ភ្នាក់ងារ TrueMoney

ធនាគារ ABA បានចាប់ដៃគូជាមួយ TrueMoney ដើម្បីផ្ដល់ភាពងាយស្រួលដល់អតិថិជន ក្នុងការបង់ប្រាក់កម្ចី ឬដាក់ប្រាក់ចូលក្នុងគណនីរបស់ខ្លួន។ ជាមួយថ្លៃសេវាទាបចាប់ពី 2,000 រៀល ឬ 0.50ដុល្លារ លោកអ្នកអាចដាក់ប្រាក់ចូលក្នុងគណនី ABA របស់ខ្លួនបានយ៉ាងស្រួលនៅតាមភ្នាក់ងារផ្ទេរប្រាក់ TrueMoney ជាង 10,000កន្លែង ដែលនៅជិតផ្ទះ ឬកន្លែងធ្វើការរបស់អ្នកជាងសាខា ឬម៉ាស៊ីនដាក់ប្រាក់របស់ ABA។

រីករាយជាមួយនឹងការដាក់ប្រាក់ចូលគណនី ABA យ៉ាងងាយស្រួល និងលឿនរហ័សតាមរយៈភ្នាក់ងារផ្ទេរប្រាក់TrueMoney។

ជំហានងាយៗក្នុងការដាក់ប្រាក់ចូលគណនី ABA នៅតាមភ្នាក់ងារផ្ទេរប្រាក់ TrueMoney

អញ្ជើញទៅកាន់ភ្នាក់ងារផ្ទេរប្រាក់ TrueMoney ដែលនៅជិតបំផុត(ដើម្បីដឹងថាភ្នាក់ងារណានៅជិតជាងគេ សូមតេមក TrueMoney តាមរយៈលេខ 023 999 639)
ប្រាប់លេខគណនី ABA ទាំង 9ខ្ទង់ លេខទូរស័ព្ទផ្ទាល់ខ្លួន និងប្រគល់សាច់ប្រាក់ជាខ្មែររៀល ឬជាដុល្លារតាមចំនួនដែលត្រូវដាក់ និងថ្លៃសេវាដល់ភ្នាក់ងារផ្ទេរប្រាក់ TrueMoney។
ហើយស្រេច! អ្នកនឹងទទួលបានវិក្កយបត្រដាក់ប្រាក់ពីភ្នាក់ងារផ្ទេរប្រាក់ TrueMoney ជាមួយនឹងសារជូនដំណឹងដែលបញ្ជាក់ពីការដាក់ប្រាក់បានជោគជ័យ។

ថ្លៃសេវាដាក់ប្រាក់
សំណួរចម្លើយ

ថ្លៃសេវាដាក់ប្រាក់

ថ្លៃសេវាដាក់ប្រាក់ចូលក្នុងគណនី ABA តាមរយៈភ្នាក់ងារផ្ទេរប្រាក់ TrueMoney ត្រូវបានគិតជាប្រាក់រៀល និងប្រាក់ដុល្លារអាមេរិកដូចខាងក្រោម៖

រូបិយប័ណ្ណ ប្រាក់ដុល្លារ

ចំនួន	ថ្លៃសេវា	កំណត់/ថ្ងៃ
1 - 500	0.50	2,500
500.01 – 1,000	0.75
1,000.01 – 2,500	1.25

រូបិយប័ណ្ណ ប្រាក់រៀល

ចំនួន	ថ្លៃសេវា	កំណត់/ថ្ងៃ
4,000 – 2លាន	2,000	10លាន
2,000,100 – 4លាន	3,000
4,000,100 –10លាន	5,000

តើអ្វីជាសេវាផ្ទេរប្រាក់ ឬដាក់ប្រាក់រវាង ABA និង TrueMoney?

វាគឺជាសេវាភ្ជាប់ឬបញ្ចូលគ្នារវាងធនាគារ ABA និង TrueMoney ដែលអតិថិជន ABA អាចបង់ប្រាក់កម្ចីរបស់ខ្លួនតាមភ្នាក់ងារផ្ទេរប្រាក់របស់ TrueMoney ទូទាំងប្រទេស។

ធ្វើម៉េចទើបខ្ញុំអាចបង់កម្ចី ABA តាម TrueMoney បាន?

