ABA​ ចូលរួម​ក្នុង​ពិព័រណ៍​ទិវា​ធានា​រ៉ាប់រង​ 2022

25/Jul/2022

ABA participates in CID KH 1ABA participates in CID KH 1
ABA participates in CID KH 2ABA participates in CID KH 2
ABA participates in CID KH 3ABA participates in CID KH 3
ABA participates in CID KH 4ABA participates in CID KH 4

ធនាគារ​ ABA​ ដែល​ជា​គ្រឹះស្ថាន​ហិរញ្ញវត្ថុ​កម្ពុជា​លំដាប់ថ្នាក់​លេខ​ 11​ បាន​ចូលរួម​ក្នុង​ “​ទិវា​ធានា​រ៉ាប់រង​ 2022”​ ដែល​រៀបចំ​ឡើង​ដោយ​ និយ័ត​ករ​ធានា​រ៉ាប់រង​កម្ពុជា​ និង​សមាគម​ធានា​រ៉ាប់រង​កម្ពុជា​ នៅ​ថ្ងៃ​ទី​ 25​ ខែ​ កក្កដា​ ឆ្នាំ​ 2022​ នៅ​មជ្ឈមណ្ឌល​សន្និបាត​ និង​ពិព័រណ៍​អន្តរជាតិ​ជ្រោយចង្វារ​ រាជធានី​ភ្នំពេញ​។

​កម្មវិធី​នេះ​បាន​អញ្ជើញ​ចូលរួម​ជា​គណៈអធិបតី​បើក​ដោយ​ ឯកឧត្តម​ រស់​ សីល​វ៉ា​ រដ្ឋលេខាធិការ​ក្រសួង​សេដ្ឋកិច្ច​និង​ហិរញ្ញវត្ថុ​ និង​ជា​អនុប្រធាន​ក្រុមប្រឹក្សា​អាជ្ញាធរ​សេវា​ហិរញ្ញវត្ថុ​មិនមែន​ធនាគារ​ (​អ​.​ស​.​ហ​.)​ ដោយ​មាន​ចូលរួម​ពី​តំណាង​ក្រសួង​-​ស្ថាប័ន​រាជ​រដ្ឋ​ភិ​បាល​ គ្រឹះស្ថាន​ធានា​រ៉ាប់រង​ ដៃគូ​អភិវឌ្ឍន៍​ សមាគម​ធុរៈកិច្ច​នានា​នៅ​ក្នុង​ព្រះរាជាណាចក្រ​កម្ពុជា​។

​ទិវា​ធានា​រ៉ាប់រង​នេះ​ បាន​រៀបចំ​ឡើង​ក្នុង​គោលបំណង​លើកកម្ពស់​ការ​អភិវឌ្ឍ​វិស័យ​ធានា​រ៉ាប់រង​ និង​ការ​យល់​ដឹង​ អំពី​សេវា​ធានា​រ៉ាប់រង​ដើម្បី​បង្កើន​ទំនុកចិត្ត​ពី​សំណាក់​សាធារណៈជន​។​ ពិព័រណ៍​នេះ​នឹង​ជួយ​ប្រជាជន​កម្ពុជា​ឲ្យ​ យល់​ដឹង​ឲ្យ​កាន់តែ​ប្រសើរ​ឡើង​អំពី​ផលិតផល​ធានា​រ៉ាប់រង​ ដែល​អាច​ការពារ​ពួក​គាត់​ពី​បន្ទុក​ហិរញ្ញវត្ថុ​ពេល​មាន​ គ្រោះថ្នាក់​ចៃដន្យ​ណាមួយ​កើតឡើង​។​ ​

ការ​ចូលរួម​ក្នុង​កម្មវិធី​នេះ​ បាន​គូសបញ្ជាក់​ពី​ការ​បន្ដ​ការ​គាំទ្រ​របស់​ ABA​ ក្នុង​វិស័យ​ធានា​រ៉ាប់រង​ ដែល​រួមចំណែក​ដល់​ ការ​លើកកម្ពស់​សុខុមាលភាព​របស់​ប្រជាជន​កម្ពុជា​ ក៏​ដូច​ជា​ភាព​ជា​ដៃគូ​របស់​ធនាគារ​ជាមួយ​ក្រុមហ៊ុន​ Manulife​ Cambodia​ ក្នុង​ការ​ផ្ដល់​ជូន​អតិថិជន​នូវ​ការ​ប្រើប្រាស់​ផលិតផល​ធានា​រ៉ាប់រង​ដ៏​ងាយស្រួល​តាម​រយៈ​ ABA​ ។

​សម្រាប់​ព័ត៌មាន​បន្ថែម​ពាក់ព័ន្ធ​នឹង​ផលិតផល​ធានា​រ៉ាប់រង​អាយុជីវិត​ Manulife​ សូម​ទំនាក់ទំនង​មក​ក្រុមការងារ​ ABA​ តាម​លេខ​ទូរស័ព្ទ​ 1​ 800​ 203​ 203​ (​ប្រព័ន្ធ​ទូរស័ព្ទ​ឥត​គិតថ្លៃ​សម្រាប់​ការ​ហៅ​ក្នុង​ប្រទេស​កម្ពុជា​)​ ឬ​ក្រុមការងារ​ Manulife​ តាម​លេខ​ទូរស័ព្ទ​ប្រចាំការ​ 023​ 965​ 999​។​

1 ABA​ ជា​ធនាគារពាណិជ្ជ​កម្ពុជា​ដ៏​ធំ​បំផុត​គិត​លើ​ទ្រព្យសកម្ម​,​ ប្រាក់​បញ្ញើ​,​ កម្ចី​ដុល​ និង​ប្រាក់​ចំណេញ​ ផ្អែក​លើ​របាយការណ៍​ត្រួតពិនិត្យ​ប្រចាំឆ្នាំ​ 2021​ របស់​ធនាគារជាតិ​នៃ​កម្ពុជា​។​