គណៈគ្រប់គ្រង | ធនាគារ ABA កម្ពុជា

លោកមានសញ្ញាបត្របណ្ឌិត ផ្នែកសេដ្ឋកិច្ចពីសាកលវិទ្យាល័យរដ្ឋកាហ្សាក់ស្ថាន សញ្ញាប័ត្របរិញ្ញាប័ត្រជាន់ខ្ពស់ផ្នែកធនាគារ និង ហិរញ្ញវត្ថុអន្ដរជាតិទទួលបានដោយកិត្តិយសពីសាលាពាណិជ្ជកម្ម Cass (ទីក្រុងឡុង ប្រទេសអង់គ្លេស) សញ្ញាបត្របរិញ្ញាបត្រផ្នែកសេដ្ឋកិច្ចទទួលដោយកិត្តិយសពីបណ្ឌិតសភាគ្រប់គ្រងនៃរដ្ឋកាហ្សាស្ថាន លោកក៏មានសញ្ញាប័ត្រថ្នាក់បរិញ្ញាបត្រផ្នែករុករកប្រេង និង ឧស្ម័ន ទទួលបានពីសាកលវិទ្យាល័យបច្ចេកទេសរដ្ឋកាហ្សាក់ស្ថាន ផងដែរ។ ពីឆ្នាំ 1998 ដល់ ឆ្នាំ 2001 លោកបានបំរើការនៅធនាគារជាតិនៃកាហ្សាក់ស្ថាន ក្នុងនាយកដ្ឋានគ្រប់គ្រងធនាគារ។

នៅក្នុងឆ្នាំ 2001 - 2005 លោកកាន់តំណែងជាអ្នកគ្រប់គ្រងនៅធនាគារ Halyk (កាហ្សាក់ស្ថាន)។

ពីឆ្នាំ 2007 ដល់ឆ្នាំ 2008 បានបំរើការនៅ ក្រុមហ៊ុន Credit Suisse កាហ្សាក់ស្ថាន តំណែងជាប្រធានគ្រប់គ្រងទ្រព្យសកម្ម។

នៅក្នុងឆ្នាំ 2009 បានកាន់តំណែងជានាយកប្រតិបត្តិ នៃ Zhetisu Asset Management និង ជាទីប្រឹក្សានាយកប្រតិបត្តិនៅធនាគារ Temir ។

លោកបានចូលរួមជាមួយធនាគារ ABA ក្នុងខែកញ្ញា ឆ្នាំ 2009។

លោក Zhiger Atchabarovនាយកប្រតិបត្តិការ

បានបញ្ចប់ការសិក្សាពី Kazakh-British Technical University នៅអាល់ម៉ាធី កាហ្សាស្តាន (Almaty, Kazakhstan)។

បានចាប់ផ្ដើមអាជីពការងារក្នុងឆ្នាំ 2007 នៅនាយកដ្ឋាន ហិរញ្ញប្បទានពាណិជ្ជកម្ម និងទំនាក់ទំនងអន្តរជាតិ នៃ Bank TuranAlem JSC (BTA Bank) នៅ អាល់ម៉ាធី នៃប្រទេស កាហ្សាស្តាន។ ពីឆ្នាំ 2010 បានដឹកនាំប្រតិបត្តិការ នាំចេញនាំចូល ហើយពីឆ្នាំ 2011 កាន់ការលក់ ហិរញ្ញប្បទានពាណិជ្ជកម្មប្រចាំតំបន់របស់ធនាគារ។

ក្នុងឆ្នាំ 2011 លោកបានចូលរួមជាមួយ Temirbank JSC នៅ អាល់ម៉ាធី នៃប្រទេស កាហ្សាស្តាន ក្នុងតួនាទីជា ប្រធាន នាយកដ្ឋានហិរញ្ញប្បទានពាណិជ្ជកម្ម និងគ្រឹះស្ថានហិរញ្ញវត្ថុ ហើយបានបម្រើការងារនៅធនាគារនេះ រហូតដល់ឆ្នាំ 2014។ ដោយបានដូរមកប្រទេសកម្ពុជា ដើម្បីចូលរួមជាមួយ ABA កាលពីឧសភា 2014 ក្នុងនាមជា ប្រធាន នាយកដ្ឋានទំនាក់ទំនងអន្តរជាតិ លោកទទួលខុសត្រូវការងារលើផ្នែក ធនាគារអន្តរការី, ហិរញ្ញប្បទានពាណិជ្ជ, និងទំនាក់ទំនងវិនិយោគិន។

ដោយការបន្ថែមការទទួលខុសត្រូវការងារ ទៅកាន់ផ្នែកផ្ទេរ និងការទូទាត់ប្រាក់, គ្រឹះស្ថានហិរញ្ញវត្ថុ, ប្រតិបត្តិការធនាគារអន្តរការី ។ល។ លោក បានចូលរួមជាមួយ គណៈគ្រប់គ្រងកម្រិតនាយក ក្នុងតួនាទីជា នាយកប្រតិបត្តិការអន្តរជាតិ ក្នុងខែឧសភា 2015។ ក្នុងតួនាទីនេះ លោកបានចូលរួមយ៉ាងសកម្ម ក្នុងសកម្មភាព ហិរញ្ញវត្ថុ, រតនាគារ, ប្រតិបត្តិតាម, និងសកម្មភាពប្រតិបត្តិការផ្សេងៗទៀតរបស់ធនាគារ ហើយកាលពីថ្ងៃទី1 កក្កដា 2022 លោកត្រូវបានតែងតាំងជា នាយកប្រតិបត្តិការ។

