ផ្ទេរតាម SWIFT

ធនាគារ ABA បាននាំមកនូវបទពិសោធធនាគារទំនើប មានសុវត្ថិភាព ទាំងការផ្ញើ និងទទួលប្រាក់របស់អ្នក។ សម្រាប់ព័ត៌មានបន្ថែមស្ដីអំពីការផ្ទេរប្រាក់អន្តរជាតិ សូមពិនិត្យជម្រើសខាងក្រោម។

លេខកូដ SWIFT របស់ធនាគារ ABA គឺ ABAAKHPP

ការផ្ទេរប្រាក់ចេញ

ប្រសិនបើលោកអ្នកចង់ផ្ទេរប្រាក់ទៅក្រៅប្រទេសប្រកបដោយសុវត្ថិភាព និងប្រសិទ្ធផលខ្ពស់បំផុត សូមជ្រើសរើសសេវាផ្ទេរប្រាក់ទៅក្រៅប្រទេសរបស់យើង ដែលដំណើរការលឿន និងមានប្រសិទ្ធផលបំផុតដោយប្រើបច្ចេកវិទ្យា SWIFT។ ជាមួយបច្ចេកវិទ្យា SWIFT នេះ ទឹកប្រាក់របស់លោកអ្នក នឹងត្រូវបានផ្ទេរចូលក្នុងគណនីអ្នកទទួលដោយផ្ទាល់ យ៉ាងឆាប់រហ័ស និងមានសុវត្ថិភាពបំផុត។

ក្នុងគោលបំណងដើម្បីធ្វើឲ្យបទពិសោធរបស់អ្នកជាមួយធនាគារ ABA បានកាន់តែមានភាពងាយស្រួល យើងបានបង្កើតសំណុំបែបបទផ្ញើប្រាក់ទៅក្រៅប្រទេស OTT (Outward Telegraphic Transfer) ។ អ្នកអាចទាញយកវាបានយ៉ាងងាយស្រួល បំពេញវាពេលដែលវាផ្តល់ភាពងាយស្រួលសម្រាប់អ្នក បន្ទាប់មកបោះពុម្ពចេញ និងនាំយកវាទៅឲ្យ Teller នៅសាខាធនាគារ ABA ដែលនៅជិតលោកអ្នកបំផុត។

ដើម្បីទាញយកសំណុំបែបបទ សូមចុចលីងក្រោមនេះ

តម្លៃសេវាកម្ម
ធនាគារដៃគូ

រូបិយប័ណ្ណ	កម្រៃជើងសារ¹	ថ្លៃបណ្តាញ	សេវាកែសម្រួល
USD	0.15% ឬអប្ប. 15ដុល្លារ	15ដុល្លារ	30ដុល្លារ
CAD	0.15% ឬអប្ប. 15ដុល្លារ	15ដុល្លារ	40ដុល្លារ
AUD	0.15% ឬអប្ប. 15ដុល្លារ	15ដុល្លារ	40ដុល្លារ
EUR	0.15% ឬអប្ប. 15ដុល្លារ	15ដុល្លារ	40ដុល្លារ
GBP²	0.15% ឬអប្ប. 15ដុល្លារ	15ដុល្លារ	40ដុល្លារ
THB³	0.15% ឬអប្ប. 15ដុល្លារ	15ដុល្លារ	40ដុល្លារ
CNY	0.15% ឬអប្ប. 15ដុល្លារ	15ដុល្លារ	40ដុល្លារ
VND	0.15% ឬអប្ប. 15ដុល្លារ	15ដុល្លារ	40ដុល្លារ
JPY⁴	0.15% ឬអប្ប. 15ដុល្លារ	15ដុល្លារ	40ដុល្លារ
SGD⁵	0.15% ឬអប្ប. 15ដុល្លារ	15ដុល្លារ	40ដុល្លារ

សម្រាប់ម៉ាស៊ីនគិតលេខអត្រាផ្ទេរប្រាក់ក្រៅប្រទេស សូម ចុចត្រង់នេះ សម្រាប់ព័ត៌មានបន្ថែម។

