លើកកម្ពស់ការគ្រប់គ្រង់ហិរញ្ញវត្ថុដោយមានទំនួលខុសត្រូវ: ABA ឧបត្ថម្ភ ទិវាសន្សំអាស៊ាន 2025
03/Nov/2025
ធនាគារ ABA មានកិត្តិយសរួមចំណែកក្នុង ទិវាសន្សំអាស៊ាន 2025 ជា Platinum Sponsor ក្នុងការគាំទ្រការគ្រប់គ្រងហិរញ្ញវត្ថុដោយឆ្លាតវៃ និងការប្រើប្រាស់ប្រាក់រៀល។ កម្មវិធីនេះ រៀបចំឡើងដោយធនាគារជាតិនៃកម្ពុជា ដោយមានការគាំទ្រពីសមាគមធនាគារនៅកម្ពុជា និងសមាគមមីក្រូហិរញ្ញវត្ថុនៅកម្ពុជា បានរៀបចំឡើងជារៀងរាល់ឆ្នាំ ដើម្បីលើកកម្ពស់សារៈសំខាន់នៃការសន្សំដោយឆ្លាតវៃ និងការបន្តប្រើប្រាស់ប្រាក់រៀល។
ប្រព្រឹត្តទៅកាលពីថ្ងៃទី 31 ខែតុលា ឆ្នាំ 2025 ក្នុងខេត្តកំពត កម្មវិធីពេញមួយថ្ងៃនេះ ទទួលបានការចូលរួមពី មន្ត្រីរដ្ឋាភិបាលជាន់ខ្ពស់ គណៈអភិបាលខេត្ត គ្រឹះស្ថានធនាគារ និងហិរញ្ញវត្ថុ សិស្សានុសិស្ស និង សមាជិកសហគមន៍ ដើម្បីទទួលចំណេះដឹង និងទំនាក់ទំនង។
ពេញមួយថ្ងៃះផងដែរ អ្នកចូលរួម បានស្វែងយល់អំពីវិធីនៃការសន្សំដោយមានទំនួលខុសត្រូវ ព្រមទាំងការដែលគ្រឹះស្ថានហិរញ្ញវត្ថុ កំពុងរួមចំណែកក្នុងការលើកកម្ពស់ចំណេះដឹងផ្នែកហិរញ្ញវត្ថុទូទាំងប្រទេសកម្ពុជា។ ធនាគារ ABA ក៏បានរៀបចំបញ្ជរនៅទីតាំងផ្ទាល់ ដែលអ្នកចូលរួមអាចបើកគណនី ស្វែងយល់អំពីអត្ថប្រយោជន៍នៃផលិតផលសន្សំ និងចូលរួមក្នុងការឈ្នះរង្វាន់ជាច្រើន។
ការរួមចំណែករបស់ ABA បានឆ្លុះបញ្ចាំងអំពីបេសកកម្មបន្តរបស់ខ្លួន ក្នុងការជំរុញប្រជាជនកម្ពុជា ជាមួយនឹងវិធី និងចំណេះដឹង ដើម្បីកសាងអនាគតហិរញ្ញវត្ថុដោយមានសុវត្ថិភាព។
