ធនាគារ ABA ដាក់ដំណើរការកម្មវិធីផ្តល់ហិរញ្ញប្បទានសម្រាប់ដៃគូចែកចាយរបស់ក្រុមហ៊ុន TotalEnergies
19/Feb/2025
ធនាគារ ABA ដែលជាធនាគារពាណិជ្ជធំជាងគេនៅកម្ពុជា និងជាអ្នកនាំមុខនៃផ្នែកដំណោះស្រាយឌីជីថល បានចុះហត្ថលេខាលើអនុស្សរណៈយោគយល់គ្នាជាមួយក្រុមហ៊ុន TotalEnergies Marketing (Cambodia) Co., Ltd. (“TEMC”) ដើម្បីផ្តល់សេវាកម្មហិរញ្ញវត្ថុ និង ដល់អតិថិជនរបស់ TEMC តាមរយៈកម្មវិធីផ្តល់ហិរញ្ញប្បទានសម្រាប់ដៃគូចែកចាយពិសេសមួយ។
ក្នុងនាមជាក្រុមហ៊ុនបុត្រសម្ព័ន្ធរបស់ TotalEnergies (France) ក្រុមហ៊ុន TEMC បានផ្គត់ផ្គង់ប្រេងឥន្ធនៈ ប្រេងរំអិល និងប្រេងឥន្ធនៈអាកាសចរណ៍ តាមរយៈបណ្តាញសេវាកម្មទូទាំងប្រទេសកម្ពុជា ចាប់តាំងពីឆ្នាំ 1993។ នៅថ្ងៃទី14 ខែកុម្ភៈ ឆ្នាំ2025 អ្នកតំណាងពីភាគីទាំងសងខាង និងក្រុមការងារបានចូលរួមកម្មវិធីចុះហត្ថលេខាលើអនុស្សរណៈយោគយល់គ្នានេះ។ កម្មវិធីនេះផងដែរ ក៏បានដើរតួជាវេទិកាសម្រាប់ក្រុមការងារ ABA ផ្តល់ព័ត៌មានដល់អតិថិជនរបស់ TEMC រួមមានតំណាងអ្នកលក់បន្ត និងដៃគូចែកចាយ អំពីលក្ខណៈជាក់លាក់របស់កម្មវិធី។
ក្រោមអនុស្សរណៈយោគយល់គ្នានេះ ABA នឹងផ្តល់ជូននូវឥណទាន និងសេវាកម្មផ្តាច់មុខដូចជាសេវាធនាគារសម្រាប់តម្រូវការអាជីវកម្ម រំហូរសាច់ប្រាក់/ឥណទានសម្រាប់ទុនបង្វិល និងឥណទាន សម្រាប់ពង្រីកអាជីវកម្មដល់អតិថិជនរបស់ TEMC។ គោលដៅនៃកម្មវិធីនេះ គឺដើម្បីអនុញ្ញាតឲ្យអាជីវកម្មបំពេញតម្រូវការហិរញ្ញវត្ថុរបស់ពួកគេបានឆាប់រហ័សសម្រាប់ប្រតិបត្តិការប្រចាំថ្ងៃ ឬគម្រោងពង្រីកអាជីវកម្ម។
លោក Zhiger Atchabarov នាយកប្រតិបត្តិការនៃធនាគារ ABA បានសង្កត់ធ្ងន់ទៅលើភាពបត់បែននៃកម្មវិធី និងការទទួលបានសាច់ប្រាក់យ៉ាងឆាប់រហ័ស ដែលបង្កើតឡើងក្នុងការពង្រឹងរំហូរសាច់ប្រាក់ គាំទ្រការពង្រីកស្ថានីយ៍ថ្មី ឬស្ថានីយ៍ដែលមានស្រាប់ និងផ្តល់នូវសេវាកម្មធនាគារដែលចាំបាច់។ “ភាពជាដៃគូសហការនេះមិនត្រឹមតែមានតម្លៃត្រឹមតែហិរញ្ញប្បទានប៉ុណ្ណោះទេ ប៉ុន្តែក៏បានកសាងមូលដ្ឋានគ្រឹះសម្រាប់ភាពជោគជ័យ និងចីរភាព។ ABA និង TEMC រួមគ្នាជំរុញភាពនវានុវត្តន៍ និងបង្កើតតម្លៃយូរអង្វែងសម្រាប់អាជីវកម្មរបស់លោកអ្នក។”
លោកស្រី Dinah Jogia Kumar អគ្គនាយិកាក្រុមហ៊ុន TEMC មានប្រសាសន៍ថា “ការសហការជាមួយ ABA ជាសាក្ខីភាពចំពោះការប្តេជ្ញាចិត្តរបស់យើងក្នុងការជំរុញការអភិវឌ្ឍន៍ និងផ្តល់ជូននូវឧបករណ៍ហិរញ្ញវត្ថុដល់អតិថិជនឆ្ពោះទៅរកភាពជោគជ័យ។ ភាពជាដៃគូនេះនឹងត្រួសត្រាយផ្លូវសម្រាប់ឱកាសថ្មីៗ និងជំរុញការច្នៃប្រឌិតក្នុងវិស័យនេះ។”
ក្នុងនាមជាអ្នកផ្តល់ដំណោះស្រាយហិរញ្ញវត្ថុក្នុងប្រទេស ធនាគារ ABA នៅតែបន្តប្តេជ្ញាចិត្តក្នុងការផ្តល់សេវាកម្មហិរញ្ញវត្ថុ និងធនាគារដែលមិនអាចប្រៀបផ្ទឹមបាន ជូនដល់អតិថិជនពីគ្រប់ស្រទាប់វណ្ណៈ។ មិនថាជាអាជីវកម្មគ្រួសារ ឬសាជីវកម្មពហុជាតិធំៗ ធនាគារយើងខ្ញុំធានាគ្រប់ក្រុមហ៊ុននឹងទទួលបានបទពិសោធន៍ធនាគារកំពូល។
សម្រាប់សំណួរ ឬចម្ងល់ពាក់ព័ន្ធនឹងកម្មវិធីហិរញ្ញប្បទាន និងដំណោះស្រាយសេវាធនាគារសាជីវកម្ម សូមទាក់ទងមកកាន់ តាមរយៈទូរស័ព្ទ 010 630 772។
