ឱកាសឈ្នះរង្វាន់ធំជាមួយកាត ABA Mastercard កញ្ចប់ធ្វើដំណើរទៅទស្សនាការប្រកួត រវាង Chelsea និង Liverpool !
04/Aug/2025
ប្រើកាត ABA Mastercard អាចមានឱកាសទៅទស្សនាផ្ទាល់ការប្រកួតបាល់ទាត់កម្រិតកំពូល The English Premier League! ពីឥឡូវនេះ ដល់ថ្ងៃទី 28 កុម្ភៈ 2026 រាល់ការទូទាត់ជាមួយកាត ABA Mastercard អស់ចាប់ពី $300 អ្នកនឹងមានឈ្មោះចូលរួមក្នុងកម្មវិធីចាប់រង្វាន់ ដើម្បីឈ្នះដំណើរកម្សាន្ដចូលរួមទស្សនាការប្រកួតបាល់ទាត់រវាងក្រុម Chelsea និង Manchester City នៅពហុកីឡដ្ឋាន Stamford Bridge! សម្រែកហ៊ោពេញពហុកីឡដ្ឋាន, ភាពរំជើបរំជួលនៃការស៊ុតបញ្ចូលទី ព្រមទាំងការប៉ះគ្នារវាងគូដ៏ស្វិតស្វាញនៅលើទីលាន — អ្នកអាចមានឱកាស ទទួលបានបទពិសោធទាំងនោះផ្ទាល់។
មិនទាន់មានកាត ABA Mastercard? មើលពីរបៀបបើកកាតប្លាស្ទិក Mastercard ដោយឥតគិតថ្លៃ តាមកម្មវិធី ABA Mobile។
រយៈពេលប្រូម៉ូសិន៖ ពីថ្ងៃ 1 កញ្ញា 2025 ដល់ 28 កុម្ភៈ 2026 (រាប់បញ្ចូលថ្ងៃទាំងពីរ)។
ដំណើរការនៃប្រូម៉ូសិន៖ ម្ចាស់កាត ABA Mastercard នឹងមានឱកាសឈ្នះកញ្ចប់ធ្វើដំណើរសម្រាប់ពីរនាក់ទៅទីក្រុងឡុងដ៍ និងទស្សនាការប្រកួតរវាងក្រុម Chelsea និង Manchester City នៅថ្ងៃទី11 មេសា ឆ្នាំ 2026 ពេលចំណាយសរុបចូលគ្នាចាប់ពី 300 ដុល្លារតាមកាត ABA Mastercard ក្នុងអំឡុងពេលប្រូម៉ូសិន។
ខ និងលក្ខខណ្ឌ
- ប្រូម៉ូសិននេះ ផ្ដល់ជូនផ្ដាច់មុខសម្រាប់ម្ចាស់កាត ABA Mastercard ទាំងកាតប្លាស្ទិក និងកាតនិម្មិត។
- ប្រូម៉ូសិននេះ សម្រាប់ការចំណាយទាំងអស់ជាមួយកាត ABA Mastercard មិនថាចាយតាមអនឡាញ ឬនៅហាងផ្ទាល់។
- រាល់ការចំណាយតាមកាត ABA Mastercard នឹងត្រូវបូកបញ្ចូលគ្នានៅពេលចប់ប្រូម៉ូសិន។ ម្ចាស់កាត ABA Mastercard ដែលចាយអស់ចាប់ពី 300 ដុល្លារ នឹងមានឈ្មោះនៅក្នុងការចាប់រង្វាន់នេះ។
