ម្ចាស់គណនីរហ័ស អាចបើកគណនីប្រាក់បញ្ញើ និងស្នើសុំកម្ចីនៅក្នុង ABA Mobile
01/Jul/2021
ធនាគារ ABA ប្រកាសថា ធនាគារអនុញ្ញាតឲ្យមានមុខងារ គណនីបញ្ញើបត់បែន គណនីបញ្ញើមានកាលកំណត់ និង កម្ចីភ្លាមៗសម្រាប់ម្ចាស់គណនីរហ័ស។ គណនីបញ្ញើ និងកម្ចីអាចបើកបានភ្លាមៗនៅក្នុងកម្មវិធី ABA Mobile ដោយឥតគិតថ្លៃ។ ការសម្រេចចិត្តនេះធ្វើឡើងដើម្បីផ្តល់ឲ្យម្ចាស់គណនីរហ័សអាចចូលប្រើប្រាស់សេវាហិរញ្ញវត្ថុដ៏ទំនើប និងបង្កើនបរិយាបន្នហិរញ្ញវត្ថុនៅក្នុងប្រទេស។
គណនីបញ្ញើបត់បែន និងគណនីបញ្ញើមានកាលកំណត់មានទាំងពីររូបិយប័ណ្ណ (ប្រាក់រៀលនិងប្រាក់ដុល្លារ) ខណៈដែលគណនីបញ្ញើមានកាលកំណត់ ផ្តល់អត្រាការប្រាក់ខ្ពស់ជាងគណនីបញ្ញើមានកាលកំណត់ដែលបើកនៅតាមបញ្ជរសាខាធនាគារ។
មុខងារកម្ចីភ្លាមៗ អនុញ្ញាតឲ្យអ្នកប្រើប្រាស់អាចស្នើសុំកម្ចីពេលត្រូវការប្រាក់បន្ទាន់តាមរយៈបញ្ញើមានកាលកំណត់ ជាប្រាក់ដុល្លារ ឬប្រាក់រៀលរបស់ខ្លួន ជាមួយធនាគារ ABA។ អតិថិជនកម្ចីអាចបង់ផ្តាច់កម្ចីភ្លាមៗ បានគ្រប់ពេលវេលាដោយពុំមានការពិន័យចំពោះការបង់ផ្តាច់កម្ចីមុនកាលកំណត់ ហើយនឹងត្រូវគិតការប្រាក់តាមចំនួនថ្ងៃដែល បានខ្ចីប៉ុណ្ណោះ។
មុខងារនេះមានភាពងាយស្រួលសម្រាប់ម្ចាស់គណនីបញ្ញើដែលត្រូវការសាច់ប្រាក់បន្ទាន់ ហើយមិនចង់បិទបញ្ញើមានកាលកំណត់របស់ខ្លួន និងធ្វើឲ្យបាត់បង់ការប្រាក់នោះឡើយ។ អ្នកប្រើប្រាស់គណនីរហ័សអាចដឹងបន្ថែមអំពី គណនីបត់បែនតាមទូរស័ព្ទ, គណនីកាលកំណត់តាមទូរស័ព្ទ, និង កម្ចីភ្លាមៗ របស់ធនាគារ ABA ដោយចូលទៅកាន់ទំព័រវិបសាយនីមួយៗ។
ប្រសិនបើអ្នកមិនទាន់មានគណនី ABA ទេ សូមប្រើទូរស័ព្ទស្មាតហ្វូនរបស់អ្នកដើម្បីដោនឡូតកម្មវិធី ABA Mobile រួចហើយ បើកគណនីរហ័ស (ត្រូវមានអត្តសញ្ញាណប័ណ្ណសញ្ជាតិខ្មែរ និងលេខទូរស័ព្ទ) ឬអញ្ជើញទៅបើកនៅសាខា ABA ណាមួយដែលនៅជិតអ្នកនៅថ្ងៃនេះ។
