ធនាគារ​ ABA​ ចូលរួម​គាំទ្រ​ដល់​គម្រោង​មនុស្សធម៌​ និង​ការ​អប់រំ​របស់​ TYDA​ និង​ AMT

20/Apr/2022

aba tyda and amt 2022aba tyda and amt 2022
aba tyda and amt 1aba tyda and amt 1
aba tyda and amt 2aba tyda and amt 2
aba tyda and amt 3aba tyda and amt 3

ធនាគារ​ ABA​ ជា​ធនាគារពាណិជ្ជ​ឈានមុខ​គេ​នៅ​កម្ពុជា​ បាន​ចុះ​អនុស្សរណៈ​យោគយល់​គ្នា​ (MoU)​ ជាមួយ​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​ (TYDA)​ និង​សមាគម​សិស្ស​-​និស្សិត​អាហារូបករណ៍​ សម្តេច​អគ្គមហាសេនាបតី​តេ​ជោ​ ហ៊ុន​ សែន​ និង​សម្តេច​កិត្តិ​ព្រឹទ្ធ​បណ្ឌិត​(AMT)​ ដើម្បី​ផ្តល់​ការ​គាំទ្រ​ផ្នែក​ហិរញ្ញវត្ថុ​ដល់​សមាគម​។​ ​

តាម​រយៈ​អនុស្សរណៈ​នេះ​ ABA​ បាន​ផ្តល់​ថវិការ​សប្បុរសធម៌​ចំនួន​ 10​ម៉ី​ន​ ដុល្លារ​អា​មេ​រិ​ក​ដល់​ TYDA​ សម្រាប់​ការងារ​សំខាន់ៗ​ក្នុង​ការ​ផ្តល់​សេវា​ព្យាបាល​ និង​ថែទាំ​សុខភាព​ដោយ​ឥត​គិតថ្លៃ​ដល់​សហគមន៍​ជនបទ​ទូ​ទាំង​ប្រទេស​ និង​ 10​ម៉ី​ន​ ដុល្លារ​អា​មេ​រិ​ក​ទៀត​ដល់​ AMT​ សម្រាប់​គាំទ្រ​ ដល់​ប្រជាជន​កម្ពុជា​តាម​រយៈ​អាហារូបករណ៍​ កម្មវិធី​អប់រំ​ ដែល​មាន​ និង​គម្រោង​ជំនួយ​ហិរញ្ញវត្ថុ​។​ ​

ពិធី​ចុះ​អនុស្សរណៈ​យោគយល់​គ្នា​នេះ​ ធ្វើ​ឡើង​ក្រោម​អធិបតីភាព​ ឯកឧត្តម​បណ្ឌិត​ ហ៊ុន​ ម៉ា​ណែ​ត​ ប្រធាន​ក្រុមប្រឹក្សាភិបាល​ TYDA​ និង​ AMT​ និង​លោក​ Askhat​ Azhikhanov​ នាយក​ប្រតិបត្តិ​ធនាគារ​ ABA​ ដោយ​មាន​វត្តមាន​កិត្តិយស​របស់​ លោក​ជំទាវ​ ពេជ្រ​ ចន្ទ​មុន្នី​ អនុប្រធាន​ក្រុមប្រឹក្សាភិបាល​ TYDA​ និង​ភ្ញៀវ​កិត្តិយស​ជា​ច្រើន​នាក់​ទៀត​នៅ​សណ្ឋាគារ​ភ្នំពេញ​។

​​ជំនួយ​ហិរញ្ញវត្ថុ​នេះ​គឺជា​ផ្នែក​មួយ​នៃ​ការ​បន្ត​ការ​ប្តេជ្ញា​របស់​ធនាគារ​ក្នុង​ការ​រួមចំណែក​ជា​វិជ្ជមាន​ដល់​ប្រទេស​កម្ពុជា​ និង​ប្រជាជន​របស់​ខ្លួន​ ជា​ពិសេស​សហគមន៍​ដែល​មានការ​ខ្វះខាត​ ឲ្យ​ស្រប​តាម​បេសកកម្ម​ តម្លៃ​ និង​គោលការណ៍​ទំនួល​ខុស​ត្រូវ​សង្គម​សាជីវកម្ម​។​

