ការដោះស្រាយបណ្តឹង
តើលោកអ្នកមិនពេញចិត្តទាល់តែសោះ ជាមួយសេវាកម្ម ABA មែនទេ? យើងខ្ញុំនៅទីនេះដើម្បីដោះស្រាយជូនលោកអ្នក។
ជំហានទី 1
ទាក់ទងផ្នែកសេវាអតិថិជន
ប្រសិនបើលោកអ្នកមិនពេញចិត្តនឹងសេវាកម្មដែលផ្តល់ជូនលោកអ្នក ជំហានដំបូង ត្រូវទាក់ទងមកកាន់យើងខ្ញុំ តាមរយៈបណ្តាញ ដូចខាងក្រោម៖
- ទូរស័ព្ទមកលេខ៖ 1 800 203 203, 098 203 203, 098 203 333
- ផ្ញើសារមកកាន់យើងខ្ញុំតាមវិបសាយរបស់ធនាគារ
- ឆាតជាមួយអ្នកជំនាញរបស់យើងខ្ញុំតាមផេក Facebook របស់ធនាគារ
ជាធម្មតា សំណើរបស់លោកអ្នកអាចត្រូវបានដោះស្រាយយ៉ាងលឿននៅក្នុងជំហានទី 1។
ប្រសិនបើលោកអ្នកនៅតែមិនពេញចិត្តទៀត សូមបន្តទៅជំហានទី 2។
ជំហានទី 2
ដាក់បណ្តឹងជាផ្លូវការ
ក្នុងករណីដែលអ្នកជំនាញសេវាអតិថិជន មិនអាចដោះស្រាយបាន លោកអ្នកអាចដាក់បណ្តឹងផ្លូវការមកកាន់ផ្នែកដោះស្រាយបណ្តឹង និងវិវាទ។
សូមបំពេញទម្រង់ទទួលបណ្តឹងរបស់អតិថិជន និងចុច បញ្ជូន។ អ្នកជំនាញផ្នែកដោះស្រាយបណ្តឹង និងវិវាទ នឹងទាក់ទងលោកអ្នកភ្លាមៗ។
ផ្នែកដោះស្រាយបណ្តឹង និងវិវាទ៖ ក្រុមការងារឯករាជ្យ និងមិនលម្អៀង
ក្នុងករណីដែលបណ្តឹងផ្លូវការត្រូវបានដាក់មកកាន់ផ្នែកដោះស្រាយបណ្តឹង និងវិវាទ នោះបណ្តឹងនឹងត្រូវគ្រប់គ្រងដោយផ្នែកដោះស្រាយបណ្តឹង និងវិវាទ ដែលផ្តល់នូវការស៊ើបអង្កេតប្រកបដោយយុត្តិធម៌, ឥតលម្អៀង, និងជាក់ស្ដែងលើបណ្តឹងទាំងអស់។ នៅពេលផ្នែកនេះពិនិត្យលើបណ្តឹងអំពីផលិតផល និងសេវាកម្មរបស់ធនាគារ ផ្នែកនេះពិចារណាអំពី៖
- ច្បាប់ និងបទប្បញ្ញត្តិ និង
- ការអនុវត្តតាមទឡ្ហីករណ៍
ដំណើរការដោះស្រាយ 2 ដំណាក់កាល
ការស៊ើបអង្កេតជាផ្លូវការលើបណ្តឹងផ្លូវការ នឹងធ្វើឡើងតាមដំណើរការដោះស្រាយ 2 ដំណាក់កាល៖
| ដំណោះស្រាយ ដំណាក់កាលទី 1 |
| ក្នុងរយៈពេល 2 ថ្ងៃធ្វើការ |
| ដំណោះស្រាយ ដំណាក់កាលទី 2 |
| ក្នុងរយៈពេល 28 ថ្ងៃធ្វើការ |
