ABA បើកសាខា៦បន្ថែមទៀតដើម្បីបម្រើ អតិថិជនដែលបន្តកើនឡើង
08/May/2018
ក្នុងគោលបំណងនាំយកសេវាធនាគារជូនប្រជាពលរដ្ឋតាមរយៈយុទ្ធសាស្ត្រពង្រីកបណ្តាញធនាគារនិងអាជីវកម្មរបស់ខ្លួន ធនាគារ ABA បានសម្រេចបើកជាផ្លូវការនូវសាខាចំនួន៦បន្ថែមទៀត ដែលក្នុងនោះ ៣សាខាស្ថិតនៅតំបន់ចំការដូង សន្ធរមុខ និងបឹងកេងកងនៃរាជធានីភ្នំពេញ ២សាខានៅស្រុកអង្គស្នួល និងស្រុកកៀនស្វាយក្នុងខេត្តកណ្តាល និងសាខាដំបូងរបស់ខេត្តរតនគិរី ដែលមានទីតាំងនៅក្នុងក្រុងបានលុង។
សាខាថ្មីៗទាំងអស់នេះជ្រើសយករចនាបថអគារដែលផ្តោតសំខាន់លើផាសុកភាពអតិថិជន នៅពេលដែលពួកគេនៅក្នុងបរិវេណធនាគារ ABA។ ដើម្បីធានាឲ្យបានថាអតិថិជនមានភាពងាយស្រួលនៅពេលមកកាន់សាខា យើងបានពង្រីកទីកន្លែងចតយានយន្ត រួមជាមួយទីតាំងអង្គុយរង់ចាំនិងផ្នែកបម្រើអតិថិជនដែលធំទូលាយ។ បុគ្គលិក ដែលទទួលបានការបណ្តុះបណ្តាលយ៉ាងស្ទាត់ជំនាញ និងមានការយកចិត្តទុកដាក់ខ្ពស់ នឹងរង់ចាំទទួលស្វាគមន៍, ណែនាំ, និងបម្រើអតិថិជនពីផលិតផល និងសេវាដែលធនាគារមាន ក្នុងនោះរួមមានប្រាក់កម្ចីសម្រាប់អាជីវកម្មខ្នាតតូច និងសហគ្រាសធុនតូច-មធ្យម គណនីធនាគារនិងកាតទូទាត់ប្រាក់ច្រើនប្រភេទ ក៏ដូចជាសេវាផ្ទេរប្រាក់នានាផងដែរ។ ម៉ាស៊ីនសម្រាប់ការធ្វើប្រតិបត្តិការធនាគារដោយខ្លួនឯង ដូចជាទូ ATM និងទូដាក់ប្រាក់ ក៏មានបំពាក់ដើម្បីផ្តល់ជូនការប្រើប្រាស់សេវាហិរញ្ញវត្ថុ២៤ម៉ោងលើ២៤ម៉ោងដល់អតិថិជនផងដែរ។
ប្រសិនបើលោកអ្នកបានទៅដល់ទីតាំងណាមួយដូចខាងក្រោមនេះ កុំភ្លេចចូលទៅកាន់សាខាយើង ហើយទទួលយកបទពិសោធសេវាធនាគាររបស់យើងខ្ញុំ៖
- សេវាអតិថិជននៃការិយាល័យកណ្តាល - អគារលេខ១៤១ កែងជ្រុងមហាវិថីព្រះសីហនុ និងផ្លូវព្រះបាទត្រសក់ផ្អែម (ផ្លូវ៦៣) សង្កាត់បឹងកេងកង១ ខណ្ឌចំការមន រាជធានីភ្នំពេញ។ លេខទំនាក់ទំនងសាខានេះគឺ ០២៣ ២២៥ ៣៣៣។
- សាខាសន្ធរមុខ - អគារលេខ៥៧១ កែងជ្រុងមហាវិថីកម្ពុជាក្រោម និងមហាវិថីម៉ៅសេទុង សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។ លេខទំនាក់ទំនងសាខានេះគឺ ០៧០ ៦៣០ ៦៧៦។
- សាខាចំការដូង - ផ្លូវលេខ២១៧ ភូមិបុរីកម្មករ សង្កាត់ជើងឯក ខណ្ឌដង្កោរ រាជធានីភ្នំពេញ។ លេខទំនាក់ទំនងសាខានេះគឺ 023 225 333។
- សាខាស្រុកអង្គស្នួល - ផ្លូវជាតិលេខ១ ភូមិស្វាយជ្រុំ ឃុំបែកចាន ស្រុកអង្គស្នួល ខេត្តកណ្តាល។ លេខទំនាក់ទំនងសាខានេះគឺ ០១៦ ៦៣០ ៥៧៩។
- សាខាស្រុកកៀនស្វាយ - ផ្លូវជាតិលេខ៤ ភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល។ លេខទំនាក់ទំនងសាខានេះគឺ ០៨៧ ៦៣០ ១១១។
- សាខាខេត្តរតនគីរី - ភូមិអូរកន្សែង ឃុំបឹងកន្សែង ស្រុកបានលុង ខេត្តរតនគីរី។ លេខទំនាក់ទំនងសាខានេះគឺ ០១៥ ៦៣០ ២៩៨។
គិតត្រឹមខែឧសភា ឆ្នាំ២០១៨ ធនាគារ ABA មានសាខាសរុបចំនួន៥៥ និងការិយាល័យប្តូរប្រាក់ចំនួន១ ដែលកំពុងដំណើរការនៅទូទាំងប្រទេសកម្ពុជា។ ធនាគារគ្រោងបើកសាខាចំនួន១១បន្ថែមទៀតនៅដំណាច់ឆ្នាំនេះ ដើម្បីពង្រីកសេវាហិរញ្ញវត្ថុដែលទាន់សម័យជូនដល់ប្រជាជនខ្មែរបន្ថែមទៀត។
