ផ្ទេរតាម RemitEx

ដើម្បីផ្តល់បទពិសោធកាន់តែងាយស្រួលក្នុងការផ្ញើប្រាក់ដែលមានរូបិយបណ្ណខុសៗ គ្នាទៅកាន់ប្រទេសផ្សេងៗ ធនាគារ ABA សូមធ្វើការណែនាំជូននូវសេវាផ្ទេរប្រាក់ RemitEx ដែលជាសេវាផ្ញើប្រាក់ក្នុងអត្រាថេរ ក្នុងប្រទេសមួយចំនួន។

ជាមួយសេវាផ្ទេរប្រាក់ RemitEx អ្នកអាចធ្វើការផ្ទេរប្រាក់ក្នុងអត្រាប្ដូរប្រាក់មិនប្រែប្រួល ទោះជារូបិយបណ្ណផ្ញើ ខុសពីរូបិយបណ្ណទទួលក៏ដោយ ក៏អ្នកទទួលប្រាក់បញ្ញើ មិនខាតបង់ដោយសារការចុះឡើងនៃអត្រាប្ដូរប្រាក់ដែលប្រែប្រួលក្រោយផ្ទេររួច។ ចំនួនប្រាក់ផ្ទេរ នឹងត្រូវដកចេញពីគណនីធនាគារ ABA ដោយគិតជាប្រាក់ដុល្លារ ហើយបញ្ចូលទៅក្នុងគណនីអ្នកទទួលដោយគិតជារូបិយបណ្ណតាមប្រទេសដែលអ្នកទទួលរស់នៅ។

ពី RemitEx អ្នកអាចផ្ទេរប្រាក់ទៅកាន់គ្រួសារ, មិត្តភ័ក្តិ, និងដៃគូជំនួញនៅជាង 110 ប្រទេស ជាមួយសេវាពិសេសជាទីគាប់ចិត្ត និងអត្រាប្ដូរប្រាក់ថេរ មិនប្រែប្រួល។

កម្រៃសេវា

ចំនួនតម្លៃសេវាតម្លៃបណ្តាញ
មិនកំណត់0.15%, អប្ប. 15ដុល្លារ15ដុល្លារ

ប្រទេសដែលអាចផ្ញើទៅបាន

ឈ្មោះប្រទេសរូបិយប័ណ្ណ
អារ៉ាប់រួម អេមីរ៉េតDirham (AED)
អូស្ត្រាលីDollar (AUD)
កាណាដាDollar (CAD)
ស្វីសFranc (CHF)
ហុងកុងDollar (HKD)
ជប៉ុនYen (JPY)
ម៉ាឡេស៊ី*Ringgit (MYR)
ន័រវេKrone (NOK)
ញូហ្សឺលែនDollar (NZD)
ប៉ូឡូញZloty (PLN)
កាតាRiyal (QAR)
អារ៉ាប៊ីសាអូឌីតRiyal (SAR)
ស៊ុយអែតKrona (SEK)
តួគីLira (TRY)
អាហ្វ្រិកខាងត្បូងRand (ZAR)
គុយវ៉ែតKuwaiti Dinar (KWD)
ហ្វីលីពីនPeso (PHP)
ឥណ្ឌាRupee (INR)
ដាណឺម៉ាកDanish krone (DKK)

អានបន្ថែម

ចំណាំ:

  • ចំនួននៃប្រតិបត្តិការ អាចមានភាពខុសគ្នាទៅតាមប្រទេសរបស់អ្នកទទួលប្រាក់។
  • ជម្រើសនៃការបង់ប្រាក់នឹងត្រូវជ្រើសរើសដោយធនាគារ ABA ដោយផ្អែកលើជំរើសនៃការបង់ប្រាក់ដែលមាននៅធនាគារដៃគូរ។
  • ទឹកប្រាក់ដែលបានផ្ញើចេញនឹងត្រូវបានកាត់ចេញពីគណនីរបស់អ្នកជាប្រាក់ដុល្លារ និងបញ្ចូលទៅក្នុងធនាគាររបស់អ្នកទទួល ជារូបិយប័ណ្ណមួយក្នុងចំណោមរូបិយប័ណ្ណជាង 110+ រូបិយប័ណ្ណដែលយើងមាន។
  • ថ្លៃសេវាផ្សេងៗ ដែលរួមបញ្ចូលទាំងថ្លៃសេវាកែប្រែ/លុបចោលអាចនឹងត្រូវបានគិតបញ្ចូល។
  • អត្រាប្តូរប្រាក់នឹងត្រូវបានផ្តល់ជូនដោយធនាគារ ABA រៀងរាល់ព្រឹក និងមានសុពលភាព 24ម៉ោង។

