ABA 24/7

​យើងខ្ញុំ​ដឹង​ថា​ តម្រូវការ​សេវា​ធនាគារ​របស់​លោក​អ្នក​តែងតែ​មិន​ត្រូវ​គ្នា​នឹង​ម៉ោង​ប្រតិបត្តិការ​របស់​យើង​ទេ​។​ ដូច្នេះ​ យើងខ្ញុំ​បាន​ដាក់​ឲ្យ​ដំណើរការ​ទីតាំង​ស្វ័​យ​សេវា​ធនាគារ​ ABA​ 24/7​ ដើម្បី​ផ្តល់​ជូន​លោក​អ្នក​នូវ​ភាព​ងាយស្រួល​ប្រើប្រាស់​គណនី​របស់​លោក​អ្នក​ 24​ ម៉ោង​ គ្មាន​ការ​រំខាន​ តាម​រយៈ​ម៉ាស៊ីន​ និង​សេវាកម្ម​ជា​ច្រើន​របស់​ធនាគារ​យើងខ្ញុំ​។​

​ទីតាំង​ ABA​ 24/7​ នីមួយៗ​បំពាក់​ដោយ​ម៉ាស៊ីន​ ATM​ ម៉ាស៊ីន​ដក​ដាក់​ប្រាក់​ ម៉ាស៊ីន​ដាក់​ប្រាក់​ និង​ម៉ាស៊ីន​ដាក់​មូលប្បទានប័ត្រ​។​ ឥឡូវនេះ​ លោក​អ្នក​មិន​ចាំបាច់​អញ្ជើញ​ទៅ​កាន់​សាខា​ធនាគារ​ដើម្បី​ដាក់​ប្រាក់​ចំនួន​ច្រើន​ ឬ​បង្ហាញ​ ដើម្បី​ដាក់​មូលប្បទានប័ត្រ​ឡើយ​។​ លោក​អ្នក​អាច​ធ្វើ​ប្រតិបត្តិការ​ទាំងនេះ​បាន​គ្រប់ពេលវេលា​ដែល​ងាយស្រួល​សម្រាប់​លោក​អ្នកតា​មរយៈ​ ABA​ 24/7!

នេះជាបញ្ជីចូលទៅកាន់ ABA 24/7

ចុចលើឈ្មោះទីកន្លែង ដើម្បីមើលទីតាំងនៅលើផែនទី។

ភ្នំពេញ

ផ្សារ​ដេប៉ូ​​ បឹង​ត្របែក​
ឈូក​មាស ពោធិ៍​ចិន​តុង
ស្តា​ត​ចាស់ ទួលទំពូង
ពេទ្យលោកសង្ឃ WB Arena
ប្ញ​ស្សី​កែវ​ ផ្លូវ 2004
មាត់ទន្លេ ភ្នំពេញថ្មី
សុវណ្ណា ចំការដូង
ផ្សារដើមគ នាង​គ​ង្ហី​ង
ស្ទឹងមានជ័យវត្ត​មហាមន្ត្រី
កាំកូព្រែក​ព្នៅ
ទួល​កីបឹង​ស្នោ
ចំការមនកួរស្រូវ​
កំ​បូល​ផ្សារអូឡាំពិក
ផ្សារកណ្តាលស្ដុបអូរបែកក្អម
ស្ពានដែក(ចម្ការដូង)ផ្សារថ្មី
ផ្សារថ្មី២​ផ្សារ​ K​ Ground
ផ្សារទំនើបមានជ័យ

បណ្ដាខេត្ត

Furi ក្រុងព្រះសីហនុប៉ោយប៉ែត
ដំបងគ្រញូងតំបន់​សេដ្ឋកិច្ច​ពិសេស​ក្រុងព្រះសីហនុ
ផ្សារលើក្រុងព្រះសីហនុផាប់ស្រ្ទីត
ផ្សារកណ្តាលស្ដុបកោះកេរ្ដិ៍
ស្ទឹង​ហាវត្រពាំង​ក្រឡឹង
កំពង់​សីលា​ផ្លូវ​ល្បឿន​លឿនLogic Square ប៉ោយប៉ែត

​ម៉ាស៊ីន​ ATM

​ម៉ាស៊ីន​ ATM​ របស់​យើង​អនុញ្ញាត​ឲ្យ​ធ្វើ​ប្រតិបត្តិការ​សាច់ប្រាក់​ និង​ប្រតិបត្តិការ​កាត​ជា​មូលដ្ឋាន​បាន​ 24​ ម៉ោង​ក្នុង​មួ​យស​ប្តា​ហ៍​ ដោយ​មិន​ចាំបាច់​មាន​បេឡាករ​ជួយ​ឡើយ​៖