រាល់បណ្តឹងផ្លូវការដែលបានដាក់មកកាន់ផ្នែកដោះស្រាយបណ្តឹង និងវិវាទ នឹងត្រូវអនុវត្តតាមនីតិវិធី ដូចខាងក្រោម៖
- ទទួលបណ្តឹងក្នុងថ្ងៃធ្វើការតែមួយ
- កត់ត្រាពីស្ថានភាពបណ្តឹង
- ណែនាំអំពីជំហានបន្ទាប់
- ផ្តល់កាលកំណត់សម្រាប់ការដោះស្រាយ។
ព័ត៌មានសំខាន់ៗសម្រាប់បណ្តឹងជាផ្លូវការរបស់លោកអ្នក
ព័ត៌មានសំខាន់ៗសម្រាប់បណ្តឹងជាផ្លូវការរបស់លោកអ្នក ដើម្បីងាយស្រួល ក្នុងការដោះស្រាយបណ្តឹងរបស់លោកអ្នក សូមលោកអ្នកផ្តល់ព័ត៌មានឲ្យបានច្រើនតាមដែលអាចផ្តល់បាន ដូចជា៖
- ការរៀបរាប់អំពីហេតុការណ៍
- លំដាប់លំដោយហេតុការណ៍តាមពេល (ថ្ងៃខែ និងម៉ោង ប្រសិនបើអាច)
- ឈ្មោះផ្នែក និងបុគ្គលិកដែលលោកអ្នកបានប្រាស័យទាក់ទងជាមួយ
- ឯកសារណាមួយពាក់ព័ន្ធនឹងការវិភាគបណ្តឹងរបស់លោកអ្នក។
ឧទាហរណ៍នៃបណ្ដឹង/ការតវ៉ា
ខាងក្រោមនេះ ជាឧទាហរណ៍មួយចំនួននៃបណ្ដឹង/ការតវ៉ា ដែលចងក្រងឡើងដោយផ្អែកលើករណីជាក់ស្ដែង បួកជាមួយដំណោះស្រាយ និងគន្លឹះសំខាន់ៗក្នុងការការពារដើម្បីកុំឲ្យករណីបែបនេះកើតមានចំពោះលោកអ្នក។
លោក Z បានកត់សម្គាល់ថា គណនីរបស់ខ្លួនត្រូវបានធ្វើប្រតិបត្តិការទៅកាន់គណនី ABA អ្នកដទៃ ដែលខ្លួនលោកបញ្ជាក់ថា មិនបានធ្វើប្រតិបត្តិការនោះឡើយ ហើយថែមទាំងមិនស្គាល់អ្នកទទួលប្រាក់នោះទៀតផង។ អតិថិជនបានដាក់ពាក្យបណ្ដឹងលើករណីដែលប្រតិបត្តិការកើតមានឡើងដោយខ្លួនមិនបានធ្វើ ហើយសាមីខ្លួនក៏មិនបានផ្ដល់ព័ត៌មានបើកចូលដល់បុគ្គលណាម្នាក់ឡើយ។
ការស៊ើបអង្កេត
ផ្នែកដោះស្រាយបណ្ដឹង បានធ្វើការស៊ើបអង្កេតជាមួយក្រុមការងារពាក់ព័ន្ធ។ យើងបានរកឃើញថា ប្រតិបត្តិការនោះ ត្រូវបានធ្វើឡើងយ៉ាងត្រឹមត្រូវ ដោយប្រើពាក្យសម្ងាត់ និងលេខសម្ងាត់ ដោយមិនមានបញ្ចូលខុស ឬការព្យាយាមបើកចូលគួរឲ្យសង្ស័យឡើយ។ ពេលនោះ ផ្នែកដោះស្រាយបណ្ដឹង ធ្វើការទាក់ទងទៅកាន់អ្នកដាក់បណ្ដឹង ដោយសួរថាតើមានបុគ្គលណាផ្សេង ក្រៅរូបលោក បានបើក ឬប្រើទូរស័ព្ទរបស់លោកដែរឬក៏អត់ក្នុងអំឡុងពេលដែលប្រតិបត្តិការនោះត្រូវបានធ្វើ។ អតិថិជនចាំបានថា កូនស្រី បានប្រើទូរស័ព្ទរបស់ខ្លួននាពេលនោះ ដូច្នេះ ផ្នែកដោះស្រាយបណ្ដឹង បានសុំឲ្យអតិថិជនធ្វើការសាកសួរកូនស្រីជាមុនសិន។ នៅពេលសួរនាំ នៅថ្ងៃបន្ទាប់ លោក Z បានរកឃើញថា កូនស្រីបានប្រើកម្មវិធីទូរស័ព្ទរបស់លោក ដើម្បីទិញអីវ៉ាន់តាមអនឡាញ។ បន្ទាប់មកលោកបានសុំការអភ័យទោស ជាមួយការអរគុណដល់ធនាគារសម្រាប់ចំណាត់ការដ៏ឆាប់រហ័សក្នុងការដោះស្រាយករណីរបស់ខ្លួន។គន្លឹះ
ដើម្បីសុវត្ថិភាពគណនីរបស់អ្នក សូមកុំប្រាប់ ឬផ្ដល់ព័ត៌មានធនាគារផ្ទាល់ខ្លួន ដូចជាឈ្មោះបើកចូល, ពាក្យសម្ងាត់, ឬ លេខកូដផ្ទៀងផ្ទាត់ OTP ជាមួយបុគ្គលណាជាដាច់ខាត។ករណី
លោក M យកប្រាក់ចំនួន $350 ទៅដាក់ចូលគណនីរបស់ខ្លួនតាមម៉ាស៊ីនដក-ដាក់ប្រាក់ ABA។ លោកអះអាងថា ម៉ាស៊ីនដក-ដាក់ប្រាក់ មិនទទួលប្រាក់របស់ខ្លួន។ ទោះយ៉ាងណា ក្រដាសប្រាក់ដែលម៉ាស៊ីនមិនទទួល សុទ្ធតែមានពាក្យ COPY នៅលើសន្លឹកនីមួយៗ (ក្រដាស $100 ចំនួន 3សន្លឹក និងក្រដាស $20ចំនួន 2សន្លឹក)។ លោក M បានប្រកាសករណីនេះនៅលើបណ្ដាញសង្គម ហើយចោទថា ធនាគារ បានប្ដូរលុយរបស់ខ្លួនទៅជាក្រដាសប្រាក់ COPY យ៉ាងសម្ងាត់ដោយប្រើប្រាស់ម៉ាស៊ីន។ការស៊ើបអង្កេត
ជាបន្ទាន់ ផ្នែកដោះស្រាយបណ្ដឹង បានធ្វើការស៊ើបអង្កេតយ៉ាងហ្មត់ចត់ ជាមួយក្រុមការងារពាក់ព័ន្ធ រួមមាន នាយកដ្ឋានសន្តិសុខ។ យើងបានធ្វើការត្រួតពិនិត្យដំណើរការដាក់ប្រាក់នៅក្នុងម៉ាស៊ីនដក-ដាក់ប្រាក់នោះ និងឆែកវីដេអូពីកាមេរ៉ាសុវត្ថិភាពដែលបង្ហាញពីសកម្មភាពដាក់ប្រាក់របស់លោក M។ វីដេអូពីកាមេរ៉ាសុវត្ថិភាព បានបង្ហាញយ៉ាងច្បាស់ថា ក្រដាសប្រាក់ដែលលោក M បានដាក់ មានពាក្យ COPY ហើយមានតែក្រដាស $10 មួយសន្លឹកគត់ ដែលជាក្រដាសប្រាក់ពិត។ បន្ទាប់មក យើងបានអញ្ជើញអតិថិជនមកកាន់ធនាគារ ហើយបង្ហាញភ័ស្តុតាងដែលបានរកឃើញដល់រូបគាត់។ ដោយបានឃើញភ័ស្តុតាងជាក់ស្ដែង លោក M បានពន្យល់ថា ខ្លួនបានទទួលប្រាក់ពីអតិថិជនម្នាក់ ដោយមិនបានពិនិត្យក្រដាសប្រាក់ មុនដាក់ចូលគណនីតាមម៉ាស៊ីស្វ័យសេវា។គន្លឹះ