រាល់ការលុបចោលការផ្ទេរ គ្រប់រូបិយប័ណ្ណ/ចំនួន៖ 30ដុល្លារ។

_{¹ ប្រសិនបើលោកអ្នកចង់បង់ថ្លៃសេវាធនាគារ ABA និងថ្លៃសេវាធនាគារអន្តរការី/ធនាគារដៃគូឲ្យហើយ ដើម្បីធានាថាទឹកប្រាក់នឹងត្រូវបានផ្ទេរទៅកាន់ធនាគារទទួលផលបានគ្រប់ចំនួននោះ អ្នកគួរជ្រើសរើសយកជម្រើស “OUR” ខណៈពេលដែលអ្នកកំពុងបំពេញពាក្យស្នើសុំផ្ទេរប្រាក់។ ក្នុងករណីបែបនេះ ថ្លៃសេវាបន្ថែមត្រូវបានអនុវត្ត៖}

រូបិយប័ណ្ណ	ថ្លៃសេវា	រូបិយប័ណ្ណ	ថ្លៃសេវា
USD	30ដុល្លារ	CNY	50ដុល្លារ
CAD	30ដុល្លារ	EUR	50ដុល្លារ
AUD	30ដុល្លារ	GBP	50ដុល្លារ
VND	30ដុល្លារ	THB	50ដុល្លារ
SGD	50ដុល្លារ	JPY⁴	100ដុល្លារ

_{² សម្រាប់ការផ្ទេរជារូបិយប័ណ្ណ ផោន (GBP) ដែលតិចជាង 100ផោន}_{(GBP ) នឹងត្រូវគិតថ្លៃសេវាបន្ថែមចំនួន 5ផោន (GBP )។
³ សម្រាប់ការផ្ទេររូបិយប័ណ្ណ THB តម្រូវឲ្យផ្ទេរចាប់ពី 1000 THB ឡើងទៅ។
⁴ សម្រាប់ការផ្ទេរប្រាក់ យេនជប៉ុន (JPY) ជាមួយចំនួនទឹកប្រាក់ តិចជាង ឬស្មើ 10,000,000 យេនជប៉ុន ថ្លៃសេវារួម (OUR) គឺ 100 ដុល្លារអាមេរិក។ សម្រាប់ការផ្ទេរប្រាក់លើសពី 10,000,000 យេនជប៉ុន ថ្លៃសេវារួម (OUR) គឺ 100 ដុល្លារអាមេរិក + 0.05% នៃចំនួនទឹកប្រាក់ផ្ទេរ។}
_{⁵ សម្រាប់ប្រតិបត្តិការជារូបិយប័ណ្ណដុល្លារសិង្ហបុរី (SGD) ទៅកាន់ប្រទេសនានា ក្រៅពីសិង្ហបុរី ថ្លៃសេវាបន្ថែម ចំនួន SGD 20 + 0.125% (អតិ. SGD 200) នឹងត្រូវទូទាត់ពីលើ ចំនួនផ្ទេរជា SGD (អនុវត្តទាំងអស់ចំពោះជម្រើសណាមួយរវាង SHA,BEN,OUR)។}

ការផ្ទេរប្រាក់ទៅក្រៅប្រទេស ត្រូវបានធ្វើទៅតាមធនាគារដៃគូរបស់យើង និងតាមរយៈបណ្តាញរបស់ពួកគេនៅជុំវិញពិភពលោក។ ខាងក្រោមនេះ គឺជាឈ្មោះធនាគារដែលជាដៃគូរបស់យើង ដែលមាននៅប្រទេសផ្សេងៗ ដើម្បីជួយសម្រួលដល់ការផ្ទេរប្រាក់ ចេញ រឺ ចូលក្នុងគណនីរបស់អ្នក៖

រូបិយប័ណ្ណ	ឈ្មោះធនាគារភ្នាក់ងារ	លេខ SWIFT កូដ
USD	JPMorgan Chase Bank National Association, USA	CHASUS33
USD	Standard Chartered Bank, USA	SCBLUS33
USD	Standard Chartered Bank (Singapore) Limited	SCBLSG22
USD	Woori Bank, South Korea	HVBKKRSE
USD	Kookmin Bank, South Korea	CZNBKRSE
USD	KEB Hana Bank, South Korea	KOEXKRSE
USD	DBS Bank, Singapore	DBSSSGSG
USD	Oversea-Chinese Banking Corporation Limited, Singapore	OCBCSGSG
USD	Joint Stock Commercial Bank for Foreign Trade of Vietnam, Vietnam	BFTVVNVX
USD	KasikornBank Public Company Limited, Thailand	KASITHBK
VND	Joint Stock Commercial Bank for Foreign Trade of Vietnam, Vietnam	BFTVVNVX
CAD	National Bank of Canada, Canada	BNDCCAMMINT
USD	National Bank of Canada, Canada	BNDCCAMMINT
EUR	National Bank of Canada, Canada	BNDCCAMMINT
EUR	Commerzbank AG, Germany	COBADEFF
GBP	Standard Chartered Bank, UK	SCBLGB2L
SGD	DBS Bank, Singapore	DBSSSGSG
CNY	China Construction Bank Corporation, China	PCBCCNBJGPS
CNY	ICBC Limited Phnom Penh Branch	ICBKKHPP
THB	Standard Chartered Bank (Thai), Thailand	SCBLTHBX
THB	KasikornBank Public Company Limited, Thailand	KASITHBK
KRW	Woori Bank, South Korea	HVBKKRSE
AUD	JPMorgan Chase Bank National Association, Australia	CHASAU2X
JPY	Sumitomo Mitsui Banking Corporation, Japan	SMBCJPJT

