PayWay ជួយដល់ក្រសួងពាក់ព័ន្ធ ក្នុងការទូទាត់បែបឌីជីថល
03/Sep/2021
ធនាគារ ABA ជាគ្រឹះស្ថានហិរញ្ញវត្ថុនាំមុខផ្នែកហិរញ្ញវត្ថុឌីជីថល មានសេចក្តីរីករាយក្នុងការប្រកាសថា PayWay ដែលជាប្រព័ន្ធទូទាត់អនឡានដែលទទួលបានពានរង្វាន់របស់ខ្លួន ក្នុងការជួយសម្រួលដល់ក្រសួងចំនួន 4 បន្ថែមទៀតលើការសម្រួលដល់ការប្រមូលការទូទាត់នៅលើថ្នាលបច្ចេកវិទ្យាព័ត៌មាន Single Portal។ បង្កើតឡើងដោយសហការជាមួយក្រសួង និងទីភ្នាក់ងាររដ្ឋាភិបាលផ្សេងៗ Single Portal គឺជាដំណោះស្រាយតែមួយសម្រាប់ការចុះឈ្មោះអាជីវកម្ម ថ្លៃសេវាកម្ម និងការទូទាត់ផ្សេងៗពីធុរជនតាមអនឡាញ។
ការចាប់ផ្តើមដំណើរការជាផ្លូវការនូវប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន (OBR) ដំណាក់កាលទី 2 នៅថ្ងៃទី 1 ខែកញ្ញាឆ្នាំ 2021 ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាពចារ្យ អូន ព័ន្ធមុនីរ័ត្ន ឧបនាយករដ្ឋមន្រីរដ្ឋមន្ត្រីក្រួសួងសេដ្ឋកិច្ច និងហិរញ្ញវត្ថុ បានដាក់បញ្ចូលស្ថាប័នរដ្ឋាភិបាលថ្មីចំនួន 4៖
- ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI)
- ក្រសួងទេសចរណ៍ (MOT)
- ក្រសួងប្រៃសណីយ៍ និងទូរគមនាគមន៍ (MPTC) និង
- អាជ្ញាធរសេវាហិរញ្ញវត្ថុមិនមែនធនាគារ (RPR of NBFSA)។
ជាមួយការរួមបញ្ចូលគ្នាចុងក្រោយនេះ ស្ថាប័នទាំងនេះនឹងទទួលយកការស្នើសុំចុះបញ្ជីពីធុរជនក្នុងការ ការដាក់ពាក្យស្នើសុំ និងការទូទាត់តាមអនឡាញសម្រាប់អាជ្ញាប័ណ្ណឌីជីថល វិញ្ញាបនបត្រ និងលិខិតអនុញ្ញាតពីចម្ងាយ។ ម្ចាស់អាជីវកម្មអាចទូទាត់ជាមួយ ABA PAY ដែលជាដំណោះស្រាយទូទាត់ដោយមិនប្រើសាច់ប្រាក់ នៅក្នុងកម្មវិធី ABA Mobile ឬតាម កាត Visa , Mastercard ឬ កាត UPI របស់ពួកគេ។
ដូចគ្នាទៅនឹងការចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន (OBR) ដំណាក់កាលទី 1 ការស្នើសុំអាជ្ញាប័ណ្ណ និងប្រកាសបង្កើតតាមជំនាញ ធ្វើឲ្យមានសុវត្ថិភាព គ្រប់ពេលវេលាតាមគេហទំព័រ www.registrationservices.gov.kh។ សូមចុច ទីនេះ សម្រាប់ព័ត៌មានបន្ថែម អំពីរបៀបចុះឈ្មោះប្រើប្រាស់សេវាកម្មនិង ថ្លៃសេវារបស់ក្រសួងនីមួយៗ។
សម្រាប់ព័ត៌មានបន្ថែម អំពី ការទូទាត់អនឡាញតាម PayWay សូមចូលទៅកាន់ទំព័រ PayWay របស់យើង។