អ្នកត្រូវតែពិនិត្យក្រដាសប្រាក់ឲ្យបានត្រឹមត្រូវ មុនដាក់ចូលគណនីតាមម៉ាស៊ីនស្វ័យសេវា ដើម្បីចៀសវាងករណីបែបនេះ ហើយត្រូវមានការប្រុងប្រយ័ត្ន ព្រោះក្រដាសប្រាក់ COPY មានចរាចរណ៍ក្នុងទីផ្សារ។ករណី
លោក Q បានទាក់ទងមកទូរស័ព្ទប្រចាំការ 023 225 333 និងបានរាយការណ៍ថា ខ្លួនបានទៅដកប្រាក់ $200 ពីម៉ាស៊ីន ATM របស់ ABA។ ទោះយ៉ាងណា លោកអះអាងថា ខ្លួនមិនបានទទួលប្រាក់នោះឡើយ ខណៈទឹកប្រាក់ត្រូវបានកាត់ចេញពីគណនីរបស់ខ្លួន។ការស៊ើបអង្កេត
ផ្នែកដោះស្រាយបណ្ដឹង បានធ្វើការស៊ើបអង្កេតរួមមួយ ជាមួយក្រុមការងារពាក់ព័ន្ធ។ ភ័ស្តុតាងរកឃើញដែលត្រូវបានបង្ហាញជូនអតិថិជន បានឲ្យឃើញថា លោកបានស៊កកាតចូលទៅក្នុងម៉ាស៊ីន ATM ហើយបានបញ្ចូលព័ត៌មានតម្រូវ ដើម្បីដកប្រាក់។ ទោះយ៉ាងណា ពេលក្រដាសប្រាក់ជិតត្រូវបានម៉ាស៊ីនបញ្ចេញមកហើយ អតិថិជនបានលើកទូរស័ព្ទនិយាយ ហើយពេលនោះ ស្រាប់តែងាកដើរចេញពី ATM ដោយមិនយកក្រដាសប្រាក់។ ចៃដន្យពេលនោះ អតិថិជនបន្ទាប់ បានយកក្រដាសប្រាក់នោះ ហើយចាកចេញពី ATM បាត់ទៅ។ ដោយសារបុគ្គលដែលបានយកប្រាក់ខាងលើ មិនបានធ្វើប្រតិបត្តិការនៅពេលនោះ ធនាគារមិនអាចកំណត់អត្តសញ្ញាណរបស់គេបានឡើយ ហើយផ្នែកដោះស្រាយបណ្ដឹង បានស្នើឲ្យលោក Q ដាក់ពាក្យបណ្ដឹងទៅកាន់សមត្ថកិច្ច ដើម្បីធ្វើការស៊ើបអង្កេត។គន្លឹះ
សូមមានការប្រុងប្រយ័ត្នពេលលោកអ្នកដកប្រាក់ពី ATM ហើយសូមកុំភ្លេចយកប្រាក់របស់អ្នកមុនចាកចេញ។ករណី
លោកស្រី E បានផ្ទេរប្រាក់តាមបញ្ជរសាខាចំនួន $ 10,000 ពីគណនី ABAរបស់ខ្លួនទៅធនាគារក្រៅប្រទេស។ លោកស្រីមានបំណងរ៉ាប់រងទូទាត់ថ្លៃសេវាផ្ទេរប្រាក់ទាំងអស់ ដើម្បីឲ្យអ្នកទទួល អាចទទួលបាន $ 10,000 ពេញ។ លោកស្រីបានទូទាត់ថ្លៃសេវាផ្ទេរប្រាក់ចំនួន $30 ហើយក្រោយមក ក៏បានដឹងថា មានតែទឹកប្រាក់ចំនួន 9,970 ប៉ុណ្ណោះ ត្រូវបានផ្ទេរចូលទៅក្នុងគណនីរបស់អ្នកទទួល។ លោកស្រីបានដាក់ពាក្យបណ្ដឹង ហើយសួរថាហេតុអ្វីបានជាចំនួនប្រាក់ផ្ទេរនោះមិនពេញ។ការស៊ើបអង្កេត
