អំពីធនាគារ
សូមស្វាគមន៍មកកាន់ធនាគារ ABA ជាគ្រឹះស្ថានហិរញ្ញវត្ថុឯកជនឈានមុខមួយរបស់កម្ពុជា។ ដោយត្រូវបានបង្កើតឡើងក្នុងឆ្នាំ 1996 មានឈ្មោះថាធនាគារ វឌ្ឍនៈអាស៊ី ចំកាត់ បច្ចុប្បន្នយើងបានក្លាយជាធនាគារពាណិជ្ជធំបំផុតនៅកម្ពុជាគិតលើទ្រព្យសកម្ម, ប្រាក់បញ្ញើ, កម្ចីដុល និងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 ដល់ 2025 របស់ធនាគារជាតិនៃកម្ពុជា។
ឆ្លងកាត់រយៈពេល 30 ឆ្នាំ ក្នុងវិស័យធនាគារ ABA បានពង្រឹងជំហររបស់ខ្លួនយ៉ាងរឹងមាំក្នុងទីផ្សារ ដើម្បីបម្រើសេវាជូនដល់បណ្ដាអតិថិជនជាច្រើនដូចជា សហគ្រាសធុនតូច និងមធ្យម, អាជីវកម្មខ្នាតតូច និងរូបវន្តបុគ្គល។ ជាមួយបណ្ដាញសាខាចំនួន 106, ម៉ាស៊ីនស្វ័យសេវាជាង 2,000+ នៅទូទាំងប្រទេស, សេវាធនាគារអនឡាញ និងកម្មវិធីធនាគារតាមទូរស័ព្ទដ៏ទំនើប បានធ្វើឲ្យធនាគារ ABA អាចបម្រើអតិថិជនបានកាន់តែច្រើនឡើងៗ ជាមួយសេវាហិរញ្ញវត្ថុដ៏ទំនើបសម្បូរបែបនេះ គ្រប់ពេលវេលា និងគ្រប់ទីកន្លែង។
ធនាគារ ABA គឺជាបុត្រសម្ពន្ធរបស់ ធនាគារជាតិកាណាដា (www.nbc.ca) ដែលជាគ្រឹះស្ថានហិរញ្ញវត្ថុមួយ មានទ្រព្យសកម្មជាង 447 ពាន់លានដុល្លារអាមេរិក គិតត្រឹមថ្ងៃទី31 ខែមករា ឆ្នាំ2026 និងមានបណ្តាញធនាគារឆ្លើយឆ្លងដ៏ធំនៅទូទាំងពិភពលោក។ ក្នុងនាមជាភាគហ៊ុនិកមួយរបស់ធនាគារ ABA តាំងពីឆ្នាំ 2014 មក ធនាគារជាតិកាណាដាបានក្លាយជាគ្រឹះស្ថានហិរញ្ញវត្ថុអាមេរិកខាងជើងទីមួយ ដែលឈានជើងចូលវិស័យធនាគារនៅកម្ពុជា។
នាឆ្នាំ 2017 ធនាគារ ABA ទទួលបានចំណាត់ថ្នាក់ឥណទានរយៈពេលខ្លី និងរយៈពេលវែងកម្រិត ‘B’ ពីភ្នាក់ងារវាយតម្លៃឥណទាន Standard & Poor’s (S&P) Global Ratings។ កម្រិតឥណទានត្រូវបានដំឡើងដល់ 'B+' ជាមួយទស្សនវិស័យ “ស្ថិរភាព” ក្នុងឆ្នាំ 2020 ហើយបាន បញ្ជាក់សាជាថ្មី ក្នុងឆ្នាំ 2024។
នៅធនាគារ ABA យើងខ្ញុំប្តេជ្ញាបម្រើសេវាដ៏ល្អឥតខ្ចោះជូនអតិថិជន ជាមួយផលិតផលហិរញ្ញវត្ថុជាច្រើន ប្រកបដោយ លក្ខណៈលេចធ្លោនៅក្នុងទីផ្សារហិរញ្ញវត្ថុរបស់កម្ពុជា។
គ្រឹះស្ថានបោះពុម្ពផ្សាយផ្នែកហិរញ្ញវត្ថុដ៏ល្បីល្បាញបំផុតរបស់ពិភពលោក បានទទួលស្គាល់កិច្ចខិតខំប្រឹងប្រែងរបស់ធនាគារ ABA ដែលបាននាំយកមកនូវអ្វីដែលល្អបំផុតដល់អតិថិជនរបស់ខ្លួន៖
- ទស្សនាវដ្តី The Banker បានប្រសិទ្ធនាមធនាគារ ABA ជា “ធនាគារដ៏ឆ្នើមប្រចាំឆ្នាំរបស់កម្ពុជា” នៅក្នុងឆ្នាំ 2014, 2016, 2019, 2021, 2022, 2023 និង 2025។
- ទស្សនាវដ្តី Euromoney បានប្រគល់ពាន់រង្វាន់ជា “ធនាគារដ៏ឆ្នើមបំផុតនៅកម្ពុជា” ជូនដល់ធនាគារ ABA រយៈពេល 12 ឆ្នាំជាប់ៗគ្នា ចាប់ពីឆ្នាំ 2014 ដល់ 2025។
- ទស្សនាវដ្តី Global Finance បានប្រសិទ្ធនាមធនាគារ ABA ជា “ធនាគារដ៏ឆ្នើមបំផុតនៅកម្ពុជា” ចាប់ពីឆ្នាំ 2015 រហូតដល់ឆ្នាំ 2025។
- ទស្សនាវដ្តី Asian Banking and Finance បានប្រសិទ្ធនាមធនាគារ ABA ជា “ធនាគារបម្រើសេវារូបវន្តបុគ្គលដ៏ឆ្នើមប្រចាំឆ្នាំ” រយៈពេល 5 ឆ្នាំជាប់ៗគ្នា ចាប់ពីឆ្នាំ 2021 ដល់ 2025។
ធនាគារ ABA − ដៃគូជាទីទុកចិត្តរបស់លោកអ្នក!
