កម្ចីភ្លាមៗតាមរយៈបញ្ញើមានកាលកំណត់

ធនាគារ ABA មានផ្ដល់ កម្ចីភ្លាមៗតាមទូរស័ព្ទ សម្រាប់ម្ចាស់គណនីបញ្ញើមានកាលកំណត់ក្នុង ABA Mobile ។ ដូច្នេះ ពេលត្រូវការប្រាក់បន្ទាន់ អតិថិជនមិនចាំបាច់បិទគណនីបញ្ញើមានកាលកំណត់របស់ខ្លួន ធ្វើឲ្យបាត់បង់ការប្រាក់ឡើយ។

កម្ចីនេះ នឹងផ្ដល់ជូនជាមួយលក្ខខណ្ឌងាយៗ គ្រប់ពេលវេលា ដោយមិនតម្រូវឲ្យបំពេញក្រដាសស្នាម និងមិនបាច់រង់ចាំការអនុម័តឡើយ។ ស្នើសុំភ្លាម បានភ្លាមតាមទូរស័ព្ទ!

អត្ថប្រយោជន៍សំខាន់ៗ

រក្សាគណនីបញ្ញើមានកាលកំណត់ឲ្យនៅដដែល
រីករាយជាមួយទឹកប្រាក់បន្ថែមដែលអាចប្រើប្រាស់បានគ្រប់ពេល ដោយរក្សាគណនីបញ្ញើមានកាលកំណត់ឲ្យនៅដដែល ដើម្បីចំណេញការប្រាក់។ ទំនុកចិត្តកាន់តែខ្ពស់ ជាមួយការដាក់ប្រាក់សន្សំនៅធនាគារ ABA!

ទទួលបានកម្ចីភ្លាមៗ
មិនថាថ្ងៃ ឬយប់ លោកអ្នកអាចទទួលបានប្រាក់ជាបន្ទាន់ពីធនាគារដោយប្រើពេលត្រឹមប៉ុន្មានវិនាទីប៉ុណ្ណោះ។ លោកអ្នកនឹងទទួលបានទឹកប្រាក់ដុល ដែលនេះជាជម្រើសដ៏ល្អសម្រាប់ការទិញអីវ៉ាន់ ឬការចំណាយធំដុំ។

មិនគិតថ្លៃសេវា និងបន្ទុកផ្សេងៗ
ទទួលបានកម្ចីភ្លាមៗ មិនគិតថ្លៃសេវាដំណើរការឥណទាន និងមិនមានការពិន័យសម្រាប់ការបង់ប្រាក់មុនកាលកំណត់ឡើយ។ លោកអ្នកអាចបង់សងគ្រប់ពេលមុនកាលកំណត់ ហើយការប្រាក់នឹងគិតតាមចំនួនថ្ងៃជាក់ស្ដែងដែលកម្ចីត្រូវបានប្រើប្រាស់ប៉ុណ្ណោះ។