ផ្នែកដោះស្រាយបណ្ដឹង បានស៊ើបអង្កេតករណីនេះ ហើយរកឃើញថា លោកស្រី E បានបំពេញក្នុងទម្រង់ផ្ទេរប្រាក់ដោយខ្លួនឯង ហើយបានជ្រើសយកជម្រើស SHA មិនមែន OUR នោះឡើយ ដែលមានន័យថា លោកស្រីបង់តែថ្លៃសេវាធនាគារ ABA ប៉ុណ្ណោះ ខណៈដែលតម្លៃសេវានៅសល់(តម្លៃសេវារបស់ធនាគារអន្តរការី) ត្រូវបានកាត់ចេញពីប្រាក់ផ្ទេរ។គន្លឹះ
សូមប្រាកដជានិច្ចថា អ្នកបានអាន និងយល់ច្បាស់លាស់នូវជម្រើសនៃការផ្ទេរប្រាក់ដែលមាន នៅពេលអ្នកបំពេញទម្រង់ផ្ទេរប្រាក់ណាមួយ។ បុគ្គលិកសាខារបស់យើងខ្ញុំ រង់ចាំជួយ និងបញ្ជាក់ជូន ប្រសិនបើលោកអ្នកត្រូវការ។ករណី
លោក A បានកត់សម្គាល់ថា កាត ABA របស់លោក មានប្រតិបត្តិការអនឡាញ ត្រូវបានធ្វើឡើង ប៉ុន្តលោកបញ្ជាក់ថា លោកមិនបានធ្វើប្រតិបត្តិការទាំងនោះទេ។ ពេលនោះ លោកបានទាក់ទងមកធនាគារ ហើយថែមទាំងអះអាងថា ខ្លួនបានរក្សាព័ត៌មានកាត (លេខកាត, កាលផុតកំណត់កាត, លេខកូដ CVV) យ៉ាងមានសុវត្ថិភាព។ លោកក៏បានបញ្ជាក់ផងដែរថា លោកដាក់កាតនោះតាមខ្លួនជានិច្ច ហើយគ្មាននរណាម្នាក់អាចមានទិន្នន័យទាំងនោះឡើយ។ការស៊ើបអង្កេត
ផ្នែកដោះស្រាយបណ្ដឹង បានត្រួតពិនិត្យប្រតិបត្តិការកាត និងបានរកឃើញថា កាតត្រូវបានប្រើដើម្បីទូទាត់ការផ្សព្វផ្សាយពាណិជ្ជកម្មតាមអនឡាញ។ ប្រាក់ប្រតិបត្តិការ ត្រូវបានកាត់ប្រចាំខែ ផ្អែកលើព័ត៌មានកាតដែលត្រូវបានចុះឈ្មោះ ជាមួយពាណិជ្ជករអនឡាញ។ ផ្នែកដោះស្រាយបណ្ដឹង បានទាក់ទងលោក A និងបានបង្ហាញព័ត៌មានប្រតិបត្តិការដល់រូបលោក។ អតិថិជនក៏នឹកឃើញថា ប៉ុន្មានខែកន្លងទៅ ខ្លួនបានព្រមព្រៀងលើផែនផ្សាយពាណិជ្ជកម្ម ដោយប្រើកាត ABA ហើយគិតថា វាជាការចំណាយមួយលើក ប៉ុន្តែលោកមិនបានអានលក្ខខណ្ឌឲ្យបានត្រឹមត្រូវ ហើយបានចុះហត្ថលេខាលើគម្រោងដែលមានការទូទាត់បន្តបន្ទាប់ប្រចាំខែ។ ដោយកិច្ចព្រមព្រៀង ត្រូវបានធ្វើឡើងរវាងលោក A និងពាណិជ្ជករ ដូច្នេះផ្នែកដោះស្រាយបណ្ដឹង មិនអាចដោះស្រាយបញ្ហានេះជូនអតិថិជនបានទេ។គន្លឹះ
