បើកគណនី ABA ថ្មីរបស់អ្នក ជាមួយលេខពិសេស!
07/Sep/2020
ធនាគារ ABA ឥឡូវនេះអនុញ្ញាតឲ្យអតិថិជនបើកគណនីថ្មី ដែលមានលេខពិសេសហើយ! អ្នកអាចបើកគណនីធនាគារដែលមានលេខដូចគ្នានឹងលេខទូរស័ព្ទ ស្លាកលេខរថយន្ត ឬលេខនាំសំណាងរបស់អ្នក។
ប្រសិនបើអ្នកមានបំណងទិញលេខគណនីសន្សំ ឬគណនីចរន្តថ្មីដែលពិសេសសម្រាប់អ្នក សូមចូលទៅកាន់ទំព័រវិបសាយ គណនីលេខពិសេស ហើយស្វែងរកថាតើលេខនោះនៅមានឬអត់។ នៅពេលរកឃើញលេខដែលអ្នកពេញចិត្តហើយ សូមរួសរាន់អញ្ជើញទៅកាន់សាខាធនាគារ ABA ដែលនៅជិតអ្នកបំផុត ដើម្បីបើកគណនីជាមួយលេខនោះ!
អ្នកក៏អាចស្វែងរកលេខគណនីផ្ទាល់ខ្លួន ហើយទិញលេខនោះគ្រាន់តែចុចពីបីប៉ក់នៅក្មុង ABA Mobile! គ្រាន់តែបើកម្មវិធី ចុចលើប៊ូតុង គណនីថ្មី ហើយជ្រើសរើស “គណនីលេខពិសេស” ពីបញ្ជីគណនីដែលមាន នោះលោកអ្នកអាចបើកគណនីលេខពិសេសបានភ្លាមៗដោយមិនចាំបាច់អញ្ជើញទៅសាខាឡើយ។
តារាងតម្លៃសម្រាប់គណនី ABA លេខពិសេស ចាប់ពី $20 ដល់ $10,000 ដូច្នេះអតិថិជនអាចស្វែងរកលេខពិសេសដែលបង្ហាញពីភាពលេចធ្លោរបស់ពួកគេ។
សូមចងចាំថា លេខគណនីទាំងនេះមានផ្អែកតាមគោលការណ៍ “ទិញមុន បានមុន” ហើយរាល់ការសម្រេចចិត្តទាំងអស់ជាឆន្ទានុសិទ្ធិរបស់ធនាគារ ដោយមិនបាច់ជូនដំណឹងជាមុនដល់អតិថិជនឡើយ។
បន្ថែមភាពលេចធ្លោជាមួយគណនី ABA លេខពិសេសរបស់អ្នក!