របៀបផ្ទេរ
លក្ខខណ្ឌ

ប្រើកម្មវិធី ABA Mobile ឬ ផ្លែតហ្វម ABA Business ដែលអ្នកអាចធ្វើខ្លួនឯងបាន 24/7។ ឬ
ទៅកាន់សាខាធនាគារ ABA ដែលនៅជិតបំផុតហើយ បំពេញទម្រង់បែបបទផ្ទេរប្រាក់ទៅក្រៅប្រទេស។

ចំណាំៈ ប្រទេសមួយចំនួនខាងក្រោមនេះ មានតម្រូវការព័ត៌មានដោយឡែកៗពីគ្នា៖

ប្រទេសដែលផ្ញើប្រាក់ទៅ	តម្រូវការព័ត៌មានដែលអតិថិជន ABA ត្រូវបញ្ចូល
USA	Routing Number/Fedwire Number/ABA
United Kingdom	Sort code
New Zealand	BSB Number
Australia	BSB Number
Canada⁶	Transit Number and Institution Number
Thailand	Branch Name
Japan	Branch Name/Branch Code
Latvia	Intermediary Bank
Vanuatu	Intermediary Bank
UAE	Purpose Code

_{⁶ សម្រាប់ការផ្ទេរប្រាក់ទៅកាន់ប្រទេសកាណាដា អាសយដ្ឋានអ្នកទទួល ត្រូវមានទម្រង់ "លេខផ្លូវ/អគារ ឬអាផាតមនត៍, ឈ្មោះផ្លូវ, ទីក្រុង, លេខកូដខេត្ត, លេខកូដប្រៃសណីយ៍, ប្រទេស" ដើម្បីចៀសវាងការបដិសេធ ឬផ្អាកប្រតិបត្តិការ ដោយធនាគារទទួល។}

សម្រាប់ព័ត៌មានបន្ថែមសូមទូរស័ព្ទលេខ 1 800 203 203។

លក្ខខណ្ឌនៃការផ្ទេរប្រាក់របស់ធនាគារវឌ្ឍនៈអាស៊ីចំកាត់ “ABA”

សូមអានលក្ខខណ្ឌខាងក្រោមនេះដោយប្រុងប្រយ័ត្ន។ លក្ខខណ្ឌនេះគឺជា កិច្ចព្រមព្រៀង រវាងរូបអ្នក (អ្នកផ្ទេរ) និងធនាគារវឌ្ឍនៈអាស៊ីចំកាត់ (ធនាគារ) ពាក់ព័ន្ធនឹងការប្រើប្រាស់សេវាផ្ទេរប្រាក់។