ការទទួលខុសត្រូវការងាររបស់លោក រួមមាន ប្រតិបត្តិការអន្តរជាតិ, សេវាធនាគាររូបវន្តបុគ្គល, សេវាធនាគារសម្រាប់គ្រឹះស្ថាន និងសាជីវកម្ម, ការអភិវឌ្ឍដំណើរការធុរកិច្ច, ការគ្រប់គ្រងទំនាក់ទំនងជាមួយអតិថិជន ក៏ដូចជា កិច្ចសហការការងារ, ការគាំទ្រ, និងការអភិវឌ្ឍនៃបណ្ដាញធនាគារ ABA។

លោក Babu Ram Gyawaliនាយកហិរញ្ញវត្ថុ

បញ្ចប់ការសិក្សាពីវិទ្យាស្ថានគណនេយ្យករ ពីទីក្រុងញូវដែលីនៃប្រទេសឥណ្ឌា និង ពីសាកលវិទ្យាល័យ Tribhuwan ក្រុងកាត់ថ្មាន់ឌូ ប្រទេសនេប៉ាល់។

លោក Gyawali ចាប់ផ្តើមអាជីពរបស់លោកនៅក្នុង ឆ្នាំ 2001 ជាមួយធនាគារ ហិម៉ាឡៃ និងបានវិនិយោគរួមគ្នាជាមួយធនាគារ ហាប៊ីប ប្រទេសប៉ាគីស្ថាន។

នៅចន្លោះឆ្នាំ 2001 និង ឆ្នាំ 2007 លោក បានបម្រើការងារនៅក្នុងធនាគារ ហិមាល័យ ដែលជានាយកមន្រ្តីហិរញ្ញវត្ថុ និងជាប្រធាន នាយកដ្ឋានសវនកម្មផ្ទៃក្នុង។

ចាប់តាំងពីខែវិច្ឆិកា ឆ្នាំ2007 លោកបានធ្វើការជាមួយធនាគារវឌ្ឍនៈអាស៊ី។

លោក Galymzhan Temirovនាយកព័ត៌មានវិទ្យា

បានបញ្ចប់ការសិក្សាពី វិទ្យាស្ថានបច្ចេកវិទ្យា នៅកាហ្សាក់ស្ថាននាឆ្នាំ 1993។

ពីឆ្នាំ 1991 រហូតដល់ ឆ្នាំ 1994 លោកបានបម្រើការងារនៅក្នុងវិទ្យាស្ថាន បច្ចេកវិទ្យាកាហ្សាស្ថាន ផ្នែកមន្ទីរពិសោធន៍ និង ស្រាវជ្រាវពីដំណើរការស្វ័យប្រវត្តិ ហើយក្នុងឆ្នាំ 1995 លោកបានបញ្ចប់វគ្គ ត្រួតពិនិត្យក្នុងឧស្សាហកម្មគីមី។

ចន្លោះឆ្នាំ 1994 និង ឆ្នាំ 2000 បានកាន់តំណែង CIT នៅសាខាភាគខាងត្បូងកាហ្សាក់ស្ថាន របស់ធនាគារ TuranAlem (ធនាគារ BTA)។

ពីឆ្នាំ 2000 បានធ្វើការជាមន្ត្រីអភិវឌ្ឍ កម្មវិធីកុំព្យូទ័រ ហិរញ្ញវត្ថុជាន់ខ្ពស់ នៅការិយាល័យកណ្តាលនិងជាអនុប្រធាននាយកដ្ឋានអភិវឌ្ឍន៍កម្មវិធីកុំព្យូទ័រ នៃធនាគារ TuranAlem។

ចាប់តាំងពីខែមិថុនាឆ្នាំ 2007 បានចូលរួមជាគណៈគ្រប់គ្រងនៅធនាគារវឌ្ឍនៈអាស៊ី។

លោក Bibhu Pandeyនាយកឥណទាន

បានទទួលសញ្ញាប័ត្រអនុបណ្ឌិត ផ្នែកសេដ្ឋកិច្ច និង អនុបណ្ឌិតផ្នែកពាណិជ្ជកម្ម ពីសាកលវិទ្យាល័យ Tribhuwan កាត់ថ្មាន់ឌូ ប្រទេសនេប៉ាល់។

លោក Pandey បានចាប់ផ្តើមអាជីព របស់លោកនៅក្នុង ឆ្នាំ 1997 ជាមួយធនាគារ ហិម៉ាឡៃ និងបានចូលរួមវិនិយោគរួមគ្នាជាមួយធនាគារ ហាប៊ីប ប្រទេសប៉ាគីស្ថាន។

ពីឆ្នាំ 1997 ដល់ ឆ្នាំ 2007 លោកបានធ្វើការនៅខ្សែបន្ទាត់ទីពីរនៅក្នុងនាយកដ្ឋានរដ្ឋបាលឥណទានរបស់ធនាគារ ហិមាល័យ។

អំឡុងត្រីមាសដំបូងនៃឆ្នាំ 2008 លោកបានបំរើការនៅ ធនាគារ Global ចំកាត់ ក្នុងតំណែងជាមន្រ្តីខ្សែបន្ទាត់ទី២ នៃនាយកដ្ឋាន ឥណទាន។

