ABA ឧបត្ថម្ភកម្មវិធីលទ្ធភាពទទួលបានហិរញ្ញប្បទាន 2024 ដើម្បីលើកកម្ពស់ចំណេះដឹងហិរញ្ញវត្ថុដល់សហគ្រាសខ្នាតមីក្រូ តូច និងមធ្យម
10/Oct/2024
ABA បានធ្វើជា Diamond Sponsor របស់កម្មវិធី លទ្ធភាពទទួលបានហិរញ្ញប្បទាន 2024 (AFP) រៀបចំឡើងដោយ សមាគមសហគ្រិនវ័យក្មេងកម្ពុជា (YEAC) សហការជាមួយ សមាគមធនាគារនៅកម្ពុជា (ABC) និង សមាគមមីក្រូហិរញ្ញវត្ថុកម្ពុជា (CMA)។ ដើម្បីលើកម្ពស់ចំណេះដឹងហិរញ្ញវត្ថុ បរិយាបន្នហិរញ្ញវត្ថុ និងលើកតម្កើនប្រាក់រៀលដល់ សហគ្រិនវ័យក្មេង និង សហគ្រាសខ្នាតមីក្រូ តូច និងមធ្យម (MSMEs)។
កាលពីថ្ងៃទី 07 ខែតុលា ឆ្នាំ2024 សមាគមទាំងបី បានសហការរៀបចំកម្មវីធី ជំនួបសហគ្រិនជាមួយគ្រឹះស្ថានហិរញ្ញវត្ថុ ដោយមានការចូលរួមពីម្ចាស់សហគ្រាសប្រមាណ 250 នាក់ ។ ជំនួបនេះ បានបង្កើតឱកាសដល់សហគ្រិន ដែលមានអាជីវកម្មពីគ្រប់វិស័យ អាចជួប និងផ្សាភ្ជាប់ទំនាក់ទំនងជាមួយគ្រឹះស្ថានហិរញ្ញវត្ថុនៅកម្ពុជា ដើម្បីប្រឹក្សា និងស្វែងយល់ពីតម្រូវការរបស់គ្នាទៅវិញទៅមក។
នៅក្នុងកម្មវិធី នាយិកាទំនាក់ទំនងគូភាគី និងជាប្រធានគ្រប់គ្រងតំបន់នៃធនាគារ ABA លោកស្រី ធាម រមណីយ មានកិត្តិយស និងចូលរួមធ្វើបទបង្ហាញអំពី “ដំណោះស្រាយឌីជីថល សម្រាប់សហគ្រិន ក្នុងការទទួលបានហិរញ្ញប្បទាន” នាកម្មវិធីនេះផងដែរ។
ABA ក៏បានរៀបចំបញ្ជរនៅទីតាំងផ្ទាល់ ជាមួយនឹងក្រុមការងារ ដែលបានផ្តល់ព័ត៌មានបន្ថែម អំពីសេវាកម្ម និងផលិតផលរបស់ធនាគារ ដោយផ្តោតសំខាន់ទៅលើកម្ចីឥណទាន ដែលជាប្រយោជន៍ ដល់សហគ្រាស និងបុគ្គលពាក់ព័ន្ធផ្សេងៗ។
ABA នៅតែបន្តប្តេជ្ញាចិត្តគាំទ្រការផ្តួចផ្តើម ដែលជំរុញសហគ្រាសខ្នាតមីក្រូ តូច និងមធ្យម ដើម្បីទទួលបានហិរញ្ញប្បទាន និងព័ត៌មានទាក់ទងទៅនឹងអាជីវកម្ម ដែលអនុញ្ញាតឲ្យពួកគាត់អភិវឌ្ឍអាជីវកម្មបានរីកចម្រើនពេញលេញ។
