កម្ចី​អាជីវកម្ម​ខ្នាត​តូច​

ស្នើឥឡូវ

យើងខ្ញុំ​សូម​ណែនាំ​កម្ចី​អាជីវកម្ម​ខ្នាត​តូច​ ដែល​នឹង​ជួយ​ឲ្យ​អាជីវកម្ម​របស់​លោក​អ្នក​កាន់តែ​រីក​ចម្រើន​បន្ថែម​ទៀត​!​ កម្ចី​អាជីវកម្ម​ខ្នាត​តូច​ពី​ធនាគារ​ ABA​ ផ្ដល់​កម្ចី​ចាប់ពី​ 5,000​ ដុល្លារ​ ដល់​ 200,000​ ដុល្លារ​ ក្នុង​អត្រា​ការ​ប្រាក់​ទាប​ និង​រយៈពេល​កម្ចី​រហូត​ដល់​ 10​ ឆ្នាំ​។​ លោក​អ្នក​ក៏​អាច​ប្រើ​សេវា​បង់​ផ្ដាច់​កម្ចី​របស់​យើងខ្ញុំ​បាន​ផង​ដែរ​ ប្រសិនបើ​អ្នក​កំពុង​មាន​កម្ចី​ជាមួយ​ធនាគារ​ផ្សេង​ ហើយ​ចង់បាន​លក្ខខណ្ឌ​កម្ចី​ល្អ​ប្រសើរ​! ​

យើងខ្ញុំ​ចង់​ឃើញ​លោក​អ្នក​ទទួល​បាន​ជោគជ័យ​ក្នុង​អាជីវកម្ម​ ហើយ​យើងខ្ញុំ​នឹង​ជួយ​អាជីវកម្ម​ក្នុង​ក្តី​សុបិន​គ្រួសារ​អ្នក​ឲ្យ​ក្លាយជា​ការ​ពិត​។​

​លក្ខខណ្ឌ

គោលបំណង​ហិរញ្ញប្បទាន​
  • ហិរញ្ញប្បទាន​ចំណាយ​មូលធន​ (CAPEX​ Financing)
  • តម្រូវការ​បង្វិល​មូលធន​
  • តម្រូវការ​ប្រតិបត្តិការ​អាជីវកម្ម​
  • តម្រូវការ​វិនិយោគ​ និង​អាជីវកម្ម​ផ្សេងៗ​
​រូបិយប័ណ្ណ​​ ប្រាក់​ដុល្លារ​ ប្រាក់​រៀល
ចំនួន​កម្ចី​ 5,000​ –​ 200,000 20​ លាន​ –​ 800​ លាន
រយៈពេល​កម្ចី​ រហូត​ដល់​ 10​ ឆ្នាំ
វិធី​ទូទាត់​សង​ ទូទាត់​សង​ប្រចាំខែ​ទាំង​ប្រាក់​ដើម​ និង​ការ​ប្រាក់​
អត្រា​ការ​ប្រាក់ អាច​ចរចារ​បាន

លក្ខខណ្ឌ​អាច​មានការ​ផ្លាស់​ប្ដូរ​ អាស្រ័យ​លើ​ឆន្ទានុសិទ្ធិ​ទាំងស្រុង​របស់​ធនាគារ​ ដោយ​មិន​ចាំបាច់​ជូនដំណឹង​ជា​មុន​ដល់​អតិថិជន​ឡើយ​។​

តើខ្ញុំត្រូវផ្តល់វត្ថុបញ្ចាំអ្វីខ្លះ?

អ្នកអាចផ្តល់វត្ថុបញ្ចាំមកដល់ធនាគារដូចតទៅ៖

ជាចាំបាច់

  • អចលនទ្រព្យ (ប្លង់រឹង ឬទន់)
  • លិខិតបញ្ជាក់កម្មសិទ្ធិអាជីវកម្ម

ជម្រើសផ្សេងៗ

  • អចលនទ្រព្យរបស់តតិយជន, របស់សហពាណិជ្ជនិងប័ណ្ណធានាពីធនាគារ
  • វត្ថុបញ្ចំាផ្សេងទៀត អាចចរចាជាមួយធនាគារបាន