អ្នកផ្ទេរបញ្ជាក់ថា រាល់ព័ត៌មាននៅក្នុងពាក្យស្នើសុំផ្ទេរប្រាក់គឺត្រឹមត្រូវ និង ពិតប្រាកដមែន ។ ហើយធនាគារ នឹងមិនទទួលខុសត្រូវរាល់ការយឺតយ៉ាវ អាក់ដំណើរការ និងការដកចេញ ដែលបង្កឡើងដោយសារអ្នកផ្ទេរបានផ្ដល់ព័ត៌មានមិនមានភាពច្បាស់លាស់ ឬមិនត្រឹមត្រូវនោះទេ។
អ្នកផ្ទេរយល់ព្រមថា នឹងមិនបង្ហាញ លេខកូដ (PIN) ឬ ពាក្យសម្ងាត់ ដែលតម្រូវសម្រាប់ការប្រើប្រាស់ កម្មវិធី ABA Mobile និង I Banking ទៅកាន់ភាគីទីបីនោះទេ។
អ្នកផ្ទេរបញ្ជាក់ថា ពិតជាបានបង្កើតប្រតិបត្តិការផ្ទេរប្រាក់ក្នុងគោលបំណងផ្ទាល់ខ្លួន ដោយមិនបង្កើតប្រតិបត្តិការផ្ទេរប្រាក់ណាមួយជំនួសឱ្យភាគីទីបីឡើយ។
អ្នកផ្ទេរបានផ្ដល់សិទ្ធិឱ្យធនាគារធ្វើការដកប្រាក់ចេញពីគណនីរបស់អ្នកផ្ទេរ នូវចំនួនប្រាក់ផ្ទេររួមទាំងកម្រៃសេវាផ្សេងៗ។
អ្នកផ្ទេរបានយល់ និង ឯកភាពថា ធនាគារនឹងអនុវត្តអត្រាប្ដូរប្រាក់របស់ធនាគារ ដើម្បីធ្វើការផ្ទេរប្រាក់ជារូបិយប័ណ្ណបរទេស។
ធនាគារនឹងបញ្ជូនប្រតិបត្តិការនៅថ្ងៃធ្វើការបន្ទាប់ ហើយអត្រាប្តូរប្រាក់ថ្មីអាចនឹងត្រូវបានអនុវត្តសម្រាប់ការផ្ទេរប្រាក់ជារូបិយប័ណ្ណបរទេស ប្រសិនបើប្រតិបត្តិការនេះស្ថិតក្នុងការរង់ចាំការត្រួតពិនិត្យផ្សេងៗ ឬ ប្រតិបត្តិការនេះត្រូវបានធ្វើឡើងក្រោយម៉ោង ៤ រសៀល (ម៉ោងនៅកម្ពុជា) នៃថ្ងៃធ្វើការនៅតាមបញ្ជរបេឡារបស់ធនាគារ។
អ្នកផ្ទេរអនុញ្ញាតឱ្យធនាគារធ្វើការពន្យារ បង្កក ឬលុបចោលការផ្ទេរប្រាក់ប្រសិនបើធនាគារ ឬធនាគារអន្តរការី រកឃើញថាការផ្ទេរប្រាក់នោះមានពាក់ព័ន្ធនឹងសកម្មភាពមិនស្របច្បាប់ និង/ឬ អំពើល្មើសច្បាប់ ឬបទប្បញ្ញត្តិជាតិ ឬអន្តរជាតិ។
អ្នកផ្ទេរធានាថា ការផ្ទេរប្រាក់នេះមិនមានពាក់ព័ន្ធនឹងសកម្មភាពមិនស្របច្បាប់នានា និង/ឬការសម្អាតប្រាក់ និង/ឬសកម្មភាពហិរញ្ញប្បទានភេរវកម្មណាមួយឡើយ ។ ធនាគារមានសិទ្ធិក្នុងការបដិសេធ ឬបង្កកការផ្ទេរប្រាក់ ប្រសិនបើចាំបាច់ ដើម្បីស៊ើបអង្កេត/សិក្សាបន្ថែមអំពីអតិថិជន។
អ្នកផ្ទេរនឹងមិនទាមទារសំណងណាមួយពីធនាគារសម្រាប់ការខាតបង់ ឬការបដិសេធណាមួយ ប្រសិនបើប្រតិបត្តិការរបស់ខ្លួនត្រូវបានបង្កក ឬបដិសេធដោយធនាគារអន្តរការី ឬធនាគាររបស់អ្នកទទួល ពាក់ព័ន្ធនឹងទណ្ឌកម្ម ឬលក្ខខណ្ឌកម្រិតអន្តរជាតិណាមួយ។
អ្នកផ្ទេរយល់ព្រម ផ្ដល់ជូននូវព័ត៌មាន និង/ឬ ឯកសារបន្ថែមពាក់ព័ន្ធនឹងការផ្ទេរប្រាក់ប្រសិនបើតម្រូវដោយធនាគារ។
ធនាគារមានសិទ្ធិធ្វើការកែប្រែថ្លៃសេវាកម្ម និង កម្រៃ ក៏ដូចជាលក្ខខណ្ឌទាំងអស់គ្រប់ពេលវេលាដោយមិនចាំបាច់ធ្វើការជូនដំណឹងជាមុន។
ធនាគារមានសិទ្ធិផ្ដល់ព័ត៌មាននៃការផ្ទេរប្រាក់ទៅឲ្យភាគីទីបី ដែលកំណត់ដោយច្បាប់ព្រះរាជាណាចក្រកម្ពុជា រួមបញ្ចូលការសម្រេចពីតុលាការ ការស៊ើបអង្កេត និងបទបញ្ជានានា។
អ្នកផ្ទេរយល់ស្របថា ធនាគារអន្តរការី ឬ ធនាគាររបស់អ្នកទទួល អាចស្នើសុំ កែប្រែ ឬ បញ្ឈប់ប្រតិបត្តិការបាន ដោយផ្អែកទៅតាមនីតិវិធីរបស់ធនាគារអន្តការី ឬ ធនាគាររបស់អ្នកទទួល។
