ABA ត្រូវបានទទួលស្គាល់ចំពោះឧត្តមភាពក្នុងការផ្តល់គណនីធានាពី សាជីវកម្មធានាឥណទានកម្ពុជា (CGCC)
27/Jan/2025
ធនាគារ ABA ដែលជាធនាគារពាណិជ្ជធំជាងគេក្នុងប្រទេសកម្ពុជា1 បានទទួលពានរង្វាន់ “ការអនុវត្តការងារឆ្នើមសម្រាប់ការបញ្ចេញកម្ចីមានការធានាបានច្រើនជាងគេ” របស់សាជីវកម្មធានាឥណទានកម្ពុជា (CGCC) ក្នុងសន្និបាតប្រចាំឆ្នាំ ស្តីពី “ការធ្វើនវានុវត្តន៍ការធានាឥណទាន ដើម្បីគាំទ្រហិរញ្ញប្បទានបៃតង” នៅថ្ងៃទី23 ខែមករា ឆ្នាំ 2025 ។
សន្និបាតនេះមានការអញ្ជើញចូលរួម ក្រោមអធិបតីភាពដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងមានអ្នកចូលរួមដែលជាតំណាងមកពីធនាគារនិងគ្រឹះស្ថានមីក្រូហិរញ្ញវត្ថុ ដៃគូអភិវឌ្ឍន៍ជាតិ និងអន្តរជាតិ និងស្ថាប័នពាក់ព័ន្ធនានា។
ដោយទទួលបានពានរង្វាន់នេះរយៈពេល បីឆ្នាំជាប់ៗគ្នា ABA ត្រូវបានទទួលស្គាល់ជាបន្តបន្ទាប់ចំពោះកិច្ចខិតខំប្រឹងប្រែងរបស់ខ្លួនក្នុងការផ្តល់ចំនួន គណនីមានការធានា យ៉ាងច្រើន។ សមិទ្ធផលនេះបានចូលរួមលើកកម្ពស់បរិយាបន្នហិរញ្ញវត្ថុ និងលទ្ធភាពទទួលបានហិរញ្ញប្បទានសម្រាប់សហគ្រាសធុនមីក្រូ តូច និងមធ្យម (MSMEs) ទូទាំងប្រទេសកម្ពុជា។
លោក សឹម លីដា នាយកឥណទានអាជីវកម្មខ្នាតធំ និងមធ្យមនៃធនាគារ ABA មានប្រសាសន៍ថា “យើងខ្ញុំមានកិត្តិយសដែលទទួលបានពានរង្វាន់នេះជាលើកទីបី ពី សាជីវកម្មធានាឥណទានកម្ពុជា ។ ការទទួលស្គាល់នេះគូសបញ្ជាក់ពីការប្តេជ្ញាចិត្ត និងការគាំទ្រជាបន្តបន្ទាប់ដល់ការរីកចម្រើនរបស់ MSMEs ក្នុងប្រទេសប្រកបដោយចីរភាព។”
លោកក៏បានបន្តថា “តាមរយៈប្រាក់កម្ចីដែលសេវាធានាឥណទាន ផ្តល់ជូនដោយCGCC យើងខ្ញុំអាចដើរតួក្នុងការផ្តល់ធនធានចាំបាច់ដល់ MSMEs ដើម្បីពង្រីកអាជីវកម្ម វិនិយោគ ឬ បង្វិលដើមទុន ដែលនឹងបន្តជំរុញការរីកចម្រើនរបស់សេដ្ឋកិច្ច។”
តាមរយៈសន្និបាតនេះ សាជីវកម្មធានាឥណទានកម្ពុជា បានដាក់សម្ពោធជាផ្លូវការ “គម្រោងធានាឥណទានបោះដុំ” ដើម្បីផ្តល់ការធានាលើកម្ចីអាជីវកម្មដែលមានស្រាប់ របស់គ្រឹះស្ថានហិរញ្ញវត្ថុចូលរួម (PFIs) ក្នុងគោលបំណងចែករំលែកហានិភ័យជាមួយ PFIs និងកាត់បន្ថយកម្រិតថ្លឹងហានិភ័យនៃអ៊ិចស្កូស៊ើដែលមានការធានាដោយ សាជីវកម្មធានាឥណទានកម្ពុជា ។
ស្របនឹងបេសកកម្ម និងគុណតម្លៃសាជីវកម្មរបស់ធនាគារ ABA តែងតែគាំទ្រ MSMEs ទូទាំងប្រទេស ជាមួយនឹងការស្នើសុំកម្ចីកាន់តែងាយស្រួលជាងមុន។ ការប្តេជ្ញាចិត្តយ៉ាងសកម្មនេះ នឹងលើកកម្ពស់អាជីវកម្មក្នុងស្រុក ដើម្បីរីកចម្រើនដល់សក្តានុពលពេញលេញរបស់ពួកគេ និងពង្រឹងការអភិវឌ្ឍសហគមន៍។
អតិថិជនអាចទទួលបានព័ត៌មានបន្ថែម និងរបៀបទទួលបានប្រាក់កម្ចីអាជីវកម្មរបស់ខ្លួន ដោយចូលទៅកាន់គេហទំព័រ កម្ចីអាជីវកម្មខ្នាតតូច ឬទូរស័ព្ទទៅលេខ 1 800 203 203 (ឥតគិតថ្លៃពីគ្រប់ ប្រព័ន្ធក្នុងប្រទេសកម្ពុជា) ។
1 ABA គឺជាធនាគារពាណិជ្ជធំជាងគេនៅកម្ពុជា គិតលើទ្រព្យសកម្មសរុប ប្រាក់បញ្ញើ និងប្រាក់កម្ចី យោងតាមរបាយការណ៍ត្រួតពិនិត្យរបស់ធនាគារជាតិនៃកម្ពុជាឆ្នាំ 2021-2023។
