​រក្សា​សុវត្ថិភាព​ពី​ជន​ឆបោក​

06/06/2018

​រក្សា​សុវត្ថិភាព​ពី​ជន​ឆបោក​​រក្សា​សុវត្ថិភាព​ពី​ជន​ឆបោក​

​អតិថិជន​ជាទី​គោរព​,​
សូម​លោក​អ្នក​មេត្តា​ប្រុង​ប្រយ័ត្ន​ឲ្យ​បាន​ខ្ពស់​បំផុត​ចំពោះ​ជន​ណា​ដែល​បាន​សួរ​រក​ព័ត៌មាន​ធនាគារ​ពី​លោក​អ្នក​។​ ដើម្បី​ប្រើប្រាស់​សេវា​ធនាគារ​ ABA​ ដោយ​ក្ដី​រីករាយ​ សូម​លោក​អ្នក​ដាច់ខាត​ កុំ​បញ្ចេញ​ ឬ​ប្រាប់​ព័ត៌មាន​ធនាគារ​ (​លេខ​លើ​កាត​ ១៦​ខ្ទង់​,​ លេខ​ចុះ​ឈ្មោះ​ប្រើប្រាស់​កម្មវិធី​ទូរស័ព្ទ​,​ username​ ក្នុង​កម្មវិធី​ទូរស័ព្ទ​ ឬ​លេខ​ PIN​ ។​ល​។​)​ ដល់​អ្នក​ផ្សេង​ ទោះជា​ជន​នោះ​ប្រាប់​ថា​ជា​បុគ្គលិក​របស់​ ABA​ ក៏​ដោយ​។​

​សូម​ជម្រាប​ថា​ ធនាគារ​ ABA​ ជា​ដាច់ខាត​ នឹង​មិន​ធ្វើការ​ទាក់ទង​ទៅ​លោក​អ្នក​ ឬ​ចាត់​ឲ្យ​អ្នក​ណា​ម្នាក់​ ធ្វើការ​ទាក់ទង​ទៅ​លោក​អ្នក​ ដើម្បី​ស្នើ​សុំ​ព័ត៌មាន​ទាំងនេះ​ឡើយ​។​ សកម្មភាព​បែប​នេះ​ ត្រូវ​បាន​ប្រើប្រាស់​ជា​ញឹកញាប់​ដោយ​ក្រុម​ជនខិលខូច​ ក្នុង​ការ​បោកប្រាស់​ជន​រង​គ្រោះ​ តាម​រយៈ​អ៊ីមែល​,​ តាម​សារ​ SMS​ ឬ​តេ​ទូរស័ព្ទ​ ដើម្បី​ឲ្យ​ជន​រង​គ្រោះ​ផ្ដល់​ព័ត៌មាន​សំខាន់ៗ​ដល់​ពួក​គេ​ដូច​ជា​ លេខ​គណនី​,​ លេខ​ PIN,​ លេខ​សម្ងាត់​ និង​ព័ត៌មាន​បើក​ចូល​ដែល​អាច​ប្រើប្រាស់​ដើម្បី​លួច​ប្រាក់​ ឬ​ប្រយោជន៍​ផ្សេងៗ​បាន​។​

ដើម្បី​ចៀស​ឲ្យ​ផុត​ពី​អំពើ​បោកប្រាស់​បែប​នេះ​ អ្នក​ត្រូវ​ប្រាកដ​ថា​អ្នក​៖

  • ​មិន​ចែកចាយ​,​ បញ្ចេញ​,​ ឬ​ប្រគល់​ព័ត៌មាន​នានា​ដែល​ប្រើប្រាស់​ដើម្បី​ចុះ​ឈ្មោះ​ជាមួយ​ធនាគារ​ABA​ ជូន​ដល់​អ្នក​ដទៃ​ឡើយ​។
  • ​​មិន​ថត​លេខ​ PIN​ ឬ​លេខ​សម្ងាត់​លើ​ទូរស័ព្ទ​ ឬ​ក្រដាស​​។
  • មិន​ថតរូប​កាត​ ហើយ​ចែកចាយ​ឲ្យ​អ្នក​ដទៃ​បានឃើញ។
  • ​​មិន​ប្រើ​លេខ​សម្ងាត់​ដែល​គេ​ងាយស្រួល​ទាយ​ដឹង​ឡើយ​។
  • ​​ត្រូវ​ទាក់ទង​មក​យើងខ្ញុំ​ជា​បន្ទាន់​ តាម​ 023​ 225​ 333​ /​ 098​ 203​ 203,​ តាម​ឆាត​ លើ​វិ​ប​សាយ​ ឬ​តាម​ info(at)ababank.com,​ ឬ​ទាក់ទង​មក​សាខា​ ABA​ ណាមួយ​ដែល​នៅ​ជិត​អ្នក​ ពេល​អ្នក​បាត់​កាត​ ឬ​បាត់​ទូរស័ព្ទ​ ឬ​ អ្នក​គិត​ថា​ អ្នក​ត្រូវ​បាន​គេ​បោកប្រាស់​។​​

ប្រសិនបើ​មាន​គេ​តេ​ ឬ​ផ្ញើ​សារ​ ដោយ​ប្រាប់​ថា​គេ​មក​ពី​ធនាគារ​ ABA​ ហើយ​ស្នើ​សុំ​ព័ត៌មាន​ខាងលើ​នេះ​ សូមអ្នក​រាយការណ៍​ជា​បន្ទាន់​មក​ info(at)ababank.com។​

ដោយ​ក្ដី​គោរព​
ពី​​ធនាគារ​ ABA