ឥឡូវធនាគារ ABA មានផ្តល់ការផ្ទេរប្រាក់ តាមរយៈ SWIFT ជាប្រាក់ដុល្លារកាណាដា
24/Feb/2020
ដើម្បីគាំទ្រដល់តម្រូវការអតិថិជនដែលបន្តកើនឡើងជាលំដាប់សម្រាប់សេវាផ្ទេរប្រាក់ជុំវិញពិភពលោក ធនាគារ ABA នៅថ្ងៃនេះ ប្រកាសបញ្ចូលប្រាក់ដុល្លារកាណាដា (CAD) ទៅក្នុងបញ្ជីរូបិយប័ណ្ណរបស់ខ្លួនសម្រាប់ការផ្ទេរប្រាក់តាមរយៈប្រព័ន្ធ SWIFT ។
ឥឡូវនេះ អតិថិជន អាចប្រើគណនី ABA របស់ខ្លួនដើម្បីផ្ញើ ឬទទួលប្រាក់បានយ៉ាងងាយ និងសុវត្ថិភាព ពី/ទៅកាន់សាច់ញាតិ មិត្តភក្តិ ឬដៃគូអាជីវកម្មរបស់ខ្លួន ជាប្រាក់ដុល្លារកាណាដា (CAD) ជាមួយអត្រាប្តូរប្រាក់ទាប។ សម្រាប់ការផ្ទេរប្រាក់តាមរយៈ SWIFT ជាដុល្លារកាណាដា (CAD) ជ្រើសរើសធនាគារជាតិកាណាដា (លេខកូដ SWIFT៖ BNDCCAMMINT) ជាធនាគារទំនាក់ទំនងការផ្ទេរប្រាក់។
ដើម្បីជំរុញផ្សព្វផ្សាយការប្រកាសនេះ ធនាគារពន្យារប្រូម៉ូសិន មិនគិតថ្លៃសេវាទទួលប្រាក់ផ្ទេរតាម SWIFT ដែលអនុញ្ញាតឲ្យអតិថិជនធនាគារ ABA ទទួលប្រាក់ដុល្លារកាណាដា (CAD) ចូលគណនីធនាគាររបស់ខ្លួនដោយមិនមានការគិតថ្លៃសេវាទទួលប្រាក់! សម្រាប់ព័ត៌មានអំពីការផ្តល់ជូននេះ ចុចលីងខាងលើ។
ធនាគារ ABA ផ្តល់ជូនអតិថិជននូវសេវាផ្ទេរប្រាក់លឿន អាចទុកចិត្តបាន និងមានតម្លៃទាប នៅពេលផ្ញើ ឬទទួលប្រាក់ពី/ទៅកាន់ជាង 200 ប្រទេស។ សម្រាប់ព័ត៌មានបន្ថែម ចូលទៅកាន់ទំព័រ ផ្ទេរប្រាក់តាមរយៈ SWIFT។
