ធនាគារ ABA រួមជាមួយអតិថិជន របស់ខ្លួនបរិច្ចាគ 18,000 ដុល្លារដើម្បីប្រយុទ្ធប្រឆាំងនឹងមេរោគកូរ៉ូណា
02/Apr/2020
អំឡុងពេលដ៏លំបាកនាពេលបច្ចុប្បន្ននេះ វាជាទំនួលខុសត្រូវរបស់យើងក្នុងការរួមគ្នាប្រយុទ្ធប្រឆាំងនឹងការរីករាលដាលនៃមេរោគកូរ៉ូណា។ នៅថ្ងៃទី 26 មីនា ធនាគារ ABA បានបើកយុទ្ធនាការរៃអង្គាសប្រាក់ប្រយុទ្ធប្រឆាំងនឹងមេរោគកូរ៉ូណាដែលគោលដៅដំបូងរបស់យើងគ្រោងរៃអង្គាសប្រាក់ចំនួន 5,000 ដុល្លារ ហើយធនាគារនឹងបន្ថែមបង្គ្រប់ឲ្យបាន 10,000 ដុល្លារ ជូនក្រសួងសុខាភិបាល។
ដោយសារមានការចូលរួមដ៏លើសលប់នោះ យើងអាចសម្រេច និងលើសគោលដៅដំបូង 5,000 ដុល្លារ ក្នុងរយៈពេលមិនដល់មួយសប្តាហ៍ផង។ អតិថិជនរបស់យើងរាប់រយនាក់បានចូលរួមបរិច្ចាគបានចំនួន 9,000 ដុល្លារ ហើយខាងធនាគារ ABA សម្រេចចិត្តបន្ថែមពាក់កណ្ដាលទៀត ឲ្យគ្រប់ចំនួនសរុប 18,000 ដុល្លារ ដើម្បីប្រគល់ជូនក្រសួងសុខាភិបាលសម្រាប់ចំណាយលើផ្នែកវេជ្ជសាស្ត្រចាំបាច់សម្រាប់ទប់ស្កាត់ការរីករាលដាលនៃមេរោគកូរ៉ូណានេះ។
សូមអរគុណជាអនេកប្បការជាថ្មីម្តងទៀតចំពោះអតិថិជនគ្រប់រូបដែលបានចូលរួមក្នុងការរៃអង្គាសប្រាក់នេះ!
ការប្រយុទ្ធប្រឆាំងនឹងមេរោគកូរ៉ូណានៅតែបន្ត ហើយយើងបន្តស្វាគមន៍អតិថិជនអ្នកប្រើ ABA Mobile ទាំងអស់ចូលរួមបរិច្ចាគយ៉ាងងាយស្រួលដោយអនុវត្តតាមជំហានដូចខាងក្រោម៖
- បើក ABA Mobile ហើយចុចលើប៊ូតុង ទូទាត់ប្រាក់។
- ចូលទៅកាន់ សប្បុរសធម៌ & ការបរិច្ចាគ។
- ចុចលើ “ABA ANTI-COVID-19”។
- ជ្រើសរើសគណនីដែលអ្នកចង់ធ្វើការបរិច្ចាគ បញ្ចូលលេខទូរស័ព្ទរបស់អ្នក និងចំនួនទឹកប្រាក់។
- ចុច “បង់ឥឡូវ” ហើយបញ្ជាក់ជាមួយលេខកូដ PIN កម្មវិធី ABA Mobile របស់អ្នក។
យើងនឹងប្រគល់ប្រាក់ដែលទទួលបានជូនក្រសួងសុខាភិបាលជារៀងរាល់ខែដោយជូនដំណឹងលោកអ្នកអំពីចំនួនទឹកប្រាក់ដែលទទួលបាន។
រួមគ្នាដើម្បីសង្គមយើងវិលទៅរកសុខុមាលភាព!