អត្ថប្រយោជន៍

  • ទទួល​បាន​ចំនួន​ប្រាក់​កម្ចី​ខ្ពស់​
  • អត្រា​ការ​ប្រាក់​ទាប​
  • កម្ចី​មាន​រយៈពេល​វែង​
  • ទទួលយក​ការ​ធានា​ទ្រព្យ​តម្កល់​របស់​ភាគី​ទី​បី​ 
  • ដំណើរការ​អាជីវកម្ម​ក្នុង​ប្រទេស​កម្ពុជា​រយៈពេល​ចាប់ពី​ 12​ ខែ​
  • អតិថិជន​កម្ចី​ត្រូវ​បាន​អាយុ​ចាប់ពី​ 18​ ឆ្នាំ​ និង​មិន​លើស​ពី​ 75​ ឆ្នាំ​ ក្នុង​កំឡុង​នៃ​រយៈពេល​កម្ចី​
  • មានទ្រព្យ​តម្កល់​សម្រាប់​ស្នើ​កម្ចី​ជា​ប្រភេទ​អចលនទ្រព្យ​ ប្លង់​ទន់​/​ ប្លង់​រឹង​ (​ដោយ​មានឈ្មោះ​របស់​អ្នក​ ឬ​ឈ្មោះ​ភាគី​ទី​បី​ ជា​ម្ចាស់​កម្មសិទ្ធិ​)​។​
  • មិន​ធ្លាប់​មាន​ប្រវត្តិ​សង​ប្រាក់​មិនល្អ​។​

ខណៈ​កំពុង​ផ្ដល់​សេវា​ធនាគារ​ជូន​អតិថិជន​ មិន​ថា​ប្រតិបត្តិការ​ផ្ដល់​កម្ចី​ និង​ដាក់​ប្រាក់​បញ្ញើ​ ឬ​បើក​គណនី​ជាមួយ​ធនាគារ​ ABA​ ថ្នាក់ដឹកនាំ​ និង​បុគ្គលិក​ មិន​ត្រូវ​មាន​ទំនាក់ទំនង​ ជាមួយ​អាជីវកម្ម​ និង​សកម្មភាព​ហាមឃាត់​មួយ​ចំនួន​ដូច​ខាងក្រោម​៖​

