គណនីចរន្ត PLUS

គណនីចរន្ត PLUS ផ្តល់លទ្ធភាពកាន់តែប្រសើរជូនលោកអ្នកក្នុងការចាប់ផ្តើមទទួលបានការប្រាក់ដោយប្រើប្រាស់គណនីចរន្តរបស់អ្នក។ ជាធម្មតា ដំណោះស្រាយប្រកបដោយប្រសិទ្ធភាពថ្លៃចំណាយ ក្នុងការ គ្រប់គ្រងប្រាក់របស់លោកអ្នកនៅក្នុងប្រទេសកម្ពុជា ព្រមទាំងនៅបរទេស គណនីចរន្ត plus ផ្តល់កម្រិតងាយស្រួលលើសគេប្រកបដោយប្រសិទ្ធ ផលដ៏គួរឲ្យរីករាយ។

អត្រាការប្រាក់ (ក្នុងមួយឆ្នាំ)¹ សម្រាប់ប្រាក់ដុល្លារ

សមតុល្យប្រចាំថ្ងៃ	ក្រុមហ៊ុន	ស្ថាប័នរដ្ឋាភិបាល
USD ≤ 1,000	0.00%	0.00%
USD ≤ 10,000	0.10%	0.10%
USD ≤ 25,000	0.15%	0.15%
USD ≤ 50,000	0.20%	0.20%
USD ≤ 100,000	0.30%	0.30%
USD ≤ 500,000	0.45%	0.45%
USD > 500,000	0.70%	0.70%

អត្រាការប្រាក់ (ក្នុងមួយឆ្នាំ) សម្រាប់ប្រាក់រៀល

សមតុល្យប្រចាំថ្ងៃ	ក្រុមហ៊ុន	ស្ថាប័នរដ្ឋាភិបាល
KHR ≤ 20,000,000	1.00%	1.00%
KHR ≤ 100,000,000	1.25%	1.25%
KHR > 100,000,000	1.50%	1.50%

លក្ខខណ្ឌ

រូបិយប័ណ្ណ	ប្រាក់ដុល្លារ	ប្រាក់រៀល
ប្រាក់បញ្ញើដំបូង
ឯកត្តជន/ក្រុមហ៊ុន	500	2 លាន
រដ្ឋាភិបាល	500	2 លាន
សមតុល្យបន្តអប្បបរមា
ឯកត្តជន/ក្រុមហ៊ុន	500	2 លាន
រដ្ឋាភិបាល	500	2 លាន
ការដកប្រាក់	អនុញ្ញាតឲ្យដកប្រាក់ជាផ្នែកដោយមិនកំណត់ពីសមតុល្យបន្តនៃគណនីចរន្តដោយពុំមានការខាតបង់ការប្រាក់បង្គរតាមលក្ខខណ្ឌដែលថា សមតុល្យបន្តអប្បបរមាត្រូវមាននៅក្នុងគណនីបញ្ញើ។
ក្រដាសប្រាក់ទទួលយក³	ទទួលយកក្រដាសប្រាក់រៀលត្រឹមត្រូវគ្រប់ប្រភេទតាមការគិតថ្លៃត្រូវអនុវត្តមួយចំនួន
ការទូទាត់ការប្រាក់	រៀងរាល់ 1ខែ ម្តង (ក្រុមហ៊ុន) និង រៀងរាល់ 3 ខែ ម្តង (ស្ថាប័នរដ្ឋាភិបាល) ឬនៅពេលបិទគណនី
បិទគណនី⁴	សម្រាប់ការបិទគណនីក្នុងអំឡុងពេល 3 ខែ ចាប់ពីថ្ងៃដែលបានបើកគណនី នឹងត្រូវគិតថ្លៃសេវាចំនួន 20 ដុល្លារ ឬ 80,000 រៀល
ការដាក់ប្រាក់បន្ថែម⁵	អាចដាក់បានដោយគ្មានកំណត់ និងបានគ្រប់ពេលវេលាជាសាច់ប្រាក់ ឬមិនមែនជាសាច់ប្រាក់
ថ្លៃសេវា	សេវាគណនីប្រចាំខែ	ឥតគិតថ្លៃ
	សៀវភៅមូលប្បទានបត្រ⁶	20 ដុល្លារ/80,000 រៀល/ក្បាល
	ផ្លែតហ្វម ABA Business	តាមលក្ខខណ្ឌ ផ្លែតហ្វម ABA Business នៅទីនេះ
	គណនីមិនមានសកម្មភាព⁷	10 ដុល្លារ / 40,000 រៀល/ឆ្នាំ
	បញ្ជាក់សមតុល្យគណនី	10 ដុល្លារ / 40,000 រៀល/សន្លឹក
	ការបញ្ជាក់សវនកម្ម	10 ដុល្លារ / 40,000 រៀល/ម្តង
	មូលប្បទានបត្រ Nostro ឬ Banker	10 ដុល្លារ / 40,000 រៀល/មូលប្បទានបត្រ
អត្ថប្រយោជន៍	មិនគិតថ្លៃចេញកាតឥណទានថ្មី និងថែទាំប្រចាំឆ្នាំសម្រាប់ម្ចាស់គណនីបង្គោលតាមលក្ខខណ្ឌ ដូចខាងក្រោម៖ កាតឥណទាន Mastercard Standard/ កាតឥណទាន Visa Classic ៖ អតិថិជនត្រូវរក្សាសមតុល្យបញ្ញើក្នុងគណនីចំនួន 3,000 - 5,000 ដុល្លារ ធ្វើជាបញ្ញើធានា។ អតិថិជនអាចជ្រើសរើសកម្រិតឥណទានចាប់ពី 500 - 4,500 ដុល្លារ ឬរហូតដល់ 90% នៃបញ្ញើធានា។ កាត Visa Platinum Lite ៖ អតិថិជនត្រូវរក្សាសមតុល្យបញ្ញើចំនួន 5,001 ដុល្លារ ឬលើសពីនេះ ធ្វើជាបញ្ញើធានា។ អតិថិជនអាចជ្រើសរើសកម្រិតឥណទានចាប់ពី 1,000 - 12,500 ដុល្លារ ឬ 90% នៃកម្រិតប្រាក់ធានា (កម្រិតណាមួយដែលទាបជាង)។