លោកបានចូលរួមជាមួយធនាគារ ABA ចាប់តាំងពីខែមេសាឆ្នាំ 2008 ដែលជានាយកមន្រ្តីឥណទាន។

លោក Sanzhar Abdullayevនាយកកាត និងសេវាទូទាត់អេឡិកត្រូនិក

លោកបានបញ្ចប់ការសិក្សាពី សាកលវិទ្យាល័យជាតិ រដ្ឋកាហ្សាស្ថាន។

នៅចន្លោះឆ្នាំ 1998 និងឆ្នាំ 2007 លោកជាអ្នកដឹកនាំ គម្រោងសម្រាប់ការអភិវឌ្ឍ និង គាំទ្រកម្ចីបុគ្គល និង សាជីវកម្ម មូលបត្រហិរញ្ញវត្ថុពាណិជ្ជកម្ម និង ប្រព័ន្ធស្នូលធនាគារនៃនាយកដ្ឋានព័ត៌មានវិទ្យារបស់ធនាគារ Halyk និងធនាគារ TuranAlem ប្រទេសកាហ្សាក់ស្ថាន។

ចាប់តាំងពី ខែកក្កដា ឆ្នាំ 2007 លោកបានបំរើការ ជាប្រធាននាយកដ្ឋានព័ត៌មានវិទ្យា និងពីឆ្នាំ 2008 ជាប្រធានមណ្ឌលប័ណ្ណ នៃធនាគារ ABA។

លោក Zokhir Rasulovនាយកសេវាធនាគារឌីជីថល

បញ្ចប់ការសិក្សាពី សាកលវិទ្យាល័យ ពហុបច្ចេកទេស Tashkent (មានសញ្ញាបត្រ ស្តីពីការគ្រប់គ្រង ផលិតកម្ម) នៅឆ្នាំ 1999 បានចាប់ផ្តើម អាជីពរបស់លោក នៅនាយកដ្ឋាន IR ការ នៃគណៈកម្មាអចលនទ្រព្យរដ្ឋ (SPC)។

នៅ 2005-2007 បានធ្វើការនៅក្នុងគម្រោង របស់ធនាគារពិភពលោក បានហៅថា "ការអភិវឌ្ឍន៍វិស័យ SMEs តាមរយៈការប្រើប្រាស់ បច្ចេកវិទ្យា IT" ជាអ្នកគ្រប់គ្រងគម្រោង (Uzbekistan)។

ពេលបញ្ចប់ ដោយជោគជ័យគម្រោងនេះ នៅក្នុងឆ្នាំ 2007 លោកបានចូលរួមជាមួយ ការិយាល័យតំណាង Visor Holding នៅ Tashkent ជាអ្នកវិភាគពាណិជ្ជកម្ម។

មានបទពិសោធន៌ក្នុងឧស្សាហកម្មធនាគារ នាឆ្នាំ 2008 បន្ទាប់ពីបានចូលរួមជាមួយ ក្រុមការងារនៃឥណទានរបស់ធនាគារ Standard Bank នៅ Tashkent ជានាយកផ្នែកទីផ្សារ។

បន្ទាប់មកលោកត្រូវបានអញ្ជើញឲ្យចូលរួមជាក្រុមនៃធនាគារ ABA នៅក្នុងខែមេសា ឆ្នាំ 2012 ជានាយកផ្នែកទីផ្សារ។

ខែមិថុនា ឆ្នាំ2016 លោក Zokhir បានដឹកនាំដំណើរការសេវាឌីជីថល របស់ធនាគារ។

លោក Igor Zimarevនាយកទីផ្សារ កិច្ចការ CSR និងលេខាធិការសាជីវកម្ម

លោក Igor Zimarev បានបញ្ចប់ការសិក្សាពីសាកលវិទ្យាល័យ Tashkent State (និស្សិតឆ្នើម) នៅប្រទេសអ៊ូសបេគីស្ថាន។ លោកបានចាប់ផ្តើមការងារនៅក្នុងវិស័យផ្សព្វផ្សាយពាណិជ្ជកម្មមួយ ក្នុងឆ្នាំ 2003។

ក្នុងឆ្នាំ 2006-2007 លោកបានបម្រើការងារនៅក្នុងគម្រោងធនាគារពិភពលោក “ការអភិវឌ្ឍសហគ្រាសធុនតូច និងមធ្យមតាមរយៈការប្រើប្រាស់បច្ចេកវិទ្យាព័ត៌មាន” (អ៊ូសបេគីស្ថាន)។ បន្ទាប់ពីបានបញ្ចប់គម្រោងដោយជោគជ័យក្នុងឆ្នាំ 2007 លោក Igor Zimarev បានប្តូរទៅវិស័យទូរគមនាគមន៍។

បទពិសោធវិស័យធនាគាររបស់លោកបានចាប់ផ្តើមក្នុងឆ្នាំ 2010 បន្ទាប់ពីបានចូលបម្រើការងារក្នុងក្រុមទីផ្សារនៃធនាគារ Credit Standard Bank (អ៊ូសបេគីស្ថាន) ជាកន្លែងដែលលោកមានតួនាទីជាច្រើន រួមមាន ប្រធានសេវាកម្មសារព័ត៌មាន។