- ម្ចាស់កាត ABA Mastercard ដែលចាយសរុបចាប់ពី 300 ដុល្លារ នៅលើកាត ABA Mastercard ណាមួយ នឹងទទួលបានឱកាសមួយដងនៅក្នុងការចាប់ឆ្នោត។ ការប្រើកាត ABA Mastercard ច្រើនផ្សេងៗគ្នាសម្រាប់ទូទាត់ នឹងមិនត្រូវបានយកមកបូកបញ្ចូលគ្នានោះទេ។ អតិថិជនម្នាក់ មានឱកាសមួយដងស្មើៗគ្នានៅក្នុងការចាប់រង្វាន់នេះ ឲ្យបានចាយដល់ 300 ដុល្លារ។
- ចំនួនឱកាសឈ្នះនឹងត្រូវរាប់សារឡើងវិញសម្រាប់អំឡុងពេលការចាប់ឆ្នោតនីមួយៗ។
- អ្នកឈ្នះចំនួន 3 រូប នឹងត្រូវបានជ្រើសរើសសម្រាប់រង្វាន់ កញ្ចប់ធ្វើដំណើរទៅទីក្រុងឡុងដ៍ និងទស្សនាការប្រកួតរវាងក្រុម Chelsea និង Liverpool នៅកីឡដ្ឋាន Stamford Bridge។
- ការចាប់រង្វាន់ជ្រើសរើសអ្នកឈ្នះម្នាក់ៗនឹងធ្វើឡើងទៅតាមកាលវិភាគដូចខាងក្រោម៖
- ការចាប់ឆ្នោតលើកទី 1
- កាលបរិច្ឆេទ៖ 30 តុលា 2025
- សម្រាប់ប្រតិបត្តិការពីថ្ងៃទី 1 កញ្ញា ដល់ថ្ងៃទី 26 តុលា 2025 ។
- ការចាប់ឆ្នោតលើកទី 2
- កាលបរិច្ឆេទ៖ 26 ធ្នូ 2025
- សម្រាប់ប្រតិបត្តិការពីថ្ងៃទី 27 តុលា ដល់ថ្ងៃទី 21 ធ្នូ 2025 ។
- ការចាប់ឆ្នោតលើកទី 3
- កាលបរិច្ឆេទ៖ 3 មីនា 2026
- សម្រាប់ប្រតិបត្តិការពីថ្ងៃទី 22 ធ្នូ 2025 ដល់ថ្ងៃទី 28 កុម្ភៈ 2026 ។
- ការចាប់ឆ្នោតលើកទី 1
- អ្នកឈ្នះរង្វាន់ម្នាក់ៗ នឹងទទួលបានកញ្ចប់ធ្វើដំណើរសម្រាប់មនុស្ស 2 នាក់ រួមមានអ្នកឈ្នះផ្ទាល់ និងអ្នករួមដំណើរជាមួយម្នាក់។ កញ្ចប់ធ្វើដំណើរនេះ នឹងរ៉ាប់រងដូចជា៖
- ថ្លៃទិដ្ឋាការទៅចក្រភពអង់គ្លេសសម្រាប់មនុស្ស 2 នាក់
- សំបុត្រយន្តហោះទៅមក ភ្នំពេញ-ទីក្រុងឡុងដ៍ចំនួន 2 សន្លឹក
- ការស្នាក់នៅ 3 យប់នៅទីក្រុងឡុងដ៍
- សំបុត្រ 2 សន្លឹក សម្រាប់ទស្សនាការប្រកួតរវាងក្រុម Chelsea និង Liverpool នៅកីឡដ្ឋាន Stamford Bridge នៅថ្ងៃទី 11 មេសា 2026
- ការធ្វើដំណើរពីសណ្ឋាគារទៅកីឡដ្ឋាន Stamford Bridge
- ការធ្វើដំណើរទៅមកពីសណ្ឋាគារ និងព្រលានយន្ដហោះក្នុងទីក្រុងឡុងដ៍
- ក្នុងចំណោមអ្នកដំណើរទាំងពីរនាក់ ត្រូវមានម្នាក់អាយុលើសពី 30 ឆ្នាំ
- ការចំណាយលើអាហារ, អីវ៉ាន់ផ្ទាល់ខ្លួន និងចំណាយនានាមុន ឬអំឡុងពេលស្នាក់នៅទីក្រុងឡុងដ៍ គឺជាបន្ទុកផ្ទាល់របស់អ្នកឈ្នះ។
- ធនាគារ ABA នឹងធានារៀបចំការហោះហើរ និងការស្នាក់នៅ ឲ្យមានលក្ខណៈសមរម្យ។ ការផ្ដល់ជូននៅក្នុងកញ្ចប់ធ្វើដំណើរនេះត្រូវបានកំណត់ទាំងស្រុងដោយធនាគារ ABA ផ្ទាល់។ អ្នកឈ្នះមិនអាចស្នើសុំកែប្រែ ឬកែសម្រួលណាមួយពាក់ព័ន្ធនឹងកញ្ចប់ធ្វើដំណើរនេះទេ។ ប៉ុន្តែ អ្នកឈ្នះអាចស្នើសុំបន្ថែម ឬដំឡើងសេវាកម្មណាមួយ ប៉ុន្ដែជាបន្ទុកចំណាយផ្ទាល់របស់អ្នកឈ្នះ និងអាស្រ័យលើការយល់ព្រមពីធនាគារ ABA និងភ្នាក់ងារធ្វើដំណើរ។
- ភ្នាក់ងាររៀបចំការធ្វើដំណើរនឹងជួយសម្របសម្រួលដល់ដំណើរការស្នើសុំទិដ្ឋាការ និងឯកសារនានាពាក់ព័ន្ធនឹងការធ្វើដំណើរដល់អ្នកឈ្នះ។
- អ្នកឈ្នះត្រូវផ្តល់រាល់ឯកសារដែលចាំបាច់ សម្រាប់ការស្នើទិដ្ឋាការ ការរៀបចំការធ្វើដំណើរ និងការផ្ទៀងផ្ទាត់ផ្សេងៗ។
- ការិយាល័យ UK វីសា និង អន្តោប្រវេសន៍ (UKVI) ជាអ្នកមានយុត្តាធិការសម្រេចតែមួយគត់លើការចេញទិដ្ឋាការ។ អ្នកឈ្នះទទួលខុសត្រូវទាំងស្រុងក្នុងការអនុលោមតាមច្បាប់ និងបទប្បញ្ញត្តិអន្ដោប្រវេសន៍របស់ចក្រភពអង់គ្លេសជាធរមាន។
- ប្រសិនបើមិនទទួលបានទិដ្ឋាការ (ធ្លាក់វីសា) នោះអ្នកឈ្នះនឹងត្រូវដកចេញពីការទទួលរង្វាន់នេះដោយស្វ័យប្រវត្តិ។ ក្នុងករណីបែបនេះ អ្នកឈ្នះអាចនឹងទទួលបានកញ្ចប់ធ្វើដំណើរទៅសិង្ហបុរីចំនួនបីថ្ងៃពីរយប់ ជំនួសវិញ។ មិនមានការផ្តល់សំណង ឬការពន្យារពេលណាមួយបន្ថែមសម្រាប់អតិថិជននោះទេ។
- ធនាគារ ABA រក្សាសិទ្ធិក្នុងការរើសអ្នកឈ្នះថ្មីមកជំនួសសម្រាប់រង្វាន់កញ្ចប់ធ្វើដំណើរទៅទីក្រុងឡុងដ៍ ក្នុងករណីអ្នកឈ្នះដំបូង មិនបានទទួលទិដ្ឋាការ។
- ក្រុមការងារ ABA នឹងទាក់ទងទៅអ្នកឈ្នះរង្វាន់ដោយផ្ទាល់ក្នុងរយៈពេលពីរថ្ងៃ ដើម្បីបញ្ជាក់ពីការទទួលរង្វាន់ តាមលេខទូរស័ព្ទតែមួយខ្សែគត់ 098 203 203។ អ្នកឈ្នះត្រូវឆ្លើយតប និងបញ្ជាក់អំឡុងពេលដែលក្រុមការងារបានខលទៅ។ ប្រសិនបើអតិថិជនមិនបានលើកទូរស័ព្ទ ឬបញ្ជាក់ពីការទទួលរង្វាន់ក្នុងរយៈពេលពីរថ្ងៃ នោះយើងខ្ញុំនឹងជ្រើសរើសអ្នកឈ្នះថ្មីមកជំនួស។