_{លក្ខខណ្ឌទាំងអស់ត្រូវអនុវត្តតាមឆន្ទានុសិទ្ធិរបស់ធនាគារ ABA ដោយមិនចាំបាច់ជូនដំណឹងជាមុន។}

_{¹ អត្រាការប្រាក់នឹងត្រូវចែកនឹង 365ថ្ងៃ ក្នុងមួយឆ្នាំ។ ហើយការប្រាក់ត្រូវបានគិត និងបង្គរទុកប្រចាំថ្ងៃ។ លើសពីនេះ ប្រសិនបើសមតុល្យសរុបនៅចុងបញ្ចប់នៃថ្ងៃប្រតិបត្តិការ (EOD) តិចជាង និង/ឬស្មើនឹងកម្រិតទឹកប្រាក់ដែលបានកំណត់ នោះអត្រាការប្រាក់នឹងត្រូវអនុវត្តតាមចំនួនជាក់ស្ដែង។ ផ្ទុយទៅវិញ ប្រសិនបើសមតុល្យសរុបនៅចុងបញ្ចប់នៃថ្ងៃប្រតិបត្តិការ លើសកម្រិតដែលបានកំណត់ ការប្រាក់ខ្ពស់នឹងត្រូវបានអនុវត្ត។
³ ថ្លៃសេវាត្រូវបានអនុវត្តទៅលើប្រភេទនៃកំណត់សម្គាល់ផ្សេងៗគ្នា ចុចទីនេះ។
⁴ អតិថិជនត្រូវប្រគល់សៀវភៅធនាគារ និងកាត បរិក្ខារគណនីដែលបានប្រគល់ជូននានាជូនធនាគារវិញ។
⁵ ថ្លៃសេវាសម្រាប់ការដាក់ប្រាក់/ដកប្រាក់នៅតាម OTC ចុចទីនេះ។
⁶ ការដកសាច់ប្រាក់ត្រូវបានដកចេញដោយផ្អែកលើមូលប្បទានប័ត្រដែលចេញ។
⁷ ប្រព័ន្ធនឹងគិតថ្លៃ 10 ដុល្លារ ដោយស្វ័យប្រវត្តិ ប្រសិនបើគណនីមិនប្រតិបត្តិការរយៈពេល 12 ខែ ឬលើសពីនេះ លើកលែងស្ថាប័នរដ្ឋាភិបាល។}

