ភ្នាក់ងារ Wing

ធនាគារ ABA ចាប់ដៃគូជាមួយធនាគារឯកទេស Wing ក្នុងការផ្តល់ជូនអតិថិជននូវសេវាបង់សងកម្ចីដោយងាយស្រួល។ ជាមួយថ្លៃសេវាចាប់ពី 0.65 ដុល្លារ ឬ 2,600 រៀល លោកអ្នកអាចដាក់ប្រាក់បានយ៉ាងងាយស្រួលចូលក្នុងគណនី ABA នៅតាមភ្នាក់ងារវីង ជាង 11,000 ដែលមានទីតាំងស្ថិតនៅជិតផ្ទះ ឬកន្លែងអាជីវកម្មរបស់លោកអ្នកជាងម៉ាស៊ីនដាក់ប្រាក់ ឬសាខា ABA ។

ទទួលបានមធ្យោបាយរហ័ស និងងាយស្រួលក្នុងការបង់សងកម្ចីអាជីវកម្មរបស់លោកអ្នកជាមួយធនាគារ ABA តាមរយៈភ្នាក់ងារវីង!

ជំហានងាយស្រួលក្នុងការដាក់ប្រាក់ចូលគណនី ABA របស់លោកអ្នកតាមភ្នាក់ងារវីង

អញ្ជើញទៅកាន់ភ្នាក់ងារវីងនៅជិតលោកអ្នក (សម្រាប់ទីតាំងជាក់ស្តែងរបស់ភ្នាក់ងារជិតលោកអ្នក សូមទូរស័ព្ទទៅធនាគារវីង តាមលេខទូរស័ព្ទ 023 999 989)។
ផ្ដល់ជូនភ្នាក់ងារវីងនូវ លេខគណនី ABA 9 ខ្ទង់របស់លោកអ្នក លេខទូរស័ព្ទផ្ទាល់ខ្លួនរបស់លោកអ្នក និងចំនួនទឹកប្រាក់ជាដុល្លារ ឬរៀល រួមទាំងថ្លៃប្រតិបត្តិការ។
រួចរាល់! លោកអ្នកនឹងទទួលបានបង្កាន់ដៃពីភ្នាក់ងារវីងព្រមទាំងសារបញ្ជាក់ពីប្រតិបត្តិការជោគជ័យ។

ថ្លៃសេវាផ្ទេរប្រាក់

ថ្លៃសេវាផ្ទេរប្រាក់ទៅគណនីធនាគារ ABA តាមរយៈបណ្តាញភ្នាក់ងារវីង ជាដុល្លារ និងរៀល មានដូចខាងក្រោម៖

ផ្ទេរជាប្រាក់ដុល្លារ

ចំនួនទឹកប្រាក់	ថ្លៃសេវា
0.01 - 50	0.65
50.10 - 100	0.90
100.01 - 500	1.30
500.01 - 1,000	1.50
1,000.01 - 2,000	3.00
2,000.01 - 2,500	3.75

ទឹកប្រាក់កំណត់វេរប្រចាំថ្ងៃ៖ 2,500 ដុល្លារ

ផ្ទេរជាប្រាក់រៀល

ចំនួនទឹកប្រាក់	ថ្លៃសេវា
1 - 20,000	2,600
200,100 - 400,000	3,600
400,100 - 2,000,000	5,200
2,000,100 - 4,000,000	6,000
4,000,100 - 8,000,000	12,000
8,000,001 - 10,000,000	15,000

ទឹកប្រាក់កំណត់វេរប្រចាំថ្ងៃ៖ 10,000,000 រៀល

ដោនឡូត ABA Mobile
សំណួរចម្លើយ

ក្រោយពីដាក់ប្រាក់ចូលគណនីរួច អ្នកអាចឆែកមើលទឹកប្រាក់បានយ៉ាងងាយ តាមកម្មវិធី ABA Mobile ដ៏មានសុវត្ថិភាព និងងាយស្រួលប្រើ។ កម្មវិធីនេះ Free ទាំងដោនឡូត និងប្រើប្រាស់។

ចុចលើសញ្ញាខាងក្រោម ដើម្បីដោនឡូតកម្មវិធីពី Apple Store ឬ Google Play Store ឬ Huawei AppGallery ។ ក្រោយដោនឡូតរួច អ្នកគ្រាន់តែអនុវត្តតាមការណែនាំលើអេក្រង់ នោះអ្នកអាចប្រើបានភ្លាម!

