ABA គាំទ្រ មហាពិព័រណ៍ទិញទំនិញតាមអនឡាញ ដើម្បីជំរុញពាណិជ្ជកម្មអនឡាញក្នុងស្រុក
17/Sep/2021
ABA ដែលជាគ្រឹះស្ថានសេវាហិរញ្ញវត្ថុឌីជីថលឈានមុខរបស់កម្ពុជា មានសេចក្ដីសោមនស្សរីករាយ ក្នុងការចូលរួមជាដៃគូនៃមហាពិព័រណ៍ទិញទំនិញតាមអនឡាញ ពីថ្ងៃទី 17 ដល់ 19 កញ្ញា 2021 ក្នុងនាមជាភាគីបម្រើសេវាហិរញ្ញវត្ថតាមបច្ចេកវិទ្យាទំនើប (Fintech)។ ធនាគារ ផ្ដល់សេវាហិរញ្ញវត្ថុទំនើបពេញលេញ ដើម្បីសម្រួលដល់ការទូទាត់បែបឌីជីថល មិនប្រើសាច់ប្រាក់ តាមរយៈ ទូទាត់អនឡាញតាមកម្មវិធី Payway និង កម្មវិធី PayWay Mobile សម្រាប់ពាណិជ្ជករ និង មុខងារ មុខងារទូទាត់ប្រាក់ ABA PAY ក្នុង ABA Mobile សម្រាប់អតិថិជន។ ព្រឹត្តិការណ៍នេះ ត្រូវបានរំពឹងទុកថា នឹងមានអ្នកចូលរួមពីសំណាក់ អតិថិជន និងពាណិជ្ជករដែលជាសសហគ្រាសធុនតូច និងមធ្យម ប្រមាណជា 100,000។
ម្ចាស់ធុរកិច្ច និងអាជីវករ ដែលមានបំណងចូលរួមក្នុងព្រឹត្តិការណ៍នេះ ដើម្បីលក់ដូរផលិតផលរបស់ខ្លួន ត្រូវធ្វើការចុះឈ្មោះ តាមរយៈ ទីនេះ ហើយបញ្ចូលកម្មវិធី PayWay នៅលើវិបសាយ/app របស់ខ្លួន ឬ ប្រើប្រាស់ PayWay Mobile សម្រាប់ការទូទាត់ប្រាក់ពីអតិថិជន។ អំឡុងព្រឹត្តិការណ៍នេះ ម្ចាស់ធុរកិច្ច ចំនួន 50 ដែលប្រើប្រាស់សេវាទូទាត់ប្រាក់ឌីជីថលរបស់ ABA នឹងមានឱកាសឈ្នះរង្វាន់ទឹកប្រាក់ម្នាក់ៗចំនួន $50។
អតិថិជនទាំងអស់ ត្រូវបានលើកទឹកចិត្តឲ្យប្រើប្រាស់ ABA PAY នៅក្នុង ABA Mobile របស់ខ្លួន សម្រាប់ការទូទាត់ថ្លៃអីវ៉ាន់ដែលបានទិញអំឡុងព្រឹត្តិការណ៍នេះ។ ដើម្បីជាការលើកទឹកចិត្តដល់អ្នកប្រើប្រាស់ ABA PAY ធនាគារ នឹងមានផ្ដល់រង្វាន់ទឹកប្រាក់ $5 ចំនួន 100 រង្វាន់ ដែលនឹងត្រូវផ្ទេរចូលក្នុងគណនី ABA របស់ពួកគេ។
ក្រោមការរៀបចំរបស់ The Idea Consultancy និង UNDP កម្ពុជា ដោយមានការគាំទ្រពី ស្ថានទូតអូស្ត្រាលីប្រចាំប្រទេសកម្ពុជា និង ក្រសួងទូរគមនាគមន៍ និងប្រៃសណីយ៍ ព្រឹត្តិការណ៍ចំនួន 3ថ្ងៃនេះ មានគោលបំណងជួយធ្វើឌីជីថលូបនីយកម្មដល់ សហគ្រាសធុនតូច និងមធ្យមនៅក្នុងប្រទេស និងទាក់ទាញសកម្មភាពពាណិជ្ជកម្មតាមប្រព័ន្ធអេឡិកត្រូនិក ជាមួយអតិថិជន ជាពិសេសក្នុងបរិបទកូវីដ-១៩ នាពេលបច្ចុប្បន្ននេះ។ សមាជិកចូលរួមមានដូចជា សម្ព័ន្ធសមាគមសហគ្រាសធុនតូច និងមធ្យមកម្ពុជា, សហគ្រិនស្ត្រីកម្ពុជា, និងសមាគមបច្ចេកវិទ្យាឌីជីថលកម្ពុជា ដែលបានជួយ ពាក់ព័ន្ធនឹងការគាំទ្រ ការផ្សព្វផ្សាយព័ត៌មាន និងការបណ្ដុះបណ្ដាល ដល់សមាជិកនានា។
វិបត្តិរីករាលដាលជាសកល បានបង្កផលប៉ះពាល់យ៉ាងខ្លាំងដល់ធុរកិច្ចនានា ហើយការផ្លាស់ប្ដូរទម្លាប់របស់អតិថិជនក្នុងការទិញទំនិញ បានធ្វើឲ្យពួកគេកាន់តែឃ្លាតឆ្ងាយពីអតិថិជន។ តាមរយៈកិច្ចខិតខំប្រឹងប្រែងសម្រាប់សហគមន៍ ធនាគារ សង្ឃឹមថា ព្រឹត្តិការណ៍ពិព័រណ៍លើកដំបូងក្នុងវិស័យនេះ នឹងជំរុញលើកទឹកចិត្តដល់អាជីវកម្មដែលមិនទាន់បន្ស៊ាំទៅនឹងបច្ចេកវិទ្យា ឲ្យងាកមកធ្វើសកម្មភាពតាមអនឡាញ ថែមទាំងជំរុញបន្ថែមនូវបរិយាបន្នហិរញ្ញវត្ថុឌីជីថល និងសេដ្ឋកិច្ចឌីជីថលនៅក្នុងប្រទេស។
ដោនឡូត PayWay Mobile ឥឡូវនេះ៖
ដោនឡូត ABA Mobile ឥឡូវនេះ៖