អត្ថប្រយោជន៍បន្ថែម៖

ទន្ទឹមនឹងអត្រាការប្រាក់ អ្នកនឹងទទួលបានមុខងារពិសេសបន្ថែមមាន៖

មិនគិតថ្លៃ សម្រាប់ការប្រើប្រាស់សេវា ផ្លែតហ្វម ABA Business។

ដើម្បីបើកគណនីក្រុមហ៊ុន លោកអ្នកត្រូវតែផ្តល់ឯកសារចាំបាច់ដូចខាងក្រោម៖

អនុស្សរណៈ និង លក្ខន្តិកៈច្បាប់ដើម និងចុងក្រោយបង្អស់ដែលបានចុះហត្ថលេខាដោយនាយកក្រុមហ៊ុន។
វិញ្ញាបនបត្រចុះបញ្ជីពាណិជ្ជកម្ម/សាជីវកម្មដែលចេញដោយក្រសួងពាណិជ្ជកម្ម ឬវិញ្ញាបនបត្រចុះបញ្ជីប្រភេទ មានកូដ QR។
សេចក្តីសម្រេចក្រុមប្រឹក្សាភិបាលច្បាប់ដើមក្នុងការតែងតាំងហត្ថលេខី និងអណត្តិគណនី។
អត្តសញ្ញាណប័ណ្ណ ឬលិខិតឆ្លងដែនច្បាប់ដើមរបស់អភិបាល និងម្ចាស់ភាគហ៊ុនទាំងអស់។
អត្តសញ្ញាណប័ណ្ណ ឬលិខិតឆ្លងដែនច្បាប់ដើមរបស់ហត្ថលេខីទទួលសិទ្ធិទាំងអស់។
ពន្ធប៉ាតង់អាជីវកម្ម (ប្រសិនបើមាន)។
អាជ្ញាប័ណ្ណអាជីវកម្មចេញដោយក្រសួងនិង/ឬអាជ្ញាធរដែលពាក់ព័ន្ធ (ប្រសិនបើមាន)។
លិខិតអនុញ្ញាតចេញពីក្រសួង និង/អាជ្ញាធរពាក់ព័ន្ធ (ប្រសិនបើមាន)។
គំរូ សេចក្តីសម្រេចក្រុមប្រឹក្សាភិបាលដែលមានក្បាលទំព័ររបស់ក្រុមហ៊ុន (សូមប្រើមាតិកានៅក្នុងគំរូសេចក្តីសម្រេចក្រុមប្រឹក្សាភិបាលនៅពេលអាចប្រើបាន)។

បន្ទាប់មក បំពេញបែបបទដូចខាងក្រោម៖

បែបបទស្នើសុំបើកគណនីក្រុមហ៊ុន (ផ្នែក 5 សំដៅលើ FATCA Status Code)
បែបបទប្រកាសអ្នកទទួលផលប្រយោជន៍ចុងក្រោយ
គំរូបែបបទព័ត៌មានអតិថិជន (សាមញ្ញ) សម្រាប់អ្នកទទួលផលប្រយោជន៍ចុងក្រោយ (ភាគហ៊ុនិកដែលមានភាគហ៊ុនចាប់ពី 20% ឡើងទៅ) និងអភិបាលដែលមិនត្រូវបានតែងតាំងជាហត្ថលេខី
ទម្រង់គំរូហត្ថលេខា និងបែបបទព័ត៌មានអតិថិជន ត្រូវចុះហត្ថលេខាដោយហត្ថលេខីទទួលសិទ្ធិនៅចំពោះមុខបុគ្គលិកធនាគារ។

លក្ខខណ្ឌតម្រូវបន្ថែម៖

ត្រូវប្រថាប់ត្រាក្រុមហ៊ុនលើសេចក្តីសម្រេចក្រុមប្រឹក្សាភិបាល និងឯកសារពាក់ព័ន្ធនានា។
អតិថិជនត្រូវផ្តល់ជូនធនាគារនូវ លេខចុះបញ្ជីពន្ធដារ ឬ លេខអត្តសញ្ញាណកម្មសារពើពន្ធ បើមាន។
ហត្ថលេខីទទួលសិទ្ធិចាំបាច់ត្រូវមានវត្តមាននៅធនាគារ ឬនៅចំពោះមុខបុគ្គលិកធនាគារ។

_{សម្គាល់
- គណនីសម្រាប់គ្រឹះស្ថានហិរញ្ញវត្ថុ៖ លក្ខខណ្ឌតម្រូវអាចខុសគ្នា សូមទាក់ទងមកកាន់សាខាធនាគារសម្រាប់ព័ត៌មានបន្ថែម។
- បន្ថែមលើលក្ខខណ្ឌតម្រូវចាំបាច់ខាងលើនេះ អតិថិជនក៏ត្រូវប្រតិបត្តិតាមគោលនយោបាយ និងនីតិវិធីទទួលយកអតិថិជន មុនពេលបើកគណនីក្រុមហ៊ុន។}

លក្ខខណ្ឌតម្រូវសម្រាប់កែប្រែគណនីបញ្ជើកាលកំណត់សម្រាប់ក្រុមហ៊ុន៖

ឯកសារចាំបាច់

អនុស្សរណៈ និង លក្ខន្តិកៈច្បាប់ដើម (ប្រសិនបើមានធ្វើបច្ចុប្បន្នភាព)។
សេចក្តីសម្រេចក្រុមប្រឹក្សាភិបាលច្បាប់ដើមសម្រាប់កែប្រែគណនី (ប្រសិនបើមានបន្ថែម ដកចេញហត្ថលេខី ឬផ្លាស់ប្តូរអាណត្តិគណនី)។
សេចក្តីសម្រេចក្រុមប្រឹក្សាភិបាលច្បាប់ដើមសម្រាប់កែប្រែផ្លែតហ្វម ABA Business (ប្រសិនបើមានការផ្លាស់ប្តូរអ្នកមានសិទ្ធិប្រើផ្លែតហ្វម ABA Business)។
វិញ្ញាបនបត្រចុះបញ្ជីពាណិជ្ជកម្ម/សាជីវកម្មដែលចេញដោយក្រសួងពាណិជ្ជកម្ម ឬវិញ្ញាបនបត្រចុះបញ្ជីប្រភេទ មានកូដ QR (ប្រសិនបើមានធ្វើបច្ចុប្បន្នភាព)។
អត្តសញ្ញាណប័ណ្ណ ឬលិខិតឆ្លងដែនច្បាប់ដើមរបស់នាយកក្រុមហ៊ុន និងម្ចាស់ភាគហ៊ុន។
អត្តសញ្ញាណប័ណ្ណ ឬលិខិតឆ្លងដែនច្បាប់ដើមរបស់ហត្ថលេខីទទួលសិទ្ធិ។

លក្ខខណ្ឌតម្រូវចាំបាច់ផ្សេងៗដែលអ្នកត្រូវអនុវត្តតាម

ត្រូវប្រថាប់ត្រាក្រុមហ៊ុនលើសេចក្តីសម្រេចក្រុមប្រឹក្សាភិបាល ឬឯកសារពាក់ព័ន្ធផ្សេងៗ។
ហត្ថលេខីទទួលសិទ្ធិចាំបាច់ត្រូវបង្ហាញខ្លួននៅធនាគារ ឬនៅចំពោះមុខបុគ្គលិកធនាគារ។
កាតសាជីវកម្មដែលជាកម្មសិទ្ធិរបស់ហត្ថលេខីដែលត្រូវបានដកចេញ ត្រូវតែប្រគល់មកធនាគារវិញ។
កាតសាជីវកម្មដែលភ្ជាប់នឹងគណនីក្រុមហ៊ុន ត្រូវតែប្រគល់មកធនាគារវិញ ប្រសិនបើអាណត្តិគណនីផ្លាស់ប្តូរទៅអ្នកផ្សេងមិនមែន “នរណាម្នាក់ចុះហត្ថលេខា”។

_{ចំណាំ}

_{គណនីសម្រាប់គ្រឹះស្ថានហិរញ្ញវត្ថុ៖ លក្ខខណ្ឌតម្រូវអាចមានភាពខុសគ្នា សូមទាក់ទងសាខាធនាគារយើងខ្ញុំសម្រាប់ព័ត៌មានបន្ថែម។}
_{អតិថិជនចាំបាច់ត្រូវឆ្លងកាត់ដំណើរការទទួលយកអតិថិជនរបស់ធនាគារមុនពេលកែប្រែគណនី។}

លក្ខខណ្ឌទូទៅ និង លក្ខខណ្ឌសម្រាប់ធនាគារអនឡាញ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។