ស្វាគមន៏ចូលឆ្នាំថ្មីប្រពៃណី ខ្មែរដោយបើកបំរើសេវា ពេញលេញនៅសាខាខេត្តក្រចេះ

01/Apr/2015

ស្វាគមន៏ចូលឆ្នាំថ្មីប្រពៃណី ខ្មែរដោយបើកបំរើសេវា ពេញលេញនៅសាខាខេត្តក្រចេះស្វាគមន៏ចូលឆ្នាំថ្មីប្រពៃណី ខ្មែរដោយបើកបំរើសេវា ពេញលេញនៅសាខាខេត្តក្រចេះ

កាលពីថ្ងៃទី1 ខែមេសា ឆ្នាំ 2015 ថ្មីៗនេះ ធនាគារABAបាន ប្រកាសបើកដំណើរ ការសេវាកម្មពេញលេញរបស់ខ្លួននៅ ខេត្តក្រចេះ។ នេះជាសាខាទី26 របស់ធនាគារABA ដែលបាន បោះទីតាំងនៅចំកណ្តាលបេះដូង នៃក្រុងក្រចេះ។

សាខាតំបន់ក្រចេះ បានរៀបចំរួចរាល់ដើម្បីបំរើអតិថិជនដំបូង ដោយផ្តល់នូវសេវាកម្មហិរញ្ញវត្ថុប្រកបដោយគុណភាពខ្ពស់ និង គ្រប់កំរិតនៃផលិតផល របស់ធនាគាររួមមានការដាក់ ប្រាក់បញ្ញើការផ្តល់ប្រាក់កម្ចី ការទូទាត់វិក្កយបត្រ និងសេវា ជាច្រើនទៀត។ ជាពិសេសផ្តោតការយកចិត្តទុកដាក់ទៅលើតម្រូវការនានាដើម្បីមុខរបរអាជីវកម្មក្នុងតំបន់ទទួលបានការរីកចំរើន ព្រមទាំង គាំទ្រដល់សហគ្រិននៃអាជីវកម្មខ្នាតតូច និង អាជីវកម្មខ្នាតតូច-មធ្យមផងដែរ។

លោក អៀន សំអាន ប្រធានសាខា បានឲ្យដឹងថា “ធនាគារ ABA សាខាខេត្តក្រចេះបានប្តេជ្ញាចិត្តដោយស្មោះស្ម័គ្រនិង ប្រកបដោយវិជ្ជាជីវៈក្នុងការបំរើសេវាកកម្មក្នុងកំរិតស្តង់ដាខ្ពស់បំផុត” លោកបានបន្តទៀតថា “ដូចគ្នានឹងបណ្តាខេត្ត ផ្សេងៗទៀតដែរ ABA នៅខេត្តក្រចេះបានតាំងចិត្តនឹងនៅជាមួយនិងរួមចំណែកដើម្បីការផ្លាស់ប្តូជាវិជ្ជមាន។ យើងខ្ញុំ ពិតជាមានបំណងផ្សាភ្ជាប់និងចូលរួមដោយផ្ទាល់ជាមួយអាជីវកម្មក្នុងតំបន់នេះដើម្បីគាំទ្រនិងជ្រោមជ្រែងការរីកចំរើន របស់ពួកគាត់។”

សាខាខេត្តក្រចេះមានអាស័យដ្ឋានផ្ទះលេខ 885 ផ្លូវជាតិលេខ 7 ភូមិត្រពាំងព្រីង សង្កាត់ ក្រចេះ ខេត្តក្រចេះ គ្រប់គ្រង ដោយលោក អៀន សំអាន។ សាខានេះអាចទាក់ទងបានតាមទូរស័ព្ទលេខ 098 203 049 ។

គិតមកដល់ពេលនេះ ធនាគារ ABA មានសាខាចំនួន 26 ហើយនៅទូទាំងប្រទេសកម្ពុជា។ ជាមួយនឹងផែនការពង្រីក របស់ខ្លួន ធនាគារនឹងមានវត្តមាននៅទូទាំងប្រទេស ដោយបច្ចុប្បន្ន ធនាគារ ABAបានគ្រប់ដណ្តប់ខេត្តសំខាន់ៗ មួយចំនួនហើយនឹងបន្តមានថែមទៀតនៅឆ្នាំខាងមុខ។