ABA QR – កូដមួយ រូបិយប័ណ្ណពីរ
ABA QR អាចឲ្យលោកអ្នក ទទួល និងផ្ទេរប្រាក់ជាលុយខ្មែរ ឬដុល្លារតាមរយៈកូដ QR តែមួយ – មិនថាទទួលពីអ្នកប្រើ ABA Mobile ដូចគ្នា ឬអ្នកប្រើអេបធនាគារផ្សេង ដែលដំណើរការជាមួយ KHQR។
ដោយមាន Bakong ដែលជាប្រព័ន្ធទូទាត់ជាតិ ABA QR អាចដំណើរការប្រតិបត្តិការរូបិយប័ណ្ណទាំងពីរបានយ៉ាងរលូន ដែលសម្រួលដល់លោកអ្នក ក្នុងការទទួលប្រាក់ផ្ទេរបានកាន់តែលឿនស្រួល និងពេញដោយភាពបត់បែនខ្ពស់។ គ្រាន់តែបង្ហាញ ABA QR លើអេក្រង់ទូរស័ព្ទ ដើម្បីគេស្គែន ឬផ្ញើជាលីងតាមអេបបណ្ដាញសង្គម។
អត្ថប្រយោជន៍សំខាន់ៗ
ភាពបត់បែនខ្ពស់ ABA QR តែមួយ ទទួលបានទាំងលុយខ្មែរ និងដុល្លារ – មិនបាច់មានកូដពីរផ្សេងគ្នា។
រូបិយប័ណ្ណ ផ្គូផ្គងស្វ័យប្រវត្ត គេផ្ញើជាលុយខ្មែរ ចូលគណនីខ្មែរ គេផ្ញើជាលុយដុល្លារ ចូលគណនីដុល្លារ
សុវត្ថិភាព & ស្រួលគ្រប់គ្រង ដាក់ចំនួនលុយត្រូវទទួល ធានាថាគេផ្ញើឲ្យគ្រប់ចំនួន ត្រូវតាមរូបិយប័ណ្ណដែលលោកអ្នកត្រូវទទួល។
របៀបភ្ជាប់គណនីទទួល សម្រាប់ ABA QR?
ដើម្បីប្រើ ABA QR បាន អ្នកត្រូវមានគណនីយ៉ាងតិច ចំនួនពីរគណនី −មួយ ជាគណនីលុយរៀល និងមួយទៀតជាគណនីដុល្លារ។
- បើក ABA Mobile ហើយចុចប៊ូតុង ABA QR ជ្រុងស្ដាំខាងលើ។
- គណនីប្រាក់រៀល គឺជាគណនីគោលស្វ័យប្រវត្ត។ ប្រសិនបើកអ្នក មានគណនីប្រាក់រៀលច្រើន អ្នកត្រូវជ្រើសយកគណនីមួយក្នុងចំណោមនោះសិន − អ្នកអាចដូរបានគ្រប់ពេល។ អ្នកក៏អាចចុចដូរ រូបិយប័ណ្ណទទួល ទៅជាដុល្លារបានផងដែរ ក្នុងករណីដែលអ្នកត្រូវទទួលលុយជាដុល្លារ។
សំគាល់៖ ប្រាក់ទទួល នឹងចូលទៅគណនីលុយខ្មែរ ឬគណនីដុល្លារ អាស្រ័យលើរូបិប័ណ្ណទូទាត់ − បើគេផ្ញើជាលុយខ្មែរ ចូលគណនីខ្មែរ បើផ្ញើជាដុល្លារ នឹងចូលគណនីដុល្លារ។ ដើម្បីអាចទទួលចូលគណនីណាមួយជាក់លាក់ និងជារូបិយប័ណ្ណដែលអ្នកចង់បាន អ្នកត្រូវដាក់ចំនួនទឹកប្រាក់ ហើយដូររូបិយប័ណ្ណជាមុនសិន ពេលបង្កើត ABA QR។
របៀបទទួលលុយតាម ABA QR?
តាម QR ពេលនៅជិតអ្នកផ្ញើ សូមបើក ABA Mobile ចុចប៊ូតុង ABA QR ហើយបង្ហាញលើអេក្រង់ ដើម្បីឲ្យគេស្គែនជាមួយអេបរបស់គេ។
តាមលីងផ្ទេរប្រាក់ ដាក់ចំនួនទឹកប្រាក់ដែលត្រូវទទួល តាម ABA QR។ ការដាក់ចំនួនទឹកប្រាក់ជាមុនដូច្នេះ ធានាអ្នកផ្ទេរ ឬអ្នកផ្ញើ នឹងបាញ់លុយឲ្យអ្នកគ្រប់ចំនួនជានិច្ច។
របៀបផ្ញើប្រាក់តាម ABA QR?
តាម QR
- ប្រើ ABA Mobile របស់អ្នកស្គែន ABA QR របស់ភាគីទទួល។
- បញ្ចូលចំនួនទឹកប្រាក់ ប្រសិនបើភាគីទទួល មិនទាន់បានបញ្ចូល។ បន្ទាប់មក ពិនិត្យមើលចំនួន និងរូបិយប័ណ្ណផ្ទេរ។
- បើត្រឹមត្រូវ់ហើយ ចុចបញ្ជាក់ ជាមួយលេខសម្ងាត់ ABA Mobile របស់អ្នក ឬស្គែនខ្ចៅដៃ/មុខ អាស្រ័យលើការកំណត់របស់អ្នក។
តាមលីងផ្ទេរប្រាក់
- ចុចលីង ABA QR របស់ភាគីទទួល ដែលគេផ្ញើឲ្យតាមឆាត អេបបណ្ដាញសង្គម ឬ អ៊ីមែល − ពេលនោះ ABA Mobile របស់អ្នកនឹងបើកដោយស្វ័យប្រវត្ត។
- បញ្ចូលចំនួនទឹកប្រាក់ ប្រសិនបើភាគីទទួល មិនទាន់បានបញ្ចូល។ បន្ទាប់មក ពិនិត្យមើលចំនួន និងរូបិយប័ណ្ណផ្ទេរ។
- បើត្រឹមត្រូវហើយ ចុចបញ្ជាក់ ជាមួយលេខសម្ងាត់ ABA Mobile របស់អ្នក ឬស្គែនខ្ចៅដៃ/មុខ អាស្រ័យលើការកំណត់របស់អ្នក
ដោនឡូតកម្មវិធី
សូមចុចរូប Store ខាងក្រោម ដើម្បីដោនឡូតយកកម្មវិធី ABA Mobile ពី Apple Store ឬ Google Play Store ឬ Huawei AppGallery ។ បន្ទាប់ពីដោនឡូតរួចហើយ គ្រាន់តែអនុវត្តតាមការណែនាំជាការស្រេច!
ត្រូវការជំនួយ?
អ្នកអាចទាក់ទងមកយើងខ្ញុំបានភ្លាមៗ ដោយមិនចាំបាច់បិទ ABA Mobile។ អ្នកគ្រាន់តែចុចប៊ូតុង ទាក់ទងមកយើងខ្ញុំ នៅក្នុងម៉ឺនុយលើអក្រេងដំបូង។ បន្ថែមលើនេះទៀត អ្នកអាចឆាតមកយើងខ្ញុំតាម Facebook Messenger ឬតាមវិបសាយ ឬ ទាក់ទងមកលេខប្រចាំការ 098 203 203។
លក្ខខណ្ឌទូទៅ លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ ABA Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader។
