នាយក​ប្រតិបត្តិ​ធនាគារជាតិ​កា​ណា​ដា​កោតសរសើរ​ការ​អភិវឌ្ឍ​របស់​ ABA​ ក្នុង​ថ្ងៃ​ទស្សនកិច្ច​ប្រចាំឆ្នាំ​

25/Mar/2019

National​ Bank​ of​ Canada​ 2National​ Bank​ of​ Canada​ 2
National​ Bank​ of​ Canada​ 9National​ Bank​ of​ Canada​ 9
National​ Bank​ of​ Canada​ 8National​ Bank​ of​ Canada​ 8
National​ Bank​ of​ Canada​ 7National​ Bank​ of​ Canada​ 7
National​ Bank​ of​ Canada​ 6National​ Bank​ of​ Canada​ 6
National​ Bank​ of​ Canada​ 5National​ Bank​ of​ Canada​ 5
National​ Bank​ of​ Canada​ 4National​ Bank​ of​ Canada​ 4
National​ Bank​ of​ Canada​ 3National​ Bank​ of​ Canada​ 3

​កាលពី​ថ្ងៃ​ទី​ 19​ ដល់​ 21​ ខែមីនា​ ឆ្នាំ​2019​ កន្លង​ទៅ​ថ្មីៗ​នេះ​ លោក​ Louis​ Vachon​ អគ្គនាយក​ និង​ជានា​យក​ប្រតិបត្តិ​របស់​ ធនាគារជាតិ​កា​ណា​ដា​ បាន​ធ្វើ​ទស្សនកិច្ច​មក​កាន់​ទីស្នាក់ការ​កណ្តាល​របស់​ធនាគារ​ ABA​ និង​ស្ថាប័ន​ផ្សេងៗ​ទៀត​របស់​ធនាគារ​។​ នេះ​គឺជា​ទស្សនកិច្ច​លើក​ទី​បី​ហើយ​របស់​លោក​ Vachon​ ចាប់តាំងពី​ឆ្នាំ​ 2017​ មក​ ហើយ​វា​ក៏​បាន​បង្ហាញ​ពី​ការ​តាំងចិត្ត​របស់​ធនាគារជាតិ​កា​ណា​ដា​ចំពោះ​ការ​អភិវឌ្ឍ​របស់​ធនាគារ​ ABA​ ផង​ដែរ​។​

​អំឡុង​ពេល​នៃ​ការ​ធ្វើ​ទស្សនកិច្ច​ លោក​ Louis​ Vachon​ បាន​ចូលរួម​ក្នុង​កិច្ចប្រជុំ​ក្រុមប្រឹក្សាភិបាល​ប្រចាំឆ្នាំ​ ដែល​មានការ​ចូលរួម​ពី​សមាជិក​ក្រុមប្រឹក្សាភិបាល​ដូច​ជា​ សវន​កម្ម​ គណៈកម្មាធិការ​អនុវត្ត​តាម​ អភិបាលកិច្ច​ គណៈកម្មាធិការ​ហានិភ័យ​ និង​ផ្នែក​ផ្សេងៗ​ទៀត​។​

​ក្រៅពី​នោះ​ នាយក​ប្រតិបត្តិ​របស់​ធនាគារជាតិ​កា​ណា​ដា​ ក៏​បាន​រៀបចំ​កិច្ចប្រជុំ​ជាមួយ​ស្ថាប័ន​ផ្សេងៗ​របស់​ធនាគារ​ ABA​ ផង​ដែរ​។​ តួយ៉ាង​ នៅ​ថ្ងៃ​ទី​ 19​ មីនា​ លោក​ Vachon​ បាន​ធ្វើ​ទស្សនកិច្ច​មជ្ឈមណ្ឌល​សេវា​ធនាគារ​អាជីវកម្ម​ ដែល​ទើប​បើក​ថ្មី​ និង​អគារ​ការិយាល័យ​ទីស្នាក់ការ​កណ្តាល​ផង​ដែរ​។

ដោយ​មាន​ទីតាំង​ស្ថិត​នៅ​ជាន់​ទី​មួយ​នៃ​អគារ​ការិយាល័យ​កណ្តាល​របស់​ ABA​ ដែល​ស្ថិត​នៅ​តាម​បណ្តោយ​មហាវិថី​ព្រះ​សីហ​នុ​ដ៏​មមាញឹក​ក្នុង​ទីក្រុង​ភ្នំពេញ​ មជ្ឈមណ្ឌល​សេវា​ធនាគារ​អាជីវកម្ម​ផ្តល់​ជូន​នូវ​សេវា​ធនាគារ​ដែល​មានគុណ​ភាព​ ជូន​ដល់​វិស័យ​សហគ្រាស​ធុន​តូច​និង​មធ្យម​ ក្រុមហ៊ុន​ធំៗ​ ក៏​ដូច​ជា​ក្រុមហ៊ុន​សាជីវកម្ម​ពហុ​ជាតិ​ និង​អាជីវកម្ម​ក្នុងស្រុក​ ដែល​កំពុង​ប្រតិបត្តិការ​យ៉ាង​លេចធ្លោ​នៅ​កម្ពុជា​។​ មជ្ឈមណ្ឌល​ក៏​មាន​ផ្តល់​កន្លែង​ចំណតរថយន្ត​ កន្លែង​រង់ចាំ​ បញ្ជរ​បម្រើ​អតិថិជន​ ក៏​ដូច​ជា​បន្ទប់​ឯកជន​សម្រាប់​ផ្តល់​ប្រឹក្សា​មួយ​ទល់​នឹង​មួយ​ជាមួយ​បុគ្គលិក​ដែល​មាន​ជំនាញ​ធ្វើការ​ផ្ទាល់​លើ​ផ្នែក​អាជីវកម្ម​ផង​ដែរ​។​