«​សូម​ថ្លែង​អរគុណ​ចំពោះ​ធនាគារ​ ABA​ ដែល​ចុះ​អនុស្សា​រណៈ​យោគយល់​ជាមួយ​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ​(TYDA)​ និង​សមាគម​សិស្ស​និស្សិត​អាហារូបករណ៍​សម្ដេច​អគ្គមហាសេនាបតី​តេ​ជោ​ហ៊ុន​សែន​ និង​សម្ដេច​កិ​តិ្ត​ព្រឹទ្ធ​បណ្ឌិត​(AMT)​ ដើម្បី​ចូលរួម​ចំណែក​យ៉ាង​សំខាន់​ក្នុង​សកម្មភាព​មនុស្សធម៌​ដើម្បី​បុព្វហេតុ​សង្គម​ជាតិ​តាម​រយៈ​ការ​ចុះ​ពិនិត្យ​ និង​ព្យាបាល​ប្រជាពលរដ្ឋ​ដោយ​ឥត​គិតថ្លៃ​នៅ​ទូ​ទាំង​ប្រទេស​ និង​ផ្ដល់​ឱកាស​ឱ្យ​សិស្ស​ និស្សិត​ អាហារូបករណ៍​បាន​សិក្សា​រៀនសូត្រ​ដើម្បី​យកចំណេះ​ដឹង​ ជំនាញ​កសាង​អនាគត​របស់​ពួក​គេ​។​» ប្រសាសន៍​ ឯកឧត្តម​ បណ្ឌិត​ ហ៊ុន​ ម៉ា​ណែ​ត​ ប្រធាន​ ក្រុមប្រឹក្សាភិបាល​ TYDA​ និង​ AMT។

«​សមាគម​ TYDA​ និង​ AMT​ បាន​សាង​សមិទ្ធផល​មនុស្សធម៌​និង​ការ​អប់រំ​ តាម​រយៈ​គម្រោង​នានា​ក្នុង​រយៈពេល​ជា​ច្រើន​ឆ្នាំ​កន្លង​មក​ ហើយ​ធនាគារ​ ABA​ សូម​ថ្លែងអំណរគុណ​ចំពោះ​ការ​ខិតខំ​ប្រឹងប្រែង​ និង​ឥទ្ធិពល​វិជ្ជមាន​ដែល​បាន​ផ្តល់​ដល់​សហគមន៍​កន្លង​មក​។​ យើង​គាំទ្រ​យុទ្ធសាស្ត្រ​អភិវឌ្ឍន៍​របស់​រាជរដ្ឋាភិបាល​ ក្នុង​ការ​ធ្វើ​ឲ្យ​សុខុមាលភាព​របស់​ប្រទេស​ជាតិ​ និង​ប្រជាជន​កាន់តែ​ប្រសើរ​ឡើង​។​» ប្រសាសន៍​ លោក​ Askhat​ Azhikhanov​ នាយក​ ប្រតិបត្តិ​ ធនាគារ​ ABA​។

TYDA​ និង​ AMT​ ជា​អង្គការ​សប្បុរសធម៌​មិន​រក​ប្រាក់​កម្រៃ​ត្រូវ​បាន​បង្កើត​ឡើង​ ក្នុង​ឆ្នាំ​ 2012​ និង​ 2014​ ដើម្បី​មើល​នូវ​តម្រូវការ​ផ្នែក​វេជ្ជសាស្ត្រ​នៅ​ក្នុង​សហគមន៍​ក្រីក្រ​ក្នុង​ប្រទេស​កម្ពុជា​ សម្រាល​បន្ទុក​ផ្នែក​វេជ្ជសាស្ត្រ​របស់​ប្រជាជន​ ផ្តល់​អាហារូបករណ៍​ដល់​គ្រួសារ​ក្រីក្រ​ និង​អភិវឌ្ឍ​ធនធានមនុស្ស​។​

ក្នុង​នាម​ជា​សមាជិក​សកម្ម​នៃ​សហគមន៍​ធុរកិច្ច​ ធនាគារ​ ABA​ ចូលរួម​ជា​ទៀងទាត់​នៅ​ក្នុង​គំនិត​ផ្តួចផ្តើម​ និង​គម្រោង​នានា​ក្នុង​គោលបំណង​កាត់​បន្ថយ​ភាព​ក្រីក្រ​ អក្ខរកម្ម​ លទ្ធភាព​មានការ​ងារ​ធ្វើ​ និង​គាំទ្រ​ដល់​យុវជន​ក្រីក្រ​ និង​សហគមន៍​ជួប​ការ​លំបាក​។​ បាន​បរិច្ចាគ​ថវិកា​ចំនួន​ ១​លាន​ដុល្លារ​អា​មេ​រិ​ក​ ដល់​មូលនិធិ​ប្រឆាំង​ជំងឺ​កូ​វី​ដ​ របស់​រាជរដ្ឋាភិបាល​។​ សំណើសុំ​បរិច្ចាគ​នេះ​ត្រូវ​បាន​ពិចារណា​ និង​កោតសរសើរ​ដោយ​សម្តេច​តេ​ជោ​ ហ៊ុន​ សែន​ ដែល​បាន​ចេញ​លិខិត​ថ្លែងអំណរគុណ​ដល់​ថ្នាក់ដឹកនាំ​ និង​បុគ្គលិក​របស់​ធនាគារ​។