ក្នុងខែកញ្ញា ឆ្នាំ 2012 លោក Igor Zimarev បានចូលបម្រើការងារជាមន្ត្រីផ្នែកទីផ្សារនៅក្នុងក្រុមការងាររបស់ធនាគារ ABA ។ ក្នុងខែមិថុនា ឆ្នាំ 2016 លោកបានគ្រប់គ្រងអង្គភាពទីផ្សារ មើលការខុសត្រូវលើបណ្តាញទំនាក់ទំនងទីផ្សារទាំងអស់របស់ធនាគារ និងកម្មវិធីវិភាគទានសង្គមរបស់សាជីវកម្ម (CSR)។

ក្នុងខែធ្នូ ឆ្នាំ 2019 លោក Igor Zimarev ត្រូវបានតែងតាំងជានាយកអង្គភាពទីផ្សារ និងជាលេខាធិការសាជីវកម្មរបស់ធនាគារ ABA ។

លោក Torsten Kleine Bueningនាយកហានិភ័យ និងទីប្រឹក្សាអនុលោមភាពសម្រាប់នាយកប្រតិបត្តិ

មានសញ្ញាបត្រ Diplom Wirtschafts-Informatiker / បរិញ្ញាបត្រជាន់ខ្ពស់ផ្នែកវិទ្យាសាស្ត្រនៃប្រព័ន្ធព័ត៌មានវិទ្យារបស់ Westfaelische Wilhelms-Universitaet Muenster (ប្រទេសអាល្លឺម៉ង់)។

លោក Torsten បម្រើការងារផ្នែកហានិភ័យដែលមានបទពិសោធ 20 ឆ្នាំ ផ្នែកហិរញ្ញវត្ថុទូទៅ និង Islamic Finance នៅក្នុងទីផ្សារអភិវឌ្ឍន៍ និងកំពុងអភិវឌ្ឍន៍នានា។

លោកចាប់ផ្តើមអាជីពផ្នែកធនាគារ និងហិរញ្ញវត្ថុ នៅឆ្នាំ 2002 បន្ទាប់ពីក្លាយជាអ្នកគ្រប់គ្រងគម្រោងគ្រុបសម្រាប់ Volksbanken Group នៅប្រទេសអូទ្រីស ដែលគ្របដណ្តប់លើប្រទេសអូទ្រីស និងអឺរ៉ុបកណ្តាល ប៉ែកខាងកើត។ នៅឆ្នាំ 2006 – 2013 លោក Torsten បានអភិវឌ្ឍ Samba Financial Group នៅអារ៉ាប៊ីសាអូឌីត និងបានដឹកនាំផ្នែកហានិភ័យដើមទុន និងផលបត្រសម្រាប់ Emirates NBD នៅទីក្រុងឌូប៉ៃ ប្រទេសអេមីរ៉ាតអារ៉ាប់រួម។

នៅឆ្នាំ 2013 លោក Torsten បានផ្លាស់មកអាស៊ី ដោយបានក្លាយជាប្រធានអភិបាលកិច្ចផ្នែកគ្រប់គ្រងហានិភ័យទូទាំងសហគ្រាសសម្រាប់ Standard Chartered (ប្រទេសសិង្ហបុរី)។ ក្នុងឆ្នាំ 2017 – 2019 លោកបានបម្រើការងារជានាយកហានិភ័យ និងនាយកប្រតិបត្តិតាមសម្រាប់ Tenger Financial Group (ប្រទេសម៉ុងហ្គោលី) ដោយគ្របដណ្តប់លើផ្នែកធនាគារ ភតិសន្យា និងធានារ៉ាប់រង។

ក្នុងពេលជាមួយគ្នា ពីឆ្នាំ 2019 – 2020 លោកបានរួមចំណែកក្នុងតំណែងជានាយកផ្នែកហានិភ័យប្រតិបត្តិការរបស់ Deem Finance ដោយគាំទ្ររបៀបវារៈឌីជីថលដ៏មហិមាមួយ។

នៅខែវិច្ឆិកា ឆ្នាំ 2020 លោកបានចូលរួមជាមួយធនាគារ ABA ក្នុងតំណែងជានាយកអង្គភាពហានិភ័យ។

លោកស្រី ឡុង នីនលីដានាយិកាគ្រប់គ្រងសាច់ប្រាក់

លោកស្រីបានបញ្ចប់បរិញ្ញាបត្រជាន់ខ្ពស់ ផ្នែកគ្រប់គ្រងហិរញ្ញវត្ថុ ពីសកលវិទ្យាល័យជាតិគ្រប់គ្រងក្នុងឆ្នាំ 2012។

បច្ចុប្បន្ន លោកស្រីកំពុងបន្តការសិក្សាថ្នាក់បរិញ្ញាបត្រជាន់ខ្ពស់ផ្នែកពាណិជ្ជក្ម ឯកទេសគ្រប់គ្រងទូទៅ ពី Charles Sturt University ប្រទេសអូស្ត្រាលី។

បទពិសោធរបស់ លោកស្រី នីនលីដា ក្នុងវិស័យធនាគារបានចាប់ផ្តើមជា បេឡាធិការ ក្នុងឆ្នាំ 2006 នៅធនាគារកម្ពុជាអាស៊ី មុនពេលផ្លាស់ទៅធនាគារ Sacombank ក្នុងឆ្នាំ 2009។ លោកស្រីបានកាន់តួនាទីជាច្រើនក្នុងផ្នែកប្រតិបត្តិការធនាគាររបស់ Sacombank មុនត្រូវបានតែងតាំងជាប្រធាននាយកដ្ឋានប្រតិបត្តិការក្នុងឆ្នាំ 2013 ។