លក្ខខណ្ឌចម្បងៗ៖

ប្រភេទរូបិយប័ណ្ណ¹	ប្រាក់ដុល្លារ, ប្រាក់រៀល
លក្ខខណ្ឌទទួលបានកម្ចី	អតិថិជនត្រូវបំពេញលក្ខខណ្ឌដូចខាងក្រោម៖ ត្រូវមានអាយុ 18 ឆ្នាំឡើងទៅ នៅកាលបរិច្ឆេទស្នើសុំ ត្រូវមានគណនីបញ្ញើមានកាលកំណត់ (ម្ចាស់គណនីទោល)² ត្រូវជាអ្នកដែលប្រើកម្មវិធី ABA mobile
គោលបំណងហិរញ្ញប្បទាន	តម្រូវការផ្ទាល់ខ្លួន
ប្រភេទឥណទាន	កម្ចីភ្លាមៗតាមរយៈបញ្ញើមានកាលកំណត់
ទ្រព្យធានា	មានគណនីបញ្ញើមានកាលកំណត់ជាមួយធនាគារ ABA (បើកតាមទូរស័ព្ទដៃ ឬតាមបញ្ជរ) តែប៉ុណ្ណោះ
រយៈពេលកម្ចី (មានកាលកំណត់)	ដូចគ្នាទៅនឹងកាលបរិច្ឆេទដល់កាលកំណត់ របស់បញ្ញើមានកាលកំណត់
ចំនួនកម្ចី	ចំនួនទឹកប្រាក់អប្បបរមា 50ដុល្លារ ឬ 200,000រៀល
ចំនួនកម្ចី	ចំនួនទឹកប្រាក់អតិបរមា 90% នៃចំនួនទឹកប្រាក់បញ្ញើមានកាលកំណត់ ឬ 50,000ដុល្លារ ឬ 200,000,000រៀល ជាចំនួនទឹកប្រាក់ណាមួយដែលទាបជាង
ដាក់ប្រាក់³ / ការទូទាត់	អនុញ្ញាតតែតាមកម្មវិធី ABA Mobile ប៉ុណ្ណោះ
អត្រាការប្រាក់(ក្នុងមួយឆ្នាំ)	បូក 3% បន្ថែមពីលើអត្រាការប្រាក់នៃគណនីបញ្ញើមានកាលកំណត់របស់អតិថិជន
វិធីទូទាត់សង	ប្រាក់ដើម និងការប្រាក់ត្រូវបង់សងនៅកាលបរិច្ឆេទដែលបានកំណត់
ថ្លៃដំណើរការឥណទាន	ឥតគិតថ្លៃ
លក្ខខណ្ឌទូទាត់ប្រាក់កម្ចី	ការទូទាត់ខ្លួនឯង⁴ ការទូទាត់ដោយស្វ័យប្រវត្តិនៅពេលដល់កាលកំណត់⁵ ការទូទាត់ដោយបង្ខំនៅពេលដល់កាលកំណត់⁶

_{លក្ខខណ្ឌទាំងអស់ត្រូវអនុវត្តតាមឆន្ទានុសិទ្ធិរបស់ធនាគារ ABA ដោយមិនចាំបាច់ជូនដំណឹងជាមុន។}

_{¹ រូបិយប័ណ្ណកម្ចីអាស្រ័យលើរូបិយប័ណ្ណបញ្ញើមានកាលកំណត់។
² មិនគួរមានចំនួនទឹកប្រាក់បង្កកមុនណាមួយនៅក្នុងគណនីបញ្ញើមានកាលកំណត់។
³ ចំនួនទឹកប្រាក់អតិបរមាអនុវត្តតាមចំណុច “ចំនួនកម្ចី”។
⁴ អតិថិជនអាចទូទាត់កម្ចីមុនកាលបរិច្ឆេទដល់កំណត់តាមកម្មវិធី ABA Mobile។
⁵ អតិថិជនត្រូវរក្សា [ចំនួនទឹកប្រាក់កម្ចី+ការប្រាក់] ក្នុងគណនីបញ្ចេញទឹកប្រាក់សម្រាប់ការទូទាត់កម្ចីនៅពេលដល់កាលកំណត់។
⁶ ក្នុងករណីអតិថិជនមិនត្រូវរក្សាសមតុល្យគ្រប់គ្រាន់ [ចំនួនទឹកប្រាក់កម្ចី+ការប្រាក់] ក្នុងគណនីទូទាត់កម្ចី ប្រព័ន្ធនឹងបង្ខំបិទប្រាក់ដើម និងការប្រាក់គ្រប់ប្រភេទរបស់បញ្ញើមានកាលកំណត់នៅក្នុងគណនីទូទាត់កម្ចីដើម្បីបិទកម្ចីពេញលេញ។}

តើធ្វើដូចម្ដេចទើបទទួលបានកម្ចីភ្លាមៗតាមទូរស័ព្ទ?

