ផ្ទេរ​លុយ​ទៅ​កាន់​គណនី​ធនាគារ​ក្នុង​ 121​ ប្រទេស​ តាម​រយៈ​ Ria​ Money​ Transfer!

09/Dec/2019

​អតិថិជន​ជាទី​គោរព​!

​យើង​បាន​នាំ​យក​នូវ​ភាព​ងាយស្រួល​បន្ថែម​ ជូន​ដល់​លោក​អ្នក​ សម្រាប់​ការ​ផ្ញើ​ប្រាក់​តាម​រយៈ​ Ria!​ ចាប់ពី​ពេល​នេះ​តទៅ​ លោក​អ្នក​អាច​ធ្វើការ​ផ្ញើ​ប្រាក់​ទៅ​កាន់​គណនី​ធនាគារ​របស់​អ្នក​ទទួល​ដោយ​ផ្ទាល់​ តាម​រយៈ​ Ria​ Money​ Transfer​ នៅ​ក្នុង​ 121​ ប្រទេស​ ដែល​រួម​មាន​ សហរដ្ឋអាមេរិក​ អង់គ្លេស​ ចិន​ កូរ៉េ​ខាងត្បូង​ បារាំង​ ថៃ​ ម៉ា​ឡេ​ស៊ី​ និង​ប្រទេស​ដ៏​ទៃ​ផ្សេងៗ​ទៀត​។​

នេះ​គឺជា​មុខងារ​បន្ថែម​ ទៅ​លើ​សេវា​ផ្ញើ​ដក​ជា​សាច់ប្រាក់​របស់​ Ria​ ដែល​មាន​បណ្តាញ​សាខា​ទូលំទូលាយ​ជាង​ 389,000​ កន្លែង​នៅ​ទូ​ទាំង​ពិភពលោក​។​

ដំណើរការ​នៃ​ការ​ផ្ទេរ​ប្រាក់​ចូល​ទៅ​ក្នុង​គណនី​ធនាគារ​របស់​អ្នក​ទទួល​ មាន​ភាព​សាមញ្ញ​ដូច​ខាងក្រោម​៖

1. សូម​ទៅ​កាន់​សាខា​ធនាគារ​ ABA​ ដែល​ជិត​បំផុត​នៅ​ក្នុង​តំបន់​របស់​លោក​អ្នក​ និង​យក​លិខិតឆ្លងដែន​ (​សម្រាប់​ជនបរទេស​)​ ឬ​អត្តសញ្ញាណប័ណ្ណ​ (​សម្រាប់​ជនជាតិ​ខ្មែរ​)​ ប្រសិនបើ​អ្នក​មិន​មាន​គណនី​ធនាគារ​ ABA​ ទេ​នោះ​។​

2. បំពេញបែបបទ​ផ្ទេរ​ប្រាក់​ Ria​ ជាមួយនឹង​ព័ត៌មាន​បន្ថែម​ដូច​ខាងក្រោម​

  • ​ឈ្មោះ​គណនី​អ្នក​ទទួល​
  • លេខ​គណនី​អ្នក​ទទួល​ ឬ​ IBAN
  • ​ឈ្មោះ​ធនាគារ​អ្នក​ទទួល​ និង​ព័ត៌មាន​ពាក់ព័ន្ធ​ដទៃៗ​ទៀត​ដែល​ចាំបាច់​

3. ប្រគល់​បែបបទ​ផ្ទេរ​ជូន​បេឡាករ​របស់​យើង​ ជាមួយនឹង​ទឹកប្រាក់​ដែល​អ្នក​ចង់​ផ្ញើ​ រួម​ទាំង​ថ្លៃ​សេវា​ផ្ទេរ​ ជា​ការ​ស្រេច​។​

ក្នុង​ករណី​មាន​ច​ម្ង​ល់​ ឬ​សំណួរ​ទាក់ទង​នឹង​ដំណើរការ​ផ្ទេរ​ប្រាក់​នេះ​ បេឡាករ​របស់​យើង​រង​ចាំ​ផ្តល់​ជូន​ដល់​លោក​អ្នក​ដោយ​ក្តី​រីករាយ​។​

​ការ​ផ្ញើ​ប្រាក់​តាម​ Ria​ លឿន​ ងាយស្រួល​ និង​មិន​គិតថ្លៃ​សេវា​ពី​អ្នក​ទទួល​ឡើយ​។​ ដើម្បី​ស្វែង​យល់​បន្ថែម​ពី​សេវា​ផ្ទេរ​ប្រាក់​នេះ​ សូម​ចូល​ទៅ​កាន់​ទំព័រ​ ​ផ្ទេរ​តាម​ Ria ​។​