ឱកាសទស្សនាការប្រកួតផ្ទាល់ រវាង Arsenal និង Manchester City ជាមួយកាត ABA Mastercard
04/Aug/2025
ទទួលយកបទពិសោធដ៏រំភើបរីករាយនៃការប្រកួតជើងឯកបាល់ទាត់ English Premier League ដោយផ្ទាល់ជាមួយកាត ABA Mastercard! ចាយជាមួយកាតចាប់ពី 300ដុល្លារ ពីឥឡូវ ដល់ថ្ងៃទី5 ខែតុលា ឆ្នាំ2026 នឹងមានឈ្មោះក្នុងការចាប់រង្វាន់ ដែលអាចឈ្នះដំណើរកម្សាន្ដមិនអាចបំភ្លេចបាន។ កុំខកខានឱកាសមើលការប្រកួតបាល់ទាត់លំដាប់ពិភពលោកដោយផ្ទាល់!
មិនទាន់មានកាត ABA Mastercard? មើលពីរបៀបបើកកាតប្លាស្ទិក Mastercard ដោយឥតគិតថ្លៃ តាមកម្មវិធី ABA Mobile។
រយៈពេលប្រូម៉ូសិន៖ ពីថ្ងៃ 6 កក្កដា ដល់ 5 តុលា 2026 (រាប់បញ្ចូលថ្ងៃទាំងពីរ)។
ដំណើរការនៃប្រូម៉ូសិន៖ ម្ចាស់កាត ABA Mastercard នឹងមានឱកាសឈ្នះកញ្ចប់ធ្វើដំណើរសម្រាប់ពីរនាក់ទៅទីក្រុងឡុងដ៍ និងទស្សនាការប្រកួតរវាងក្រុម Arsenal និង Manchester City នៅថ្ងៃទី 28 វិច្ឆិកា ឆ្នាំ 2026 ពេលចំណាយសរុបចូលគ្នាចាប់ពី 300 ដុល្លារតាមកាត ABA Mastercard ក្នុងអំឡុងពេលប្រូម៉ូសិន។
ខ និងលក្ខខណ្ឌ
- ប្រូម៉ូសិននេះ ផ្ដល់ជូនផ្ដាច់មុខសម្រាប់ម្ចាស់កាត ABA Mastercard ទាំងកាតប្លាស្ទិក និងកាតនិម្មិត។
- ប្រូម៉ូសិននេះ សម្រាប់ការចំណាយទាំងអស់ជាមួយកាត ABA Mastercard មិនថាចាយតាមអនឡាញ ឬនៅហាងផ្ទាល់។
- រាល់ការចំណាយតាមកាត ABA Mastercard នឹងត្រូវបូកបញ្ចូលគ្នានៅអំឡុងពេលចាប់ឆ្នោតនីមួយៗ។
- ការប្រើកាត ABA Mastercard ច្រើនផ្សេងៗគ្នាសម្រាប់ទូទាត់ នឹងមិនត្រូវបានយកមកបូកបញ្ចូលគ្នាដើម្បីឲ្យគ្រប់លក្ខខណ្ឌចំណាយឡើយ។
- រាល់ការចំណាយចូលគ្នាគ្រប់ 300ដុល្លារ លើកាត ABA Mastercard មួយ ស្មើនឹងឱកាសមួយដងក្នុងការចាប់រង្វាន់។
- កាត ABA Mastercard មួយ អាចទទួលបានឱកាសច្រើនលើសពីមួយដង នៅក្នុងការចាប់រង្វាន់នីមួយៗ។
- អ្នកឈ្នះចំនួន 2រូប នឹងត្រូវបានជ្រើសរើសសម្រាប់រង្វាន់ កញ្ចប់ធ្វើដំណើរទៅទីក្រុងឡុងដ៍ និងទស្សនាការប្រកួតរវាងក្រុម Arsenal និង Manchester City នៅកីឡដ្ឋាន Emirates Stadium។
- ការចាប់រង្វាន់នឹងធ្វើឡើងចំនួន 2លើក ដោយក្នុងមួយលើក រើសអ្នកឈ្នះ 1រូប តាមកាលវិភាគដូចខាងក្រោម៖
- លើកទី1 នៅថ្ងៃទី24 សីហា 2026 សម្រាប់ប្រតិបត្តិការពីថ្ងៃទី6 កក្កដា ដល់ថ្ងៃទី20 សីហា 2026។
- លើកទី2 នៅថ្ងៃទី7 តុលា 2026 សម្រាប់ប្រតិបត្តិការពីថ្ងៃទី21 សីហា ដល់ថ្ងៃទី5 តុលា 2026។