នៅខែឧសភា ឆ្នាំ 2016 លោកស្រី នីនលីដា បានចូលបម្រើការងារនៅធនាគារ ABA ក្នុងតួនាទីជាប្រធានអង្គភាពប្រតិបត្តិការសាច់ប្រាក់ ដោយមើលការខុសត្រូវលើប្រតិបត្តិការសាច់ប្រាក់របស់ធនាគារនៅគ្រប់សាខា កន្លែងស្វ័យសេវា និងទីតាំងស្វ័យសេវា ABA 24/7។

នៅខែមករា ឆ្នាំ 2022 លោកស្រី នីនលីដា ត្រូវបានតែងតាំងជានាយិកាគ្រប់គ្រងសាច់ប្រាក់។

លោក ឈុន វិចិត្រនាយកសេវាធនាគាររូបវន្តបុគ្គល

មានបរិញ្ញាបត្រជាន់ខ្ពស់ផ្នែកសេដ្ឋកិច្ច (Laurea Magistrale) ពី University of Trento ប្រទេសអ៊ីតាលី។

នៅចន្លោះឆ្នាំ 2008 ដល់ឆ្នាំ 2012 លោកជាគ្រូបង្រៀនផ្នែកធុរកិច្ចនៅសាកលវិទ្យាល័យមួយចំនួនក្នុងប្រទេសកម្ពុជា។

លោកបានចាប់ផ្ដើមអាជីពការងារក្នងវិស័យធនាគារនៅឆ្នាំ 2013 ជាមួយធនាគារ ANZ Royal។ មុខដំណែងចុងក្រោយរបស់លោកនៅ ANZ គឺ ប្រធានទំនាក់ទំនងសាជីវកម្ម។

នៅខែឧសភា ឆ្នាំ 2015 លោក វិចិត្របានចូលបម្រើការងារជាមួយធនាគារ ABA ជាប្រធានអភិវឌ្ឍន៍ផ្នែកលក់ ហើយត្រូវបានដំឡើងដំណែងជាច្រើននៅក្នុងធនាគារ។

លោកត្រូវបានតែងតាំងជា នាយកសេវាធនាគាររូបវន្តបុគ្គល របស់ធនាគារ ABA ក្នុងខែកុម្ភៈ ឆ្នាំ 2022។

លោកស្រី ហៀន ប៉ូលីនដានាយិកាធុរកិច្ចអន្ដរជាតិ

បានបញ្ចប់ការសិក្សាពីសកលវិទ្យាល័យជាតិគ្រប់គ្រងក្នុងឆ្នាំ 2004 និងពីសកលវិទ្យាល័យភ្នំពេញអន្ដរជាតិ (ពីមុន ត្រូវបានគេស្គាល់ជា សកលវិទ្យាល័យអាស៊ាន) ក្នុងឆ្នាំ 2006។

លោកស្រី ប៉ូលីនដា មានបទពិសោធការងារជាង 18 ឆ្នាំ ក្នុងវិស័យធនាគារ ដោយកាន់មុខដំណែងជាច្រើន នៅគ្រឹះស្ថានហិរញ្ញវត្ថុល្បីៗជាច្រើនផងដែរ។

លោកស្រី បានចាប់ផ្ដើមអាជីពការងារនៅធនាគារ វឌ្ឍនៈ ក្នុងឆ្នាំ 2005 បន្ទាប់មក បានបម្រើការងារនៅធនាគារ ANZ Royal រយៈពេល 10 ឆ្នាំ ជាប្រធានគ្រប់គ្រងផ្នែកបម្រើសេវាអតិថិជន ចាប់តាំងពីឆ្នាំ 2007។ ផ្នែកមួយនៃ សមិទ្ធផលការងាររបស់គាត់ លោកស្រីបានទទួលពានរង្វាន់ CEO Pacific Award ក្នុងឆ្នាំ 2011។

លោកស្រីបានចូលបម្រើការងារជាមួយធនាគារ ABA នៅឆ្នាំ 2017 ក្នុងតួនាទីជាប្រធាននាយកដ្ឋានអភិវឌ្ឍន៍ប្រតិបត្តិការអន្ដជាតិ ដោយលោកស្រីធ្វើការយ៉ាងជិតស្និទ្ធិជាមួយភាគីជាតិ និងអន្ដរជាតិសំខាន់ៗ រួមមាន ធនាគារជាតិនៃកម្ពុជា, ធនាគារអន្ដរការី, អ្នកផ្គត់ផ្គង់សេវាទូទាត់ ក៏ដូចជាក្រុមការងារពាក់ព័ន្ធរបស់ ABA លើគំនិតផ្ដួចផ្ដើម និងផលិតផលសំខាន់ៗមួយចំនួន សម្រាប់ការផ្ទេរប្រាក់ក្រៅប្រទេសផងដែរ។

នៅខែកក្កដា ឆ្នាំ 2022 លោកស្រី ប៉ូលីនដា ត្រូវបានតែងតាំងជា នាយិកាធុរកិច្ចអន្ដរជាតិ។ លោកស្រីទទួលខុសត្រូវលើការអភិវឌ្ឍន៍ និងការអនុវត្តសេវាផ្ទេរប្រាក់ប្រកបដោយនវានុវត្តន៍, អភិបាលកិច្ចប្រតិបត្តិការ, ឯកសារ និងនីតិវិធីផ្ទៃក្នុង, លំហូរការងារ, ការលក់ និងការបណ្តុះបណ្តាល និងការគ្រប់គ្រងក្រុម។

