សាខា ABA ថ្មីចំនួន បី បានបើកបម្រើសេវាធនាគារប្រសើរ ក្នុងរាជធានីភ្នំពេញ និងតាមបណ្តាលខេត្ត
05/Dec/2023
ABA បានពង្រីកទីតាំងរបស់ខ្លួនទៅកាន់សាខាថ្មីចំនួនបី នៅតំបន់សំខាន់ៗ ដើម្បីផ្តល់នូវសេវាធនាគារប្រសើរស្របតាមតម្រូវការកើនឡើងរបស់អតិថិជន។ ការបើកសាខាថ្មីនេះបង្ហាញពីការប្តេជ្ញាចិត្តរបស់ ABA ក្នុងការផ្តល់នូវសេវាកម្មអតិថិជនពិសេស និងជំរុញការរួមបញ្ចូលផ្នែកហិរញ្ញវត្ថុ។
សាខាថ្មីនេះមានទីតាំងនៅក្នុងខណ្ឌចំការមន រាជធានីភ្នំពេញ ស្រុកកំពង់ត្រាច ខេត្តកំពត និងស្រុកបាទី ខេត្តតាកែវ បានរៀបចំឡើងដើម្បីផ្តល់ជូននូវផលិតផល និងសេវាកម្មហិរញ្ញវត្ថុដ៏ធំទូលាយ ដើម្បីបំពេញតម្រូវការដល់សហគមន៍។
សាខាថ្មីនេះមានបំពាក់នូវឧបករណ៍ស្វ័យសេវាទំនើបៗ ដូចជា ម៉ាស៊ីន ATM, ម៉ាស៊ីនដាក់ប្រាក់ និងម៉ាស៊ីនដាក់/ដកប្រាក់ ដើម្បីសម្រួលដល់ការចូលប្រើសេវាធនាគាររបស់អតិថិជនបានគ្រប់ពេលវេលា។ សាខាក៏មាន ម៉ាស៊ីនបើកកាត ដែលអតិថិជនអាចបើកកាត Visa, Mastercard, UPI និងកាត CSS ដោយខ្លួនឯង ចាយពេលមិនដល់ពីរនាទី ហើយមិនចាំបាច់មានការបើកជូនដោយបុគ្គលិកឡើយ។
សាខានេះផ្តល់ជូននូវផលិតផល និងសេវាកម្មផ្សេងៗ រួមមាន បើកគណនីសន្សំ និងបញ្ញើគ្រប់ប្រភេទ, ប្រឹក្សាជាមួយអ្នកជំនាញកម្ចីយើងខ្ញុំពាក់ព័ន្ធនឹងផលិតផលកម្ចីអាជីវកម្មច្រើនប្រភេទ, បើកកាតឥណពន្ធ ឥណទាន។
- សាខាបឹងត្របែក មានទីតាំងនៅអគារលេខ 787 មហាវិថីព្រះមុនីវង្ស ផ្លូវលេខ 466 ភូមិ5 សង្កាត់បឹងត្របែក ខណ្ឌចំការមន រាជធានីភ្នំពេញ។ សាខានេះអាចទាក់ទងបានតាមលេខ៖ 098 206 750។
- សាខាស្រុកកំពង់ត្រាច ស្ថិតនៅលើផ្លូវជាតិលេខ33 ភូមិកំពង់ត្រាចទីមួយ ឃុំកំពង់ត្រាច ឃុំកំពង់ត្រាច ខេត្តកំពត។ សាខានេះអាចទាក់ទងបានតាមលេខ៖ 098 206 535។
- សាខាស្រុកបាទី ស្ថិតនៅផ្លូវជាតិលេខ2 ភូមិស្មាញ ឃុំត្រពាំងសាប ស្រុកបាទី ខេត្តតាកែវ។ សាខានេះអាចទាក់ទងបានតាមលេខ៖ 098 206 941។
ជាមួយនឹងការបន្ថែមសាខាទាំងបីនេះ ABA ឥឡូវនេះមានបណ្តាញយ៉ាងទូលំទូលាយនៃ 91 សាខាទូទាំងប្រទេស ដែលបំពេញបន្ថែមដោយ 45 ABA 24/7 កន្លែងធ្វើធនាគារដោយខ្លួនឯងផ្ទាល់។