- អ្នកឈ្នះ នឹងទទួលបានកញ្ចប់ធ្វើដំណើរសម្រាប់មនុស្សពីរនាក់ រួមមានអ្នកឈ្នះផ្ទាល់ និងអ្នករួមដំណើរជាមួយម្នាក់ទៀត។ កញ្ចប់ធ្វើដំណើរនេះ នឹងរ៉ាប់រងលើការចំណាយដូចជា៖
- ថ្លៃទិដ្ឋាការទៅចក្រភពអង់គ្លេសសម្រាប់មនុស្សពីរនាក់
- សំបុត្រយន្តហោះទៅមក ភ្នំពេញ-ទីក្រុងឡុងដ៍ចំនួន 2សន្លឹក
- ការស្នាក់នៅ 3 យប់នៅទីក្រុងឡុងដ៍
- សំបុត្រ 2សន្លឹក សម្រាប់ចូលមើលការប្រកួតរវាងក្រុម Arsenal និង Manchester City នៅកីឡដ្ឋាន Emirates Stadium នៅថ្ងៃទី 28 វិច្ឆិកា 2026
- ការធ្វើដំណើរទៅមកពីសណ្ឋាគារ និងព្រលានយន្ដហោះក្នុងទីក្រុងឡុងដ៍
- ក្នុងចំណោមអ្នកដំណើរទាំងពីរនាក់ ត្រូវមានម្នាក់អាយុយ៉ាងតិច 30ឆ្នាំ
- ការចំណាយលើអាហារ, អីវ៉ាន់ផ្ទាល់ខ្លួន និងចំណាយនានាមុន ឬអំឡុងពេលស្នាក់នៅទីក្រុងឡុងដ៍ ដែលមិនបានបញ្ជាក់ច្បាស់នៅក្នុងកញ្ចប់ធ្វើដំណើរនេះ គឺជាបន្ទុកផ្ទាល់របស់អ្នកឈ្នះ។
- ធនាគារ ABA នឹងធានារៀបចំការហោះហើរ និងការស្នាក់នៅ ឲ្យមានលក្ខណៈសមរម្យ។ ការផ្ដល់ជូននៅក្នុងកញ្ចប់ធ្វើដំណើរនេះត្រូវបានកំណត់ទាំងស្រុងដោយធនាគារ ABA ផ្ទាល់។ អ្នកឈ្នះមិនអាចស្នើសុំកែប្រែ ឬកែសម្រួលណាមួយពាក់ព័ន្ធនឹងកញ្ចប់ធ្វើដំណើរនេះទេ។ ប៉ុន្តែ អ្នកឈ្នះអាចស្នើសុំបន្ថែម ឬដំឡើងសេវាកម្មណា មួយ ប៉ុន្ដែជាបន្ទុកចំណាយផ្ទាល់របស់អ្នកឈ្នះ និងអាស្រ័យលើការយល់ព្រមពីធនាគារ ABA និងភ្នាក់ងារធ្វើ ដំណើរ។
- ភ្នាក់ងាររៀបចំការធ្វើដំណើរនឹងជួយសម្របសម្រួលដល់ដំណើរការស្នើសុំទិដ្ឋាការ និងឯកសារនានាពាក់ព័ន្ធនឹងការធ្វើដំណើរដល់អ្នកឈ្នះ។
- អ្នកឈ្នះត្រូវផ្តល់រាល់ឯកសារដែលចាំបាច់ សម្រាប់ការស្នើទិដ្ឋាការ ការរៀបចំការធ្វើដំណើរ និងការផ្ទៀងផ្ទាត់ផ្សេងៗ។
- ការិយាល័យ UK វីសា និង អន្តោប្រវេសន៍ (UKVI) ជាអ្នកមានយុត្តាធិការសម្រេចតែមួយគត់លើការចេញទិដ្ឋាការ។ អ្នកឈ្នះទទួលខុសត្រូវទាំងស្រុងក្នុងការអនុលោមតាមច្បាប់ និងបទប្បញ្ញត្តិអន្ដោប្រវេសន៍របស់ចក្រភពអង់គ្លេសជាធរមាន។
- ប្រសិនបើមិនទទួលបានទិដ្ឋាការ (ធ្លាក់វីសា) នោះអ្នកឈ្នះនឹងត្រូវដកចេញពីការទទួលរង្វាន់នេះដោយស្វ័យប្រវត្ត។ មិនមានការផ្តល់សំណង ឬការពន្យារពេលណាមួយបន្ថែមសម្រាប់អតិថិជននោះទេ។
- ធនាគារ ABA រក្សាសិទ្ធិក្នុងការរើសអ្នកឈ្នះថ្មីមកជំនួសសម្រាប់រង្វាន់កញ្ចប់ធ្វើដំណើរទៅទីក្រុងឡុងដ៍ ក្នុងករណីអ្នកឈ្នះដំបូង មិនបានទទួលទិដ្ឋាការ។