បើកកម្មវិធី ABA mobile និងចុចប៊ូតុង “កម្ចី” លើអេក្រង់
ជ្រើសរើសគណនីបញ្ញើមានកាលកំណត់¹ ដែលអ្នកដាក់ជាទ្រព្យធានាកម្ចី។ ប្រសិនបើលោកអ្នកមិនមានបញ្ញើមានកាលកំណត់ សម្រាប់ធ្វើជាទ្រព្យធានា នោះលោកអ្នកអាចបើកភ្លាមៗតាមកម្មវិធីនេះ។
ដាក់ចំនួនទឹកប្រាក់កម្ចី² និងចុចប៊ូតុង “ទទួលកម្ចី”។
បញ្ជាក់យល់ព្រមទទួលកម្ចីភ្លាមៗតាមទូរស័ព្ទ ដោយបញ្ចូលលេខសម្ងាត់ 4ខ្ទង់ ABA Mobile របស់លោកអ្នក។ ពេលបញ្ជាក់រួចរាល់ លោកអ្នកនឹងទទួលបានកម្ចីភ្លាមចូលក្នុង ABA Mobile របស់អ្នក។ ត្រង់នេះ លោកអ្នកក៏អាចដោនឡូតកិច្ចព្រមព្រៀងកម្ចីដើម្បីទុកជាឯកសារយោង។

_{¹ ប្រសិនបើលោកអ្នកមានគណនីបញ្ញើមានកាលកំណត់តែមួយគណនី វានឹងជ្រើសរើសគណនីនោះដោយស្វ័យប្រវត្តិ។ ប្រសិនបើលោកអ្នកមានបញ្ញើមានកាលកំណត់លើសពីមួយ នោះអ្នកត្រូវជ្រើសរើសគណនីណាមួយ ដើម្បីបន្តដំណើរការស្នើសុំកម្ចីនេះ។}

_{² កម្ចីដែលលោកអ្នកអាចខ្ចីបាន គឺត្រូវមានចំនួនស្នើនឹង 90% នៃចំនួនបញ្ញើមានកាលកំណត់ដែលដាក់ធានាកម្ចី ឬច្រើនបំផុតត្រឹម 5,000ដុល្លារ / 20 លានរៀល។}

លក្ខខណ្ឌទទួលបាន

អ្នកប្រើប្រាស់ ABA Mobile ទាំងអស់ដែលមានយ៉ាងហោចណាស់បញ្ញើមានកាលកំណត់ដែលដំណើរការចំនួនមួយគណនី (លើកលែងគណនីបញ្ញើមានកាលកំណត់រួម)។

ដោនឡូត ABA Mobile

សូមចុចរូប Store ខាងក្រោម ដើម្បីដោនឡូតយកកម្មវិធី ABA Mobile ពី Apple Store ឬ Google Play Store ឬ Huawei AppGallery ។ បន្ទាប់ពីដោនឡូតរួចហើយ គ្រាន់តែអនុវត្តតាមការណែនាំជាការស្រេច!

ព័ត៌មានសំខាន់
សំណួរចម្លើយ

ធនាគារសូមរក្សាសិទ្ធិក្នុងការផ្លាស់ប្តូរលក្ខខណ្ឌនានា ដោយពុំចាំបាច់ជូនដំណឹងជាមុនដល់អតិថិជនឡើយ។ ព័ត៌មានលំអិតសូមអញ្ជើញមកកាន់សាខាធនាគារ ABA ណាមួយដែលនៅជិតលោកអ្នកបំផុត ឬចូលមើលគេហទំព័រ www.ababank.com ឬទូរស័ព្ទមកលេខ 098 203 203។

តើកម្ចីភ្លាមៗតាមកម្មវិធី ABA Mobile ជាអ្វី?

