ផលិតផលជាប្រាក់រៀលថ្មីពីរត្រូវបានផ្តល់ជូននៅលើ ABA Mobile
27/Jun/2019
ជាផ្នែកមួយនៃកិច្ចខិតខំប្រឹងប្រែងជាបន្តបន្ទាប់របស់យើង ដើម្បីនាំមកនូវភាពងាយស្រួលបន្ថែមដល់អតិថិជន និងដើម្បីជាការគាំទ្រដល់ការប្រើប្រាស់រូបិយប័ណ្ឌក្នុងស្រុក ថ្ងៃនេះយើងសូមប្រកាសដាក់ឲ្យប្រើប្រាស់នូវគណនីសន្សំតាមទូរស័ព្ទ និងសេវា E-Cash ជាប្រាក់រៀល នៅក្នុងកម្មវិធី ABA Mobile ជូនដល់អតិថិជនរបស់យើង។
ចាប់ពីពេលនេះតទៅ អ្នកប្រើប្រាស់ ABA Mobile អាចប្រើគណនីសន្សំ គណនីចរន្ត ឬគណនីចរន្ត Plus ដែលបានបើកនៅតាមសាខារបស់ធនាគារ ABA ជាប្រាក់ដុល្លារក្តីជាប្រាក់រៀលក្តី ធ្វើជាប្រភពនៃការបើកគណនីសន្សំនៅលើទូរស័ព្ទបានចំនួនបីបន្ថែម សម្រាប់រូបិយប័ណ្ទនីមួយៗ (គណនីសន្សំនៅលើទូរស័ព្ទជាប្រាក់រៀលបី និងគណនីសន្សំនៅលើទូរស័ព្ទជាប្រាក់ដុល្លាបី)។ សមតុល្យបន្តអប្បបរមាសម្រាប់ការបង្កើតគណនីនីមួយៗគឺចាប់ពី 40,000 រៀល សម្រាប់គណនីជាខ្មែររៀល និង 10 ដុល្លារ សម្រាប់គណនីជាប្រាក់ដុល្លារ។
បន្ថែមពីលើនោះទៀត សេវា E-Cash ដ៏ពេញនិយមរបស់យើងពេលនេះ អាចដកជាប្រាក់រៀលបានហើយ! ជាមួយនឹងការបន្ថែមមុខងារថ្មីនេះ អតិថិជនរបស់ធនាគារ ABA អាចធ្វើការផ្ញើប្រាក់ពីគណនីសន្សំជាប្រាក់រៀលរបស់ពួកគេ ទៅកាន់មិត្តភក្តិ ក្រុមគ្រួសារ ឬមកកាន់ខ្លួនឯង ហើយធ្វើការដកប្រាក់នោះនៅម៉ាស៊ីន ATM របស់ ABA ដោយឥតគិតថ្លៃ និងមិនចាំបាច់កាតធនាគារឡើយ។ ចំនួនទឹកប្រាក់ដែលអាចដកបានគឺចាប់ពី 10,000 ទៅ 400,000 រៀល ក្នុងមួយប្រតិបត្តិការ និងរហូតដល់ 800,000 រៀលក្នុងមួយថ្ងៃ។
ដើម្បីទទួលបានមុខងារថ្មីនេះ សូមធ្វើបច្ចុប្បន្នភាពកម្មវិធី ABA Mobile របស់អ្នកនៅថ្ងៃនេះ។ ដើម្បីស្វែងយល់បន្ថែមពី គណនីសន្សំតាមទូរស័ព្ទ ឬ សេវា E-Cash សូមចូលទៅកាន់ទំព័រ គណនីសន្សំតាមទូរស័ព្ទ និង សេវា E-Cash។
សូមរីករាយបន្ថែមជាមួយនឹងផលិតផលជាប្រាក់រៀលថ្មីទាំងពីរនៅលើ ABA Mobile និងសូមអរគុណសម្រាប់ការប្រើប្រាស់សេវាធនាគាររបស់យើង!