អ្នកផ្ទេរយល់ព្រមថា អត្រាប្តូរប្រាក់ថ្មី ថ្លៃសេវាកែប្រែ/ថ្លៃសេវាបញ្ឈប់ប្រតិបត្តិការ និង ថ្លៃសេវាផ្សេងៗទៀតនឹងត្រូវបានអនុវត្ត សម្រាប់ការស្នើសុំកែប្រែ ឬ បញ្ឈប់ប្រតិបត្តិការ ។ ការកែប្រែ ឬ ការបញ្ឈប់ប្រតិបត្តិការអាចប្រព្រឹត្តទៅបានជោគជ័យ អាស្រ័យទៅលើនីតិវិធីរបស់ធនាគារអន្តរការី ឬ ធនាគាររបស់អ្នកទទួលផល ឬ ការអនុញ្ញាតពីអ្នកទទួលផល។
ក្នុងករណីបញ្ឈប់ប្រតិបត្តិការ ធនាគារនឹងផ្ទេរប្រាក់ត្រលប់ទៅកាន់អ្នកផ្ទេរវិញ នៅពេលដែលធនាគារទទួលបានប្រាក់ត្រឡប់ពីធនាគារអន្តរការី ។ គួរបញ្ជាក់ផងដែរថា ធនាគារអន្តរការី ឬ ធនាគារអ្នកទទួលផល អាចនឹងដកថ្លៃសេវាកម្មមុនពេលដែលផ្ទេរប្រាក់ត្រឡប់មកវិញ។
ដើម្បីស្នើសុំកែប្រែ ឬ បញ្ឈប់ប្រតិបត្តិការ អ្នកផ្ទេរត្រូវតែបំពេញពាក្យស្នើសុំកែប្រែ/បញ្ឈប់ប្រតិបត្តិការ រួចចុះហត្ថលេខា ហើយប្រគល់ជូនសាខាណាមួយរបស់ធនាគារ។ លោកអ្នកអាចធ្វើការទាញយកទម្រង់ស្នើសុំពីគេហទំព័រ www.ababank.com/en/international-transfers/.
ជម្រើសបង់ថ្លៃសេវា "OUR" មានន័យថាអ្នកផ្ទេរទទួលខុសត្រូវលើថ្លៃសេវាទាំងអស់របស់ធនាគារ ABA រួមទាំងថ្លៃសេវារបស់ធនាគារអន្តរការីផងដែរ ។ គួរបញ្ជាក់ផងដែរថា ធនាគាររបស់អ្នកទទួលផល អាចនឹងគិតថ្លៃសេវាផ្សេងៗមួយចំនួន ដោយផ្អែកទៅតាមនីតិវិធីរបស់ធនាគារអ្នកទទួលផល ហេតុនេះ ធនាគារ ABA មិនធានាថាអ្នកទទួលផលនឹងទទួលបានប្រាក់ផ្ទេរក្នុងចំនួនពេញលេញនោះទេ។
អ្នកផ្ទេរបានយល់ស្របថា ធនាគារមួយចំនួនមិនអនុវត្តជម្រើសបង់ថ្លៃសេវា “OUR” នោះទេ។
ជម្រើសបង់ថ្លៃសេវា “BEN” មានន័យថា ថ្លៃសេវាផ្ទេរប្រាក់ទាំងអស់នឹងត្រូវដកចេញពីទឹកប្រាក់ដែលបានផ្ទេរ។
ជម្រើសបង់ថ្លៃ “SHA” មានន័យថាភាគីនីមួយៗ (អ្នកផ្ទេរ និង អ្នកទទួលផល) ត្រូវទទួលខុសត្រូវលើថ្លៃសេវាផ្ទេរប្រាក់ដែលកំណត់ដោយធនាគាររបស់ភាគីនីមួយៗ រៀងខ្លួន។
ដើម្បីបំពេញ និង បញ្ចប់ការផ្ទេរប្រាក់ឱ្យបានត្រឹមត្រូវ ធនាគារអាចធ្វើការជ្រើសរើសធនាគារអន្តរការីដោយខ្លួនឯង។ ធនាគារអន្តរការីអាចនឹងគិតកម្រៃ ដែលកម្រៃនោះនឹងត្រូវដកចេញពីប្រាក់ផ្ទេរ ឬទូទាត់ដោយធនាគារយើងខ្ញុំ ។ ប្រសិនបើធនាគារអន្តរការីយកកម្រៃពីធនាគារយើងខ្ញុំ នោះធនាគារយើងខ្ញុំនឹងដកកម្រៃនោះ ពីគណនីអ្នកផ្ទេរវិញ។
ធនាគារមិនទទួលខុសត្រូវលើពន្ធនានា, កាតព្វកិច្ច និងការចំណាយផ្សេងៗដែលនឹងអាចកើតមាននៅប្រទេសដទៃពាក់ព័ន្ធនឹងការផ្ទេរប្រាក់នេះទេ។
សម្រាប់ប្រទេសមួយចំនួន លេខ IBAN គឺជាតម្រូវការចាំបាច់។ សូមត្រួតពិនិត្យជាមួយអ្នកទទួលជាមុនសិនមុននឹងអ្នកធ្វើការផ្ទេរប្រាក់។សូមមើលគេហទំព័រនេះសម្រាប់ព័ត៌មានលម្អិតបន្ថែម www.iban.com/structure
ការផ្ទេរប្រាក់នៅតាមសាខាធនាគារផ្ទាល់ អាចផ្ទេរទៅកាន់ប្រទេសមួយចំនួន ដែលមិនអនុញ្ញាតឱ្យធ្វើឡើងនៅតាម កម្មវិធី ABA Mobile និង I Banking ។

