បង់ពន្ធ

ក្រោមកិច្ចសហការជាមួយក្រសួងសេដ្ឋកិច្ច និងហិរញ្ញវត្ថុ ធនាគារ ABA ឥឡូវនេះ មានសេវាទទួលការបង់ពន្ធជូនអគ្គនាយកដ្ឋានពន្ធដារ នៅតាមសាខាទាំងអស់របស់ខ្លួននៅទូទាំងប្រទេស។ សេវានេះនាំមកនូវភាពងាយស្រួលដល់អតិថិជន ABA ក្នុងការបំពេញកាតព្វកិច្ចបង់ពន្ធរបស់ពួកគេជូនរាជរដ្ឋាភិបាល។

ហេតុអ្វីត្រូវបង់ពន្ធជាមួយ ABA?

បង់បែបឌីជីថលដោយផ្ទាល់ពីគណនី ABA របស់អ្នក
ទូទាត់បានគ្រប់ទីកន្លែងជាមួយ ABA Pay¹ និង ផ្លែតហ្វម ABA Business²
ទូទាត់បានដោយសុវត្ថិភាព និងចំណេញពេលវេលា
បង់បានគ្រប់ប្រភេទពន្ធទាំងអស់នៅតាមបណ្តាសាខា ABA ទូទាំងប្រទេស
បង់ដោយមិនតម្រង់ជួរនៅពេលបង់ជាមួយ OTC តាមបញ្ជរប្រមូលពន្ធ

_{¹ សម្រាប់ពន្ធប្រចាំខែ និងពន្ធលើប្រាក់ចំណូលប្រចាំឆ្នាំតាមរយៈ GDT Prefiling App និងពន្ធផ្លូវ និងពន្ធអចលនទ្រព្យប្រចាំឆ្នាំតាមរយៈ GDT Taxpayer App។
² រួមមានពន្ធប្រចាំខែ (ពន្ធលើប្រាក់បៀវត្ស ពន្ធកាត់ទុក ប្រាក់រំដោះពន្ធលើប្រាក់ចំណេញ អាករលើតម្លៃបន្ថែមជាដើម) និងពន្ធប្រចាំឆ្នាំ (ពន្ធលើប្រាក់ចំណូល ពន្ធប៉ាតង់ ជាដើម)។}

ប្រភេទពន្ធដែលបង់បានតាមរយៈ ABA Mobile

ពន្ធប្រចាំខែ និងពន្ធប្រាក់ចំណូលប្រចាំឆ្នាំ^2,4

ពន្ធផ្លូវ³

ពន្ធលើអចលនទ្រព្យប្រចាំឆ្នាំ⁴

ធនាគារ ABA សូមណែនាំសេវាកម្មបង់ពន្ធរបស់អគ្គនាយកដ្ឋានពន្ធដារ (GDT) ក្នុងកម្មវីធី ABA Mobile ដើម្បីផ្ដល់ជូនមធ្យោបាយរហ័ស និងងាយស្រួលដល់ការបង់ពន្ធរបស់លោកអ្នក។ អតិថិជន ABA អាចធ្វើការបង់ពន្ធប្រចាំខែ និងពន្ធប្រាក់ចំណូលប្រចាំឆ្នាំ (សម្រាប់អ្នកជាប់ពន្ធតូច), ពន្ធផ្លូវ និងពន្ធលើអចលនទ្រព្យប្រចាំឆ្នាំដោយផ្ទាល់ពីគណនីធនាគារ⁵ ដោយពុំចាំបាច់អញ្ជើញទៅសាខាធនាគារ ឬ សាខាពន្ធដារឡើយ។

ដើម្បីបង់ សូមបើក ABA Mobile, ចុចប៊ូតុង ទូទាត់ប្រាក់, ចុចយក សេវាសាធារណៈ រួចជ្រើសរើសប្រភេទណាមួយដែលត្រូវបង់ ដូចជា ប្រកាសពន្ធអាជីវកម្មសម្រាប់អ្នកជាប់ពន្ធតូច ពន្ធអចលនទ្រព្យប្រចាំឆ្នាំ, ពន្ធមធ្យោបាយដឹកជញ្ជូន និងយានជំនិះ ឬពន្ធផ្លូវ⁶។

_{² អនុវត្តចំពោះអ្នកជាប់ពន្ធតូចប៉ុណ្ណោះ ដើម្បីប្រកាសពន្ធប្រចាំខែ (អាករលើតម្លៃបន្ថែម, ពន្ធលើប្រាក់បៀវត្ស,ពន្ធកាត់ទុក និងបំណុលពន្ធ) និងពន្ធលើប្រាក់ចំណូលប្រចាំឆ្នាំ
³ GDT នឹងគិតតម្លៃ 10,000 រៀលក្នុងយានជំនិះមួយ
⁴ ប្រសិនបើពន្ធដែលអ្នកត្រូវបង់ជាការប្រកាសពន្ធសូន្យ អ្នកនឹងត្រូវបង់តែ 2,000 រៀលទេ
⁵ ជារៀលរាល់ថ្ងៃពីម៉ោង 6:30 ព្រឹកដល់ម៉ោង 10:00 យប់ រួមបញ្ចូលទាំងថ្ងៃឈប់សម្រាក
⁶ ប្រសិនបើអ្នកមិនទាន់មានកម្មវិធីបង់ពន្ធ GDT Taxpayer App ឬ GDT Tax Prefiling App អ្នកអាចទាញយកកម្មវិធីនោះ លើទូរស័ព្ទដៃរបស់អ្នក ហើយចុះឈ្មោះតាមការណែនាំ ដោយផ្ដល់ព័ត៌មានចាំបាច់។}

ប្រភេទពន្ធដែលអាចបង់តាម វិបសាយ GDT (e-payment)

ពន្ធសហគ្រាស⁷

ពន្ធបុគ្គល⁸

ប្រើសេវាកម្មពន្ធអេឡិចត្រូនិក (e-Tax) នៅលើ វិបសាយផ្លូវការរបស់ GDT ដើម្បីរីករាយជាមួយភាពងាយស្រួលនៃការបង់ពន្ធតាមអ៊ីនធឺណិត (e-Payment) ។ e-Payment អាចធ្វើបានតាមរយៈវិបសាយចាប់ពីម៉ោង 6:30 ព្រឹកដល់ម៉ោង 10:00 យប់ជារៀងរាល់ថ្ងៃរួមទាំងថ្ងៃឈប់សម្រាកសាធារណៈ។ ប្រសិនបើអ្នកមិនទាន់មានគណនីជាមួយ GDT នៅឡើយទេ សូមបង្កើតមួយភ្លាមៗនៅលើគេហទំព័រ GDT ។ នៅពេលបង្កើតរួច សូមចូលទៅក្នុងទម្រង់ GDT របស់អ្នក ហើយជ្រើសរើសប្រភេទពន្ធដែលអ្នកចង់បង់។ នៅទំព័របង់ប្រាក់សូមជ្រើសរើស ABA PAY និងបង់ប្រាក់⁹ ដោយផ្ទាល់ពីគណនី ABA របស់អ្នកដោយស្កេនកូដ QR ដែលបានបង្ហាញជាមួយកម្មវិធី ABA Mobile របស់អ្នក។ នៅលើវិបសាយអ្នកក៏អាចបង្កើតបាកូដតាមរយៈ e-Filing/Prefiling ចូលទៅក្នុងប្រព័ន្ធ GDT ពន្ធដែលបានជ្រើសរើសដូចជាពន្ធលើប្រាក់ចំណូល (TOI)។

_{⁷ រួមមានពន្ធប្រចាំខែនិងប្រចាំឆ្នាំ ពន្ធចុះបញ្ជីពាណិជ្ជកម្ម និងពន្ធសវនកម្ម
⁸ ពន្ធលើឈ្នួលដីនិងផ្ទះ និងពន្ធលើការផ្ទេរយានយន្តតាមអនឡាញ
⁹ ប្រសិនបើពន្ធត្រូវបានចាត់ថ្នាក់តាមការបង់ពន្ធសូន្យ នឹងគិតថ្លៃ 2,000 រៀល។}

ប្រភេទពន្ធដែលអាចបង់បាននៅតាមសាខា ABA

ពន្ធសហគ្រាស¹⁰

ពន្ធមធ្យោបាយដឹកជញ្ជូន និងយានជំនិះគ្រប់ប្រភេទ

ពន្ធលើអចលនទ្រព្យ

_{¹⁰ រួមមានពន្ធប្រចាំខែ (ពន្ធលើប្រាក់បៀវត្ស ពន្ធកាត់ទុក ប្រាក់រំដោះពន្ធលើប្រាក់ចំណេញ អាករលើតម្លៃបន្ថែមជាដើម) និងពន្ធប្រចាំឆ្នាំ (ពន្ធលើប្រាក់ចំណូល ពន្ធប៉ាតង់ ជាដើម)}

