ABA បរិច្ចាគ $150,000 ដល់យុទ្ធនាការរៃអង្គាសថវិកាសម្រាប់អត្តពលិក SEA Games 2023

14/Feb/2023

ធនាគារ ABA ដែលជាធនាគារពាណិជ្ជធំជាងគេនៅកម្ពុជា¹ មានមោទនភាពក្នុងការប្រកាសបរិច្ចាគប្រាក់ចំនួន 150,000 ដុល្លារ ដល់យុទ្ធនាការរៃអង្គាសថវិកាសម្រាប់អត្តពលិកដែលនឹងតំណាងឲ្យកម្ពុជាក្នុងការប្រកួតកីឡាស៊ីហ្គេម និងប៉ារ៉ាហ្គេមឆ្នាំ 2023 នាពេលខាងមុខ។

យុទ្ធនាការនេះមានគោលបំណងប្រមូលប្រាក់ចំនួន 1,000,000 ដុល្លារ ដើម្បីផ្ដល់ការគាំទ្រផ្នែកបរិក្ខារ ការហ្វឹកហាត់ ស្បែកជើង សម្លៀកបំពាក់ និងការគាំទ្រផ្នែកវិទ្យាសាស្ត្រកីឡា និងវេជ្ជសាស្ត្រកីឡា។ ដើម្បីបរិច្ចាគដល់ Team Cambodia សូមចូលទៅកាន់ គេហទំព័រផ្លូវការនៃយុទ្ធនាការរៃអង្គាសប្រាក់។

យុទ្ធនាការរៃអង្គាសប្រាក់របស់ Team Cambodia ដំណើរការលើវេទិការៃអង្គាសប្រាក់ដំបូងគេនៅកម្ពុជា KhmerCare ។ ពិធីសម្ពោធជាផ្លូវការនៃវេទិកានេះបានធ្វើឡើងនៅថ្ងៃទី14 ខែកុម្ភៈ ឆ្នាំ2023 នៅរាជធានីភ្នំពេញជាមួយ លោកបណ្ឌិត ជា សេរី សហស្ថាបនិកមូលនិធិរស្មីកុមារ ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការ CAMSOC, លោក Askhat Azhikhanov នាយកប្រតិបត្តិធនាគារ ABA លោក Steven Path ស្ថាបនិក និងនាយកប្រតិបត្តិនៃក្រុមហ៊ុន KhmerCare និងភ្ញៀវកិត្តិយសជាច្រើនរូបទៀតបានអញ្ជើញចូលរួម។

លោក Askhat Azhikhanov នាយកប្រតិបត្តិនៃធនាគារ ABA បាននិយាយនៅក្នុងពិធីនេះថា “ការគាំទ្រកីឡាគឺជាការប្តេជ្ញាចិត្តផ្នែកទំនួលខុសត្រូវសង្គមដ៏សំខាន់មួយរបស់យើង។ ហេតុដូច្នេះហើយបានជាការឧបត្ថម្ភកីឡាស៊ីហ្គេម ជាលក្ខណៈធម្មជាតិសម្រាប់ ABA។ បន្ថែមពីលើការឧបត្ថម្ភចម្បងរបស់យើងចំនួន $1,500,000 ក្នុងនាមជាអ្នកឧបត្ថម្ភធនាគារផ្តាច់មុខ និងជាអ្នកឧបត្ថម្ភការទូទាត់គ្មានសាច់ប្រាក់ផ្តាច់មុខ យើងផ្តល់វិភាគទានចំនួន $150,000 សម្រាប់ "មួយដុល្លារទៅមួយដុល្លារ" ដែលផ្គូផ្គងនៅលើវេទិកា KhmerCare ចាប់ពីថ្ងៃនេះតទៅ។

លោកបានបន្ថែមថា "លើសពីនេះ យើងនឹងសហការជាមួយ KhmerCare ដើម្បីបើកដំណើរការវានៅក្នុងកម្មវិធីធនាគារចល័តរបស់យើង ដូច្នេះអ្នកប្រើប្រាស់ ABA Mobile ទាំងអស់អាចចូលប្រើវា ដើម្បីបរិច្ចាគថវិកាបានភ្លាមៗពីកម្មវិធី"។

កាលពីដើមខែមករា ឆ្នាំ2023 ធនាគារ ABA បានប្រកាសជាអ្នកឧបត្ថម្ភផ្ដាច់មុខ សម្រាប់ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ2023 ដែលគ្រោងធ្វើឡើងនៅថ្ងៃទី 5 ដល់ 17 ខែឧសភា និងថ្ងៃទី 3 ដល់ 9 ខែមិថុនា។ បន្ទាប់ពីកិច្ចព្រមព្រៀងរវាងធនាគារ និងអ្នករៀបចំហ្គេម ABA ប្តេជ្ញាផ្តល់ប្រាក់សុទ្ធ និងឧបត្ថម្ភចំនួន $1,500,000 ដើម្បីគាំទ្រដល់ក្រុមជម្រើសជាតិកម្ពុជា និងម្ចាស់ផ្ទះ និងជួយសម្រួលដល់យុទ្ធនាការទីផ្សារក្នុងគោលបំណងលើកកម្ពស់ស្មារតីហ្គេមក្នុងចំណោមអតិថិជន ABA។

KhmerCare (https://khmercare.com) គឺជាវេទិការប្រមូលថវិកាសម្រាប់មនុស្ស និងអង្គការក្រៅរដ្ឋាភិបាល ដើម្បីរៃអង្គាសថវិកាសម្រាប់អ្នកដែលត្រូវការបំផុត។ វាគឺជាប្រព័ន្ធដែលមានតម្លាភាពពេញលេញដែលត្រូវបានបង្កើតឡើងដើម្បីសម្រួលដល់ការធ្វើឱ្យមានផលប៉ះពាល់ភ្លាមៗដល់ជីវិតរបស់មនុស្ស។

_{¹ ABA ជាធនាគារពាណិជ្ជកម្ពុជាដ៏ធំបំផុតគិតលើទ្រព្យសកម្ម, ប្រាក់បញ្ញើ, កម្ចីដុល, ប្រាក់បញ្ញើអតិថិជននិងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា។}

ABA​ បរិច្ចាគ​ $150,000​ ដល់​យុទ្ធនាការ​រៃ​អង្គាស​ថវិកា​សម្រាប់​អត្ត​ព​លិ​ក​ SEA​ Games​ 2023

ABA បរិច្ចាគ $150,000 ដល់យុទ្ធនាការរៃអង្គាសថវិកាសម្រាប់អត្តពលិក SEA Games 2023