សាខាខេត្តព្រះសីហនុបើកប្រតិបត្តិការ 12 ម៉ោងរៀងរាល់ថ្ងៃ
31/Dec/2018
ធនាគារ ABA ថ្ងៃនេះសូមប្រកាសបន្ថែមម៉ោងធ្វើការនៅសាខាមួយទៀតរបស់ខ្លួន គឺសាខាខេត្តព្រះសីហនុ ចាប់ពីថ្ងៃអង្គារ ទី 1 មករា 2019 នេះទៅ។ ការធ្វើឲ្យសេវាកម្មកាន់តែប្រសើរឡើងនេះ គឺដើម្បីនាំភាពងាយស្រួល និងភាពបទបែនឲ្យកាន់តែប្រសើរដល់អតិថិជនរបស់យើងនៅក្នុងខេត្តព្រះសីហនុ បន្ទាប់ពីសង្គេតឃើញពីការកើនឡើងយ៉ាងឆាប់រហ័សនៃការអភិវឌ្ឍ និងផ្នែកអាជីវកម្ម និងប្រតិបត្តិការនៅក្នុងខេត្ត។
លោក ម៉ី ប៉ូលីន នាយកផ្នែកអភិវឌ្ឍអាជីវកម្មរបស់ធនាគារ ABA បានមានប្រសាសន៍ថា “ព្រះសីហនុបានក្លាយជាខេត្តមួយក្នុងចំនោមខេត្តដែលមានកំណើនយ៉ាងឆាប់រហ័សបំផុតនាពេលថ្មីៗនេះ។ តម្រូវការផ្នែកសេវាធនាគារក៏មានការកើនឡើងយ៉ាងឆាប់រហ័ស ស្របជាមួយនឹងការការកើនឡើងនៃសកម្មភាពអភិវឌ្ឍនានាផងដែរ។ ហេតុដូច្នេះហើយ វាសំខាន់ណាស់សម្រាប់យើងក្នុងការធ្វើឲ្យប្រតិបត្តិការរបស់យើងកាន់តែប្រសើរឡើង ដើម្បីឆ្លើយតបទៅនឹងកំណើននៃតម្រូវការ ហើយក្នុងពេលជាមួយគ្នានេះដែរ រក្សាឲ្យបាននូវកម្រិតគុណភាពសេវាធនាគាររបស់យើងដើម្បីផ្តល់ជូនដល់អតិថិជន។”
ចាប់ពីពេលនេះទៅ ប្រជាជនរស់នៅក្នុងក្រុងព្រះសីហនុអាចរីករាយជាមួយនឹងសេវារបស់ធនាគារ ABA នៅសាខានេះ ចាប់ពីម៉ោង 8 ព្រឹក ដល់ម៉ោង 8 យប់, ចន្ទ ដល់ អាទិត្យ, និងអាចចូលប្រើប្រាស់គណនីរបស់ពួកគេ 24/7 តាមរយៈម៉ាស៊ីន ATM និង ម៉ាស៊ីនដាក់ប្រាក់ផងដែរ។ អាសយដ្ខានសាខានៅផ្ទះលេខ 131, ផ្លូវឯករាជ្យ, ភូមិ 01, សង្កាត់លេខ 02, ក្រុងព្រះសីហនុ, ខេត្តព្រះសីហនុ និងអាចទំនាក់ទំនងបានតាមរយៈ 098 203 899។