តើខ្ញុំអាចបង់សងកម្ចីរបស់ខ្ញុំជាមួយ ABA តាមរយៈភ្នាក់ងារ Wing ដោយរបៀបណា?

លោកអ្នកអាចដាក់ចំនួនទឹកប្រាក់ចាំបាច់ចូលក្នុងគណនីបង់សងកម្ចី ABA របស់លោកអ្នក តាមរយៈភ្នាក់ងារ Wing Cash Xpress ណាមួយដែលនៅជិតផ្ទះ ឬកន្លែងអាជីវកម្មរបស់លោកអ្នក។ នៅពេលធ្វើប្រតិបត្តិការបានជោគជ័យ ប្រាក់នឹងដាក់ចូលភ្លាមទៅកាន់គណនីធនាគាររបស់លោកអ្នក។

តើខ្ញុំគួរតែផ្តល់ព័ត៌មានអ្វីខ្លះទៅកាន់ភ្នាក់ងារ Wing ដើម្បីដំណើរការបង់សងកម្ចីរបស់ខ្ញុំជាមួយ ABA?

លោកអ្នកចាំបាច់ត្រូវផ្ដល់ជូនភ្នាក់ងារ Wing Cash Xpress នូវលេខគណនីបង់សងកម្ចី ABA 9 ខ្ទង់របស់លោកអ្នក ព្រមទាំងលេខទូរស័ព្ទផ្ទាល់ខ្លួនរបស់លោកអ្នក និងចំនួនទឹកប្រាក់ (ជាដុល្លារ ឬរៀល) រួមទាំងថ្លៃប្រតិបត្តិការ។

តើខ្ញុំអាចស្វែងរកភ្នាក់ងារទទួលសិទ្ធិ Wing ដើម្បីដំណើរការបង់សងកម្ចី ABA របស់ខ្ញុំនៅទីណា?

ដើម្បីទទួលបានព័ត៌មានបច្ចុប្បន្នភាពបំផុតអំពីទីតាំងភ្នាក់ងារ Wing Cash Xpress សូមទាក់ទងមកផ្នែកទំនាក់ទំនងអតិថិជន Wing តាមរយៈលេខ 023 999 989 ។

តើខ្ញុំគួរធ្វើបែបណា ប្រសិនបើខ្ញុំផ្តល់លេខគណនីខុសឲ្យភ្នាក់ងារ Wing ហើយប្រាក់របស់ខ្ញុំបានផ្ទេរចូលគណនី ABA របស់អ្នកផ្សេង?

លោកអ្នកចាំបាច់ត្រូវជូនដំណឹងភ្នាក់ងារអំពីបញ្ហានេះជាបន្ទាន់ ដើម្បីឲ្យភ្នាក់ងារអាចទាក់ទងមកផ្នែកទំនាក់ទំនងអតិថិជន Wing ដើម្បីផ្ទេរប្រាក់មកវិញ។ ចំណាំ៖ ភ្នាក់ងារ Wing តែងតែផ្ទៀងផ្ទាត់ព័ត៌មានជាមួយលោកអ្នក មុនពេលបញ្ជាក់ការទូទាត់។ សូមផ្ទៀងផ្ទាត់ ហើយស្នើសុំឲ្យភា្នក់ងារកែប្រែលេខគណនីរបស់លោកអ្នកជាបន្ទាន់ ប្រសិនបើលោកអ្នកឃើញខុសគ្នា។ សូមរក្សាបង្កាន់ដៃប្រតិបត្តិការសម្រាប់ជាឯកសារយោងរបស់លោកអ្នក។

តើខ្ញុំអាចឲ្យសាច់ញាតិរបស់ខ្ញុំបង់សងកម្ចីឲ្យខ្ញុំបានដែរឬទេ?

បាទ/ចាស លោកអ្នកអាចឲ្យសាច់ញាតិបង់សងកម្ចីឲ្យលោកអ្នកបាន។ ត្រូវប្រាកដថា សាច់ញាតិរបស់លោកអ្នកដឹងលេខគណនី ABA 9 ខ្ទង់របស់លោកអ្នកបានត្រឹមត្រូវ និងផ្តល់ចំនួនទឹកប្រាក់ត្រឹមត្រូវ (ជាដុល្លារ ឬរៀល) រួមទាំងថ្លៃប្រតិបត្តិការ ដល់ភ្នាក់ងារ Wing Cash Xpress ។

តើខ្ញុំគួរតែធ្វើបែបណា ប្រសិនបើខ្ញុំបានដំណើរការបង់សងកម្ចីរបស់ខ្ញុំតាមរយៈភ្នាក់ងារ Wing រួចរាល់ ប៉ុន្តែមន្ត្រីឥណទាន ABA ហៅខ្ញុំឲ្យទូទាត់សងកម្ចី?

ប្រសិនបើបញ្ហានេះកើតឡើង សូមផ្ញើរូបថតបង្កាន់ដៃរបស់លោកអ្នកឲ្យទៅមន្ត្រីឥណទាន ABA សម្រាប់ជាឯកសារយោងរបស់ពួកគេ។ ម្យ៉ាងវិញទៀត លោកអ្នកអាចទាក់ទងមកផ្នែកទំនាក់ទំនងអតិថិជន Wing តាមរយៈលេខ 023 999 989 ដើម្បីស្វែងរកដំណោះស្រាយ។

តើខ្ញុំទទួលបានសារលោតជូនដំណឹងនៅក្នុងកម្មវិធី ABA Mobile របស់ខ្ញុំ បន្ទាប់ពីខ្ញុំដាក់ប្រាក់តាមរយៈភ្នាក់ងារ Wing?

បាទ/ចាស លោកអ្នកនឹងទទួលបានសារលោតជូនដំណឹងភ្លាមក្នុងកម្មវិធី ABA Mobile បន្ទាប់ពីប្រាក់ត្រូវបានដាក់ចូលគណនីរបស់លោកអ្នក។

តើថ្លៃសេវាបង់សងកម្ចីតាមរយៈភ្នាក់ងារ Wing គិតថ្លៃសេវាយ៉ាងដូចម្តេចដែរ?

ខាងក្រោមនេះជាព័ត៌មានលម្អិតសម្រាប់ថ្លៃសេវាផ្ទេរប្រាក់រវាង ABA និង Wing ៖ចំណាំ៖ ថ្លៃសេវាប្រតិបត្តិការត្រូវគិតថ្លៃដាច់ដោយឡែកពីចំនួនទឹកប្រាក់ដែលលោកអ្នកមានបំណងដាក់ចូលគណនីធនាគារ ABA របស់លោកអ្នក។

ចំនួន	ថ្លៃសេវា	ចំនួន/ថ្ងៃ
0.01 – 50 ដុល្លារ ឬ 1 – 200,000 រៀល	0.30 ដុល្លារ ឬ 1,200 រៀល	1,000 ដុល្លារ ឬ 4លានរៀល
50.01 – 100 ដុល្លារ ឬ 200,100 – 400,000 រៀល	0.40 ដុល្លារ ឬ 1,600 រៀល
100.01 – 500 ដុល្លារ ឬ 400,100 – 2លានរៀល	0.75 ដុល្លារ ឬ 3,000 រៀល
500.01 – 1,000 ដុល្លារ ឬ 2000,100 – 4លានរៀល	1.00 ដុល្លារ ឬ 6,000 រៀល

ភ្នាក់ងារ Wing

​ជំហាន​ងាយស្រួល​ក្នុង​ការ​ដាក់​ប្រាក់​ចូល​គណនី​ ABA​ របស់​លោក​អ្នក​តាម​ភ្នាក់ងារ​វី​ង​

​ថ្លៃ​សេវា​ផ្ទេរ​ប្រាក់​

ផ្ទេរជាប្រាក់ដុល្លារ

ផ្ទេរជាប្រាក់រៀល

ជំហានងាយស្រួលក្នុងការដាក់ប្រាក់ចូលគណនី ABA របស់លោកអ្នកតាមភ្នាក់ងារវីង

ថ្លៃសេវាផ្ទេរប្រាក់