ដើម្បីធ្វើឲ្យបទពិសោធសេវាធនាគាររបស់អ្នកជាមួយយើងខ្ញុំកាន់តែមានភាពងាយស្រួល និងប្រសិទ្ធភាព សូមធ្វើការផ្ទេរប្រាក់ទៅក្រៅប្រទេស ដោយប្រើកម្មវិធី ABA Mobile! ដើម្បីដឹងបន្ថែម សូមចុចលើគេហទំព័រនេះ www.ababank.com/aba-mobile-app/transfers/aba-swift-mobile-transfers/

ការផ្ញើប្រាក់ចូល

ធនាគារ ABA ផ្តល់ការផ្ទេរប្រាក់រហ័សពីក្រៅប្រទេសសម្រាប់ឯកត្តបុគ្គល/ក្រុមហ៊ុន តាមសេវា Inward Bank remittances តាមបណ្តាញធនាគារដៃគូដោយមានរូបិយប័ណ្ណយ៉ាងច្រើន។

ការណែនាំ

សម្រាប់ការផ្ទេរប្រាក់ចូល អ្នកផ្ទេរត្រូវផ្តល់ព័ត៌មានលម្អិតដូចខាងក្រោម ទៅឲ្យធនាគាររបស់គាត់ ដើម្បីឲ្យខាងធនាគារធ្វើប្រតិបត្តិការដាក់ប្រាក់ចូលទៅក្នុងគណនី ABA របស់អ្នក។

ឈ្មោះអ្នកទទួលប្រាក់	ឈ្មោះរបស់អ្នក ត្រូវតែដូចទៅនឹងឈ្មោះក្នុងធនាគារ ABA
អាសយដ្ឋានអ្នកទទួលប្រាក់	អាសយដ្ឋានរបស់អ្នក
លេខគណនីអ្នកទទួលប្រាក់	លេខគណនីទាំង 9ខ្ទង់ របស់អ្នកនៅធនាគារ ABA
ឈ្មោះធនាគារអ្នកទទួលប្រាក់	ADVANCED BANK OF ASIA LIMITED
អាសយដ្ឋានធនាគារអ្នកទទួលប្រាក់	អគារលេខ 148 មហាវិថីព្រះសីហនុ រាជធានីភ្នំពេញ ប្រទេសកម្ពុជា
លេខកូដ SWIFT ធនាគារអ្នកទទួលប្រាក់	ABAAKHPP
ធនាគារដៃគូ	សូមជ្រើសរើសធនាគារកណ្តាល ទៅតាមរូបិយប័ណ្ណ ពី បញ្ជីឈ្មោះធនាគារដៃគូភ្នាក់ងារ របស់យើង។

