បើកកាត ABA Visa Platinum មានឱកាសឈ្នះកញ្ចប់ធ្វើដំណើរ សម្រាប់ទស្សនាការប្រកួត FIFA World Cup នៅកាណាដា
04/Aug/2025
ដំណឹងល្អសម្រាប់ហ្វែនៗបាល់ទាត់! រដូវកាល FIFA World Cup 2026 ឈានជិតចូលមកដល់ហើយ - អ្នកអាចមានឱកាសចូលរួមទស្សនាការប្រកួតដោយផ្ទាល់។ គ្រាន់តែបើកកាត ABA Visa Platinum អ្នកនឹងមានឈ្មោះស្វ័យប្រវត្តនៅក្នុងការចាប់រង្វាន់ដែលអាចឈ្នះកញ្ចប់ដំណើរកម្សាន្ដ សម្រាប់ចូលរួមទស្សនាការប្រកួត FIFA World Cup 2026 នៅទីក្រុងវែនឃូវើ ប្រទេសកាណាដាណា នៅថ្ងៃទី18 មិថុនា 2026។
បើកកាត ABA Visa Platinum ថ្ងៃនេះ ដើម្បីមានឱកាសទទួលបានបទពិសោធផ្ទាល់ ត្រជាក់ភ្នែក នៃព្រឹត្តិការណ៍កីឡាដ៏ធំបំផុតរបស់ពិភពលោក!
របៀបស្នើបើកកាត ABA Visa Platinum ក្នុងកម្មវិធី ABA Mobile
- ចុចលើប៊ូតុង កាត នៅលើអេក្រង់ដើម
- ចុចលើ កាតឥណពន្ធ
- ជ្រើសរើស កាត Visa Platinum
- ជ្រើសរើស គណនីប្រាក់ដុល្លារណាមួយ ដែលអ្នកចង់ភ្ជាប់កាតជាមួយ
- ជ្រើសរើស មធ្យោបាយទទួលកាត 6.បញ្ជាក់ជាមួយលេខកូដ PIN ABA Mobile របស់អ្នក។
រយៈពេលប្រូម៉ូសិន៖ ថ្ងៃទី 15 ធ្នូ 2025 ដល់ថ្ងៃទី 15 កុម្ភៈ 2026
ដំណើរការនៃប្រូម៉ូសិន៖ អ្នកប្រើ ABA Mobile ដែលបើកកាត ABA Visa Platinum ក្នុងអំឡុងពេលប្រូម៉ូសិន នឹងមានឈ្មោះដោយស្វ័យប្រវត្ដក្នុងការចាប់រង្វាន់កញ្ចប់ធ្វើដំណើរសម្រាប់ពីរនាក់ទៅទស្សនា FIFA World Cup នៅទីក្រុងវែនឃូវើ ប្រទេសកាណាដា ដែលនឹងធ្វើឡើងនៅថ្ងៃទី18 មិថុនា 2026។
ខ និងលក្ខខណ្ឌ
- ប្រូម៉ូសិននេះ ផ្ដល់ជូនផ្ដាច់មុខសម្រាប់អ្នកប្រើ ABA Mobile ដែលបើកកាត ABA Visa Platinum ក្នុងអំឡុងពេលប្រូម៉ូសិន។
- អតិថិជន ABA នឹងទទួលបានឱកាសមួយដងនៅក្នុងការចាប់រង្វាន់ រាល់ពេលបើកកាត ABA Visa Platinum អំឡុងពេលប្រូម៉ូសិន។
- អ្នកឈ្នះចំនួន 2 រូប នឹងត្រូវចាប់ឈ្មោះជ្រើសរើសសម្រាប់ កញ្ចប់ធ្វើដំណើរសម្រាប់ពីរនាក់ទៅទស្សនា FIFA World Cup នៅទីក្រុងវែនឃូវើ ប្រទេសកាណាដា។
- ការចាប់រង្វាន់ នឹងត្រូវធ្វើឡើងទៅតាមកាលវិភាគដូចខាងក្រោម៖
- កាលបរិច្ឆេទ៖ 17 កុម្ភៈ 2026
- ជ្រើសរើសអ្នកឈ្នះចំនួន 2 រូប
- អ្នកឈ្នះរង្វាន់ម្នាក់ៗ នឹងទទួលបានកញ្ចប់ធ្វើដំណើរសម្រាប់មនុស្ស 2 នាក់ទៅប្រទេសកាណាដា និងសំបុត្រចូលទស្សនាការប្រកួត FIFA World Cup។ កញ្ចប់ដំណើរកម្សាន្ដនេះ នឹងរ៉ាប់រងលើការចំណាយដូចជា៖