- អ្នកឈ្នះត្រូវអញ្ជើញមកទទួលរង្វាន់នៅការិយាល័យកណ្តាលរបស់ធនាគារ ABA ដោយចុះហត្ថលេខាលើទម្រង់បែបបទទទួលរង្វាន់ ក្នុងរយៈពេល 3 ថ្ងៃ បន្ទាប់ពីក្រុមការងារ ABA ទាក់ទងទៅរួច។ ប្រសិនបើអតិថិជនមិនមកតាមពេលដែលបានកំណត់នោះទេ យើងខ្ញុំនឹងជ្រើសរើសអ្នកឈ្នះថ្មីមកជំនួស។
- តាមរយៈការទទួលរង្វាន់ អ្នកឈ្នះបានយល់ព្រមទៅតាមការកំណត់ផ្សេងៗ និងការផ្ដល់ជូនក្នុងកញ្ចប់ធ្វើដំណើរ ដូចដែលបានរៀបរាប់ខាងលើ ហើយយល់ព្រមសហការជាមួយភ្នាក់ងាររៀបចំដំណើរកម្សាន្ដ និងធនាគារ ABA ក្នុងដំណើរការស្នើសុំទិដ្ឋាការ និងរៀបចំការធ្វើដំណើរផ្សេងៗ។ អ្នកឈ្នះនឹងត្រូវបានជម្រាបដំណឹងអំពីចន្លោះពេលចាំបាច់ សម្រាប់ដាក់ឯកសារ និងបំពេញបែបបទផ្សេងៗ។ ក្នុងករណីមានការខកខានមិនបានផ្តល់ឯកសារទាន់ពេលវេលា ធនាគារ ABA មានសិទ្ធិក្នុងការដករង្វាន់ពីអ្នកឈ្នះ។
- ក្នុងករណីអ្នកឈ្នះស្ម័គ្រចិត្តដកខ្លួន ឬធ្វើឲ្យមានការយឺតយ៉ាវដោយមិនសមហេតុផល សម្រាប់ការស្នើសុំទិដ្ឋាការ ធនាគារ ABA រក្សាសិទ្ធិក្នុងការដករង្វាន់ពីអ្នកឈ្នះ។ ករណីនេះ នឹងមិនមានសំណង ឬការកែប្រែកាលវិភាគធ្វើដំណើរណាមួយនឹងត្រូវផ្តល់ជូននោះទេ។
- រង្វាន់នេះមិនអាចដូរយកជាសាច់ប្រាក់ ឬផលិតផលផ្សេងបានទេ។ ដោយឡែក រង្វាន់អាចផ្ទេរទៅអតិថិជនដែលជាម្ចាស់កាត ABA Mastercard ផ្សេងបាន ដោយមានការបញ្ជាក់ជាលាយលក្ខណ៍អក្សរពីម្ចាស់រង្វាន់ដើម។
- តាមរយៈការចូលរួមក្នុងប្រូម៉ូសិននេះ អ្នកឈ្នះនឹងតម្រូវឲ្យចូលរួមក្នុងសកម្មភាពផ្សព្វផ្សាយនានាដោយស្វ័យប្រវត្តិ ដោយរូបភាព, ឈ្មោះ, សញ្ជាតិ និង/ឬទីកន្លែងស្នាក់នៅបច្ចុប្បន្ន អាចនឹងត្រូវបង្ហាញជាសាធារណៈ។
- បុគ្គលិកធនាគារ ABA មិនអាចចូលរួមក្នុងប្រូម៉ូសិននេះទេ។
- ធនាគារ ABA និងក្រុមហ៊ុន Mastercard រក្សាសិទ្ធិតាមឆន្ទានុសិទ្ធិរបស់ខ្លួនក្នុងការផ្លាស់ប្ដូរ ឬកែប្រែលក្ខខណ្ឌ ឬបញ្ចប់ប្រូម៉ូសិននេះដោយមិនជម្រាបដំណឹងជាមុនឡើយ។
- ការសម្រេចចិត្តរបស់ធនាគារ ABA និងក្រុមហ៊ុន Mastercard អំពីបញ្ហាណាមួយពាក់ព័ន្ធនឹងប្រូម៉ូសិននេះ គឺជាការសម្រេចចិត្តចុងក្រោយ ដោយមិនមានការកែប្រែ។