  1. ប្រតិបត្តិការ​ដោយ​ប្រើ​គណនី​អនាមិក​ និង​ប្រើ​គណនី​ជា​ឈ្មោះ​ប្រឌិត
  2. ​ក្រុមហ៊ុន​ដែល​មាន​តែ​ឈ្មោះ​ (​ក្រុមហ៊ុន​ដែល​មិន​មានដំណើរ​ការ​ពិតប្រាកដ​)
  3. បុគ្គល​ ឬ​អង្គភាព​ណាមួយ​ដែល​មានឈ្មោះ​ក្នុង​បញ្ជី​ទណ្ឌកម្ម​របស់​ UN​ EU​ និង​ OFAC​ និង​បុគ្គល​ ឬ​អង្គភាព​ផ្សេង​ទៀត​ដែល​កំណត់​ដោយ​គណៈ​គ្រប់គ្រង​ជាន់ខ្ពស់​
  4. អាជីវកម្ម​ ឬ​អង្គភាព​ណាមួយ​ ដែល​មិន​បាន​ចុះបញ្ជី​ពន្ធ​ ឬ​មិន​បាន​បំពេញ​ឯកសារ​ចុះបញ្ជី​គ្រប់គ្រាន់​ដូច​ជា​ អ្នក​ផ្តល់​ឥណទាន​ឯកជន​ អាជីវកម្ម​ផ្ទេរ​ប្រាក់​គ្មាន​អាជ្ញាប័ណ្ណ​ ល​ និង​អាជីវកម្ម​ដែល​ផលិត​ ឬ​ជួញដូរ​ផលិតផល​ខុសច្បាប់
  5. ការ​ផលិត​ ឬ​ជួញដូរ​គ្រឿង​សព្វាវុធ​ និង​យុទ្ធភណ្ឌ​ ដូច​មាន​ចែង​ក្នុង​សេចក្តី​បន្ថែម​នៃ​ច្បាប់​ស្ដី​ពី​ការ​ប្រឆាំង​ភេរវកម្ម​
  6. ការ​ផលិត​ ឬ​ជួញដូរ​គ្រឿង​ភេសជ្ជៈ​ដែល​មាន​ជាតិ​អាល់កុល​
  7. ការ​ផលិត​ ឬ​ជួញដូរ​ថ្នាំជក់​2
  8. ល្បែងស៊ីសង​ កាស៊ីណូ​ និង​សហគ្រាស​ដែល​ធ្វើ​ប្រតិបត្តិការ​អាជីវកម្ម​ប្រហាក់ប្រហែល​នេះ
  9. ជួញដូរ​សត្វព្រៃ​ ឬ​ផលិតផល​សត្វព្រៃ​ និង​ផលិតផល​ដែល​មាន​ចែង​នៅ​ក្នុង​ អនុសញ្ញា​ស្ដី​ពី​ពាណិជ្ជកម្ម​អន្តរជាតិ​លើ​ប្រភេទ​សត្វ​ និង​រុក្ខជាតិ​ព្រៃ​ដែល​កំពុង​រងគ្រោះថ្នាក់​ (CITES)
  10. ការ​ផលិត​ ឬ​ជួញដូរ​សម្ភារៈ​មាន​ផ្ទុក​វិទ្យុសកម្ម​
  11. ការ​ផលិត​ ឬ​ជួញដូរ​ ឬ​ប្រើប្រាស់​សម្ភារៈ​ដែល​មាន​ផល​ប៉ះពាល់​ដល់​ផ្លូវដង្ហើម​
  12. ការ​ជួញដូរ​ ឬ​ទិញ​ឧបករណ៍​កាប់​បំផ្លាញ​ព្រៃឈើ​ និង​ធ្វើ​ប្រតិបត្តិការ​ពាណិជ្ជកម្ម​កាប់​ព្រៃឈើ​3
  13. ការ​ផលិត​ ឬ​ជួញដូរ​ឱសថ​នានា​ ដែល​ជា​កម្មវត្ថុ​នៃ​ការ​ទប់ស្កាត់​ និង​ហាមប្រាម​ជា​អន្តរជាតិ​ ដូច​ជា​សារធាតុ​ធ្វើ​ឲ្យ​ស្រទាប់​ អូហ្សូន​ថយ​ចុះ​
  14. ការ​ផលិត​ ឬ​ជួញដូរ​ថ្នាំ​សម្លាប់​សត្វល្អិត​ ឬ​ថ្នាំ​សម្លាប់​ស្មៅ​ ដែល​ជា​កម្មវត្ថុ​នៃ​ការ​ទប់ស្កាត់​ និង​ហាមប្រាម​ជា​អន្តរជាតិ​
  15. ការ​ផលិត​ ឬ​ជួញដូរ​ផលិតផល​ដែល​មាន​ផ្ទុក​សារធាតុ​ប៉ូ​លី​ក្ល​រី​ន​ ប៊ី​ភេ​នី​ល​ ដែល​ជា​ក្រុម​មាន​ផ្ទុក​សារជាតិ​គីមី​ពុល​កម្រិត​ខ្ពស់​ ភាគច្រើន​រក​ឃើញ​នៅ​ក្នុង​ប្រព័ន្ធ​ចម្លង​ប្រេង​ ឌីសង់ទ័រ​ និង​កុងតាក់​ភ្លើង​
  16. វិធីសាស្ដ្រ​នេសាទ​ដែល​មាន​គ្មាន​និរន្តរភាព​ ដូច​ជា​ការ​ប្រើ​សំណាញ់​ដែល​មាន​ប្រវែង​ 2,5​គ​.​ម​ឡើង​ទៅ​ ហើយ​បង់​ចូល​ក្នុង​តំបន់​អភិរក្ស​បរិស្ថាន​សមុទ្រ​
  17. ការ​ផលិត​ ឬ​សកម្មភាព​ទាំងឡាយ​ណា​ដែល​ពាក់ព័ន្ធ​នឹង​ទម្រង់​នាំ​ឲ្យ​មាន​ផល​ប៉ះពាល់​ ឬ​ការ​កេងប្រវ័ញ្ច​ពលកម្ម​ដោយ​បង្ខំ​ ឬ​ប៉ះពាល់​ដល់​ពលកម្ម​កុមារ​
  18. រាល់​ប្រភេទ​នៃ​ការ​វិនិយោគ​ទាំងឡាយ​ណា​ដែល​ទទួលផល​ចំណេញ​ខ្ពស់​ខុស​ពី​ធម្មតា​ (Ponzy​ ឬ​ HYIP)​ ដូច​ជា​សេវាកម្ម​ Telex-free
  19. ការ​ធ្វើ​ពាណិជ្ជកម្ម​ឆ្លង​ដែន​ទៅ​លើ​សំណល់​ និង​ផលិតផល​ពី​សំណល់​ លុះត្រាតែ​បាន​អនុលោម​តាម​អនុសញ្ញា​បា​សែ​ល​ (Basel​ Convention)​ និង​ស្ថិត​ក្រោម​បទបញ្ញត្តិ​នានា​
  20. សកម្មភាព​បំផ្លាញ​ និង​ទាញ​យក​ផលប្រយោជន៍​ពី​តំបន់​អភិរក្ស​ ដែល​ជា​តំបន់​ដ៏​សំខាន់​សម្រាប់​ទីជម្រក​ធម្មជាតិ​ (​សូម​មើល​វិ​ប​សាយ​ www.hcvnetwork.org)
  21. សកម្មភាព​អាសគ្រាម​ និង​/​ឬ​អំពើ​ពេស្យាចារ​
  22. ការ​រើសអើង​ជាតិ​សាសន៍​ និង​/​ឬ​ការ​ប្រឆាំង​នឹង​ប្រព័ន្ធ​ផ្សព្វផ្សាយ​ប្រជាធិបតេយ្យ​
  23. ប្រតិបត្តិការ​ ឬ​ការ​សម្រួល​ដល់​ការ​ចរាចរ​ ទិញ​ លក់​ ទូទាត់​ និង​ផ្សព្វផ្សាយ​រូបិយប័ណ្ណ​គ្រីប​តូ​ និង​ទំនិញ​អេ​ឡិ​ក​ត្រូ​និក​ស្រ​ដៀង​គ្នា​ដែល​មិន​ត្រូវ​បាន​បញ្ជាក់​/​ទទួលស្គាល់​ដោយ​ធនាគារជាតិ​នៃ​កម្ពុជា​ក្នុង​បរិបទ​ណា​ក៏​ដោយ​។​