កម្ចីភ្លាមៗតាមកម្មវិធី ABA Mobile ជាកម្ចីចេញភ្លាមៗនៅក្នុងកម្មវិធី ABA Mobile សម្រាប់អតិថិជនមានគណនីបញ្ញើមានកាលកំណត់។ កម្ចីនេះមានជាប្រាក់ដុល្លារ និងប្រាក់រៀល។

តើអ្វីជាផលប្រយោជន៍នៃកម្ចីនេះ?

ទទួលបានប្រាក់បន្ទាន់ភ្លាមៗពីធនាគារ
ការប្រាក់សមរម្យ
មិនគិតថ្លៃដំណើរការកម្ចី
មិនមានការពិន័យសម្រាប់ការសងមុនកាលកំណត់
បង់សងបានគ្រប់ពេលមុនកាលកំណត់ ហើយការប្រាក់គិតតាមចំនួនថ្ងៃដែលបានខ្ចីជាក់ស្ដែងប៉ុណ្ណោះ

តើទទួលបានកម្ចីដោយរបៀបណា?

លោកអ្នកត្រូវមានគណនីសន្សំ ABA ហើយមានបញ្ញើមានកាលកំណត់សកម្មយ៉ាងហោចចំនួនមួយគណនី។ ដើម្បីស្នើសុំកម្ចី លោកអ្នកត្រូវមានកម្មវិធី ABA Mobile នៅលើទូរស័ព្ទរបស់លោកអ្នក។

តើខ្ញុំត្រូវការមានទ្រព្យធានាអ្វីខ្លះ?

ដើម្បីទទួលបានកម្ចីភ្លាមៗតាមទូរស័ព្ទ លោកអ្នកត្រូវប្រើគណនីបញ្ញើមានកាលកំណត់របស់លោកអ្នកធ្វើជាទ្រព្យធានា។

តើខ្ញុំអាចខ្ចីបានប៉ុន្មាន?

កម្ចីស្មើ 90% នៃចំនួនទឹកប្រាក់ក្នុងគណនីបញ្ញើមានកាលកំណត់ដែលដាក់ធានា ឬច្រើនបំផុត 50,000 ដុល្លារ/ 200 លានរៀល។

តើត្រូវចំណាយពេលប៉ុន្មានក្នុងការទទួលបានកម្ចីភ្លាមៗនេះ?

នៅពេលលោកអ្នកមានលក្ខខណ្ឌតាមកំណត់ហើយ លោកអ្នកនឹងទទួលបានកម្ចីភ្លាមៗតែម្ដង។

អត្រាការប្រាក់សម្រាប់កម្ចីនេះប៉ុន្មានដែរ?

អត្រាការប្រាក់សម្រាប់កម្ចីភ្លាមៗតាមទូរស័ព្ទរបស់លោកអ្នកអាស្រ័យលើលក្ខខណ្ឌនៃគណនីបញ្ញើមានកាលកំណត់របស់លោកអ្នក។ សូមពិនិត្យដោយប្រុងប្រយ័ត្នចំពោះអត្រាការប្រាក់ជាក់ស្តែងនៅលើអេក្រង់កម្មវិធី ABA Mobile របស់លោកអ្នកនៅពេលបង្កើតសំណើសុំកម្ចី។

តើត្រូវធ្វើការបង់សងវិញដោយរបៀបណា?

ប្រាក់កម្ចីគោលនិងការប្រាក់ត្រូវបង់សងពេញនៅមុនកាលបរិច្ឆេទកំណត់នៃបញ្ញើមានកាលកំណត់ដែលត្រូវបានប្រើប្រាស់ជាទ្រព្យធានាកម្ចី។ ការប្រាក់ត្រូវគណនាចាប់ពីកាលបរិច្ឆេទទម្លាក់កម្ចីរហូតដល់កាលបរិច្ឆេទបង់សងកម្ចី។

តើខ្ញុំត្រូវគិតថ្លៃឬអត់ ប្រសិនបើខ្ញុំបង់សងកម្ចីមុនកាលកំណត់?