ទៅកាន់សាខាធនាគារ ABA ដែលនៅជិតលោកអ្នកបំផុត ហើយបំពេញទម្រង់បែបបទផ្ទេរប្រាក់ទៅក្រៅប្រទេស។ អត្រាប្តូរប្រាក់ចុងក្រោយបំផុត នឹងត្រូវបានធ្វើបច្ចុប្បន្នភាពរៀងរាល់ព្រឹក ហើយវាមានសុពលភាព 24ម៉ោង។

សូម​អាន​លក្ខខណ្ឌ​ខាងក្រោម​នេះ​ដោយ​ប្រុង​ប្រយ័ត្ន​។​ លក្ខខណ្ឌ​នេះ​គឺជា​ “​កិច្ចព្រមព្រៀង​”​ រវាង​រូប​អ្នក​និង​ធនាគារ​វឌ្ឍនៈ​អាស៊ី​ចំកាត់​ “​ធនាគារ​”​ ពាក់ព័ន្ធ​នឹង​ការ​ប្រើប្រាស់​សេវា​ផ្ទេរ​ប្រាក់​។​

  1. ​អ្នក​ផ្ទេរ​បាន​អះអាង​ និង​បញ្ជាក់​ថា​រាល់​ព័ត៌មាន​នៅ​ក្នុង​ពាក្យ​ស្នើ​សុំ​ផ្ទេរ​ប្រាក់​គឺ​ត្រឹមត្រូវ​ និង​ពិតប្រាកដ​មែន​។​ ហើយ​ធនាគារ​ ABA​ នឹង​មិន​ទទួលខុសត្រូវ​រាល់​ការ​យឺតយ៉ាវ​អាក់​ដំណើរការ​ និង​ការ​ដក​ចេញ​ដែល​បង្ក​ឡើង​ដោយសារ​អ្នក​ផ្ទេរ​បាន​ផ្ដល់​ព័ត៌មាន​មិន​មាន​ភាព​ច្បាស់លាស់​ ឬ​មិន​ត្រឹមត្រូវ​នៅ​ក្នុង​ពាក្យ​ស្នើ​សុំ​ផ្ទេរ​ប្រាក់​។​
  2. ​អ្នក​ផ្ទេរ​បាន​ផ្ដល់​សិទ្ធិ​ឲ្យ​ធនាគារ​ធ្វើការ​ដក​ប្រាក់​ចេញពី​គណនី​របស់​អ្នក​ផ្ទេរ​នូវ​ចំនួន​ប្រាក់​រួម​ទាំង​កម្រៃ​សេវា​ផ្សេងៗ​។​
  3. ​អ្នក​ផ្ទេរ​បាន​យល់​ និង​ឯកភាព​ថា​ធនាគារ​នឹង​អនុវត្ត​តាម​អត្រា​ប្ដូរ​ប្រាក់​ក្នុងស្រុក​ដើម្បី​ធ្វើការ​ផ្ទេរ​ប្រាក់​ជា​រូបិយប័ណ្ណ​បរទេស​។​
  4. ​អ្នក​ផ្ទេរ​អនុញ្ញាត​ឲ្យ​ធនាគារ​ធ្វើការ​ពន្យារ​,​ បង្កក​ ឬ​លុប​ចោលការ​ផ្ទេរ​ប្រាក់​ប្រសិនបើ​ធនាគារ​ ឬ​ធនាគារ​អន្តរការី​រក​ឃើញ​ថា​ការ​ផ្ទេរ​ប្រាក់​នោះ​មាន​ពាក់ព័ន្ធ​នឹង​សកម្មភាព​មិន​ស្របច្បាប់​ និង​/​ឬ​ អំពើ​ល្មើសច្បាប់​ ឬ​បទ​ប្បញ្ញត្តិ​ជាតិ​ ឬ​អន្តរជាតិ​។​