  • ​ដក​ប្រាក់​ ​ជា​ប្រាក់​ដុល្លារ​ និង​ប្រាក់​រៀល
  • ពិនិត្យ​សមតុល្យ​សាច់ប្រាក់
  • ប្តូរ​លេខ​កូដ​ PIN​ កាត​
  • ព្រីនរបាយការណ៍​សង្ខេប
  • ​ដកប្រាក់តាម E-Cash (ដកដោយមិនប្រើកាត)
  • បើក​ដំណើរការ​កាត​ ABA​ ថ្មី​របស់​លោក​អ្នក​។

​ម៉ាស៊ីន​ដក​ដាក់​ប្រាក់​

​ម៉ាស៊ីន​ដក​ដាក់​ប្រាក់​ គឺជា​ម៉ាស៊ីន​ស្វ័​យ​សេវា​ដែល​អនុញ្ញាត​ឲ្យ​លោក​អ្នកធ្វើការ​ដាក់​ប្រាក់​ និង​ដក​ប្រាក់​នៅ​ក្នុង​ម៉ាស៊ីន​តែ​មួយ​។​

ម៉ាស៊ីន​ដក​ដាក់​ប្រាក់​របស់​យើង​អនុញ្ញាត​ឲ្យ​លោក​អ្នក​៖

  • ​ដាក់ប្រាក់ និងដកប្រាក់
  • ពិនិត្យ​សមតុល្យ​របស់​លោក​អ្នក​
  • ​បោះពុម្ព​របាយការណ៍​ខ្លីៗ​
  • ​ប្តូរ​លេខ​កូដកាត​
  • ​ដកប្រាក់តាម E-Cash (ដកដោយមិនប្រើកាត)
  • ​បើក​ដំណើរការ​កាត​ ABA​ ថ្មី​របស់​លោក​អ្នក​។

​ម៉ាស៊ីន​ដាក់​មូលប្បទានប័ត្រ​

លោក​អ្នក​អាច​ប្រើប្រាស់​ម៉ាស៊ីន​ដាក់​មូលប្បទានប័ត្រ​របស់​យើង​ដើម្បី​ដាក់​មូលប្បទានប័ត្រ​របស់​ធនាគារ​ ABA​ និង​មូលប្បទានប័ត្រ​ធនាគារ​ផ្សេង​ក្នុងស្រុក​ណាមួយ​។​ ការ​ដាក់​មូលប្បទានប័ត្រ​ និង​ពេលវេលា​ដាក់​ប្រាក់​ មាន​ដូច​ខាងក្រោម​៖

  • ពេលវេលា​ប្រមូល​មូលប្បទានប័ត្រ​៖​ រាល់ថ្ងៃ​នៅ​ម៉ោង​ 6​ ល្ងាច​ (​រួម​ទាំង​ថ្ងៃ​ឈប់​សម្រាក​)
  • ពេលវេលា​ដាក់​ប្រាក់​មូលប្បទានប័ត្រ​៖
​ប្រភេទ​មូលប្បទានប័ត្រម៉ោង​បញ្ចប់​ប្រចាំ​ថ្ងៃដាក់​មុន​ម៉ោង​បញ្ចប់​ដាក់​ក្រោយ​ម៉ោង​បញ្ចប់​
មូលប្បទានប័ត្រ​ ABA​8:00 ល្ងាច​ថ្ងៃ​តែ​មួយ​ ថ្ងៃ​ធ្វើការ​បន្ទាប់​
មូលប្បទានប័ត្រ​ធនាគារ​ផ្សេង​ក្នុងស្រុក​6:00 ល្ងាច​ថ្ងៃ​ធ្វើការ​បន្ទាប់​2​ ថ្ងៃ​ធ្វើការ​បន្ទាប់​
  • មូលប្បទានប័ត្រ​ទាំងអស់​ដែល​បាន​ដាក់​បន្ទាប់​ពី​ម៉ោង​បញ្ចប់​ ឬ​នៅ​ថ្ងៃ​មិន​ធ្វើការ​ នឹង​ត្រូវ​ចាត់​ទុក​ថា​បាន​ដាក់​នៅ​ថ្ងៃ​ធ្វើការ​បន្ទាប់​។

​សម្គាល់​៖ ប្រតិបត្តិការ​ដាក់​មូលប្បទានប័ត្រ​ទាំងអស់​ត្រូវ​អនុវត្ត​តាម​លក្ខខណ្ឌ​ទូទៅ​នានា​ពាក់ព័ន្ធ​នឹង​ការ​ផាត់ទាត់​មូលប្បទានប័ត្រ​។

​ម៉ាស៊ីន​ដាក់​ប្រាក់​

​ជាមួយ​ម៉ាស៊ីន​ដាក់​ប្រាក់​របស់​យើង​ លោក​អ្នក​អាច​ដាក់​សាច់ប្រាក់​របស់​លោក​អ្នក​ដោយ​សុវត្ថិភាព​គ្រប់ពេលវេលា​ដោយ​ភាព​ងាយស្រួល​។​ ការ​ដាក់​ប្រាក់​ត្រូវ​បាន​បញ្ចូល​ទៅ​ក្នុង​គណនី​ធនាគារ​របស់​លោក​អ្នក​បាន​ភ្លាមៗ​ ហើយ​បន្ទាប​មក​លោក​អ្នក​អាច​ប្រើប្រាស់​កម្មវិធី​ ABA​ Mobile​ របស់​លោក​អ្នក​ដើម្បី​ធ្វើការ​ផ្ទេរ​ប្រាក់​ដែល​បាន​ដាក់​នោះ​ទៅ​កាន់​គណនី​ ABA​ ណាមួយ​ក៏​បាន​។​