អ្នកអាចដាក់ប្រាក់តាមចំនួនដែលត្រូវដាក់នៅតាមភ្នាក់ងារផ្ទេរប្រាក់ TrueMoney ដែលមានទីតាំងនៅជិតផ្ទះ ឬកន្លែងការងាររបស់អ្នក។ ក្រោយដាក់ប្រាក់រួច ទឹកប្រាក់នោះនឹងចូលទៅក្នុងគណនីដែលត្រូវបង់កម្ចីនៅធនាគារ ABA ភ្លាមៗ។

តើព័ត៌មានអ្វីខ្លះ ដែលខ្ញុំត្រូវផ្តល់ឲ្យភ្នាក់ងារ TrueMoney ដើម្បីបង់កម្ចីរបស់ខ្ញុំដល់ធនាគារ ABA?

អ្នកត្រូវផ្តល់លេខគណនី ABA ទាំង 9ខ្ទង់, លេខទូរស័ព្ទផ្ទាល់ខ្លួន, និងចំនួនសាច់ប្រាក់ (ជាប្រាក់ដុល្លារ ឬប្រាក់រៀល) រួមទាំងថ្លៃសេវាទៅឲ្យភ្នាក់ងារ TrueMoney ជាការស្រេច។

តើខ្ញុំអាចរកភ្នាក់ងារមានសិទ្ធិរបស់ TrueMoney ដើម្បីបង់កម្ចីរបស់ខ្ញុំទៅធនាគារ ABA បានយ៉ាងដូចម្តេច?

ដើម្បីទទួលបានព័ត៌មានថ្មីៗពីភ្នាក់ងារ TrueMoney សូមទូរស័ព្ទទៅកាន់ផ្នែកផ្ដល់ព័ត៌មាន TrueMoney តាមរយៈលេខ 023 999 639។

តើខ្ញុំត្រូវធ្វើដូចម្តេចប្រសិនបើខ្ញុំផ្តល់លេខគណនីមិនត្រឹមត្រូវ ហើយប្រាក់របស់ខ្ញុំត្រូវបានផ្ទេររួចទៅហើយ?

អ្នកត្រូវប្រាប់ភ្នាក់ងារភ្លាមៗ ដើម្បីឲ្យគាត់អាចទាក់ទងទៅផ្នែកផ្ដល់ព័ត៌មាន TrueMoney ធ្វើការទប់ស្កាត់ទាន់ពេលវេលា។ចំណាំ៖ រាល់ពេលដាក់ប្រាក់ ភ្នាក់ងារ TrueMoney តែងតែផ្ទៀងផ្ទាត់ព័ត៌មាន ជាមួយអ្នកដើម្បីបញ្ជាក់ថាច្បាស់លាស់ជាមុនសិន មុនធ្វើប្រតិបត្តិការ។ ដូច្នេះសូមពិនិត្យឲ្យបានត្រឹមត្រូវ ហើយស្នើឲ្យភ្នាក់ងារកែតម្រូវលេខគណនីរបស់អ្នកភ្លាមៗ ប្រសិនបើអ្នកយល់ថាវាខុស។ សូមរក្សាទុកបង្កាន់ដៃ ដែលទទួលបានពីភ្នាក់ងារដើម្បីទុកជាឯកសារយោង ឬភ័ស្តុតាង។

តើខ្ញុំអាចសុំឲ្យសាច់ញាតិរបស់ខ្ញុំបង់កម្ចីជំនួសខ្ញុំបានទេ?

