ឥឡូវនេះ កម្មវិធី PayWay Mobile មាននៅលើ iOS ហើយ!

07/Jun/2021

ធនាគារ ABA សូមប្រកាសដាក់ឲ្យដំណើរការកម្មវិធី PayWay Mobile នៅលើប្រព័ន្ធប្រតិបត្តិការ iOS។ បន្ថែមពីលើកម្មវិធីដែលមានស្រាប់សម្រាប់ទូរស័ព្ទ Android ការដំឡើងសមត្ថភាពនេះ អនុញ្ញាតឲ្យអ្នកប្រើទូរស័ព្ទ iPhone អាចចាប់ផ្តើមទទួលការទូទាត់បែបឌីជីថលបានភ្លាមៗសម្រាប់អាជីវកម្ម ឬការលក់ដូររបស់ខ្លួន ជាប្រាក់រៀល និងប្រាក់ដុល្លារ តាមរយៈទូរស័ព្ទស្មាតហ្វូន។ អ្វីដែលត្រូវការ គឺគណនី ABA¹ មានដំណើរការ ហើយបន្ទាប់ពីបើកដំណើរការតាមជំហានងាយ អាជីវករ ឬអ្នកលក់ដូរអាចចាប់ផ្តើមបង្កើតកូដ QR សម្រាប់អតិថិជនស្គែនបង់លុយបានភ្លាមៗ។

ពាណិជ្ជករអាចប្រើកម្មវិធី PayWay Mobile ដើម្បីត្រួតពិនិត្យការលក់ជាមួយជម្រើសត្រួតពិនិត្យតាមពេលវេលាជាក់ស្តែង មើលប្រវត្តិប្រតិបត្តិការ និងផ្ញើវិក្កយបត្រអេឡិកត្រូនិក។ អ្នកដែលកំពុងប្រើកម្មវិធី PayWay Mobile នៅលើទូរស័ព្ទ Android នាពេលបច្ចុប្បន្ន និងមានបំណងចង់ប្តូរទៅប្រើទូរស័ព្ទប្រើប្រព័ន្ធប្រតិបត្តិ្កការ iOS វិញ អាចប្តូរបានយ៉ាងងាយស្រួលដោយមិនចាំបាច់ចុះឈ្មោះបន្ថែមទៀតឡើយ៖

ដោនឡូត និងបើកដំណើរការកម្មវិធី PayWay Mobile នៅលើទូរស័ព្ទ iPhone របស់អ្នក
ចុះឈ្មោះជាមួយនឹងឈ្មោះបើកចូលប្រើ (username) និងពាក្យសម្ងាត់ (password) របស់អ្នកដែលបានបង្កើតសម្រាប់ទូរស័ព្ទ Android របស់អ្នកពីមុន
ផ្ទៀងផ្ទាត់ដោយប្រើលេខសម្ងាត់ OTP ដែលទទួលបានតាមសារ SMS²។

_{¹ អ្នកអាចបើកគណនីដំបូងរបស់អ្នកតាមរយៈ ABA Mobile ដោយដោនឡូតឥឡូវនេះ។
² នៅពេលបើកចូលទូរស័ព្ទថ្មី អ្នកនឹងត្រូវបើកចេញដោយស្វ័យប្រវត្តិពីទូរស័ព្ទដែលកំពុងប្រើ។}

កម្មវិធី PayWay Mobile ជា ’មធ្យោបាយទូទាត់ចល័ត’ (mPOS) ដើម្បីឲ្យអាជីវករ ឬអ្នកលក់ដូរ ទទួលទូទាត់ប្រាក់ពីអតិថិជនរបស់ខ្លួនបានយ៉ាងងាយស្រួល។ កម្មវិធីនេះ ឥតគិតថ្លៃសេវា និងស័ក្តិសមនឹងអាជីកម្មផ្សេងៗជាច្រើន ដូចជា ហាងកាហ្វេ ហាងថែសម្ផស្ស អាជីវកម្មអនឡាញ អាជីវកម្មផ្តល់សេវា និងអាជីវកម្មផ្សេងៗជាច្រើនទៀត។

កម្មវិធី PayWay Mobile ជាផ្នែកមួយនៃកិច្ចខិតខំប្រឹងប្រែងរបស់ធនាគារក្នុងការគាំទ្រដល់អាជីវកម្មក្នុងស្រុកក្នុងការប្រមូលការទូទាត់បែបឌីជីថល និងលើកទឹកចិត្តឲ្យប្រជាពលរដ្ឋកម្ពុជាធ្វើការទូទាត់បែបឌីជីថលជំនួសសាច់ប្រាក់សុទ្ធ។

ចុច ត្រង់នេះ ដើម្បីដឹងបន្ថែមអំពីកម្មវិធី PayWay Mobile និងអត្ថប្រយោជន៍សម្រាប់អាជីវកម្មរបស់អ្នក។ សម្រាប់ចម្ងល់នានា លោកអ្នកអាចទាក់មកកាន់យេីងខ្ញុំបានគ្រប់ពេល តាមលេខ 023 225 333 ឬឆាតជាមួយយើងខ្ញុំតាម ផេក Facebook ឬវិបសាយរបស់យើងខ្ញុំ។

ដោនឡូតកម្មវិធី PayWay Mobile ឥឡូវ៖