ដោះស្រាយបញ្ហាពាក់ព័ន្ធនឹងកម្មវិធី ABA Mobile របស់អ្នកដោយមិនចាំបាច់អញ្ជើញមកធនាគារ
26/Jul/2021
ដើម្បីធានានូវបទពិសោធសេវាធនាគារតាមទូរស័ព្ទដៃដ៏ងាយស្រួល និងការគាំទ្រដ៏រលូន ធនាគារ ABA ឥឡូវនេះ ផ្តល់ជូនអតិថិជន ABA Mobile នូវដំណោះស្រាយភ្លាមៗអំពីបញ្ហានានាពាក់ព័ន្ធនឹងការបង្កកកម្មវិធីសេវាធនាគារតាមទូរស័ព្ទដៃ ដោយមិនតម្រូវឲ្យសាមីខ្លួនអញ្ជើញមកកាន់សាខាធនាគារដូចមុនឡើយ។
ចាប់ពីឥឡូវនេះទៅ បញ្ហានានាកើតមាននៅពេលដែលកម្មវិធី ABA Mobile ត្រូវបានបង្កកដោយសារតែការព្យាយាមបើកចូលខុស ឬបើកដំណើរការលើសកម្រិតកំណត់ ឬភ្លេចលេខសម្ងាត់ PIN / ពាក្យសម្ងាត់ អាចដោះស្រាយបានគ្រប់ពេលវេលា ដោយគ្រាន់តែទាក់ទងផ្នែកទំនាក់ទំនងអតិថិជនរបស់ធនាគារ ABA តាមរយៈទូរស័ព្ទលេខ 098 203 203។ ការដំឡើងសមត្ថភាពនេះធ្វើឲ្យអតិថិជនចំណេញពេលវេលា និងមានភាពងាយស្រួលសម្រាប់អតិថិជនដែលកំពុងនៅបរទេស ហើយមានបំណងចង់ចូលប្រើប្រាស់គណនីរបស់ខ្លួនតាមកម្មវិធី ABA Mobile។
សំណើសុំដោះស្រាយបញ្ហាពាក់ព័ន្ធនឹងកម្មវិធី ABA Mobile តាមអនឡាញ ត្រូវឆ្លងកាត់នីតិវិធីផ្ទៀងផ្ទាត់អត្តសញ្ញាណពីផ្នែកទំនាក់ទំនងអតិថិជន ដើម្បីផ្ទៀងផ្ទាត់ម្ចាស់គណនី ABA Mobile ពិតប្រាកដ នៅពេលអតិថិជនចាប់ផ្ដើមហៅទូរស័ព្ទ។
ដើម្បីដឹងបន្ថែមពីកម្មវិធី ABA Mobile សូមចូលទៅកាន់ទំព័រ កម្មវិធី ABA Mobile។
ប្រសិនបើអ្នកមិនទាន់មាន ABA Mobile ទេ សូមដោនឡូតកម្មវិធីនេះចូលទូរស័ព្ទស្មាតហ្វូនរបស់អ្នកពី App Store ខាងក្រោម!