អ្នកអាចឲ្យសាច់ញាតិដាក់ជំនួសបាន។ សូមប្រាកដថាសាច់ញាតិរបស់អ្នកស្គាល់លេខគណនី ABA ទាំង 9ខ្ទង់ របស់អ្នកបានត្រឹមត្រូវ ហើយផ្តល់នូវចំនួនសាច់ប្រាក់ត្រឹមត្រូវ (ជាដុល្លារ ឬរៀល) រួមទាំងកម្រៃសេវាទៅឲ្យភ្នាក់ងារ TrueMoney។

តើខ្ញុំត្រូវធ្វើដូចម្តេច ប្រសិនបើខ្ញុំបានបង់កម្ចីរបស់ខ្ញុំតាមរយៈភ្នាក់ងារ TrueMoney ប៉ុន្តែមន្ត្រីឥណទានរបស់ធនាគារ ABA នៅតែតេមកខ្ញុំឲ្យទៅបង់កម្ចីទៀត?

ក្នុងករណីបែបនេះ សូមផ្ញើរូបថតបង្កាន់ដៃរបស់អ្នក ទៅមន្ត្រីឥណទានរបស់ធនាគារ ABA តាមរយៈបណ្តាញសង្គម សម្រាប់ជាឯកសារយោង ឬជាភ័ស្តុតាង។ ឬក៏អ្នកអាចតេមកផ្នែកផ្ដល់ព័ត៌មាន TrueMoney តាមលេខ 023 999 639 សម្រាប់ជំនួយ។

តើខ្ញុំនឹងទទួលបានសារជូនដំណឹងនៅក្នុងកម្មវិធី ABA Mobile របស់ខ្ញុំដែរឬទេ បន្ទាប់ពីខ្ញុំបានបង់កម្ចីតាមរយះភ្នាក់ងារ TrueMoney?

អ្នកនឹងទទួលបានសារជូនដំណឹងដែលបញ្ជាក់ថាអ្នកបានដាក់ប្រាក់រួចរាល់។

តើថ្លៃសេវាបង់កម្ចីតាមភ្នាក់ងារ TrueMoney មានតម្លៃដូចម្តេច?

តម្លៃសេវា គឺអាស្រ័យលើចំនួនទឹកប្រាក់ដែលអ្នកបង់។ សូមពិនិត្យមើលតារាងតម្លៃសេវាដាក់ប្រាក់លម្អិត។ចំណាំ៖ ថ្លៃសេវាត្រូវបង់ដោយឡែកពីចំនួនទឹកប្រាក់ដែលអ្នកចង់ដាក់ទៅគណនីធនាគារ ABA របស់អ្នក។

តើទឹកប្រាក់អប្បបរមា និងអតិបរមាក្នុងមួយប្រតិបត្តិការសម្រាប់ការបង់កម្ចីតាមភ្នាក់ងារ TrueMoney មានចំនួនប៉ុន្មាន?

ចាប់ពី 1 – 2,500ដុល្លារ ឬ 4,000 – 10,000,000រៀល ក្នុងមួយប្រតិបត្តិការ។

តើក្នុងរយៈពេលមួយថ្ងៃ ខ្ញុំអាចដាក់ប្រាក់ច្រើនដង ទៅក្នុងគណនី ABA តាមភ្នាក់ងារ TrueMoney បានដែរឬទេ?

អ្នកអាចដាក់បានច្រើនដងក្នុងមួយថ្ងៃ។ រាល់ប្រតិបត្តិការថ្មីទាំងអស់ ត្រូវបង់ថ្លៃសេវាថ្មី។ សម្រាប់ព័ត៌មានលំអិត សូមពិនិត្យមើលតារាងកម្រៃសេវាដាក់ប្រាក់។

ដោនឡូត ABA Mobile

ក្រោយពីដាក់ប្រាក់ចូលគណនីរួច អ្នកអាចឆែកមើលទឹកប្រាក់បានយ៉ាងងាយ តាមកម្មវិធី ABA Mobile ដ៏មានសុវត្ថិភាព និងងាយស្រួលប្រើ។ កម្មវិធីនេះ Free ទាំងដោនឡូត និងប្រើប្រាស់។

ចុចលើសញ្ញាខាងក្រោម ដើម្បីដោនឡូតកម្មវិធីពី Apple Store ឬ Google Play Store ឬ Huawei AppGallery ។ ក្រោយដោនឡូតរួច អ្នកគ្រាន់តែអនុវត្តតាមការណែនាំលើអេក្រង់ នោះអ្នកអាចប្រើបានភ្លាម!