អគារ​សេវា​អតិថិជន​នៃ​ការិយាល័យ​កណ្តាល​របស់​ ABA​ គឺជា​សាខា​ដ៏​សំខាន់​មួយ​ ដែល​មាន​កាលវិភាគ​ម៉ោង​ធ្វើការ​បន្ថែម​ផង​ដែរ​។​ សាខា​ចាប់​បើក​បម្រើសេវា​ជូន​អតិថិជន​ចាប់ពី​ម៉ោង​ 8​ព្រឹក​ ដល់​ម៉ោង​ 8​ល្ងាច​ ពី​ថ្ងៃ​ចន្ទ​ ដល់​ថ្ងៃអាទិត្យ​ និង​បាន​ក្លាយជា​កន្លែង​បម្រើសេវា​ធនាគារ​ដ៏​មាន​ភាព​ងាយស្រួល​សម្រាប់​ប្រជាជន​ដែល​ធ្វើការ​ ឬ​បម្រើ​ការ​នៅ​ក្នុង​តំបន់​បឹង​កេងកង​នៃ​រាជធានី​ភ្នំពេញ​។​

​នៅ​ថ្ងៃ​តែ​មួយ​នោះ​ លោក​ Vachon​ ក៏​បាន​ចូលរួម​សម្ពោធ​មជ្ឈមណ្ឌល​បណ្តុះបណ្តាល​ ABA​ និង​បាន​ចូលរួម​ប្រជុំ​ជាមួយ​អ្នកគ្រប់គ្រង​របស់​ធនាគារ​ផង​ដែរ​។​ ក្នុងអំឡុងពេល​នៃ​កិច្ចប្រជុំ​ លោក​បាន​បញ្ជាក់​ជា​ថ្មី​អំពី​ការ​ផ្តោត​ការ​យកចិត្តទុកដាក់​របស់​ធនាគារជាតិ​កា​ណា​ដា​ ទៅ​លើ​ធនធានមនុស្ស​ដែល​បង្កើត​បានជា​ទ្រព្យសកម្ម​សំខាន់​របស់​សម្ពន្ធ​ធនាគារជាតិ​កា​ណា​ដា​។​

“​មាន​ហេតុផល​ជា​ច្រើន​ដែល​ធនាគារជាតិ​កា​ណា​ដា​ បាន​សម្រេចចិត្ត​វិនិយោគ​លើ​ធនាគារ​ ABA​។​ ហេតុផល​មួយ​ក្នុង​ចំណោម​នោះ​ គឺ​អនាគត​នៃ​ប្រទេស​កម្ពុជា​ ព្រោះ​យើង​បានឃើញ​ពី​អនាគត​ដ៏​ត្រចះត្រចង់​សម្រាប់​ប្រទេស​ និង​ប្រជាជន​របស់​ប្រទេស​មួយ​នេះ​។​ ដូច​គ្នា​នេះ​ផង​ដែរ​ យើង​ចែករំលែក​ទស្សនៈ​ដូច​គ្នា​ពី​របៀប​ដំណើរការ​ធនាគារ​ និង​អ្វី​ដែល​ចាំបាច់​អំពី​ធនាគារ​។​ អ្វី​ដែល​ធ្វើ​ឲ្យ​យើង​ព្រមព្រៀង​គ្នា​យ៉ាង​ឆាប់រហ័ស​នោះ​គឺថា​ ការ​ធ្វើ​ជំនួញ​ធនាគារ​គឺ​ត្រូវ​ផ្តោត​ទៅ​លើ​ប្រជាជន​។​ ទេព​កោសល្យ​តែងតែ​ជា​កត្តា​ចម្បង​ដាច់​ដោយឡែក​ពី​វិស័យ​ធនាគារ​។​ ហេតុ​ដូច្នេះ​ហើយ​ ទើប​យើង​វិនិយោគ​ទៅ​លើ​ការ​បង្កើត​មជ្ឈមណ្ឌល​បណ្តុះបណ្តាល​ធនធានមនុស្ស​នៅ​ទី​នេះ​ ព្រោះ​វា​មាន​សារៈសំខាន់​ណាស់​សម្រាប់​ធុរកិច្ច​របស់​យើង​ ហើយ​យើង​នឹង​បន្ត​ធ្វើ​វា​បន្ត​ទៅ​ទៀត​”​ នេះ​បើ​តាម​ការ​ថ្លែង​របស់​លោក​ Louis​ Vachon​។​

