ាងណា ប្រសិនបើខ្ញុំផ្ទេរប្រាក់ទៅលេខកាត UnionPay ច្រឡំ?

ក្នុងករណីផ្ទេរប្រាក់ច្រឡំ ត្រូវជូនដំណឹងដល់ផ្នែកទំនាក់ទំនងអតិថិជនរបស់ធនាគារ ABA ភ្លាមៗតាមលេខទូរស័ព្ទ 098 203 203។ ដើម្បីបង្ការការផ្ទេរច្រឡំ អ្នកត្រូវតែផ្ទៀងផ្ទាត់ឈ្មោះ និងលេខកាតរបស់អ្នកទទួលជានិច្ចមុនពេលបញ្ជាក់ការផ្ទេរប្រាក់នៅក្នុងកម្មវិធី។

6. ទាំងក្នុងស្រុក និងឆ្លងប្រទេស តើសេវាផ្ទេរប្រាក់ UnionPay Money Express ត្រូវការពេលប៉ុន្មាន ទើបបញ្ជូនប្រាក់ផ្ទេរនោះដល់អ្នកទទួល?

វាជាបណ្តាញទូទាត់ក្នុងពេលជាក់ស្ដែងដែលអនុញ្ញាតឲ្យអតិថិជន ABA ផ្ទេរប្រាក់ដល់អ្នកទទួលក្នុងរយៈពេល 12 ម៉ោងនៃប្រតិបត្តិការផ្ញើ។ ប្រាក់បញ្ចូលក្នុងគណនីអ្នកទទួលជាក់ស្ដែង អាស្រ័យលើម៉ោងបម្រើសេវាធនាគារ ប្រព័ន្ធធនាគារ និងការប្រតិបត្តិតាមលក្ខខណ្ឌច្បាប់តម្រូវ។

7. តើអ្នកទទួលប្រាក់ផ្ទេររបស់ខ្ញុំតាមសេវាផ្ទេរប្រាក់ UnionPay Money Express នឹងត្រូវគិតថ្លៃសេវា នេះឬទេ?

មិនគិតថ្លៃសេវាទេ។ មិនមានការគិតថ្លៃសេវាសម្រាប់អ្នកទទួលប្រាក់ទេ។

8. តើខ្ញុំអាចបញ្ឈប់ប្រតិបត្តិការដែលបានធ្វើហើយបានដែរ ឬទេ?

ទេ អ្នកមិនអាចបញ្ឈប់ប្រតិបត្តិការនៅពេលដែលប្រតិបត្តិការនោះបានបញ្ជូនរួចរាល់ឡើយ។ ដូច្នេះ សូមប្រាកដថា ព័ត៌មានប្រតិបត្តិការពិតជាត្រឹមត្រូវមុនពេលអ្នកបន្តដំណើរការផ្ទេរប្រាក់។

9. តើខ្ញុំនឹងទទួលការជូនដំណឹងអំពីប្រតិបត្តិការផ្ទេរក្នុងកម្មវិធី ABA Mobile ឬទេ បន្ទាប់ពីខ្ញុំ បានផ្ទេរប្រាក់តាមរយៈសេវាផ្ទេរប្រាក់ UnionPay Money Express?

បន្ទាប់ពីធ្វើប្រតិបត្តិការផ្ទេររួច អ្នកអាចចូលទៅផ្នែក ABA សារជូនដំណឹង ក្នុង ABA Mobile នោះអ្នកនឹងឃើញចំនួនទឹកប្រាក់ដែលបង្កកលើគណនីរបស់អ្នកសម្រាប់ការផ្ទេរ។

10. តើខ្ញុំអាចធ្វើការផ្ទេរប្រាក់ច្រើនដងជាមួយសេវាផ្ទេរប្រាក់ UnionPay Money Express ក្នុងកម្មវិធី ABA Mobile របស់ខ្ញុំបានដែរ ឬទេ?

ប្រាកដជាអាច។ រាល់ប្រតិបត្តិការថ្មីនឹងត្រូវគិតថ្លៃសេវាថ្មី។ សូមពិនិត្យចំនួនកំណត់សម្រាប់ការផ្ទេរប្រាក់ និងតារាងថ្លៃសេវាខាងលើសម្រាប់ព័ត៌មានបន្ថែម។

11. តើអត្រាប្ដូរប្រាក់សម្រាប់សេវាផ្ទេរប្រាក់ UnionPay Money Express ទៅក្រៅប្រទេស គិតយ៉ាង ណាដែរ?

មិនមានការប្ដូរប្រាក់សម្រាប់ផ្ទេរទៅគណនី RMB ឡើយ ព្រោះសេវាកម្មនេះទូទាត់អត្រាប្ដូរប្រាក់ជាមុន ហើយផ្ទេរប្រាក់ចូលគណនី UnionPay របស់អ្នកទទួលជា RMB។

12. តើខ្ញុំគួរធ្វើយ៉ាងណា ប្រសិនបើទូរស័ព្ទរបស់ខ្ញុំដាច់សេវា ឬរលត់នៅពេលធ្វើការផ្ទេរប្រាក់តាម សេវាផ្ទេរប្រាក់ UnionPay Money Express ក្នុងកម្មវិធី ABA Mobile?

អ្នកគ្រាន់តែបើកកម្មវិធី ABA Mobile ឡើងវិញ ហើយផ្ទៀងផ្ទាត់ប្រវត្តិប្រតិបត្តិការរបស់អ្នកដើម្បីពិនិត្យឲ្យដឹងថាតើបានធ្វើប្រតិបត្តិការ ឬអត់ (ត្រូវការភ្ជាប់អ៊ីនធឺណិត)។ ក្នុងករណីមានបញ្ហាណាមួយ សូមទាក់ទងផ្នែកទំនាក់ទំនងអតិថិជន 24/7 តាមលេខទូរស័ព្ទ 098 203 203 ដើម្បីក្រុមការងារជួយសម្របសម្រួល។

13. ប្រសិនបើខ្ញុំចង់ផ្ទេរប្រាក់ទៅបរទេសជាមួយសេវាផ្ទេរប្រាក់ UnionPay Money Express តើមាន ប្រទេសប៉ុន្មានដែលខ្ញុំអាចផ្ទេរបានសម្រាប់សេវាកម្មនេះ?

អ្នកអាចផ្ញើ ឬទទួលប្រាក់បានភ្លាមៗរវាងប្រទេសចិន ហុងកុង និងម៉ាកាវ។

14. តើខ្ញុំអាចបង្កើតគំរូសម្រាប់ប្រតិបត្តិការដែលធ្វើជាប្រចាំឬទេ?

ប្រាកដណាស់! គ្រាន់តែបើកប៊ូតុង “បង្កើតគំរូ” នៅពេលអ្នកផ្ទេរប្រាក់ដំបូងតាមសេវាផ្ទេរប្រាក់ UnionPay Money Express ក្នុងកម្មវិធី ABA Mobile ហើយគំរូសម្រាប់ការផ្ទេរប្រាក់នេះ នឹងត្រូវបានបញ្ចូលដោយស្វ័យប្រវត្តិទៅក្នុងបញ្ជីគំរូរបស់អ្នកនៅក្រោមមីនុយ ផ្ទេរប្រាក់រហ័ស របស់កម្មវិធី។

15. ចុះបើខ្ញុំចង់ផ្ញើប្រាក់ពី ABA UnionPay របស់ខ្ញុំ ទៅកាត UnionPay ផ្សេងទៀត ដែលចេញដោយ ធនាគារ ABA?

អ្នកមិនអាចផ្ញើប្រាក់ដោយប្រើសេវាផ្ទេរប្រាក់ UnionPay Money Express ក្នុង ABA Mobile ជាមួយកាត ABA UnionPay ផ្សេងទៀតឡើយ។ សូមប្រើមុខងារផ្ទេរពី គណនីទៅគណនី ក្នុង ABA Mobile ដើម្បីផ្ញើទៅអ្នកកាន់កាត ABA ណាមួយ។

លក្ខខណ្ឌទូទៅ លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ ABA Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។

សេវា​ផ្ទេរ​ប្រាក់​ UnionPay​ MoneyExpress

​ហេតុ​អ្វី​ត្រូវ​ប្រើ​សេវា​ផ្ទេរ​ប្រាក់​ UnionPay​ MoneyExpress?

​ថ្លៃ​សេវា​ និង​ចំនួន​ទឹកប្រាក់​កំណត់​

ចំនួន​ទឹកប្រាក់​កំណត់​

​ព័ត៌មាន​បន្ថែម​

​របៀប​ផ្ទេរ​ប្រាក់​ពី​កាត​ ABA​ UnionPay​ តាម​សេវា​ផ្ទេរ​ប្រាក់​ UnionPay​ MoneyExpress

​របៀប​ទទួល​ប្រាក់​ពី​កាត​ ABA​ UnionPay​ ជាមួយ​សេវា​ផ្ទេរ​ប្រាក់​ UnionPay​ MoneyExpress

​ពេញចិត្ត​មុខងារ​នេះ​?

​មិន​ទាន់​មាន​កាត​ ABA​ UnionPay?