- ថ្លៃទិដ្ឋាការទៅប្រទេសកាណាដាសម្រាប់មនុស្ស 2 នាក់
- សំបុត្រយន្តហោះទៅមក ភ្នំពេញ-វែនឃូវើ ចំនួន 2 សន្លឹក
- ការស្នាក់នៅ 4 យប់ នៅសណ្ឋាគារផ្កាយបួន នៅទីក្រុងវែនឃូវើ
- សំបុត្រ 2 សន្លឹក សម្រាប់ទស្សនាការប្រកួតវគ្គជម្រុះ Match 27 របស់ FIFA World Cup 2026 នៅថ្ងៃទី18 មិថុនា 2026
- ការធ្វើដំណើរពីសណ្ឋាគារទៅព្រលានយន្ដហោះក្នុងទីក្រុងវែនឃូវើ
- ការធ្វើដំណើរទៅមកពីសណ្ឋាគារ និងកីឡដ្ឋាន
- ការចំណាយលើអាហារ អីវ៉ាន់ផ្ទាល់ខ្លួន និងចំណាយផ្សេងទៀត ដែលមិនមានបញ្ជាក់នៅក្នុងកញ្ចប់ដំណើរកម្សាន្ដនេះ មុន ឬអំឡុងពេលស្នាក់នៅទីក្រុងវែនឃូវើ គឺជាបន្ទុកផ្ទាល់របស់អ្នកឈ្នះ។
- ធនាគារ ABA នឹងធានារៀបចំការហោះហើរ និងការស្នាក់នៅ ឲ្យមានលក្ខណៈសមរម្យ។ ការផ្ដល់ជូននៅក្នុងកញ្ចប់ធ្វើដំណើរនេះត្រូវបានកំណត់ទាំងស្រុងដោយធនាគារ ABA។ អ្នកឈ្នះមិនអាចស្នើសុំកែប្រែ ឬកែសម្រួលណាមួយពាក់ព័ន្ធនឹងកញ្ចប់ធ្វើដំណើរនេះទេ។ ដោយឡែក អ្នកឈ្នះអាចស្នើសុំបន្ថែម ឬដំឡើងសេវាកម្មណាមួយ ប៉ុន្ដែជាបន្ទុកចំណាយផ្ទាល់របស់អ្នកឈ្នះ និងអាស្រ័យលើការយល់ព្រមពីធនាគារ ABA និងភ្នាក់ងាររៀបចំដំណើរកម្សាន្ដ។
- ភ្នាក់ងាររៀបចំដំណើរកម្សាន្ដនឹងជួយសម្របសម្រួលដល់ដំណើរការស្នើសុំទិដ្ឋាការ និងឯកសារនានាពាក់ព័ន្ធនឹងការធ្វើដំណើរដល់អ្នកឈ្នះ។
- អ្នកឈ្នះត្រូវផ្តល់រាល់ឯកសារដែលចាំបាច់ សម្រាប់ការស្នើទិដ្ឋាការ ការរៀបចំការធ្វើដំណើរ និងការផ្ទៀងផ្ទាត់ផ្សេងៗ។
- ការិយាល័យអន្តោប្រវេសន៍ ទិដ្ឋាការ និងសញ្ជាតិ (IRCC) របស់កាណាដា ជាអ្នកមានយុត្តាធិការសម្រេចតែមួយគត់លើការចេញទិដ្ឋាការ។ អ្នកឈ្នះទទួលខុសត្រូវទាំងស្រុងក្នុងការអនុលោមតាមច្បាប់ និងបទប្បញ្ញត្តិអន្ដោប្រវេសន៍របស់ប្រទេសកាណាដាជាធរមាន។
- ប្រសិនបើមិនទទួលបានទិដ្ឋាការ (ធ្លាក់វីសា) នោះអ្នកឈ្នះនឹងត្រូវដកចេញពីការទទួលរង្វាន់នេះដោយស្វ័យប្រវត្ត។ ក្នុងករណីបែបនេះ អ្នកឈ្នះអាចនឹងទទួលបានកញ្ចប់ធ្វើដំណើរទៅសិង្ហបុរីចំនួនបីថ្ងៃពីរយប់ ជំនួសវិញ។ មិនមានការផ្តល់សំណងផ្សេងពីនេះ ឬការពន្យារពេលណាមួយ សម្រាប់អតិថិជននោះទេ។
- ធនាគារ ABA រក្សាសិទ្ធិក្នុងការរើសអ្នកឈ្នះថ្មីមកជំនួសសម្រាប់រង្វាន់កញ្ចប់ធ្វើដំណើរទៅទីក្រុងវែនឃូវើ ក្នុងករណីអ្នកឈ្នះដំបូង មិនបានទទួលទិដ្ឋាការ។