“​សម្រាប់​ខ្ញុំ​ និង​ក្រុមប្រឹក្សាភិបាល​របស់​ធនាគារជាតិ​កា​ណា​ដា​ យើង​សូម​ថ្លែងអំណរគុណ​យ៉ាង​ជ្រាលជ្រៅ​សម្រាប់​អ្វីៗ​គ្រប់​បែប​យ៉ាង​ដែល​អ្នក​ទាំងអស់​គ្នា​បាន​ធ្វើ​ និង​បន្ត​ធ្វើ​ជា​រៀងរាល់ថ្ងៃ​។​ ហើយ​ខ្ញុំ​សូម​ថ្លៃ​ង​អំណរ​គុណ​យ៉ាង​ជ្រាលជ្រៅ​ ចំពោះ​ការ​សម្រេច​បាន​លទ្ធផល​ផ្នែក​ហិរញ្ញវត្ថុ​ដ៏​គួរ​ឲ្យ​ស្ញប់ស្ញែង​”​ លោក​បាន​បន្ថែម​។​

​នាយក​ប្រតិបត្តិ​របស់​ធនាគារ​ ABA​ លោក​ Askhat​ Azhikhanov​ បាន​មាន​អនុសាសន៍​ចំពោះ​ការ​សម្ពោធ​មជ្ឈមណ្ឌល​បណ្តុះបណ្តាល​ថា​ “​នៅ​ ABA​ យើង​តែងតែ​និយាយ​ថា​ ទ្រព្យសកម្ម​ដ៏​ចម្បង​របស់​យើង​គឺជា​មនុស្ស​របស់​យើង​។​ ហើយ​យើង​ត្រូវ​បន្ត​ការ​វិនិយោគ​ទៅ​លើ​គុណភាព​នៃ​ទ្រព្យ​មួយ​នេះ​ ដោយ​ពង្រឹង​បន្ថែម​នូវ​ចំណេះដឹង​ និង​ជំនាញ​របស់​បុគ្គលិក​យើង​ ទៅ​លើ​ចក្ខុវិស័យ​ បេសកកម្ម​ និង​គុណ​តម្លៃ​របស់​យើង​ចំពោះ​ផលិតផល​និង​សេវាកម្ម​ ក៏​ដូច​ជា​ទំនោរ​ថ្មី​នៅ​ក្នុង​ផ្នែក​ទីផ្សារ​ និង​ប្ចេកវិទ្យា​ផង​ដែរ​។​ ដើម្បី​ផ្តល់​ចំណេះដឹង​នេះ​ យើង​ត្រូវការ​ហេ​ដ្ឋា​រចនា​សម្ពន្ធ​សមរម្យ​មួយ​។​ នេះ​ហើយ​គឺជា​មូលហេតុ​ដែល​យើង​សាងសង់​ មជ្ឈមណ្ឌល​បណ្តុះបណ្តាល​ដ៏​ធំ​នេះ​ឡើង​ ដើម្បី​បំពេញតម្រូវការ​របស់​យើង​ដែល​កំពុង​កើនឡើង​។​”

មជ្ឈមណ្ឌល​បណ្តុះបណ្តាល​ ABA​ ផ្តល់​ជូន​នូវ​សម្ភារៈ​ចំ​បាច់​សម្រាប់​ការ​ចែករំលែក​ចំណេះដឹង​ឲ្យ​បាន​ជោគជ័យ​ទៅ​ដល់​បុគ្គលិក​ធនាគារ​ទាំងអស់​។​ អគារ​ក៏​មាន​បំពាក់​នូវ​បន្ទប់​បណ្តុះបណ្តាល​ជា​ច្រើន​ បន្ទប់​ប្រជុំ​ កន្លែង​ចត​រថយន្ត​ធំ​ទូលាយ​ និង​កន្លែង​ដែល​បុគ្គលិក​អាច​សម្រាកលំហែ​ក្នុង​ពេល​សម្រាក​ចន្លោះ​វគ្គ​បណ្តុះបណ្តាល​ផង​ដែរ​។​ ជា​រួម​មក​ មជ្ឈមណ្ឌល​អាច​ទទួល​បណ្តុះបណ្តាល​មនុស្ស​បាន​ជាង​ 350​ នាក់​ នៅ​ក្នុង​វគ្គ​បណ្តុះបណ្តាល​ចំនួន​ 50​ ដែល​កំពុង​ផ្តល់​ជូន​ដោយ​ធនាគារ​ទៅ​ដល់​បុគ្គលិក​របស់​ខ្លួន​។​

​លោក​ Louis​ Vachon​ បាន​បញ្ចប់​ទស្សនកិច្ច​របស់​ខ្លួន​នៅ​ធនាគារ​ ABA​ និង​បាន​ត្រលប់​ទៅ​ប្រទេស​កា​ណា​ដា​វិញ​នៅ​ថ្ងៃ​ទី​ 21​ ខែមីនា​។​