ABA ធ្វើជា Gold Sponsor នៃពិធីបុណ្យសមុទ្រ ក្នុងខេត្តកែប ដើម្បីភាពរីកចម្រើន និងនិរន្តរភាព
05/Dec/2023
ABA ដែលជាធនាគារពាណិជ្ជធំជាងគេនៅកម្ពុជា បានពង្រឹងការប្តេជ្ញាចិត្តរបស់ខ្លួន សម្រាប់វឌ្ឍនភាពសហគមន៍ និងការរីកចម្រើនប្រកបដោយនិរន្តរភាព ក្នុងនាមជាអ្នកឧបត្ថម្ភ (Gold Sponsor) នៃពិធីបុណ្យសមុទ្រលើកទី 10 នៅខេត្តកែប នាពេលថ្មីៗនេះ។
ព្រឹត្តិការណ៍នេះបានប្រារព្ធឡើងនៅថ្ងៃទី 1 ដល់ថ្ងៃទី 3 ខែធ្នូ ក្រោមប្រធានបទ “ទាំងអស់គ្នាដើម្បីទេសចរណ៍” និងបានបន្សល់ទុកនូវមរតកដ៏រស់រវើកនៃការផ្លាស់ប្តូរវប្បធម៌ និងការកសាងសេដ្ឋកិច្ចឡើងវិញ តាមរយៈការចូលរួមគាំទ្ររបស់ធនាគារ ABA ។
វត្តមានដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រី ក្នុងពិធីបើកនេះ បានឆ្លុះបញ្ចាំងពីស្មារតីនៃកិច្ចសហការរបស់ពិធីទាំងមូល ដោយមានការដាំដើមឈើចំនួន 1300 ដើម ជានិមិត្តរូបនៃការបោះជំហានយ៉ាងមុតមាំ ក្នុងការថែរក្សាបរិស្ថាន។
នៅក្នុងពិធីបុណ្យនេះ ធនាគារ ABA បានរៀបចំស្តង់នៅក្នុងទីតាំងពិព័រណ៍និងពាណិជ្ជកម្ម ដើម្បីផ្តល់សេវាហិរញ្ញវត្ថុប្រកបដោយនវានុវត្តន៍ ជូនដល់ប្រជាពលរដ្ឋមូលដ្ឋាន ក៏ដូចជាជំរុញបរិយាបន្នហិរញ្ញវត្ថុ និងលើកស្ទួយអាជីវកម្មក្នុងស្រុក។
ការឧបត្ថម្ភរបស់ធនាគារ ABA បានត្រួសត្រាយផ្លូវ សម្រាប់ភាពជាដៃគូនាពេលអនាគត ជាមួយអាជីវកម្មក្នុងស្រុក ដោយជំរុញកំណើនទេសចរណ៍នៅក្នុងខេត្តកែប។ ការប្តេជាចិត្តរបស់ ABA ចំពោះការរីកចម្រើននៅក្នុងខេត្តកែប មានលើសពីការចូលរួមឧបត្ថម្ភគាំទ្រព្រឹត្តិការណ៍នេះ ដោយធនាគារ ABA បានសម្ពោធសាខាថ្មីរបស់ខ្លួនជាផ្លូវការ នៅក្នុងខេត្តនេះកាលពីឆ្នាំមុន។ ការពង្រីកសាខាក្នុងខេត្តនេះ បង្ហាញពីការគាំទ្រជាបន្តបន្ទាប់របស់ធនាគារ ABA សម្រាប់សក្តានុពលសេដ្ឋកិច្ចក្នុងស្រុក ក៏ដូចជាការយកចិត្តទុកដាក់របស់ខ្លួន ក្នុងការលើកស្ទួយអាជីវកម្ម និងជីវភាពប្រជាពលរដ្ឋនៅក្នុងខេត្តកែប។
