សាខា ABA ដំបូងនៅខេត្តព្រះវិហារ បើកដំណើរការជាផ្លូវការ
07/Dec/2020
ធនាគារ ABA ជាបុត្រសម្ព័ន្ធនៃធនាគារជាតិកាណាដា សម្ពោធដាក់ឲ្យប្រើប្រាស់ជាផ្លូវការនូវសាខាខេត្តព្រះវិហារ ដើម្បីនាំមកនូវផលិតផល និងសេវាធនាគារងាយស្រួលជូនប្រជាពលរដ្ឋនៅក្នុងខេត្តនេះ។
សាខានេះផ្តល់ជូននូវផលិតផល និងសេវាធនាគារពេញលេញ ដូចជា ការបើក និងរក្សាគណនី និងការប្រាក់បញ្ញើ ការផ្តល់កម្ចីគ្រប់ប្រភេទ ការបើកកាតទូទាត់ ព្រមទាំងផលិតផល និងសេវាកម្មផ្សេងៗជាច្រើនទៀត។
សាខាខេត្តព្រះវិហារមានទីតាំងធំទូលាយ និងត្រូវបានរៀបចំឲ្យមានកន្លែងរង់ចាំ និងបញ្ជរបម្រើសេវាប្រកបផាសុកភាព ដើម្បីផ្តល់ជូនអតិថិជននូវសេវាកម្មស្តង់ដារខ្ពស់ ព្រមទាំងឯកជនភាពផងដែរ។ គ្រឿងបរិក្ខារស្វ័យសេវាធនាគារ ដូចជា ម៉ាស៊ីន ATM ម៉ាស៊ីនដាក់ប្រាក់ និងម៉ាស៊ីនដកនិងដាក់ប្រាក់ ក៏មាននៅទីតាំងសាខានេះដើម្បីសម្រួលដល់អតិថិជនក្នុងការចូលប្រើប្រាស់គណនីរបស់ពួកគេបានគ្រប់ពេលវេលាផងដែរ។
លោក អេង យូឈាន ប្រធានសាខាខេត្តព្រះវិហារ មានប្រសាសន៍ថា៖ "ខេត្តព្រះវិហារ គឺជាគោលដៅទេសចរណ៍ និងអាជីវកម្មដ៏ល្អមួយ។ ទីតាំងរបស់យើងដែលនៅកៀកនឹងប្រទេសជិតខាងអាចធ្វើឲ្យមានសកម្មភាពពាណិជ្ជកម្ម និងសេដ្ឋកិច្ចផ្សេងៗជាច្រើន។ ខណៈពេលដែលសេដ្ឋកិច្ចខេត្តមួយនេះកំពុងតែរីកចម្រើន តម្រូវការសេវាហិរញ្ញវត្ថុទំនើបក៏មានផងដែរ។ នេះជាមូលហេតុដែលធនាគារ ABA បានសម្រេចចិត្តបើកសាខានៅខេត្តព្រះវិហារ ហើយយើងមានសេចក្តីរីករាយក្នុងការផ្តល់ជូនរូបវន្តបុគ្គល និងអាជីវកម្មនានានៅទីនេះនូវសេវាកម្មធនាគារដ៏ទំនើប និងអាចទុកចិត្តបាន។"
ចាប់ពីថ្ងៃនេះ អតិថិជនអាចអញ្ជើញមកកាន់ទីតាំងថ្មីស្រឡាងរបស់យើងដើម្បីបំពេញតម្រូវការសេវាធនាគាររបស់ខ្លួន និងប្រឹក្សាយោបល់ជាមួយបុគ្គលិកប្រកបដោយវិជ្ជាជីវៈរបស់យើង ពីម៉ោង 8 ព្រឹក ដល់ម៉ោង 4 រសៀល នៅរាល់ថ្ងៃចន្ទ ដល់ថ្ងៃសុក្រ និងពីម៉ោង 8 ព្រឹក ដល់ម៉ោង 11 ព្រឹក នៅរាល់ថ្ងៃសៅរ៍។
សាខាធនាគារ ABA ខេត្តព្រះវិហារ មានទីតាំងតាមផ្លូវម្លូព្រៃ ភូមិអណ្តូងពោធិ សង្កាត់កំពង់ប្រណាក ក្រុងព្រះវិហារ។ ផែនទីនៃទីតាំងរបស់សាខាមាននៅត្រង់នេះ។
នេះជាលេខទំនាក់ទំនងរបស់សាខាដែលបើកថ្មីនេះ 081 204 590។
គិតត្រឹមថ្ងៃទី 4 ធ្នូ 2020 ធនាគារ ABA មានបណ្តាញសាខា និងការិយាល័យចំនួន 78 នៅក្នុងខេត្តចំនួន 21។ ធនាគារក៏មានបណ្តាញម៉ាស៊ីន ATM ម៉ាស៊ីនដកនិងដាក់ប្រាក់ ម៉ាស៊ីនដាក់ប្រាក់ និងម៉ាស៊ីនដាក់មូលប្បទានបត្រ ជាង 450 នៅទូទាំងប្រទេស។