  5. ​អ្នក​ផ្ទេរ​ធានា​ថា​ការ​ផ្ទេរ​ប្រាក់​នេះ​មិន​មាន​ពាក់ព័ន្ធ​នឹង​សកម្មភាព​មិន​ស្របច្បាប់​នានា​ និង​/​ឬ​ការ​លាង​ប្រាក់​ និង​/​ឬ​សកម្មភាព​ហិរញ្ញប្បទាន​ភេរវកម្ម​ណាមួយ​ឡើយ​។​
  6. ​អ្នក​ផ្ទេរ​ធានា​ផ្ដល់​ជូន​នូវ​ព័ត៌មាន​ និង​/​ឬ​ឯកសារ​បន្ថែម​ពាក់ព័ន្ធ​នឹង​ការ​ផ្ទេរ​ប្រាក់​ប្រសិនបើ​តម្រូវ​ដោយ​ធនាគារ​។​
  7. ធនាគារ​ ABA​ មាន​សិទ្ធិ​ធ្វើការ​កែប្រែ​ថ្លៃ​សេវាកម្ម​ និង​កម្រៃ​ក៏​ដូច​ជា​លក្ខខណ្ឌ​ទាំងអស់​គ្រប់ពេលវេលា​ដោយ​មិន​ចាំបាច់​ធ្វើការ​ជូនដំណឹង​ជា​មុន​។​
  8. ធនាគារ​ ABA​ មាន​សិទ្ធិ​ផ្ដល់​ព័ត៌មាន​នៃ​ការ​ផ្ទេរ​ប្រាក់​ទៅ​ឲ្យ​ភាគី​ទី​បី​ដែល​កំណត់​ដោយ​ច្បាប់​ព្រះរាជាណាចក្រ​កម្ពុជា​រួម​បញ្ចូល​ការ​សម្រេច​ពី​តុលាការ​ការ​ស៊ើបអង្កេត​ និង​បទបញ្ជា​របស់​ធនាគារជាតិ​។​
  9. ​ក្នុង​ករណី​ការ​ផ្ទេរ​ប្រាក់​ត្រូវ​បាន​បដិសេធ​ ឬ​លុប​ចោល​ធនាគារ​ ABA​ នឹង​ផ្ទេរ​ប្រាក់​ត្រលប់​ទៅ​ឲ្យ​អ្នក​ផ្ទេរ​វិញ​នៅ​ពេល​ធនាគារ​ ABA​ ទទួល​បាន​ប្រាក់​ពី​ធនាគារ​អន្តរការី​។​ អ្នក​ផ្ទេរ​បាន​យល់​ និង​ឯកភាព​ថា​ធនាគារ​អន្តរការី​អាច​នឹង​គិតថ្លៃ​លុប​ចោលការ​ផ្ទេរ​ និង​កម្រៃ​ផ្សេងៗ​ហើយ​អត្រា​ប្ដូរ​ប្រាក់​លើ​ការ​ទូទាត់​នោះ​នឹង​ត្រូវ​អនុវត្ត​ផង​ដែរ​។​
  10. ​ធនាគារ​មិន​ទទួលខុសត្រូវ​លើ​ពន្ធ​នានា​,​ កាតព្វកិច្ច​ និង​ការ​ចំណាយ​ផ្សេងៗ​ដែល​នឹង​អាច​កើត​មាននៅ​ប្រទេស​ដទៃ​ពាក់ព័ន្ធ​នឹង​ការ​ផ្ទេរ​ប្រាក់​នេះ​។​
  11. ​ដើម្បី​បញ្ចប់​ការ​ផ្ទេរ​ប្រាក់​ឲ្យ​បាន​ត្រឹមត្រូវ​ធនាគារ​ធ្វើការ​ជ្រើសរើស​ធនាគារ​អន្តរការី​ដោយ​ខ្លួនឯង​។​ ធនាគារ​អន្តរការី​អាច​នឹង​គិត​កម្រៃ​ដែល​កម្រៃ​នោះ​នឹង​ត្រូវ​ដក​ចេញពី​ប្រាក់​ផ្ទេរ​ ឬ​ទូទាត់​ពី​ធនាគារ​យើងខ្ញុំ​។​ ប្រសិនបើ​ធនាគារ​អន្តរការី​យក​កម្រៃ​ពី​ធនាគារ​យើងខ្ញុំ​នោះ​ធនាគារ​យើងខ្ញុំ​នឹង​ដក​កម្រៃ​នោះ​ពី​គណនី​អ្នក​ផ្ទេរ​វិញ​។​
