ABA ឧបត្ថម្ភ វេទិកាធនាគារ CamEd 2025 លើកកម្ពស់អ្នកជំនាញធនាគារជំនាន់ក្រោយ
16/Oct/2025
ក្រោមការប្តេជ្ញាជាបន្តបន្ទាប់ដើម្បីលើកកម្ពស់ចំណេះដឹងផ្នែកហិរញ្ញវត្ថុ ធនាគារ ABA បានក្លាយជា Platinum Sponsor នៃវេទិកាធនាគារ CamEd ឆ្នាំ 2025។ វេទិកានេះ រៀបចំឡើងដោយវិទ្យាស្ថាន CamEd Business School ក្នុងគោលបំណងពង្រឹងការយល់ដឹងរបស់សាធារណជន ទៅលើវិស័យ ធនាគារកម្ពុជា និងផ្តល់ឱកាសដល់និស្សិត និងអ្នកជំនាញ ក្នុងការស្វែងយល់អំពីមាគ៌ា អាជីពការងារ និងតួនាទីនានានៅក្នុងវិស័យនេះផងដែរ។
វេទិកានេះ បានប្រព្រឹត្តទៅកាលពីថ្ងៃទី 10-11 ខែតុលា ឆ្នាំ 2025 ដែលទទួលបានការចូលរួមប្រមាណ 200 នាក់ រួមមាននិស្សិត និងអ្នកជំនាញក្នុងវិស័យជាច្រើនរូប។ កម្មវិធីនេះ ក៏បានរៀបចំនូវសិក្ខាសាលា និងកិច្ចពិភាក្សានានា ពាក់ព័ន្ធនឹងហិរញ្ញវត្ថុ និងគណនេយ្យ ដែលជំរុញការចែករំលែកចំណេះដឹងដល់អ្នកចូលរួម។
លោក Torsten Kleine Buening នាយកហានិភ័យនៃធនាគារ ក៏បានរួមចំណែកក្នុងវេទិកានេះ ជាមួយបទបង្ហាញក្រោមប្រធានបទ “Risk Management in Practices” ដែលលោកបានចែករំលែកព័ត៌មាន និងតួនាទីដ៏សំខាន់របស់ ABA ក្នុងការកំណត់សញ្ញា និងកាត់បន្ថយហានិភ័យហិរញ្ញវត្ថុ។
ABA ក៏បានរៀបចំបញ្ជរផ្ទាល់ក្នុងកម្មវិធី ដែលនិស្សិត អាចស្វែងយល់អំពីឱកាសហាត់ការ និងមាគ៌ាអាជីពជាមួយធនាគារ ទំនាក់ទំនងជាមួយបុគ្គលិកផ្ទាល់ និងសិក្សាអំពីឱកាសការងារដែលមានស្រាប់។
ជាមួយជំហានឆ្ពោះទៅមុខ ABA ប្តេជ្ញាចិត្តជំរុញវឌ្ឍនភាពវិស័យហិរញ្ញវត្ថុរបស់ប្រទេសកម្ពុជា ដោយវិនិយោគទៅលើនវានុវត្តឌីជីថល ព្រមទាំងបណ្តុះអ្នកជំនាញធនាគារជំនាន់ក្រោយ ឲ្យរីកចម្រើនក្នុងវិស័យដែលតែងតែប្រែប្រួល។