​ក្រៅពី​ការ​ដាក់​ប្រាក់​ លោក​អ្នក​ក៏​អាច​ធ្វើការ​បង់​សង​កម្ចី​នៅ​តាម​ម៉ាស៊ីន​ដាក់​ប្រាក់​ផង​ដែរ​។​

​ម៉ាស៊ីន​បើក​កាត​ (CM)

​នេះ​បច្ចេកវិទ្យា​ដំបូង​គេ​នៅ​កម្ពុជា​មួយទៀត​របស់​ ធនាគារ​ ABA​ ដែល​អនុញ្ញាត​ឲ្យ​អ្នក​ប្រើប្រាស់​អាច​ស្នើ​សុំ​កាត​ឥណ​ពន្ធ​អន្តរជាតិ​ ​សម្រាប់​ប្រភេទ Classic, Standard​ ឬ​ ​កាត​ CSS​ បាន​នៅ​នឹង​កន្លែង​តែ​ម្តង​ ​ដោយ​គ្រាន់តែ​ចំនាយពេល​តែ​ប៉ុន្មាន​នាទី​ប៉ុណ្ណោះ​។​ ​

ដំណើរការ​បើក​កាត​គឺ​សាមញ្ញ​បំផុត​៖​ អ្នក​ដែល​មានកម្ម​វិធី​ ABA​ Mobile​ គ្រាន់តែ​ទៅ​កាន់​ម៉ាស៊ីន​បើក​កាត​ ស្កែ​ន​កូដ​ QR​ នៅ​លើ​អេ​ក្រង់​របស់​ម៉ាស៊ីន​បើក​កាត​ ​ជាមួយ​ ABA​ Mobile ​ពេល​នោះ​កាត​របស់​អ្នក​នឹង​ចេញ​មក​ភ្លាមៗ​ ​ដោយ​មិន​ចាំបាច់​ជួប​ជាមួយ​បុគ្គលិក​ធនាគារ​ឡើយ​។​ ​លើស​ពី​នេះ​ ​លោក​អ្នក​អាច​ស្នើ​សុំ​បើក​កាត​បាន​តាម​ម៉ាស៊ីន​នេះ​ ​ដែល​មាន​ដាក់​នៅ​តាម​សាខា​ ABA​ ឬ​ ​ទីតាំង​ស្វ័​យ​សេវា​ ABA​ 24/7​ ។​ សូម​ចូល​ទៅ​កាន់​ទំព័រ​ ​ម៉ាស៊ីន​បើក​កាត​ ​ដើម្បី​ស្វែង​យល់​បន្ថែម​។

​ចំណាំ​៖​ ម៉ាស៊ីន​បើក​កាត​នេះ​ ​មាន​តែ​នៅ​តាម​សាខា​ ABA​ ដែល​បាន​ជ្រើសរើស​ និង​ ​ទីតាំង​ស្វ័​យ​សេវា​ ABA​ 24/7 ​មួយ​ចំនួន​ប៉ុណ្ណោះ​។​ ចូល​ទៅ​មើល​ទំព័រ​ ​ម៉ាស៊ីន​បើក​កាត​ ដើម្បី​រក​ទីតាំង​ម៉ាស៊ីន​ ​ដែល​នៅ​ជិត​លោក​អ្នក​បំផុត​។​

​ត្រូវការ​ជំនួយ​?

​សម្រាប់​ច​ម្ង​ល់​នានា​ពាក់ព័ន្ធ​នឹង​ទីតាំង​ស្វ័​យ​សេវា​ធនាគារ​ ABA​ 24/7​ និង​បរិក្ខារ​របស់​ទីតាំង​នេះ​ លោក​អ្នក​អាច​ឆាត​ជាមួយ​យើងខ្ញុំ​តាម​កម្មវិធី​ផ្ញើ​សារ​ Facebook​ Messenger​ នៅ​តាម​វិ​ប​សាយ​របស់​ធនាគារ​ ឬ​ទាក់ទង​តាម​ទូរស័ព្ទ​ 1 800 203 203 បម្រើ​ជូន​លោក​អ្នក​ 24/7​។​

លក្ខខណ្ឌទូទៅ លក្ខខណ្ឌសម្រាប់ធនាគារអនឡាញ និង លក្ខខណ្ឌប្រើប្រាស់ ABA Mobile ត្រូវអនុវត្ត។ ដើម្បីអានឯកសារ PDF នេះ អ្នកត្រូវតែមានកម្មវិធី Adobe Reader