ផ្ទេរប្រាក់ទៅកូរ៉េខាងត្បូង

ត្រូវផ្ញើប្រាក់ទៅកូរ៉េខាងត្បូង? មិនថា ផ្ញើប្រាក់ទៅមនុស្សជាទីស្រឡាញ់ បង់ថ្លៃសិក្សា ឬផ្ញើប្រាក់ទៅដៃគូ ABA Mobile អាចឲ្យអ្នកផ្ញើដល់ប្រទេសកូរ៉េខាងត្បូងភ្លាមៗ។

មិនចាំបាច់ស្វែងរកភ្នាក់ងារផ្ញើប្រាក់ រៀបចំសំណុំឯកសារ ឬរង់ចាំអ្វីទាំងអស់។ ក្រោមកិច្ចសហការរបស់យើងខ្ញុំ ជាមួយក្រុមហ៊ុន E9Pay Co., Ltd នៅប្រទេសកូរ៉េខាងត្បូង អ្នកនឹងទទួលបានបទពិសោធផ្ទេរប្រាក់ លឿនស្រួល និងសុវត្ថិភាព ពីគណនី ABA របស់អ្នកផ្ទាល់ ទៅកាន់គណនីធនាគារកូរ៉េណាមួយរបស់ភាគីទទួល គ្រប់ពេលវេលា គ្រប់ទីកន្លែង ដោយប្រើ ABA Mobile។

ផ្ញើយ៉ាងលឿនស្រួល និងមានតម្លៃសមរម្យ!

ហេតុអ្វីជ្រើសរើស ABA Mobile សម្រាប់ផ្ទេរប្រាក់ទៅកូរ៉េខាងត្បូង?

ដំណើរការ 24/7៖ ផ្ញើប្រាក់បានគ្រប់ពេលវេលា ពីគ្រប់ទីកន្លែង ដោយចុចតែពីរបីប៉ក់ក្នុង ABA Mobile។

លឿនរហ័ស៖ ផ្ញើភ្លាម ដល់ភ្លាម ដូច្នេះ អ្នកអាចឲ្យប្រាក់ទៅមនុស្សនុស្សជាទីស្រឡាញ់ភ្លាមៗ ឬចំណេញពេល សម្រាប់ដៃគូអាជីវកម្មរបស់អ្នក!

ផ្ញើជាលុយ វ៉ុន៖ ផ្ញើជាលុយវ៉ុនចេញពីគណនី ABA ដុល្លាររបស់អ្នក ដោយធានាថា ភាគីទទួល ទទួលបានប្រាក់គ្រប់ចំនួនជា លុយវ៉ុន ដោយមិនបារម្ភពីហាងឆេងប្ដូរប្រាក់¹។

មិនមានការគិតលុយ និងកាត់ទឹកប្រាក់បន្ថែម៖ មុនពេលចុចផ្ទេរ អ្នកនឹងឃើញអត្រាប្ដូរប្រាក់ និងថ្លៃសេវាច្បាស់ៗ នៅលើអេក្រង់ផ្ទាល់។

_{¹ ប្រសិនបើធនាគារទទួលនៅប្រទេសកូរ៉េខាងត្បូងបដិសេធការផ្ទេរប្រាក់ សូមកុំបារម្ភ ទឹកប្រាក់នឹងផ្ទេរចូលគណនី ABA របស់អ្នកវិញគ្រប់ចំនួនជាដុល្លារ។}

របៀបផ្ទេរប្រាក់?

ចុចប៊ូតុង ផ្ទេរប្រាក់ នៅលើអេក្រង់ដើម ABA Mobile
ជ្រើសរើស ផ្ទេរប្រាក់ទៅប្រទេសកូរ៉េខាងត្បូង នៅក្រោមផ្នែក ផ្ទេរប្រាក់ទៅក្រៅប្រទេស
ជ្រើសរើស គណនី ABA របស់អ្នក និងបំពេញព័ត៌មានតម្រូវនៅលើអេក្រង់
អាន និងយល់ព្រមតាម ខ និងលក្ខខណ្ឌប្រើប្រាស់សេវាផ្ទេរប្រាក់
ចុច ផ្ទេរប្រាក់ រួចបញ្ជាក់ប្រតិបត្តិការជាមួយលេខសម្ងាត់ (PIN) ABA Mobile របស់អ្នក។

ថ្លៃសេវាផ្ទេរប្រាក់

លក្ខណៈនៃការផ្ទេរ	ចំនួនទឹកប្រាក់សមមូលជាដុល្លារ	ថ្លៃសេវា (ដុល្លារ)
ផ្ទេរទៅគណនីធនាគារ	10.00 – 1,000	5.00
	1,000.01 – 2,500	8.00
	2,500.01 – 5,000	15.00

កម្រិតទឹកប្រាក់ផ្ទេរ

កម្រិតទឹកប្រាក់ក្នុងមួយប្រតិបត្តិការ

អប្បបរមាក្នុងមួយប្រតិបត្តិការ៖ 10 ដុល្លារ
អតិបរមាក្នុងមួយប្រតិបត្តិការ៖ 5,000 ដុល្លារ

កម្រិតទឹកប្រាក់ក្នុងមួយថ្ងៃ

អតិបរមាក្នុងមួយថ្ងៃ៖ 10,000 ដុល្លារ

បញ្ជីធនាគារកូរ៉េដែលចូលរួម

Industrial Bank of Korea (IBK)
KEB-Hana Bank
Shinhan Bank
KB Kookmin Bank
NH Bank
Regional NongHyup
Woori Bank
Standard Chartered Jeil Bank
SuHyup Bank
DGB Daegu Bank
BNK Busan Bank
Kwang Ju Bank
Jeju Bank
Jeon Buk Bank
BNK Kyongnam Bank
Citi Bank Korea
KDB Bank
K Bank
Kakao Bank
MG Community Credit Cooperatives
POST Office
National Credit Union Federation of Korea
National Forest Cooperative Federation
Korea Federation of Services Banks
Toss Bank

សំណួរចម្លើយ

1. តើអ្វីទៅជា សេវា “ផ្ទេរទៅប្រទេសកូរ៉េខាងត្បូង”?

សេវា “ផ្ទេរទៅប្រទេសកូរ៉េខាងត្បូង” គឺជាសេវាផ្ទេរប្រាក់របស់ធនាគារ ABA ដែលអាចឲ្យអ្នកផ្ញើប្រាក់ដោយផ្ទាល់ពីគណនី ABA របស់អ្នក ទៅកាន់គណនីធនាគារណាមួយនៅប្រទេសកូរ៉េខាងត្បូង។ សេវាកម្មនេះ ធានានូវបទពិសោធផ្ទេរប្រាក់់ទៅក្រៅប្រទេសដ៏រលូនស្រួល សម្រាប់ការផ្ញើជារូបិយប័ណ្ណវ៉ុន ប្រកបដោយប្រសិទ្ធភាព និងសុវត្ថិភាព។

2. តើខ្ញុំអាចផ្ទេរប្រាក់បានចំនួនប៉ុន្មានក្នុងមួយប្រតិបត្តិការក្នុងមួយថ្ងៃ?

ចំនួនទឹកប្រាក់ផ្ទេរចន្លោះពី 10 ដុល្លារ ដល់ 5,000 ដុល្លារ ក្នុងមួយប្រតិបត្តិការ និងច្រើនបំផុត10,000 ដុល្លារ ក្នុងមួយថ្ងៃ។

3. តើខ្ញុំអាចធ្វើការផ្ទេរប្រាក់បានចំនួនប៉ុន្មានក្នុងរយៈពេលមួយខែ?

ទំហំទឹកប្រាក់ដែលអាចផ្ទេរចេញជាប្រចាំខែគឺត្រូវបានកំណត់ដោយធនាគាររបស់អ្នកទទួល។ សម្រាប់កម្រិតជាក់លាក់នៃទឹកប្រាក់ផ្ទេរប្រចាំខែ សូមសាកសួរ ឬស្វែងរកព័ត៌មានពីធនាគារនីមួយៗដោយផ្ទាល់។

4. ប្រសិនបើប្រតិបត្តិការផ្ទេរប្រាក់របស់ខ្ញុំត្រូវបានបង្វិលត្រឡប់មកវិញពីធនាគាររបស់អ្នកទទួល ដោយសារព័ត៌មានមិនត្រឹមត្រូវ តើធនាគារ ABA នឹងសងកម្រៃសេវាកម្មត្រឡប់មកវិញដែរឬទេ?

ធនាគារ ABA នឹងបង្វិលតែចំនួនទឹកប្រាក់ផ្ទេរប៉ុណ្ណោះ បន្ទាប់ពីទទួលបានប្រាក់នោះត្រលប់មកវិញពីធនាគារអ្នកទទួល ដោយឡែកកម្រៃសេវាកម្ម នឹងមិនសងត្រឡប់វិញទេ។

5. តើអ្នកទទួល អាចទទួលប្រាក់បានដោយវិធីណា?

ទឹកប្រាក់នឹងផ្ទេរចូលគណនីធនាគាររបស់អ្នកទទួលដោយផ្ទាល់ជាលុយវ៉ុន។

6. តើត្រូវការពេលប៉ុន្មាន ក្នុងការផ្ទេរប្រាក់ទៅកាន់អ្នកទទួលនៅប្រទេសកូរ៉េខាងត្បូង?

ABA Mobile ធានានូវការផ្ទេរប្រាក់ដ៏រលូន។ ទឹកប្រាក់នឹងផ្ទេរចូលទៅកាន់គណនីធនាគាររបស់អ្នកទទួលដោយផ្ទាល់ភ្លាមៗ ឬ នៅថ្ងៃធ្វើការបន្ទាប់ (អាស្រ័យលើគោលការណ៍របស់ធនាគារអ្នកទទួល)។

7. តើខ្ញុំអាចផ្ទេរប្រាក់ទៅកាន់ប្រទេសកូរ៉េខាងត្បូងបានតាមបណ្ដាញណាខ្លះ?

មានតែ ABA Mobile មួយគត់ ដែលអ្នកអាចប្រើប្រាស់សម្រាប់ផ្ទេរប្រាក់ទៅកាន់ប្រទេសកូរ៉េខាងត្បូងដោយផ្ទាល់ តាមសេវាផ្ទេរប្រាក់នេះ។

8. តើខ្ញុំអាចកែប្រែព័ត៌មាន ឬលុបចោលប្រតិបត្តិការផ្ទេរប្រាក់នេះបានដែរឬទេ?

លោកអ្នកមិនអាចធ្វើការកែប្រែព័ត៌មាន ឬបញ្ឈប់ប្រតិបត្តិការផ្ទេរប្រាក់នោះទេ បន្ទាប់ពីលោកអ្នកបានបញ្ចប់ប្រតិបត្តិការផ្ទេរប្រាក់នោះដោយជោគជ័យ ។ ទោះជាយ៉ាងនេះក្តី ប្រសិនបើលោកអ្នកត្រូវការជំនួយជុំវិញបញ្ហានេះ សូមទាក់ទងទៅកាន់ [email protected]

9. តើខ្ញុំអាចធ្វើការផ្ទេរប្រាក់ចេញពីគណនីប្រាក់រៀលបានដែរឬទេ?

សេវានេះ អាចផ្ទេរចេញពីគណនី ប្រាក់ដុល្លារ និងគណនីប្រាក់រៀល ។

10. តើមានធនាគារណាខ្លះនៅក្នុងប្រទេសកូរ៉េខាងត្បូងដែលខ្ញុំអាចធ្វើការផ្ទេរប្រាក់ទៅបាន?

មានធនាគារជាច្រើននៅក្នុងប្រទេសកូរ៉េខាងត្បូងដែលលោកអ្នកអាចផ្ទេរប្រាក់ទៅដោយផ្ទាល់តាមរយៈសេវាផ្ទេរប្រាក់នេះ។ ជាក់ស្តែង នៅពេលផ្ទេរ លោកអ្នកនឹងឃើញបញ្ជីឈ្មោះធនាគារទាំងអស់នៅ ក្នុង ABA Mobile ហើយពេលនោះ លោកអ្នក គ្រាន់តែជ្រើសរើសធនាគារណាមួយដែលអ្នកទទួលប្រើប្រាស់ ជាការស្រេច។

11. ហេតុអ្វីបានជាប្រតិបត្តិការរបស់ខ្ញុំមិនបានជោគជ័យ និងត្រូវបានបដិសេធ?

ប្រតិបត្តិការអាចត្រូវបានបដិសេធ ដោយសារមូលហេតុដូចខាងក្រោម៖

ចំនួនទឹកប្រាក់ផ្ទេរលើសកម្រិតកំណត់អតិបរមា
ព័ត៌មានរបស់អ្នកទទួលមិនគ្រប់គ្រាន់
ប្រតិបត្តិការមិនអាចដំណើរការបាន ដោយសារគោលការណ៍ផ្ទេរប្រាក់របស់ធនាគារ ABA ។

ប្រសិនបើប្រតិបត្តិការរបស់លោកអ្នកត្រូវបានបដិសេធ សូមធ្វើការទាក់ទងទៅកាន់ [email protected]។ ក្រុមការងារយើងខ្ញុំ រង់ចាំជួយដោះស្រាយបញ្ហានានាដែលពាក់ព័ន្ធនឹងសេវាផ្ទេរប្រាក់នេះ។

12. តើពេលណាជាម៉ោងចប់ប្រតិបត្តិការប្រចាំថ្ងៃ សម្រាប់ការផ្ទេរប្រាក់ទៅកាន់ប្រទេសកូរ៉េខាងត្បូង?

តាមរយៈកម្មវិធី ABA Mobile លោកអ្នកអាចធ្វើការផ្ទេរប្រាក់ទៅកាន់ប្រទេសកូរ៉េខាងត្បូង គ្រប់ពេលវេលា។ ភាគីទទួលអាចប្រើប្រាស់ទឹកប្រាក់នោះបានភ្លាមៗ អាស្រ័យលើម៉ោងប្រតិបត្តិការរបស់ធនាគារអ្នកទទួលផ្ទាល់ ឬអាស្រ័យលើមធ្យោបាយបើកចូលគណនីដែលអ្នកទទួលចង់ប្រើ។

13. តើខ្ញុំអាចតាមដាន ស្ថានភាពប្រតិបត្តិការបានដែរឬទេ?

ពិតជាបាន! លោកអ្នកអាចតាមដានស្ថានភាពប្រតិបត្តិការនៅក្នុងកម្មវិធី ABA Mobile របស់លោកអ្នកបាន តាមរយៈមុខងារ ប្រវត្តិប្រតិបត្តិការ (transaction history)។

14. តើខ្ញុំអាចផ្ទេរប្រាក់ម្ដងហើយម្ដងទៀត ទៅកាន់អ្នកទទួលដដែល លើកក្រោយបានដែរឬទេ?

ប្រាកដជាបាន! យើងខ្ញុំផ្ដោតលើភាពងាយស្រួល ដើម្បីសម្រួលដល់ការផ្ទេរប្រាក់លើកក្រោយរបស់លោកអ្នក។ ពេលបង្កើតប្រតិបត្តិការផ្ទេរប្រាក់ជាលើកដំបូង លោកអ្នកគ្រាន់តែរក្សាទុក (save) ព័ត៌មានផ្ទេរប្រាក់នោះ ជា គំរូទូទាត់ប្រចាំ ដើម្បីផ្ទេរលើកក្រោយកាន់តែលឿនស្រួល។ ឬដាក់កាលវិភាគផ្ទេរ ដើម្បីផ្ញើប្រាក់ជាប្រចាំទៅមនុស្សជាទីស្រឡាញ់ ដោយប្រើមុខងារ កាលវិភាគ នៅក្នុងអេប។

លក្ខខណ្ឌទូទៅ លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ ABA Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។

​ផ្ទេរ​ប្រាក់​ទៅ​កូរ៉េ​ខាងត្បូង​

ហេតុ​អ្វី​ជ្រើសរើស​ ABA​ Mobile​ សម្រាប់​ផ្ទេរ​ប្រាក់​ទៅ​កូរ៉េ​ខាងត្បូង​? ​

របៀប​ផ្ទេរ​ប្រាក់​?

​ថ្លៃ​សេវា​ផ្ទេរ​ប្រាក់​

​កម្រិត​ទឹកប្រាក់​ផ្ទេរ​

​បញ្ជី​ធនាគារ​កូរ៉េ​ដែល​ចូលរួម​