  12. ការ​ផ្ទេរ​ប្រាក់​ដែល​បាន​ទទួល​បាន​បន្ទាប់​ពី​ម៉ោង​ 4​ល្ងាច​ ម៉ោង​នៅ​ប្រទេស​កម្ពុជា​នឹង​ត្រូវ​ធ្វើការ​ផ្ទេរ​បន្ត​នៅ​ថ្ងៃ​ធ្វើការ​បន្ទាប់​។​
  13. ដើម្បី​កែតម្រូវ​ ឬ​លុប​ចោល​ប្រតិបត្តិការ​របស់​អ្នក​ អ្នក​ត្រូវ​តែ​បំពេញ​ និង​ចុះហត្ថលេខា​លើ​ទម្រង់​កែប្រែ​ និង​ការ​លុប​ចោល​ ហើយ​បញ្ជូន​មក​សាខា​ធនាគារ​ណាមួយ​របស់​យើង​ដោយ​ផ្ទាល់​។​ រាល់​សំណើសុំ​កែតម្រូវ​ ឬ​លុប​ចោលការ​ទូទាត់​ដែល​បាន​ទទួល​តាម​រយៈ​អ៊ី​ម៉ែ​ល​ ឬ​ទូរស័ព្ទ​នឹង​ត្រូវ​បាន​បដិសេធ​ចោល​។​ សំណុំ​ទម្រង់​បែបបទ​ទាំងនេះ​ អាច​ទាញ​យក​បាន​នៅ​លើ​គេហទំព័រ​របស់​យើង​ ដោយ​ប្រើ​តំណ​រនេះ
  14. ជម្រើស​បង់ប្រាក់​ "OUR"​ មាន​ន័យ​ថា​ចំនួន​ទឹកប្រាក់​ដែល​ផ្ទេរ​នឹង​ត្រូវ​ទទួល​ពេញលេញ​បាន​ដោយ​គ្មាន​ការ​កាត់​ទុក​នៅ​ធនាគារ​របស់​អ្នក​ទទួល​ប្រាក់​។​ ប៉ុន្តែ​មិនមែន​មិន​មានការ​កាត់​ទុក​ចំពោះ​អ្នក​ទទួល​ប្រាក់​នោះ​ទេ​។​ ធនាគារ​របស់​អ្នក​ទទួល​ប្រាក់​ ក៏​អាច​នឹង​គិតថ្លៃ​សេវា​មួយ​ចំនួន​ផង​ដែរ​។​ ធនាគារ​យើង​មិន​ធានា​នៅ​ការ​ផ្ទេរ​ប្រាក់​ក្នុង​ចំនួន​ពេញលេញ​ដល់​អ្នក​ទទួល​ប្រាក់​ឡើយ​។​
  15. ​ជម្រើស​បង់ប្រាក់​ "BEN"​ មាន​ន័យ​ថា​ថ្លៃ​សេវា​ធនាគារ​ និង​ថ្លៃ​សេវា​ធនាគារ​ដែល​ត្រូវ​ផ្ទេរ​នឹង​ត្រូវ​កាត់​ពី​ចំនួន​ទឹកប្រាក់​ដែល​ចង់​ផ្ទេរ​។​ អ្នក​ផ្ទេរ​ត្រូវ​តែ​យល់​ច្បាស់​ និង​បញ្ជាក់​ថា​ជម្រើស​នេះ​ត្រូវ​បាន​ជ្រើសរើស​ ហើយ​ចំនួន​ទឹកប្រាក់​ផ្ទេរ​នឹង​ត្រូវ​បាន​កាត់​ដើម្បី​បង់ថ្លៃ​សេវា​។​

លក្ខខណ្ឌទូទៅ នឹងត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader