ធ្វើបច្ចុប្បន្នភាពព័ត៌មានអ្នកជាប់ពន្ធសញ្ជាតិអាមេរិកជាមួយធនាគារ ABA សម្រាប់កាតព្វកិច្ចរាយការណ៍ FATCA
23/Feb/2026
អតិថិជនធនាគារ ABA ដែលមានសញ្ជាតិអាមេរិក ឬ U.S. indicia ជាទីគោរព!
យោងតាមកិច្ចព្រមព្រៀងរវាងរដ្ឋាភិបាលសហអាមេរិក និងរាជរដ្ឋាភិបាលកម្ពុជាស្តីពីអនុលោមភាពពន្ធអន្តរជាតិ និងអនុវត្តច្បាប់ស្ដីពីអនុលោមភាពពន្ធចំពោះគណនីក្រៅប្រទេសរបស់អាមេរិក (កិច្ចព្រមព្រៀង FATCA), ច្បាប់ និងបទប្បញ្ញត្តិជាធរមាន, ព្រមទាំងលក្ខខណ្ឌទូទៅរបស់ធនាគារ ABA (ធនាគារ) លោកអ្នកមានកាតព្វកិច្ចផ្តល់ជូនធនាគារនូវព័ត៌មានផ្ទាល់ខ្លួនពេញលេញ និងទាន់បច្ចុប្បន្នភាព រួមមាន ស្ថានភាពសញ្ជាតិអាមេរិក និងលេខសម្គាល់អ្នកជាប់ពន្ធអាមេរិក (TIN/SSN) សម្រាប់គោលបំណងរាយការណ៍។
ដំណឹងនេះ អនុវត្តចំពោះអ្នក ប្រសិនបើ៖
- អ្នកមានការផ្លាស់ប្ដូរក្នុងស្ថានភាពនានា និងកា្លយជាពលរដ្ឋអាមេរិក ឬទទួលបាន TIN/SSN អាមេរិក ឬ
- អ្នកមិនធ្លាប់ផ្ដល់ វិញ្ញាបនបត្របញ្ជាក់ពីបុគ្គលសញ្ជាតិសហអាមេរិក (U.S. Person Certification) ពីមុនមក។
សូមសម្គាល់ថា ការខកខានមិនអនុវត្តតាមការស្នើសុំនេះ អាចបណ្តាលឲ្យធនាគារចាត់ថ្នាក់អ្នកជា ‘ម្ចាស់គណនីមិនសហការ’ ក្រោមកិច្ចព្រមព្រៀង FATCA និងដាក់កំហិតលើគណនីនាពេលអនាគតដូចដែលបានតម្រូវ។
របៀបធ្វើបច្ចុប្បន្នភាពព័ត៌មាន
ជម្រើសទី១៖ ដាក់បញ្ជូន វិញ្ញាបនបត្របញ្ជាក់ពីបុគ្គលសញ្ជាតិសហអាមេរិក
សូមបំពេញ ទម្រង់វិញ្ញាបនបត្របញ្ជាក់ពីបុគ្គលសញ្ជាតិសហអាមេរិក ហើយផ្ញើមកយើងខ្ញុំវិញតាមអ៊ីមែលqualitycontrol@ababank.com។
ដោយសារមូលហេតុសុវត្ថិភាព ទម្រង់នេះមិនអនុញ្ញាតឲ្យអ្នករក្សាទុកព័ត៌មានផ្ទាល់ខ្លួនរបស់អ្នកទេ។ ហេតុដូច្នេះ សូមអនុវត្តតាមជម្រើសមួយក្នុងចំណោមជម្រើសទាំងពីរនេះ មុនពេលអ៊ីមែលមកយើងខ្ញុំ៖
- ដោនឡូត និងបោះពុម្ពទម្រង់នេះដែលមិនទាន់បំពេញរួច។ បំពេញដោយប្រើប៊ិចពណ៌ខៀវ ស្គែន ហើយអ៊ីមែលមកយើងខ្ញុំ ឬ
- ដោនឡូតទម្រង់នេះ រួចបំពេញព័ត៌មានរបស់អ្នក។ បោះពុម្ពដោយមិនរក្សាទុក ស្គែន ហើយអ៊ីមែលមកយើងខ្ញុំ។
ទម្រង់វិញ្ញាបនបត្របញ្ជាក់ពីបុគ្គលសញ្ជាតិសហអាមេរិក
ជម្រើសទី២៖ ធ្វើបច្ចុប្បន្នភាពព័ត៌មានរបស់អ្នកតាមកម្មវិធី ABA Mobile (លើកទឹកចិត្តឲ្យជ្រើសរើសមធ្យោបាយនេះ)
អ្នកអាចធ្វើបច្ចុប្បន្នភាពស្ថានភាពសញ្ជាតិអាមេរិក និង TIN/SSN អាមេរិករបស់អ្នក ដោយផ្ទាល់ក្នុងកម្មវិធី ABA Mobile៖
- បើក ABA Mobile រួចចូលទៅ ការកំណត់
- ជ្រើសរើស ប្រូហ្វាលរបស់ខ្ញុំ
- ចុច អាសយដ្ឋាន និងព័ត៌មានការងារ
- ចុច កែប្រែ ដើម្បីបំពេញព័ត៌មាននៅចន្លោះដែលពាក់ព័ន្ធ
- បញ្ជាក់ ថា ព័ត៌មានដែលបានផ្ដល់គឺ ពិត និងត្រឹមត្រូវ រួចចុច រក្សាទុក។
ប្រសិនបើអ្នកមានចម្ងល់អំពីការស្នើសុំនេះ សូមទាក់ទងយើងខ្ញុំតាមទូរស័ព្ទលេខ (+855) 98 630 260 ឬអញ្ជើញមកកាន់សាខាធនាគារ ABA ដែលនៅជិតអ្នកបំផុត ឬអ៊ីមែលមក qualitycontrol@ababank.com។
សូមអរគុណសម្រាប់ការប្រើប្រាស់សេវាធនាគាររបស់យើងខ្ញុំ!