អ្នកត្រូវទទួលខុសត្រូវទាំងស្រុងលើរាល់ប្រតិបត្តិការតាមអនឡាញ និងការព្រមព្រៀងដែលបានធ្វើឡើងជាមួយពាណិជ្ជករណាមួយ ដែលអនុញ្ញាតឲ្យមានការទូទាត់ប្រាក់ពីអ្នកតាមព័ត៌មានកាតដែលអ្នកបានផ្ដល់ជូន។ ដូច្នេះ ត្រូវប្រាកដថា អ្នកបានអាន និងយល់ច្បាស់នូវរាល់លក្ខខណ្ឌ មុនពេលបញ្ជាក់ការទិញ, ការជាវប្រចាំ, ឬប្រតិបត្តិការតាមអនឡាញ។ករណីទី1៖
លោក A កត់សម្គាល់ឃើញថាអាជីវកម្មមួយក្នុងចំណោមអាជីវកម្មឡឥដ្ឋក្នុងមូលដ្ឋាន របស់គាត់ ជួលបុគ្គលិកដែលមានអាយុក្រោម 18 ឆ្នាំឲ្យធ្វើការ។លោក A បញ្ជូនពាក្យបណ្ដឹងមក ABA ដោយបញ្ជាក់ថាអាជីវកម្មនេះបានបំពានច្បាប់ស្ដីពីពលកម្មកុមារ ហើយដោយសារគាត់បានឃើញកូដទូទាត់ QR ABA នៅទីតាំងផ្ទាល់ គាត់សន្មតថាអាជីវកម្មនោះ កំពុងប្រើប្រាស់សេវាកម្មរបស់ ABA។
ករណីទី 2៖
អ្នកស្រី B រស់នៅក្នុងភូមិមួយ ហើយថ្មីៗនេះមានឡានដឹកសំរាមជិះកាត់មុខផ្ទះគាត់ទៅមក ដោយគ្មានបំពាក់ឧបករណ៍ត្រឹមត្រូវ ដើម្បីទប់ដី, ខ្សាច់ និងថ្ម។ ដោយសារខ្វះវិធានការគ្រប់គ្រងបែប នេះ ធ្វើឲ្យកំពប់ដី, ខ្សាច់ ថ្មទាំងនេះលើផ្លូវរាយប៉ាយបង្កឲ្យកខ្វក់ និងបំពុលបរិស្ថាន។អ្នកស្រី B ស្គាល់ម្ចាស់អាជីវកម្មនោះ ហើយពួកគេជាអតិថិជនរបស់ធនាគារ ABA ដូច្នេះគាត់សម្រេចចិត្ត ប្ដឹងមកធនាគារ។
ករណីទី 3៖
អាជីវកម្មកាត់ថ្មមួយបានបង្កើតសំឡេងរំខាន និងធូលីដីហុយដល់ប្រជាពលរដ្ឋរស់នៅក្បែរ នោះ ដែលបង្កឲ្យមានប៉ះពាល់ដល់សុខភាព និងការរស់នៅរបស់ពួកគាត់។ផលប៉ះពាល់ជាប្រចាំពីអាជីវកម្មនោះ ធ្វើឲ្យលោក C និងអ្នកភូមិសម្រេចចិត្តប្ដឹងមកអាជ្ញាធរពាក់ព័ន្ធ និង ABA ដោយដឹងថា ABA អាចជាធនាគារដែលអាជីវកម្មនោះកំពុងប្រើសេវាកម្ម ហើយសន្មតថាការ ផ្ដល់ហិរញ្ញប្បទានដល់អាជីវកម្មបែបនេះអាចនឹងប៉ះពាល់ដល់កិត្តិយសរបស់ធនាគារ។