ឯកសារចាំបាច់នានាសម្រាប់ការបង់ពន្ធ

ពន្ធសហគ្រាស៖

ពាក្យស្នើប្រកាសពន្ធតាមអនឡាញ E‐Filing, ពាក្យស្នើប្រកាសពន្ធតាមអនឡាញPre‐Filing, ទម្រង់ទទួលប្រាក់ពន្ធ តាមលេខបារកូដ Pre‐Payment, ទម្រង់ទទួលប្រាក់ពន្ធ P101 និង ទម្រង់ទទួលប្រាក់ពន្ធតាមបារកូដ TOI។

ពន្ធលើអចលនទ្រព្យ (ដីធ្លី ផ្ទះ អគារ ជាដើម)៖

ប័ណ្ណសម្គាល់ការបង់ពន្ធលើអចលនទ្រព្យ

ប្រសិនបើអ្នកមិនមានអត្តសញ្ញាណប័ណ្ណបង់ពន្ធអចលនទ្រព្យទេសូមផ្ញើបង្កាន់ដៃបង់ពន្ធអចលនទ្រព្យកាលពីឆ្នាំមុន ឬឯកសារណាមួយនៃការបង់ពន្ធអចលនទ្រព្យដែលចេញដោយ អគ្គនាយកដ្ឋានពន្ធដារ ឬការិយាល័យពន្ធណាមួយ។

ចំពោះពន្ធប្រថាប់ត្រាផ្ទេរកម្មសិទិ្ធអចលនទ្រព្យ និងពន្ធលើដីធ្លីដែលមិនបានប្រើប្រាស់សូមផ្ញើឯកសារនៃការបង់ពន្ធអចលនទ្រព្យដែលចេញដោយ អគ្គនាយកដ្ឋានពន្ធដារ ឬការិយាល័យពន្ធណាមួយ។

ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ៖

ប័ណ្ណសម្គាល់ការបង់ពន្ធលើមធ្យោបាយដឹកជញ្ជូន និងយានជំនិះ; ប័ណ្ណសម្គាល់យានយន្ដ ឬលតាបត្ររបង់ពន្ធរថយន្តកាលពីឆ្នាំមុន
វិញ្ញាបនបត្រចុងក្រោយនៃការត្រួតពិនិត្យបច្ចេកទេសយានយន្ត¹¹ដែលចេញដោយក្រសួងសាធារណការនិងដឹកជញ្ជូន។

សម្រាប់យានយន្ដដែលបង់ពន្ធលើកដំបូង អ្នកជាប់ពន្ធត្រូវផ្តល់ជូននូវឯកសារច្បាប់ដើម ឬឯកសារបញ្ជាក់ច្បាប់ដើមដូចខាងក្រោម ដើម្បីចុះបញ្ជីយានយន្តលើកដំបូងក្នុងប្រព័ន្ធ៖

ទម្រង់លិខិតប្រកាសពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ VT001 (02 ច្បាប់ សម្រាប់ការចុះបញ្ជីយានយន្តលើកដំបូងប៉ុណ្ណោះ)
ប័ណ្ណសម្គាល់យានយន្ដ
វិញ្ញាបនបត្រត្រួតពិនិត្យលក្ខណៈបច្ចេកទេសយានយន្តដែលមានសុពលភាពចុងក្រោយ¹¹ចេញដោយក្រសួងសាធារណការនិងដឹកជញ្ជូន និង/ឬពន្ធគយលើយានយន្ដ
អត្តសញ្ញាណប័ណ្ណសញ្ជាតិខ្មែរ លិខិតឆ្លងដែន ឬសំបុត្រកំណើតរបស់ម្ចាស់រថយន្ត (សម្រាប់ម្ចាស់ជារូបវន្តបុគ្គល) ឬវិញ្ញាបនបត្រអាករលើតម្លៃបន្ថែម (សម្រាប់នីតិបុគ្គល)។

_{¹¹ អនុវត្តចំពោះរថយន្តដឹកទំនិញឬរថយន្តដឹកអ្នកដំណើរ។ សូមមើល គេហទំព័រ របស់ MPWT ស្តីពីការត្រួតពិនិត្យបច្ចេកទេសយានយន្តដើម្បីស្វែងយល់បន្ថែម។}

ព័ត៌មានមានអត្ថប្រយោជន៍

ទទួលការបង់ពន្ធ ពី ចន្ទ ដល់ សុក្រ រៀងរាល់ម៉ោង 8:00 ព្រឹក - 4:00 រសៀល លើកលែងថ្ងៃសម្រាកបុណ្យជាតិ/អន្តរជាតិ។ ABA សាខាអ៊ីអន សែនសុខ (អ៊ីអន2) និង សាខាផ្សារទំនើបអ៊ីអន (មានជ័យ) ទទួលដល់ថ្ងៃសៅរ៍ រៀងរាល់ម៉ោង 8.00 ព្រឹក - 11.00 ថ្ងៃ។
សេវាប្រមូលពន្ធ មិនគិតថ្លៃសេវាទេ¹²,លេីកលែងតែថ្លៃសេវាសម្រួលប្រតិបត្តិការ¹³
ទទួលការបង់ពន្ធជាប្រាក់រៀលតែប៉ុណ្ណោះ¹⁴។ ការបង់ពន្ធជាប្រាក់ដុល្លារ នឹងគិតតាមអត្រាប្តូរប្រាក់របស់ធនាគារ ABA។

_{¹² ការកែប្រែ ឬបញ្ឈប់ប្រតិបត្តិការ ឬការចេញឯកសារជាថ្មីនឹងត្រូវគិតថ្លៃសេវា តាមសៀវភៅណែនាំប្រតិបត្តិការ ប្រមូលប្រាក់ចំណូលពន្ធ។}

_{¹³ ថ្លៃសេវានឹងត្រូវអនុវត្តដូចខាងក្រោម៖
- 4,000 រៀល សម្រាប់ការព្រីនប័ណ្ណប៉ាតង់កូល័រ;
- 2,000 រៀល សម្រាប់ការប្រើទម្រង់ Tax Return P101;
- 6,000 រៀល សម្រាប់ការប្រើទម្រង់ Tax Return P101 និងព្រីនប័ណ្ណប៉ាតង់កូល័រ។
¹⁴ ចុច ត្រង់នេះ ដើម្បីដឹងបន្ថែមអំពីរបៀបបើកគណនីប្រាក់រៀល។}

ប្រសិនបើអ្នកមានចម្ងល់ និងត្រូវការព័ត៌មាន ឬត្រូវការឲ្យយើងខ្ញុំជួយ សូមទូរស័ព្ទមកយើងខ្ញុំតាមទូរស័ព្ទលេខ 1 800 203 203 ឬអញ្ជើញមក សាខាធនាគារ ABA ដែលនៅជិតអ្នកបំផុត និងជួបជាមួយបុគ្គលិក ផ្នែកទំនាក់ទំនង អតិថិជនរបស់យើងខ្ញុំ ដែលនឹងជួយណែនាំអ្នកក្នុងដំណើរការបង់ពន្ធនេះ។

លក្ខខណ្ឌទូទៅ និង លក្ខខណ្ឌសម្រាប់ធនាគារអនឡាញ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។

បង់ពន្ធ

​ហេតុ​អ្វី​ត្រូវ​បង់ពន្ធ​ជាមួយ​ ABA?

ប្រភេទពន្ធដែលបង់បានតាមរយៈ ABA Mobile

​ប្រភេទ​ពន្ធ​ដែល​អាច​បង់​តាម​ វិ​ប​សាយ​ GDT​ (e-payment)

​ប្រភេទ​ពន្ធ​ដែល​អាច​បង់​បាន​នៅ​តាម​សាខា​ ABA

​ឯកសារ​ចាំបាច់​នានា​សម្រាប់​ការ​បង់ពន្ធ​

​ព័ត៌មាន​មាន​អត្ថប្រយោជន៍​

ហេតុអ្វីត្រូវបង់ពន្ធជាមួយ ABA?

ប្រភេទពន្ធដែលអាចបង់តាម វិបសាយ GDT (e-payment)

ប្រភេទពន្ធដែលអាចបង់បាននៅតាមសាខា ABA

ឯកសារចាំបាច់នានាសម្រាប់ការបង់ពន្ធ

ព័ត៌មានមានអត្ថប្រយោជន៍