លោក អ៊ាង សូរសែននាយកនីតិកម្ម

មានបរិញ្ញាបត្រច្បាប់ពី សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចក្នុងឆ្នាំ 2000 បរិញ្ញាបត្រអក្សរសាស្ត្រខ្មែរពីសាកលវិទ្យាល័យភូមិន្ទភ្នំពេញក្នុងឆ្នាំ 2001 និងបរិញ្ញាបត្រជាន់ខ្ពស់ផ្នែកគ្រប់គ្រងហិរញ្ញវត្ថុពីសាកលវិទ្យាល័យភូមិន្ទនីតិសាស្ត្រសេដ្ឋកិច្ច និងវិទ្យាសាស្ត្រសេដ្ឋកិច្ចក្នុងឆ្នាំ 2007។

លោក សូសែន បានចាប់ផ្តើមអាជីពការងារក្នុងឆ្នាំ 2005 ជាមន្ត្រីនីតិកម្មនៅធនាគារ ABA ។ ចាប់ពីឆ្នាំ 2008 ដល់ឆ្នាំ 2021 លោកបានកាន់តំណែងជាប្រធាននាយកដ្ឋាននីតិកម្ម ដោយលោកបានបង្កើតនាយកដ្ឋាននីតិកម្មថ្មី ដើម្បីរៀបចំ និងព្រាងកិច្ចសន្យា និងកិច្ចព្រមព្រៀង គ្រប់គ្រងពាក្យបណ្តឹង និងបញ្ហាផ្នែកច្បាប់ផ្សេងៗ។ លោកក៏ធ្វើការជាមួយនាយកដ្ឋានផ្សេងទៀតរបស់ធនាគារពាក់ព័ន្ធនឹងការប្រឹក្សាបញ្ហាផ្លូវច្បាប់ និងតំណាងធនាគារនៅតុលាការ។

នៅខែកុម្ភៈ ឆ្នាំ 2022 លោក សូសែន ត្រូវបានតែងតាំងជា នាយកនីតិកម្ម របស់ធនាគារ ABA ។

លោកស្រី លី វិទ្យានាយិកាធនធានមនុស្ស

ទទួលបានបរិញ្ញាបត្រផ្នែកធនាគារ និងហិរញ្ញវត្ថុ (កិត្តិយស) ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។

មុនចូលបម្រើការងារជាមួយធនាគារ ABA លោកស្រី វិទ្យា ធ្លាប់បម្រើការងារនៅ កម្មវិធីអភិវឌ្ឍន៍ អង្គការសហប្រជាជាតិ (UNDP) ស្ថាប័នហិរញ្ញវត្ថុ និងអង្គការក្រៅរដ្ឋាភិបាលជាច្រើន ហើយបានឈានទៅកាន់តួនាទីជាអ្នកដឹកនាំផ្សេងៗក្នុងផ្នែកធនធានមនុស្ស ដោយទទួលបានចំណេះដឹង ជំនាញ និងបទពិសោធយ៉ាងទូលំទូលាយក្នុងវិស័យនេះ។

ក្នុងខែវិច្ឆិកា ឆ្នាំ2012 លោកស្រីបានចូលបម្រើការងារជាមួយធនាគារ ABA ជាប្រធានផ្នែកធនធានមនុស្ស ដោយទទួលខុសត្រូវលើការងារពាក់ព័ន្ធនឹងធនធានមនុស្ស ជាមួយស្ថាប័នរដ្ឋាភិបាល ក៏ដូចជាការបង្កើតគោលនយោបាយ និងការអភិវឌ្ឍន៍យុទ្ធសាស្ត្រផ្នែកធនធានមនុស្សរបស់ធនាគារបន្ថែម រួមមានប៉ុន្ដែ មិនកំណត់ចំពោះ ការជ្រើសរើសបុគ្គលិក ការបណ្តុះបណ្តាល និងការអភិវឌ្ឍន៍ធនធានមនុស្ស ការគ្រប់គ្រងការអនុវត្តការងារ និងរង្វាន់ ការរៀបចំផែនការបន្ត ការចូលរួមរបស់បុគ្គលិក និងប្រព័ន្ធគ្រប់គ្រងធនធានមនុស្សទាំងមូលរបស់ធនាគារ។

នៅខែកុម្ភៈ ឆ្នាំ 2022 លោកស្រី វិទ្យា ត្រូវបានតែងតាំងជា នាយិកាធនធានមនុស្សរបស់ធនាគារ ABA ។

លោក សឹម លីដានាយកឥណទានពាណិជ្ជកម្ម និងអាជីវកម្ម ខ្នាតមធ្យមនិងធំ

ទទួលបានសញ្ញាប័ត្របរិញ្ញាបត្រពី Middle East Technical University ប្រទេសទួរគី ក្នុងឆ្នាំ 2009 និងបរិញ្ញាបត្រជាន់ខ្ពស់ពី The University Lille I ក្នុងឆ្នាំ 2011 និង University of Lumière Lyon 2 ក្នុងឆ្នាំ 2012។ លោក លីដា ក៏ជា "ធនាគារិកវិជ្ជាជីវៈ" ប្រកបដោយសមត្ថភាព និងវិញ្ញាបនបត្រទទួលស្គាល់ដែលផ្តល់ដោយវិទ្យាស្ថាន Asian Institute of Chartered Bankers (AICB)។

លោកបានចាប់ផ្តើមអាជីពការងារក្នុងវិស័យធនាគារជាប្រធានគ្រប់គ្រងទំនាក់ទំនងធុរកិច្ចក្នុងឆ្នាំ 2011 នៅធនាគារ Maybank Cambodia ហើយគ្រប់គ្រងទំនាក់ទំនងផ្សេងៗជាមួយអតិថិជនសាជីវកម្ម និងអតិថិជនកម្ចី។

នៅខែមីនា ឆ្នាំ 2018 លោកបានចូលបម្រើការងារជាមួយធនាគារ ABA ជាប្រធាននាយកដ្ឋានកម្ចីពាណិជ្ជកម្ម និងជាសមាជិកនៃគណៈកម្មាធិការឥណទាន។ ឥឡូវនេះ លោកមានតួនាទីគ្រប់គ្រង និងត្រួតពិនិត្យផ្នែកកម្ចីពាណិជ្ជកម្មរបស់ធនាគារ។

នៅខែកុម្ភៈ ឆ្នាំ 2022 លោក លីដា ត្រូវបានតែងតាំងជានាយកឥណទានពាណិជ្ជកម្ម និងអាជីវកម្ម ខ្នាតមធ្យមនិងធំ របស់ធនាគារ ABA ។

លោក សរ ច័ន្ទរិទ្ធនាយកឥណទានអាជីវកម្មខ្នាតតូច

លោកបានបញ្ចប់ការសិក្សាពីសាកលវិទ្យាល័យភូមិន្ទនីតិសាស្ត្រ និងសេដ្ឋកិច្ច ផ្នែកគ្រប់គ្រងធុរកិច្ច និងមានបរិញ្ញាបត្រជាន់ខ្ពស់ ឯកទេសគ្រប់គ្រងធុរកិច្ចធនាគារ និងហិរញ្ញវត្ថុពីសាកវិទ្យាល័យ បៀលប្រាយ។

លោក សរ ចន្ទរិទ្ធ មានបទពិសោធជិត 20ឆ្នាំ ក្នុងវិស័យមីក្រូហិរញ្ញវត្ថុ និងធនាគារ។ ពីឆ្នាំ 2001-2015 លោកបានកាន់តួនាទីជាច្រើន ពីមន្ត្រីឥណទាន ដល់អ្នកគ្រប់គ្រងឥណទាន ប្រធានគ្រប់គ្រងតំបន់ ជាមួយអង្គភាពជាច្រើន។

ក្នុងឆ្នាំ 2015 លោកបានចូលរួមជាមួយក្រុមការងារឥណទានរបស់ធនាគារ ABA ក្នុងនាមជា ប្រធានឥណទានអាជីវកម្មខ្នាតតូច និងបានបម្រើតួនាទីជា នាយករងឥណទាននៃធនាគារ ABA រហូតដល់ឆ្នាំ 2021។

នៅដើមឆ្នាំ 2022 លោក សរ ចន្ទរិទ្ធ ត្រូវបានតែងតាំងតួនាទីជា នាយកឥណទានអាជីវកម្មខ្នាតតូច នៃធនាគារ ABA។

លោក ណយ ស៊ីណាក់នាយកត្រួតពិនិត្យឥណទាន និងដោះស្រាយបំណុល

ដោយបានបញ្ចប់ការសិក្សាផ្នែកគ្រប់គ្រងធុរកិច្ច ពីសកលវិទ្យាល័យជាតិគ្រប់គ្រងក្នុងឆ្នាំ 2005 លោកស៊ីណាក់បានអភិវឌ្ឍខ្លួនជាបន្ដបន្ទាប់តាមរយៈការបណ្តុះបណ្តាលជំនាញទាំងក្នុងស្រុក និងអន្តរជាតិ។

មុនចូលបម្រើការងារជាមួយធនាគារ ABA លោក ស៊ីណាក់ បានបំពេញការងារនៅធនាគារ ANZ Royal ក្នុងតួនាទីជាច្រើនក្នុងផ្នែកសេវាធនាគាររូបវន្ដ។ លោកមានជំនាញគ្រប់គ្រងទំនាក់ទំនងអតិថិជន សេវាធនាគារអេឡិកត្រូនិក និងគ្រប់គ្រងបំណុល។

លោកបានចូលបម្រើការងារជាមួយធនាគារ ABA ក្នុងឆ្នាំ 2011 ជាមន្ត្រីឥណទានជាន់ខ្ពស់ មុនចូលកាន់ដំណែងជាប្រធានត្រួតពិនិត្យឥណទាន និងដោះស្រាយបំណុល ដោយមើលការខុសត្រូវលើវិសាលភាពនៃសកម្មភាពត្រួតពិនិត្យឥណទាន និងដោះស្រាយបំណុលទាំងមូលរបស់ធនាគារ។

នៅដើមឆ្នាំ 2022 លោកស៊ីណាក់ ត្រូវបានតែងតាំងជា នាយកត្រួតពិនិត្យឥណទាន និងដោះស្រាយបំណុលរបស់ធនាគារ ABA ។

លោកស្រី ធាម រមណីយនាយិកាទំនាក់ទំនងគូភាគី - ប្រធានទំនាក់ទំនងតំបន់

មានបរិញ្ញាបត្រជាន់ខ្ពស់ ផ្នែកគ្រប់គ្រងធុរកិច្ចហិរញ្ញវត្ថុ ពី University of Akron (USA) ក្រោមកម្មវិធី Fulbright Scholarship Award (2005-2007)។ លោកស្រីបានបញ្ចប់ការសិក្សាផ្នែកគ្រប់គ្រងធុរកិច្ច ក្នុងកិច្ចការគណនេយ្យ ពីសាកវិទ្យាល័យជាតិគ្រប់គ្រង និងបរិញ្ញាបត្រអប់រំ (B.Ed.) លើឯកទេសបង្រៀនភាសាអង់គ្លេសជាភាសាបរទេស ពីវិទ្យាស្ថានភាសាបរទេស (IFL) នៃសាកលវិទ្យាល័យភូមិន្ទភ្នំពេញ។

លោកស្រី រមណី បានចាប់ផ្ដើមអាជីពការងារក្នុងឆ្នាំ 2002 ជាទីប្រឹក្សាក្នុងស្រុក សម្រាប់ BBC World Service ហើយចន្លោះឆ្នាំ 2007-2009 លោកស្រី បានចូលរួមក្នុងគម្រោងនានាក្រោម Danish International Development Assistance (DANIDA), JICA, GIZ, និង World Bank។

ពីឆ្នាំ 2003-2009 លោកស្រី ជាគ្រូបង្រៀននៅវិទ្យាស្ថានភាសាបរទេស (IFL) ផ្នែកភាសាអង់គ្លេសសម្រាប់ធុរកិច្ចអន្តរជាតិ និងសាកលវិទ្យាបញ្ញាសាស្ត្រកម្ពុជា ផ្នែកហិរញ្ញវត្ថុធុរកិច្ច។

លោកស្រីបានចូលបម្រើការងារនៅ ABA ក្នុងខែកុម្ភៈ 2010 ជាប្រធានសាខាទួលគោក ហើយត្រូវបានដំឡើងទៅជាប្រធានគ្រប់គ្រងតំបន់ក្នុងឆ្នាំ 2016។ ក្នុងនាមជាប្រធានគ្រប់គ្រងតំបន់ លោកស្រីគ្រប់គ្រងលើបណ្ដាសាខានៅតំបន់ទួលគោក។

នៅដើមឆ្នាំ 2022 លោកស្រី ទទួលបានតួនាទីថ្មី ជា នាយកទំនាក់ទំនងគូភាគី - ប្រធានទំនាក់ទំនងតំបន់ នៃធនាគារ ABA។

លោក អាត ដាឡែននាយករដ្ឋបាល

មានបរិញ្ញាបត្រផ្នែកសេដ្ឋកិច្ចអភិវឌ្ឍន៍ និងបរិញ្ញាបត្រជាន់ខ្ពស់ផ្នែកគ្រប់គ្រងពាណិជ្ជកម្ម ពីសាកលវិទ្យាល័យជាតិគ្រប់គ្រង។

លោកបានចាប់ផ្តើមអាជីពការងារក្នុងឆ្នាំ 2011 ដោយបានចូលបម្រើការងារនៅនាយកដ្ឋានគណនេយ្យរបស់ធនាគារ ABA ដែលនៅទីនោះលោកបានកាន់តួនាទីដូចជា ការការផ្ទៀងផ្ទាត់ទិន្នន័យធនាគារ ការគ្រប់គ្រងទ្រព្យសកម្មមិនមែនហិរញ្ញវត្ថុ និងរបាយការណ៍ហិរញ្ញវត្ថុ។

នៅខែមិថុនា ឆ្នាំ 2015 លោក ដាឡែន ត្រូវបានតែងតាំងជាប្រធាននាយកដ្ឋានរដ្ឋបាល ដោយមានតួនាទីត្រួតពិនិត្យការងាររដ្ឋបាល ពង្រីកបណ្តាញសាខា និងអភិវឌ្ឍន៍ហេដ្ឋារចនាសម្ពន្ធរូបវន្តរបស់ ABA ។

នៅខែកុម្ភៈ ឆ្នាំ 2022 លោកត្រូវបានតែងតាំងតួនាទីជា នាយករដ្ឋបាលរបស់ធនាគារ ABA ។

លោក ប៉ិច គឹមឃុននាយកសន្តិសុខ និងសុវត្ថិភាព

លោកបានបញ្ចប់បិរញ្ញាបត្រជាន់ខ្ពស់ផ្នែកនីតិសាស្ដ្រ និងវិទ្យាសាស្ត្រនយោបាយ ពីសាកលវិទ្យាល័យបៀលប្រាយ ក្នុងឆ្នាំ 2008។

មុនចូលបម្រើការងារនៅ ABA លោក គីមឃុន បានបំពេញតួនាទីជាជំនួយការផ្នែកសន្តិសុខនៅ Naga World Casino and Hotel ហើយបានផ្លាស់ទៅក្រុមហ៊ុន Beeline Cambodia ជាប្រធានផ្នែកសន្តិសុខ។ នៅខែធ្នូ ឆ្នាំ 2013 លោកបានចូលបម្រើការងារជាមួយធនាគារ ABA ក្នុងតួនាទីជាប្រធានផ្នែកសន្តិសុខ និងសុវត្ថិភាព ដែលមើលការខុសត្រូវផ្នែកសន្តិសុខ និងនីតិវិធីសុវត្ថិភាពរបស់ធនាគារទាំងមូល។

នៅខែកុម្ភៈ ឆ្នាំ 2022 លោក គីម ឃុន ត្រូវបានតែងតាំងជានាយកសន្តិសុខ និងសុវត្ថិភាព របស់ធនាគារ ABA ។