- ក្រុមការងារ ABA នឹងទាក់ទងទៅអ្នកឈ្នះរង្វាន់ដោយផ្ទាល់ក្នុងរយៈពេលពីរថ្ងៃ ដើម្បីបញ្ជាក់ពីការទទួលរង្វាន់ តាមលេខទូរស័ព្ទតែមួយខ្សែគត់ 098 203 203។ អ្នកឈ្នះត្រូវឆ្លើយតប និងបញ្ជាក់អំឡុងពេលដែលក្រុមការងារបានខលទៅ។ ប្រសិនបើអតិថិជនមិនបានលើកទូរស័ព្ទ ឬបញ្ជាក់ពីការទទួលរង្វាន់ក្នុងរយៈពេលពីរថ្ងៃ នោះយើងខ្ញុំនឹងជ្រើសរើសអ្នកឈ្នះថ្មីមកជំនួស។
- អ្នកឈ្នះត្រូវអញ្ជើញមកទទួលរង្វាន់នៅការិយាល័យកណ្តាលរបស់ធនាគារ ABA ដោយចុះហត្ថលេខាលើទម្រង់បែបបទទទួលរង្វាន់ ក្នុងរយៈពេល 3 ថ្ងៃ បន្ទាប់ពីក្រុមការងារ ABA ទាក់ទងទៅរួច។ ប្រសិនបើអតិថិជនមិនមកតាមពេលដែលបានកំណត់នោះទេ យើងខ្ញុំនឹងជ្រើសរើសអ្នកឈ្នះថ្មីមកជំនួស។
- តាមរយៈការទទួលរង្វាន់ អ្នកឈ្នះបានយល់ព្រមទៅតាមការកំណត់ផ្សេងៗ និងការផ្ដល់ជូនក្នុងកញ្ចប់ធ្វើដំណើរ ដូចដែលបានរៀបរាប់ខាងលើ ហើយយល់ព្រមសហការជាមួយភ្នាក់ងាររៀបចំដំណើរកម្សាន្ដ និងធនាគារ ABA ក្នុងដំណើរការស្នើសុំទិដ្ឋាការ និងរៀបចំការធ្វើដំណើរផ្សេងៗ។ អ្នកឈ្នះនឹងត្រូវបានជម្រាបដំណឹងអំពីចន្លោះពេលចាំបាច់ សម្រាប់ដាក់ឯកសារ និងបំពេញបែបបទផ្សេងៗ។ ក្នុងករណីមានការខកខានមិនបានផ្តល់ឯកសារទាន់ពេលវេលា ធនាគារ ABA មានសិទ្ធិក្នុងការដករង្វាន់ពីអ្នកឈ្នះ។
- ក្នុងករណីអ្នកឈ្នះស្ម័គ្រចិត្តដកខ្លួន ឬធ្វើឲ្យមានការយឺតយ៉ាវដោយមិនសមហេតុផល សម្រាប់ការស្នើសុំទិដ្ឋាការ ធនាគារ ABA រក្សាសិទ្ធិក្នុងការដករង្វាន់ពីអ្នកឈ្នះ។ ករណីនេះ នឹងមិនមានសំណង ឬការកែប្រែកាលវិភាគធ្វើដំណើរណាមួយនឹងត្រូវផ្តល់ជូននោះទេ។
- រង្វាន់នេះមិនអាចដូរយកជាសាច់ប្រាក់ ឬផលិតផលផ្សេងបានទេ។ ដោយឡែក រង្វាន់អាចផ្ទេរទៅអតិថិជនដែលជាម្ចាស់កាត ABA Mastercard ផ្សេងបាន ដោយមានការបញ្ជាក់ជាលាយលក្ខណ៍អក្សរពីម្ចាស់រង្វាន់ដើម។
- តាមរយៈការចូលរួមក្នុងប្រូម៉ូសិននេះ អ្នកឈ្នះនឹងតម្រូវឲ្យចូលរួមក្នុងសកម្មភាពផ្សព្វផ្សាយនានាដោយស្វ័យប្រវត្ត ដោយរូបភាព និងឈ្មោះរបស់ពួកគាត់ អាចនឹងត្រូវបង្ហាញជាសាធារណៈ។
- បុគ្គលិកធនាគារ ABA មិនអាចចូលរួមក្នុងប្រូម៉ូសិននេះទេ។
- ធនាគារ ABA និងក្រុមហ៊ុន Mastercard រក្សាសិទ្ធិតាមឆន្ទានុសិទ្ធិរបស់ខ្លួនក្នុងការផ្លាស់ប្ដូរ ឬកែប្រែលក្ខខណ្ឌ ឬបញ្ចប់ប្រូម៉ូសិននេះដោយមិនជម្រាបដំណឹងជាមុនឡើយ។
- ការសម្រេចចិត្តរបស់ធនាគារ ABA និងក្រុមហ៊ុន Mastercard អំពីបញ្ហាណាមួយពាក់ព័ន្ធនឹងប្រូម៉ូសិននេះ គឺជាការសម្រេចចិត្តចុងក្រោយ ដោយមិនមានការកែប្រែ។