- ក្រុមការងារ ABA នឹងទាក់ទងទៅអ្នកឈ្នះរង្វាន់ដោយផ្ទាល់ក្នុងរយៈពេលពីរថ្ងៃ ដើម្បីបញ្ជាក់ពីការទទួលរង្វាន់ តាមលេខទូរស័ព្ទតែមួយខ្សែគត់ 098 203 203 ។ អ្នកឈ្នះត្រូវឆ្លើយតប និងបញ្ជាក់ទទួលរង្វាន់ ពេលក្រុមការងារទាក់ទង។ ប្រសិនបើអតិថិជនមិនបានលើកទូរស័ព្ទ ឬបញ្ជាក់ពីការទទួលរង្វាន់ក្នុងរយៈពេលពីរថ្ងៃ នោះយើងខ្ញុំនឹងជ្រើសរើសអ្នកឈ្នះថ្មីមកជំនួស។
- អ្នកឈ្នះត្រូវអញ្ជើញមកទទួលរង្វាន់នៅការិយាល័យកណ្តាលរបស់ធនាគារ ABA ដោយចុះហត្ថលេខាលើទម្រង់បែបបទទទួលរង្វាន់ ក្នុងរយៈពេល 3 ថ្ងៃ បន្ទាប់ពីក្រុមការងារ ABA ទាក់ទងទៅរួច។ ប្រសិនបើអតិថិជនមិនមកតាមពេលដែលបានកំណត់នោះទេ យើងខ្ញុំនឹងជ្រើសរើសអ្នកឈ្នះថ្មីមកជំនួស។
- តាមរយៈការទទួលរង្វាន់ អ្នកឈ្នះបានយល់ព្រមទៅតាមការកំណត់ផ្សេងៗ និងការផ្ដល់ជូនក្នុងកញ្ចប់ធ្វើដំណើរ ដូចដែលបានរៀបរាប់ខាងលើ ហើយយល់ព្រមសហការជាមួយភ្នាក់ងាររៀបចំដំណើរកម្សាន្ដ និងធនាគារ ABA ក្នុងដំណើរការស្នើសុំទិដ្ឋាការ និងរៀបចំការធ្វើដំណើរផ្សេងៗ។ អ្នកឈ្នះ នឹងត្រូវបានជម្រាបដំណឹងអំពីចន្លោះពេលចាំបាច់ សម្រាប់ដាក់ឯកសារ និងបំពេញបែបបទផ្សេងៗ។ ក្នុងករណីមានការ ខកខានមិនបានផ្តល់ឯកសារទាន់ពេល ធនាគារ ABA មានសិទ្ធិក្នុងការដករង្វាន់ពីអ្នកឈ្នះ។
- ក្នុងករណីអ្នកឈ្នះស្ម័គ្រចិត្តដកខ្លួន ឬធ្វើឲ្យមានការយឺតយ៉ាវដោយមិនសមហេតុផល សម្រាប់ការស្នើសុំទិដ្ឋាការ ធនាគារ ABA រក្សាសិទ្ធិក្នុងការដករង្វាន់ពីអ្នកឈ្នះ។ ករណីនេះ នឹងមិនមានសំណង ឬការកែប្រែកាលវិភាគធ្វើដំណើរណាមួយនឹងត្រូវផ្តល់ជូននោះទេ។
- រង្វាន់នេះមិនអាចដូរយកជាសាច់ប្រាក់ ឬផលិតផលផ្សេងបានទេ។ ដោយឡែក រង្វាន់អាចផ្ទេរទៅអតិថិជនដែលជាម្ចាស់កាត ABA Visa ផ្សេងបាន ដោយមានការបញ្ជាក់ជាលាយលក្ខណ៍អក្សរពីម្ចាស់រង្វាន់ដើម។
- តាមរយៈការចូលរួមក្នុងប្រូម៉ូសិននេះ អ្នកឈ្នះនឹងតម្រូវឲ្យចូលរួមក្នុងសកម្មភាពផ្សព្វផ្សាយនានាស្វ័យប្រវត្ត ដោយឈ្មោះ និងរូបភាព អាចនឹងត្រូវបង្ហាញជាសាធារណៈ។
- បុគ្គលិកធនាគារ ABA មិនអាចចូលរួមក្នុងប្រូម៉ូសិននេះទេ។
- ធនាគារ ABA និងក្រុមហ៊ុន Visa រក្សាសិទ្ធិតាមឆន្ទានុសិទ្ធិរបស់ខ្លួនក្នុងការផ្លាស់ប្ដូរ ឬកែប្រែលក្ខខណ្ឌ ឬបញ្ចប់ប្រូម៉ូសិននេះដោយមិនជម្រាបដំណឹងជាមុនឡើយ។
- ការសម្រេចចិត្តរបស់ធនាគារ ABA និងក្រុមហ៊ុន Visa អំពីបញ្ហាណាមួយពាក់ព័ន្ធនឹងប្រូម៉ូសិននេះ គឺជាការសម្រេចចុងក្រោយ ដោយមិនមានការកែប្រែ។