ព័ត៌មានសំខាន់

ធនាគារ​សូម​រក្សា​សិទ្ធិ​ក្នុង​ការ​ផ្លាស់​ប្តូរ​លក្ខខណ្ឌ​នានា​ ដោយ​ពុំ​ចាំបាច់​ជូនដំណឹង​ជា​មុន​ដល់​អតិថិជន​ឡើយ​។​ សម្រាប់​ព័ត៌មាន​លម្អិត​ សូម​អញ្ជើញ​មក​កាន់​សាខា​ធនាគារ​ ABA​ ណាមួយ​ដែល​នៅ​ជិត​លោក​អ្នក​បំផុត​ ឬ​ចូល​ទៅ​វិ​ប​សាយ​ www.ababank.com ​ឬ​ទំនាក់ទំនង​មក​ខ្សែ​ទូរស័ព្ទ​ប្រចាំការ​យើងខ្ញុំ​តាម​លេខ​ 1​ 800​ 203​ 203​ ដែល​រង់ចាំ​បម្រើសេវា​ជូន​លោក​អ្នក​ 24/7​។​

សេវាផ្តាច់កម្ចីចាស់

ប្រសិនបើ​លោក​អ្នកមាន​បំណង​ចង់​បន្ធូរបន្ថយ​ការ​បង់​កម្ចី​ប្រចាំខែ​ នោះ​ធនាគារ​ ABA​ អាច​ផ្តល់​សេវា​បង់​ផ្តាច់​កម្ចី​ជូន​លោក​អ្នក​បាន​។​ យើងខ្ញុំ​អាច​ផ្តល់​ជូន​លោក​អ្នក​នូវ​កម្ចី​ដែល​មាន​អត្រា​ការ​ប្រាក់​ទាប​ និង​រយៈពេល​កម្ចី​វែង​ ដើម្បី​ឲ្យ​អ្នក​អាច​សន្សំ​ប្រាក់​ និង​អាច​ធ្វើការ​វិនិយោគ​ បន្ថែម​ ទៅ​លើ​អាជីវកម្ម​ដោយសារ​មាន​លក្ខខណ្ឌ​ដ៏​ប្រសើរ​ និង​មិន​ស្មុគស្មាញ​! ​

នៅ​ពេល​ពាក្យ​ស្នើ​សុំ​កម្ចី​របស់​អ្នក​ត្រូវ​បាន​អនុម័ត​ដោយ​ធនាគារ​ ABA​ រួច​ អ្នក​អាច​ធ្វើការ​ទូទាត់​បង់​ផ្តាច់​កម្ចី​ដែល​មាន​ជាមួយ​ស្ថាប័ន​ផ្សេង​ រួម​ជាមួយ​ថ្លៃ​សំណង​ផ្សេង​ទៀត​ ហើយ​អ្នក​ក៏​អាច​មានឱកាស​ស្នើ​សុំ​កម្ចី​បន្ថែម​បាន​ផង​ដែរ​។​ មន្ត្រី​ឥណទាន​យើងខ្ញុំ​ នឹង​ធ្វើការ​ចាត់ចែង​ និង​សម្របសម្រួល​នូវ​រាល់​ដំណាក់កាល​នៃ​ការ​ផ្លាស់​ប្ដូរ​កម្ចី​ពី​ធនាគារ​ ឬ​ស្ថាប័នហិរញ្ញវត្ថុ​ផ្សេង​របស់​ មក​ធនាគារ​ ABA​ ក្នុង​រយៈពេល​តែ​ 1​ថ្ងៃ​ប៉ុណ្ណោះ​។

​ ​លោក​អ្នក​គ្រាន់តែ​ទាក់ទង​ ឬ​អញ្ជើញ​មក​ជួប​ផ្ទាល់​ជាមួយ​មន្ត្រី​ឥណទាន​របស់​ធនាគារ​ ABA​ ដើម្បី​ប្រឹក្សា​យោបល់​ទៅ​លើ​សេវាកម្ម​នេះ​។​

លក្ខខណ្ឌទូទៅ ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader