កាត ABA Caltex Fleet Card
ABA Caltex Fleet Card គឺជាកាត co-branded ដែលចេញដោយធនាគារ ABA សម្រាប់ការទូទាត់នៅស្ថានីយប្រេងឥន្ធនៈកាល់តិច ចំនួន 64 ទីតាំងនៅក្នុងប្រទេសកម្ពុជា។
កាត ABA Caltex Fleet Card អនុញ្ញាតឲ្យក្រុមហ៊ុន ឬអាជីវកម្មនានា ទិញប្រេងឥន្ធនៈ អាស្រ័យលើកម្រិតឥណទាន។ វាជាដំណោះស្រាយសុវត្ថិភាព ងាយស្រួល និងសន្សំសំចៃ ដែលអាចជួយសម្រួលដល់ការគ្រប់គ្រងការចំណាយលើប្រេងឥន្ធនៈរបស់អតិថិជនសាជីវកម្ម ព្រមទាំងគ្រប់គ្រងទាំងស្រុងលើការចំណាយនានាពាក់ព័ន្ធនឹងយានយន្ដ។
ជាមួយកាតមួយសម្រាប់រថយន្ដមួយ ក្រុមហ៊ុនអាចតាមដានការចំណាយលើប្រេងឥន្ធនៈ កំណត់ភូមិសាស្ដ្រ/ចម្ងាយ, កំណត់កម្រិតចំណាយទុកជាមុន និងបង្កកកាតក្នុងករណីមានការក្លែងបន្លំ ឬភាពមិនប្រក្រតីណាមួយគួរឲ្យសង្ស័យ។ របាយការណ៍ប្រតិបត្តិការត្រឹមត្រូវ ជួយកំណត់ផ្នែកដែលត្រូវការកែលម្អបន្ថែម។ អត្ថប្រយោជន៍ទាំងអស់នេះ រួមចំណែកដល់ភាពប្រសើរឡើងនៃប្រសិទ្ធភាពប្រតិបត្តិការរបស់ក្រុមហ៊ុន/អាជីវកម្ម។
ក្រុមហ៊ុននានាអាចស្នើសុំកាតតាមអនឡាញ និងទទួលបានកម្រិតឥណទាន ស្របតាមតម្រូវការអាជីវកម្មរបស់ខ្លួន ដោយមិនមានគិតថ្លៃបើកកាត ឬសេវាថែទាំកាតប្រចាំឆ្នាំ មានសុពលភាពរយៈពេល 5 ឆ្នាំ ហើយអាចទទួលបានកម្រិតឥណទានរហូតដល់ 10,000 ដុល្លារ។
អត្ថប្រយោជន៍
- ទូទាត់បែបឌីជីថល, ផ្ទៀងផ្ទាត់ជាមួយលេខសម្ងាត់ PIN មុនចាក់ប្រេង មានសុវត្ថិភាពជាងប្រើលុយសុទ្ធ។
- កំណត់កម្រិតចំណាយសម្រាប់កាតនីមួយៗជាមុន និងកាតមួយសម្រាប់យានយន្ដមួយប៉ុណ្ណោះ។
- រាល់ប្រតិបត្តិការរបស់ Fleet Card ទាំងអស់ នឹងត្រូវកត់ត្រានៅក្រោមគណនីមេមួយ ដែលងាយស្រួលក្នុងគ្រប់គ្រងការចំណាយ។
- ទឹកប្រាក់នឹងកាត់ចេញដោយស្វ័យប្រវត្តិពីគណនីមេ ដោយមិនតម្រូវឲ្យមានការអនុញ្ញាតប្រតិបត្តិការក្នុងពេលជាក់ស្ដែងណាមួយបន្ថែមឡើយ។
របៀបចុះឈ្មោះ
- បំពេញ ពាក្យស្នើសុំ រួចផ្ញើពាក្យស្នើសុំនោះមកកាន់ធនាគារ ABA តាមរយៈ customerservice@ababank.com;
- ធនាគារ ABA នឹងផ្ទៀងផ្ទាត់ពាក្យស្នើសុំរបស់អ្នក និងទាក់ទងទៅលោកអ្នកបន្ទាប់ពីផ្ទៀងផ្ទាត់រួច។
ព័ត៌មានបន្ថែម
នៅមានចម្ងល់ ឬសំណួរពាក់ព័ន្ធនឹង ABA Caltex Fleet Card? សូមអញ្ជើញមកកាន់មជ្ឈមណ្ឌលចេញកាត ABA ដែលមានអាសយដ្ឋានអគារលេខ #148 មហាវិថីព្រះសីហនុ រាជធានីភ្នំពេញ, ឬទំនាក់ទំនងមកលេខ 098 203 555/225 ឬតាមរយៈអ៊ីមែល customerservice@ababank.com ដើម្បីឲ្យក្រុមការងារយើងខ្ញុំបម្រើសេវាជូនលោកអ្នក។
លក្ខខណ្ឌទូទៅ និង លក្ខខណ្ឌសម្រាប់ធនាគារអនឡាញ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។
