​ការពារ​ខ្លួន​អ្នក​ពី​ជន​ឆបោក​

14/Oct/2022

scam alert news detail kh v11scam alert news detail kh v11
ABA scam alert news dt khABA scam alert news dt kh
ABA scam alert news dt1 khABA scam alert news dt1 kh

​អតិថិជន​ ABA​ ជាទី​គោរព​ ​

យើងខ្ញុំ​សូម​រំលឹក​លោក​អ្នក​ឲ្យ​មានការ​ប្រុង​ប្រយ័ត្ន​បន្ថែម​ចំពោះ​ផេ​ក​ ឬ​ផុស​ Facebook​ ដែល​កំពុង​បន្លំ​ធ្វើ​ជា​ផេ​ក​ Facebook​ ផ្លូវការ​របស់​ធនាគារ​ ABA​។

​នៅ​លើ​បណ្ដាញ​សង្គម​ Facebook​ ធនាគារ​ ABA​ មាន​ផេ​ក​ផ្លូវការ​តែ​មួយ​គត់​ ដែល​លោក​អ្នក​អាច​ជឿ​ទុកចិត្ត​បាន​ សម្រាប់​រាល់​ការ​ផ្សព្វផ្សាយ​ ព័ត៌មាន​ផ្សេងៗ​ និង​ដំណឹង​ថ្មីៗ​។​ សូម​រក​មើល​សញ្ញា​ធី​ក​ពណ៌​ខៀវ​នៅ​ជាប់​ឈ្មោះ​ធនាគារ​ ដើម្បី​បញ្ជាក់​ថា​នោះ​ជា​ ផេ​ក​ពិតប្រាកដ​របស់​ ABA! ​

ការ​ផុស​ព័ត៌មាន​ចេញពី​ផេ​ក​ Facebook​ ក្លែងក្លាយ​ទាំងនេះ​ អាច​មាន​លីង​ភ្ជាប់​ទៅ​កាន់​ប្រភព​ខាងក្រៅ​ ដែល​មើលទៅ​អាច​ស្រ​ដៀង​គ្នា​នឹង​ប្រភព​ផ្លូវការ​របស់​ធនាគារ​ ABA​ ប៉ុន្ដែ​មាន​ខុស​អក្ខរាវិរុទ្ធ​ ឬ​បាត់​តួអក្សរ​ណាមួយ​ដោយ​ ចេតនា​។​ ​

ល្បិច​ក្លែងបន្លំ​ ដែល​ជន​ឆបោក​ប្រើប្រាស់​ជា​ញឹកញាប់​គឺ​ការ​ផ្សព្វផ្សាយ​អំពី​ប្រូ​ម៉ូ​សិន​ចែក​លុយ​សុទ្ធ​ ដែល​តម្រូវ​ឲ្យ​អ្នក​ផ្ដល់​ព័ត៌មាន​ចូល​ប្រើ​គណនី​ធនាគារ​ទៅ​ពួក​គេ​ ដោយ​អ្នក​ត្រូវ​ផ្ដល់​ព័ត៌មាន​សុវត្ថិភាព​ចូល​ប្រើ​គណនី​របស់​អ្នក​ ដើម្បី​ឲ្យ​ពួក​គេ​ទទួល​បាន​សិទ្ធិ​ចូល​ប្រើ​គណនី​អ្នក​វិញ​។

​សូម​ចង​ចាំ​ថា​ ការ​ផុស​ដែល​មាន​ចរិតលក្ខណៈ​បែប​នេះ​ គឺជា​ការ​បោកប្រាស់​!!​ ធនាគារ​ ABA​ នឹង​មិន​ស្នើ​សុំ​បញ្ជាក់​លេខ​កាត​ធនាគារ​,​ លេខ​សម្ងាត់​ធនាគារ​អន​ឡាញ​ លេខ​សម្ងាត់​បើក​ចូល​តាម​កម្មវិធី​ ABA​ Mobile​ ឬ​ព័ត៌មាន​សម្ងាត់​ផ្សេង​ទៀត​ឡើយ​។​ ​

សូម​អាន​គន្លឹះ​សំខាន់ៗ​ខាងក្រោម​ ដើម្បី​រក្សា​សុវត្ថិភាព​ពេល​ប្រើប្រាស់​សេវា​ធនាគារ​តាម​អន​ឡាញ

  • ​កុំ​ប្រាប់​ ឬ​ផ្ដល់​លេខ​កូដ​សុវត្ថិភាព​ដែល​ទទួល​បាន​ពី​ធនាគារ​ ABA​ តាម​រយៈ​សារ​ SMS​ ឬ​សារ​ជូនដំណឹង​ទៅ​ឲ្យ​បុគ្គល​ណា​ម្នាក់​ឲ្យ​សោះ​ ទោះបី​បុគ្គល​នោះ​អះអាង​ថា​ខ្លួន​គេ​ជា​បុគ្គលិក​ធនាគារ​ ABA​ ក៏​ដោយ​
  • កុំ​បង្ហាញ​ ឬ​ផ្តល់​ព័ត៌មាន​ចាំបាច់​សម្រាប់​ការ​ចុះ​ឈ្មោះ​ជាមួយ​ធនាគារ​ ABA​ ទៅ​ឲ្យ​បុគ្គល​ណា​ម្នាក់​ឲ្យ​ សោះ​
  • កុំ​បង្ហាញ​លេខ​ទូរស័ព្ទ​ដែល​ប្រើ​ភ្ជាប់​ជាមួយ​ ABA​ Mobile​ ជា​សាធារណៈ​
  • ឧស្សាហ៍​ដូរ​លេខ​សម្ងាត់​ (PIN)​ កម្មវិធី​ ABA​ Mobile​ និង​លេខ​កូដ​កាត​របស់​អ្នក​ឲ្យ​បាន​ទៀងទាត់​ ​

ប្រសិនបើ​លោក​អ្នកមាន​ច​ម្ង​ល់​ ឬ​សង្ស័យ​ សូម​ទាក់ទង​ 1800​ 203​ 203​ (​ឥត​គិតថ្លៃ​សម្រាប់​ការ​ហៅ​ក្នុង​ប្រទេស​កម្ពុជា​)​ឬ​ +855​ 98​ 203​ 333​ (​សម្រាប់​ការ​ហៅ​ក្រៅប្រទេស​កម្ពុជា​)​។​ ​

ប្រសិនបើ​លោក​អ្នក​បានឃើញ​ការ​បង្ហោះ​ព័ត៌មាន​គួរ​ឲ្យ​សង្ស័យ​ដែល​ក្លែង​ធ្វើ​ជា​កម្មសិទ្ធិ​របស់​ធនាគារ​ ABA​ ហើយ​អ្នក​មិន​ច្បាស់​ថា​ពិតជា​មក​ពី​ធនាគារ​ ABA​ ឬ​មិនមែន​ សូម​រាយការណ៍​មក​យើងខ្ញុំ​តាម​អ៉ី​មែ​ល​ info@remove-this.ababank.com​។​ ​

ចែករំលែក​ព័ត៌មាន​នេះ​ដល់​ក្រុម​គ្រួសារ​ និង​មិត្តភក្តិ​ដើម្បី​ជួយ​ការពារ​ពួក​គេ​ពី​ការ​ឆបោក​!