មិនមានគិតថ្លៃទេ មិនមានការពិន័យសម្រាប់ការបង់សងកម្ចីមុនកាលកំណត់នោះ។ លោកអ្នកអាចបង់សងចំនួនប្រាក់កម្ចីគោលនិងការប្រាក់នៅថ្ងៃណាមួយក៏បានដោយមិនមានគិតថ្លៃសម្រាប់ការបង់សងកម្ចីមុនកាលកំណត់នោះទេ។

តើមានអ្វីកើតឡើងចំពោះបញ្ញើមានកាលកំណត់របស់ខ្ញុំប្រសិនបើខ្ញុំបង់សងកម្ចីទាន់ពេល?

ប្រសិនបើលោកអ្នកមិនបានបង់សងកម្ចីទាន់ពេលទេ ធនាគារ ABA នឹងទូទាត់ទាំងប្រាក់ដើម និងការប្រាក់ពីគណនីបញ្ញើមានកាលកំណត់របស់លោកអ្នកដែលដាក់ធានាពេលខ្ចី។ គណនីបញ្ញើមានកាលកំណត់នោះនឹងត្រូវបិទបន្ទាប់ពីទូទាត់រួចរាល់ ហើយប្រាក់ដែលនៅសល់បន្ទាប់ពីកាត់រួចនឹងត្រូវដាក់ចូលក្នុងគណនីសន្សំដែលលោកអ្នកប្រើប្រាស់កាលពីពេលបើកគណនីបញ្ញើមានកាលកំណត់។

តើខ្ញុំអាចមានកម្ចីច្រើននៅក្នុងកម្មវិធី ABA Mobile បានដែរឬទេ?

លោកអ្នកអាចមានកម្ចីច្រើនបាន ប្រសិនបើលោកអ្នកមានគណនីបញ្ញើមានកាលកំណត់លើសពីមួយជាមួយនឹងធនាគារ។ សូមកត់សម្គាល់ថា គណនីបញ្ញើមានកាលកំណត់មួយ អាចប្រើបានសម្រាប់កម្ចីមួយ។

តើខ្ញុំអាចប្តូររូបិយប័ណ្ណកម្ចីរបស់ខ្ញុំបានឬអត់?

មិនបានទេ។ រូបិយប័ណ្ណកម្ចីដែលផ្ដល់ជូន គឺត្រូវដូចគ្នានឹងរូបិយប័ណ្ណនៃបញ្ញើមានកាលកំណត់ដែលលោកអ្នកប្រើជាទ្រព្យធានា ហើយមិនអាចផ្លាស់ប្តូរទៅជារូបិយប័ណ្ណផ្សេងឡើយ។

តើខ្ញុំត្រូវធ្វើយ៉ាងណាប្រសិនបើខ្ញុំនៅតែមានសំណួរអំពីកម្ចីនេះ?

ក្នុងករណីមានសំណួរណាមួយអំពីកម្ចីភ្លាមៗតាមទូរស័ព្ទ សូមទូរស័ព្ទមក 098 203 203 ឬផ្ញើអុីមែលមក [email protected] ឬផ្ញើសារមកការជជែក 24/7 នៅលើវេបសាយ www.ababank.com ឬនៅលើផេក Facebook របស់ធនាគារ។

លក្ខខណ្ឌទូទៅ លក្ខខណ្ឌកម្ចីរហ័ស លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ ABA Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។

កម្ចី​ភ្លាមៗ​តាម​រយៈ​បញ្ញើ​មាន​កាលកំណត់​

អត្ថប្រយោជន៍​សំខាន់ៗ

លក្ខខណ្ឌ​ចម្បងៗ​៖

តើ​ធ្វើ​ដូច​ម្ដេច​ទើប​ទទួល​បាន​កម្ចី​ភ្លាមៗ​តាម​ទូរស័ព្ទ​?

លក្ខខណ្ឌ​ទទួល​បាន​