រូបិយប័ណ្ណ	ចំនួនប្រាក់	ថ្លៃសេវា
USD	0.01 - 1.00	សេវាស្មើទឹកប្រាក់ដែលបានទទួល
USD	1.01 - 10	1ដុល្លារ
USD	ច្រើនជាង 10	0.10% ឬ អប្ប. 10 (ណាមួយខ្ពស់ជាង)
CAD, AUD, EUR, GBP, SGD, THB, CNY, VND, JPY	មិនកំណត់	មិនគិតថ្លៃ

រាល់ការលុបចោលការផ្ទេរ គ្រប់រូបិយប័ណ្ណ/ចំនួន៖ 30ដុល្លារ។
ថ្លៃសេវាស៊ើបអង្កេត 100ដុល្លារ នឹងត្រូវកាត់ពីទឹកប្រាក់ផ្ទេរ។ ក្នុងករណីដែលទឹកប្រាក់ត្រូវបានផ្ញើត្រលប់ទៅធនាគារទទួលប្រាក់ទូទាត់ពាណិជ្ជកម្មវិញ (remitting bank) ដោយសារការសង្ស័យករណីឆបោក។

ដើម្បីងាយស្រួលដល់អ្នកផ្ញើ ទម្រង់អេឡិកត្រូនិកបំពេញស្រាប់សម្រាប់រូបិយប័ណ្ណសំខាន់ៗទាំងអស់ មាននៅទីនេះ។ គ្រាន់តែដោនឡូត ហើយបំពេញព័ត៌មានលម្អិតអំពីគណនី ABA របស់អ្នកទទួលផលក្នុងទម្រង់នេះជាការស្រេច។

រូបិយប័ណ្ណ	ទម្រង់
ប្រាក់ដុល្លារអាមេរិក (USD)	ដោនឡូត
ប្រាក់ដុល្លារកាណាដា (CAD)	ដោនឡូត
ប្រាក់អឺរ៉ូ (EUR)	ដោនឡូត
ប្រាក់ដុល្លារអូស្រា្តលី (AUD)	ដោនឡូត
ប្រាក់ផោន (GBP)	ដោនឡូត
ប្រាក់បាតថៃ (THB)	ដោនឡូត
ប្រាក់ដុល្លារសិង្ហបុរី (SGD)	ដោនឡូត
ប្រាក់យ៉ន់ចិន (CNY)	ដោនឡូត
ប្រាក់ដុង (VND)	ដោនឡូត
ប្រាក់យេន (JPY)	ដោនឡូត

អតិថិជនជាទីគោរព សូមជម្រាបថា ចាប់ពីថ្ងៃទី 1 ខែកុម្ភៈ ឆ្នាំ 2020 តទៅ ការទទួលប្រាក់តាម SWIFT ទាំងអស់ ត្រូវតែដាក់លេខគណនី 9 ខ្ទង់របស់ធនាគារ ABA ក្នុងបែបបទទួលប្រាក់ ទើបអាចដំណើរការបាន។ ការផ្ទេរប្រាក់ណាមួយដោយប្រើលេខកាត ABA 16 ខ្ទង់ នឹងមិនអាចដំណើរការបានឡើយ។ សម្រាប់ព័ត៌មានបន្ថែម សូមទាក់ទងមក ttsupport@remove-this.ababank.com។

តើសេវាផេ្ទរប្រាក់ចូលក្នុងគណនីគឺជាអ្វី?

សេវាផ្ទេរប្រាក់ចូលក្នុងគណនី គឺជាការផ្ទេរប្រាក់រហ័សពីក្រៅប្រទេសសម្រាប់ឯកត្តបុគ្គល ឬក្រុម ហ៊ុនតាមសេវា Inward Bank remittances តាមបណ្តាញធនាគារដៃគូដោយមានរូបិយប័ណ្ណយ៉ាងច្រើន។

តើឯកសារអ្វីខ្លះដែលតំរូវអោយមានក្នុងការផេ្ទរប្រាក់ចូលក្នុងគណនី?

ចុចលើរូបិយប័ណ្ណត្រូវផ្ញើខាងក្រោមនេះដើម្បីទទួលបានព័ត៌មានលម្អិតអំពីការណែនាំពីការផ្ទេរប្រាក់ចូលគណនីតាម SWIFT ដើម្បីផ្តល់ជូនអ្នកផ្ញើអោយផ្ញើប្រាក់ចូលគណនី ABA៖

ប្រាក់ដុល្លារអាមេរិក (USD)
ប្រាក់ដុល្លារកាណាដា (CAD)
ប្រាក់អឺរ៉ូ (EUR)
ប្រាក់ដុល្លារអូស្រា្តលី (AUD)
ប្រាក់ផោន (GBP)
ប្រាក់បាតថៃ (THB)
ប្រាក់ដុល្លារសិង្ហបុរី (SGD)
ប្រាក់យ៉ន់ចិន (CNY)
ប្រាក់ដុង (VND)

តើលេខកូដ SWIFT របស់ធនាគារ ABA ជាអ្វី?

លេខកូដ SWIFT របស់ធនាគារ ABA គឺ ABAAKHPP

តើការផ្ទេរប្រាក់ចូលក្នុងគណនីត្រូវចំណាយអស់រយៈពេលប៉ុន្មានថ្ងៃ?

ជាធម្មតាការផ្ទេរប្រាក់ចូលគណនីប្រើរយៈពេលបីថ្ងៃនៃថ្ងៃធ្វើការ។

តើយើងអាចធ្វើការផ្ទេរប្រាក់ចូលគណនីដោយប្រើរូបិយប័ណ្ណផេ្សងក្រៅពីរូបិយប័ណ្ណប្រាក់ដុល្លារអាមេរិកបានឬទេ?

អតិថិជនអាចទទួលការផ្ទេរប្រាក់អន្តរជាតិដែលផ្ញើចូលកម្ពុជាតាម SWIFT បានជារូបិយប័ណ្ណប្រាក់អឺរ៉ូ (EUR) ប្រាក់ដុល្លារកាណាដា (CAD) ប្រាក់ដុល្លារអូស្រា្តលី (AUD) ប្រាក់ផោន (GBP) ប្រាក់បាតថៃ (THB) ប្រាក់ដុល្លារសិង្ហបុរី (SGD) ប្រាក់យ៉ន់ចិន (CNY) ប្រាក់ដុង (VND) ប្រាក់យេនជប៉ុន (JPY) តាមរយៈធនាគារដៃគូរបស់ធនាគារ ABA ដែលនឹងត្រូវប្តូរទៅជាប្រាក់ដុល្លារអាមេរិក (USD) ហើយដាក់ចូលទៅក្នុងគណនីប្រាក់ដុល្លាររបស់អតិថិជនដោយឥតគិតថ្លៃ។

តើអាសយដ្ឋានធនាគារ ABA មួយណាដែលត្រូវបំពេញនៅក្នុងសេវាផ្ទេរប្រាក់ចូលគណនី?

អាសយដ្ឋានធនាគារ ABA ដែលត្រូវបំពេញនៅក្នុងសេវាផ្ទេរប្រាក់ចូលគណនី គឺអាស័យដ្ឋានទីស្នាក់ការកណ្តាល៖ ផ្ទះលេខ148 មហាវិថីព្រះសីហនុ សង្កាត់បឹងកេងកងទី1 ខ័ណ្ឌចំការមនភ្នំពេញ។

តើការផ្ទេរប្រាក់ចូលគណនីមានការកំណត់រឺទេ?

ការផ្ទេរប្រាក់ចូលគណនីគ្មានការកំណត់នោះទេ។

សេវាផ្ទេរប្រាក់ផ្សេងទៀត

ធនាគារយើងក៏មានការផ្តល់ជូនសេវាផ្ញើប្រាក់ទៅក្រៅប្រទេសផងដែរ តាមរយៈសេវា MoneyGram និង Ria Money Transfer។ សំរាប់ជនជាតិ ហ្វីលីពីន ដែលធ្វើការនៅក្រៅប្រទេស អាចធ្វើការផ្ញើប្រាក់ទៅស្រុកកំណើតតាមរយៈសេវា MoneyGram (MoneyGrado) និង DBP Money Transfer។

លក្ខខណ្ឌទូទៅ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។